Fakamanatu ʻo e Fakataukei Fakatokāteliné 15
Fakaʻaongaʻi ‘o e Ngaahi Potufolofola Fakataukei Fakatokāteliné
Ko e taha ʻo e ngaahi taumuʻa ʻo e fakataukei fakatokāteliné ke tokoniʻi koe ke ke ako e founga ke fakaʻaongaʻi totonu ai e ngaahi potufolofola fakataukei fakatokāteliné ʻi hoʻo akoʻi e ongoongolelei ʻo Sīsū Kalaisí ki he niʻihi kehé. ʻE ʻoatu ʻe he lēsoni ko ʻení ha ngaahi faingamālie ke ke akoako fakaʻaongaʻi ai ha niʻihi ʻo e ngaahi potufolofola fakataukei fakatokāteliné ki ha ngaahi tuʻunga fakafaiako kehekehe.
Ngaahi ʻEkitivitī Ako ʻOku Ala Fakahokó
Teuteu ʻa e tokotaha akó: Fakaafeʻi e kau akó ke nau fakakaukau ki ha ngaahi aʻusia kuo nau maʻu ʻi hono fakaʻaongaʻi ʻo e folofolá ke tali ha ngaahi fehuʻi pe akoʻi e ongoongolelei ʻo Sīsū Kalaisí ki he niʻihi kehé. Poupouʻi kinautolu ke nau haʻu mateuteu ki he kalasí ke vahevahe ʻa e meʻa naʻe hokó mo e ngaahi potufolofola naʻa nau faʻa akoʻí.
ʻE ala fiemaʻu ke akoʻi ha lēsoni fakataukei fakatokāteline ke fetongi ʻaki ʻa e lēsoni fakamanatu ko ʻení. Vakai ki he taimi-tēpile ki he vave hono akoʻí ʻa ia ʻoku ʻomi ʻe he talēkita fakaʻēliá pe vahefonuá pe kouʻotineitá ke fakapapauʻi ʻe akoʻi e lēsoni fakataukei fakatokāteline takitaha lolotonga e fakataha ʻa e seminelí.
ʻOku ʻi he ngaahi folofola ʻoku fakaʻaongaʻi ʻe he Siasí ha ngaahi talanoa lahi ʻo ha kakai ʻoku nau fakaʻaongaʻi e folofolá ke akoʻi ki he niʻihi kehé. ʻOku kau ʻi he ngaahi sīpinga ʻe niʻihi ʻa hono akoʻi ʻe Sīsū Kalaisi ha toko ua ʻo ʻEne kau ākongá ʻi he hala ki ʻEmeasí ( Luke 24:27), ko hono fakalotolahiʻi ʻe Nīfai hono ngaahi tokouá ke nau ʻomi ʻa e ʻū lauʻi peleti palasá (vakai, 1 Nīfai 4:2), pea mo hono fakahinohinoʻi ʻe Molonai e talavou ko Siosefa Sāmitá ( Siosefa Sāmita—Hisitōlia 1:36–41).
Fakaafeʻi e kau ako ne nau fakahoko e ʻekitivitī teuteu ʻa e tokotaha akó ke vahevahe ‘enau aʻusiá ʻi heʻenau tali e ngaahi fehuʻi ko ʻení.
-
Ko e fē ha taimi kuó ke fakaʻaongaʻi ai, pe ko ha taha ʻokú ke ʻilo, ʻa e ngaahi folofolá ke akoʻi e niʻihi kehé?
-
ʻOkú ke pehē ko e hā ʻoku mahuʻinga ai ke fakaʻaongaʻi ʻa e folofolá makehe mei heʻetau ngaahi fakamatalá ʻi heʻetau akoʻi e niʻihi kehé?
Toe vakaiʻi e lisi ko ʻeni ʻo e ngaahi fakamoʻoni fakafolofola ʻo e fakataukei fakatokāteliné mo e ngaahi kupuʻi lea mahuʻinga he folofolá. Fakalaulauloto ki ha ngaahi tūkunga kehekehe te ke ala fehangahangai mo ia ʻa ia te ke lava ʻo fakaʻaongaʻi ai ʻa e ngaahi potufolofola ko ʻení ke akoʻi ha taha.
