Төгс эзэмших сургаалын давтлага 15

Төгс эзэмших сургаалын судрын хэсгийг амьдралд хэрэгжүүлэх

Various youth gather together. They appear to be in church in a Sunday School class. They have scriptures and smile. This is in Samoa.

Төгс эзэмших сургаалын нэг зорилго бол Есүс Христийн сайн мэдээг бусдад заахдаа төгс эзэмших сургаалын судрын хэсгүүдийг зохих ёсоор ашиглаж сурахад тань туслах явдал юм. Энэхүү хичээл нь төгс эзэмших сургаалын судрын зарим хэсгийг янз бүрийн сургалтын нөхцөл байдалд ашиглах дадлага хийх боломжийг танд олгоно.  

Боломжит суралцах үйл ажиллагаа

Суралцагчийн бэлтгэл: Суралцагчдыг асуултад хариулахдаа эсвэл Есүс Христийн сайн мэдээг бусдад заахдаа судруудыг ашиглаж байсан туршлагуудаа бодоход урь. Тэднийг хичээлдээ уг нөхцөл байдлынхаа талаар болон ашигласан судраа хуваалцахад бэлдэж ирэхэд урь.

Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгийн талаарх хичээл бүрийг семинарын үеэр заахын тулд орон нутгийн эсвэл бүсийн захирал болон зохицуулагчийн өгсөн цагийн хуваарийг үзнэ үү.

Жишиг бүтээлүүдэд судар ашиглан бусдад заасан хүмүүсийн олон түүх байдаг. Зарим жишээнд Есүс Христ Еммау орох замд хоёр шавьдаа заасан ( Лук 24:27), Нифай гуулин ялтаснуудыг авахад ах нараа уриалсан ( 1 Нифай 4:2) мөн Моронай залуухан Иосеф Смитэд зааварласан ( Иосеф Смит—Түүх 1:36–41) зэрэг багтана.

Суралцагчийн бэлтгэл үйл ажиллагааг хийж гүйцэтгэсэн суралцагчдыг дараах асуултуудад хариулахдаа туршлагаа хуваалцахад урь.

• Та эсвэл таны таньдаг хүн хэзээ бусдад заахдаа судруудыг ашигласан бэ?

• Бусдад заахдаа өөрсдийн тайлбараас гадна судруудыг ашиглах нь яагаад чухал гэж та бодож байна вэ?

Төгс эзэмших сургаалын судрын эшлэл, түлхүүр үг хэллэгүүдийн дараах жагсаалттай танилц. Та бусдад заахын тулд эдгээр судрын хэсгийг ашиглаж болох янз бүрийн нөхцөл байдлын талаар тунгаан бод.

Шинэ Гэрээний төгс эзэмших сургаал: 1 Коринт–Илчлэл

Суралцагчдад суралцах явцдаа ашиглахад нь зориулж дараах хүснэгтийг үзүүл эсвэл тарааж өг. Суралцагчид өмнөх хичээл дээр энэ хүснэгтийн хуулбарыг авсан байж болох юм.

1 Коринт 6:19–20	“Та нарын бие бол Ариун Сүнсний сүм.”
1 Коринт 11:11	“Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.”
1 Коринт 15:20–22	“Адам дотор бүгд үхдэгчлэн, Христ дотор бүгд амьд болгогдоно.”
1 Коринт 15:40–42	Амилалтад алдар суугийн гурван зэрэг бий.
Ефес 1:10	“Цагийн дүүрлийг гүйцэлдүүлэхийн тулд … бүх юмсыг Христ дотор нэгтгэх зорилго байжээ.”
Ефес 2:19–20	Сүм “элч нар болон эш үзүүлэгчдийн суурин дээр босгогдож байгаа бөгөөд Христ Есүс Өөрөө булангийн чулуу нь ажээ.”
2 Тесалоник 2:1–3	“Эхлээд урвалт гарахаас нааш Христийн өдөр ирэхгүй.”
2 Тимот 3:15–17	“Ариун судрууд мэргэн ухааныг чамд өгөх чадалтай.”
Еврей 12:9	Тэнгэрлэг Эцэг бол “сүнсний Эцэг” болой.
Иаков 1:5–6	“Харин та нарын хэн нэг нь мэргэн ухаанаар дутвал, Бурханаас гуйг.”
Иaков 2:17–18	“Итгэл нь хэрэв үйлсгүй бол өөрөө үхмэл юм.”
1 Петр 4:6	“Сайн мэдээ нь үхэгсдэд ч хүртэл тунхаглагдсан.”
Илчлэл 20:12	“Үхэгсэд үйлсийнхээ дагуу … шүүгдэв.”