Fakataukei Fakatokāteline ʻo e Fuakava Foʻoú: 1 Kolinitō–Fakahā
Fakaʻaliʻali pe tufaki e saati ko ʻení ke fakaʻaongaʻi ʻe he kau akó lolotonga e aʻusia fakaako ko ʻení. ʻE lava ke maʻu ʻe he kau akó ha tatau ʻo e meʻá ni mei ha lēsoni kimuʻa.
|
“Ko homou sinó ko e fale tapu ʻo e Laumālie Māʻoniʻoní.” | |
|
“ʻOku ʻikai ai ʻa e tangatá kae ʻi he fefiné, pea ʻoku ʻikai ai ʻa e fefiné kae ʻi he tangatá, ʻi he ʻEikí.” | |
|
“ʻOku hangē ʻoku mate kotoa pē ʻia ʻĀtamá, ʻe pehē foki ʻe moʻui kotoa pē ʻia Kalaisi.” | |
|
ʻI he Toetuʻú, ʻoku ʻi ai ʻa e ngaahi nāunau ʻe tolu. | |
|
“ʻI he kakato ʻo e ngaahi kuongá naʻá ne tuʻutuʻuni, ke ne fakakātoa fakataha ʻa e meʻa kotoa pē ʻia Kalaisi.” | |
|
ʻOku fokotuʻu ʻa e Siasí “ki he tuʻunga ʻa e kau ʻaposetolo mo e kau palōfita, ko hono fuʻu maka tulikí ʻa Sīsū Kalaisi pē.” | |
|
“ʻA e ʻaho ʻo Kalaisí … ʻe ʻikai hoko ʻa e ʻaho ko iá, ʻo kapau ʻe ʻikai tomuʻa hoko ʻa e liliu koví.” | |
|
“[Ko e] ngaahi tohi māʻoniʻoní … ʻoku faʻa fakapoto koe ki he fakamoʻuí.” | |
|
Ko e Tamai Hēvaní koe “Tamai ʻo e ngaahi laumālié.” | |
|
“Ka ai hamou taha ʻoku masiva ʻi he potó, ke kole ʻe ia ki he ʻOtuá.” | |
|
“Tuí, kapau ʻoku ʻikai ʻi ai ʻa e ngaahi ngāué, ʻoku mate ia.” | |
|
“Naʻe malanga ʻaki ai ʻa e ongoongoleleí kiate kinautolu foki kuo maté.” | |
|
“Pea naʻe fakamāuʻi ʻa e pekiá … ʻo fakatatau ki heʻenau ngaahi ngāué.” |
Fakakaukau ke faʻu ha hingoa ʻi ha laʻipepa ki he ngaahi tūkunga takitaha ko ʻení pea tuku takai kinautolu ʻi he loki akó. (ʻE lava foki ke fakaafeʻi e kau akó ke nau faʻu hanau ngaahi tūkunga moʻoni ʻo e moʻuí ke nau ngāue ki ai kae ʻikai ko e ngaahi tūkunga ʻoku fokotuʻu atu ko ʻení.)
Meʻafakaʻeiki
Misiona
Fakataha Lotu ʻa e Toʻu tupú
Kaumeʻá
Vahevahe e kalasí ki ha kulupu ʻe fā, pea vahe e kulupu takitaha ki he tūkunga takitaha ‘oku hā atu ‘i ‘olungá. ʻOange ʻa e ngaahi fehuʻi totonu ʻoku hiki atu ʻi laló ki he kulupu takitaha, pea fakaafeʻi kinautolu ke nau aleaʻi.
Tuku ke vilo ʻa e kulupu takitaha ʻi he ngaahi tūkunga takitaha. Talaange ki he kau akó te nau lava ʻo fakaʻaongaʻi ʻa e fakamoʻoni fakafolofola tatau ʻi he ngaahi tūkunga kehekehe.
Meʻafakaʻeiki
Fakakaukauloto naʻe kole atu ke ke lea ʻi he meʻafakaʻeiki ʻo ha taha ʻokú ke ʻofa ai.
-
Ko e hā ha potufolofola fakataukei fakatokāteline ʻe tolu te ke lava ʻo vahevahe?
-
ʻOkú ke pehē ʻe tokoni fēfē ʻa e ngaahi potufolofola ko ʻení?
Fili ha taha ʻo e ngaahi potufolofola naʻá ke fili ki he tūkunga ko ʻení, pea lau ʻa e potufolofolá kakato.
-
Makehe mei he kupuʻi folofola mahuʻingá, ko e hā mo ha toe meʻa naʻá ke ako?
Misiona
Fakakaukauloto ʻokú ke akoʻi mo ho hoa faifekaú ha taha ʻokú ne fifili pe ko e hā ʻoku tau fiemaʻu ai ha siasi kuo toe fakafoki maí.
-
Ko e hā ha potufolofola fakataukei fakatokāteline ʻe tolu te ke lava ʻo vahevahe?
-
ʻOkú ke pehē ʻe tokoni fēfē ʻa e ngaahi potufolofola ko ʻení?
Fili ha taha ʻo e ngaahi potufolofola naʻá ke fili ki he tūkunga ko ʻení, pea lau ʻa e potufolofolá kakato.
-
Makehe mei he kupuʻi folofola mahuʻingá, ko e hā mo ha toe meʻa naʻá ke ako?
Fakataha Lotu ʻa e Toʻu tupú
Fakakaukauloto ʻokú ke kau ʻi ha kōmiti toʻu tupu kuo vahe ke ke fili ha ngaahi tefito ki ha fakataha lotu ʻa e toʻu tupú ʻi homou siteikí pe vahefonuá.
-
Ko e hā ha potufolofola fakataukei fakatokāteline ʻe tolu te ke lava ʻo vahevahe?
-
ʻOkú ke pehē ʻe tokoni fēfē ʻa e ngaahi potufolofola ko ʻení?
Fili ha taha ʻo e ngaahi potufolofola naʻá ke fili ki he tūkunga ko ʻení, pea lau ʻa e potufolofolá kakato.
-
Makehe mei he kupuʻi folofola mahuʻingá, ko e hā mo ha toe meʻa naʻá ke ako?
Kaumeʻá
Fakakaukauloto ʻokú ke maʻu ha kaungāmeʻa ʻokú ne fāifeinga ke ongoʻi ofi ki he Tamai Hēvaní mo Sīsū Kalaisi. ʻOkú ne kole hoʻo faleʻí.
-
Ko e hā ha potufolofola fakataukei fakatokāteline ʻe tolu te ke lava ʻo vahevahe?
-
ʻOkú ke pehē ʻe tokoni fēfē ʻa e ngaahi potufolofola ko ʻení?
Fili ha taha ʻo e ngaahi potufolofola naʻá ke fili ki he tūkunga ko ʻení, pea lau ʻa e potufolofolá kakato.
-
Makehe mei he kupuʻi folofola mahuʻingá, ko e hā mo ha toe meʻa naʻá ke ako?
ʻI he fakaʻosi ʻe he ngaahi kulupú ʻa e ʻekitivitī ko ʻení, fakakaukau ke fai ange ki he kalasí ha ngaahi fehuʻi hangē ko ʻení:
-
Naʻe tokoni fēfē nai ʻa e ʻekitivitī ko ʻení ke mahino lelei ange kiate koe ʻa e fiemaʻu ke fakaʻaongaʻi e folofolá ʻi hoʻo akoʻi e niʻihi kehé?
-
Ko e hā ha potufolofola fakataukei fakatokāteline ʻe taha ʻokú ke houngaʻia ange ai koeʻuhí ko e ʻekitivitī ko ʻení?
-
Ko e hā naʻá ke ako mei he ‘ekitivitī ko ʻení ʻo kau kia Sīsū Kalaisí?
Poupouʻi e kau akó ke hokohoko atu ʻenau fekumi ki ha ngaahi faingamālie ke fakaʻaongaʻi ai e ngaahi potufolofola fakataukei fakatokāteliné ʻi heʻenau akoʻi e ongoongolelei ʻo Sīsū Kalaisí ki he niʻihi kehé.