Дараах нөхцөл байдал бүрийг цаасан дээр бичиж хэвлээд, тэдгээрийг ангийн эргэн тойронд байрлуулахыг бодож үз. (Мөн суралцагчдыг санал болгосон эдгээр нөхцөл байдал дээр ажиллахын оронд өөрсдийн бодит амьдралын нөхцөл байдлыг цаасан дээр бичихэд урьж болно.)

ОршуулгаНомлолӨсвөр үеийнхний онцгой цугларалтНайз

Ангийнхныг дөрвөн бүлэгт хуваан, бүлэг бүрд дээр жагсаасан нөхцөл байдлаас нэгийг оноож өг. Бүлэг бүрд зориулан доор жагсаасан зохих асуултуудыг өгөөд, тэднийг ярилцахад урь.

Бүлэг бүрд нөхцөл байдал бүрийг ээлжлэн ярилцах боломж олго. Өөр өөр жишээн дээр судрын нэг эшлэлийг ашиглаж болно гэдгийг суралцагчдад хэл.

Оршуулга

Танаас хайртай хүнийхээ оршуулгын ёслол дээр үг хэлэхийг хүссэн гэж төсөөл.

• Та төгс эзэмших сургаалын судрын ямар гурван хэсгийг хуваалцаж болох вэ?

• Та эдгээр хэсэг хэрхэн тус болно гэж бодож байна вэ?

Энэ жишээнд зориулж нэг судар сонгоод, тухайн хэсгийг бүхэлд нь унш.

• Судрын түлхүүр үг хэллэгээс гадна та өөр юу сурч мэдсэн бэ?

Номлол

Бидэнд яагаад сэргээгдсэн сүм хэрэгтэй юм бол гэж боддог хүнд та номлолын хамтрагчтайгаа хамт зааж байна гэж төсөөл.

• Та төгс эзэмших сургаалын судрын ямар гурван хэсгийг хуваалцаж болох вэ?

• Та эдгээр хэсэг хэрхэн тус болно гэж бодож байна вэ?

Энэ жишээнд зориулж нэг судар сонгоод, тухайн хэсгийг бүхэлд нь унш.

• Судрын түлхүүр үг хэллэгээс гадна та өөр юу сурч мэдсэн бэ?

Өсвөр үеийнхний онцгой цугларалт

Та гадас эсвэл дүүрэгт тань удахгүй болох гэж байгаа өсвөр үеийнхний онцгой цугларалтад зориулсан сэдвийг сонгох үүрэгтэй өсвөр үеийнхнийг хариуцсан хорооны гишүүн болжээ гэж төсөөл.

• Та төгс эзэмших сургаалын судрын ямар гурван хэсгийг хуваалцаж болох вэ?

• Та эдгээр хэсэг хэрхэн тус болно гэж бодож байна вэ?

Энэ жишээнд зориулан нэг судар сонгоод, тухайн хэсгийг бүхэлд нь унш.

• Судрын түлхүүр үг хэллэгээс гадна та өөр юу сурч мэдсэн бэ?

Найз

Танд Тэнгэрлэг Эцэг, Есүс Христ хоёрт ойртож чадахгүй байгаа нэг найз байдаг гэж төсөөл. Найз тань танаас зөвлөгөө авахыг хүсжээ.

• Та төгс эзэмших сургаалын судрын ямар гурван хэсгийг хуваалцаж болох вэ?

• Та эдгээр хэсэг хэрхэн тус болно гэж бодож байна вэ?

Энэ жишээнд зориулан нэг судар сонгоод, тухайн хэсгийг бүхэлд нь унш.

• Судрын түлхүүр үг хэллэгээс гадна та өөр юу сурч мэдсэн бэ?

Бүлгүүдийг энэ үйл ажиллагааг гүйцэтгэж дуусгахад, дараахтай адил асуултуудыг ангийнхандаа тавих талаар бодож үз.

• Энэ үйл ажиллагаа нь бусдад заахдаа судруудыг ашиглах хэрэгцээний талаар илүү сайн ойлгоход танд хэрхэн тусалсан бэ?

• Та энэ үйл ажиллагааны ачаар ямар төгс эзэмших сургаалын судрын хэсгийг илүү сайн ойлгож мэдсэн бэ?

• Та энэ үйл ажиллагаанаас Есүс Христийн талаар юу мэдэж авсан бэ?

Суралцагчдыг Есүс Христийн сайн мэдээг бусдад заахдаа төгс эзэмших сургаалын судрын хэсгийг ашиглах боломжийг үргэлжлүүлэн хайхад урь.