Rebyo sa Doktrinal nga Kahanas 18
Gamita ang mga Tudling sa Doktrinal nga Kahanas
Ang usa sa mga katuyoan sa doktrinal nga kahanas mao ang pagtabang kaninyo nga makakat-on kon unsaon paggamit sa inyong tinuod nga mga sitwasyon sa kinabuhi sa doktrina nga gitudlo diha sa mga tudling sa doktrinal nga kahanas. Kini nga leksiyon makahatag ninyo og mga kahigayonan aron mabansay sa paggamit sa pipila ka mga tudling sa doktrinal nga kahanas sa Bag-ong Tugon diha sa inyong kinabuhi.
Pagpangandam sa estudyante: Dapita ang mga estudyante nga mohangyo og duha o tulo ka mga higala o mga sakop sa pamilya nga mopaambit kanila og usa ka tudling sa Bag-ong Tugon nga gusto nila nga tun-an sa matag kabatan-onan sa kalibotan ug maggamit sa ilang kinabuhi. Dapita ang mga estudyante sa pagsulat og mga pakisayran sa gipaambit sa ilang mga higala ug pamilya ug dayon mahimong andam nga mopaambit niadtong mga pakisayran sa klase.
Posible nga mga Kalihokan sa Pagkat-on
Mga tudling sa doktrinal nga kahanas
Ang tudling sa doktrinal nga kahanas nga leksiyon kinahanglang matudlo isip puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.
Usa ka alternatibo sa mosunod nga analohiya sa soccer mao ang pagbutang og 150 ka gagmayng piraso sa papel sa usa ka plato. Isulat ang “doktrinal nga kahanas” sa usa sa mga papel. Dapita ang pipila ka mga estudyante sa paghulbot og usa ka papel gikan sa plato ug tan-awa kon kini mao ba ang “doktrinal nga kahanas” nga papel.
https://pixabay.com/photos/soccer-goalie-goal-tender-game-1501546/https://pixabay.com/photos/soccer-football-soccer-player-1477569/
Hunahunaa nga ang 150 ka labing maayong mga atleta nagsulay aron mahimong goalkeeper sa usa ka elite nga grupo sa soccer. Mahunahuna ba ninyo unsa ka lisod alang sa mga tigbansay ang pagpili og usa lamang ka atleta?
-
Unsa nga mga kriterya sa inyong hunahuna nga gamiton sa mga tigbansay aron mahiktin ang maong pinili?
Ang Bag-ong Tugon naglangkob og duol sa 8,000 ka mga bersikulo. 53 lamang niini nga mga bersikulo (mga 1 sa matag 150 ka mga bersikulo) ang nalakip sulod sa 24 ka mga tudling sa doktrinal nga kahanas sa Bag-ong Tugon. Hunahunaa ang hagit sa pagpili unsa nga mga tudling gikan sa tibuok nga Bag-ong Tugon ang kinahanglang tun-an isip mga tudling sa doktrinal nga kahanas.
Dapita ang mga estudyante nga nakakompleto sa pagpangandam sa estudyante nga kalihokan aron mosulat sa pisara og mga pakisayran nga napili sa mga higala o mga sakop sa pamilya. Itudlo nga adunay daghang mga nagkadaiyang mga tudling nga nasulat sa pisara ug nga daghang lainlaing mga tudling ang bililhon nga tun-an ug magamit sa mga kabatan-onan. Dayon ipangutana ang mosunod nga pangutana.
-
Kon kamo hangyuon nga motabang pagpili sa mga tudling sa doktrinal nga kahanas, unsa nga kriterya ang inyong gamiton aron maila kon unsang mga tudling ang inyong pilion?
Pagpili og duha sa mosunod nga mga tudling sa doktrinal nga kahanas nga wala pa kaayo ninyo mapamilyar. Basaha ang tibuok tudling sa inyong kasulatan, ug ilha ang mga rason nganong sa inyong hunahuna kadtong mga tudling ang napili isip mga tudling sa doktrinal nga kahanas nga ipokus sa mga kabatan-onan sa tibuok kalibotan.
Doktrinal nga Kahanas sa Bag-ong Tugon: 1 Mga Taga-Corinto–Gipadayag
|
“Ang inyong lawas templo sa Espiritu Santo.” | |
|
“Hinoon diha sa Ginoo ang babaye dili gawas sa lalaki ni ang lalaki gawas sa babaye.” | |
|
“Kay maingon nga diha kang Adan ang tanan nangamatay, maingon man usab diha kang Kristo ang tanan mangabuhi.” | |
|
Diha sa Pagkabanhaw, adunay tulo ka ang-ang sa himaya. | |
|
“Usa ka laraw nga pagatumanon inig-ab[ot] sa tukma nga panahon, laraw sa paghiusa diha kang Kristo sa tanang mga butang.” | |
|
Ang Simbahan “tinukod ibabaw sa patukoranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang.” | |
|
“Ang adlaw ni Kristo … dili pa moabut, hangtud nga mahitabo una ang pagsupil.” | |
|
“Ang balaan nga kasulatan … makagagahum sa pagtudlo kanimo ngadto sa kaluwasan.” | |
|
Ang Langitnong Amahan mao “ang Amahan sa mga espiritu.” | |
|
“Kon aduna man kaninyoy nakulangan og kaalam, papangayoa siya sa Dios.” | |
|
“Ang pagtuo patay kon kini walay binuhatan.” | |
|
“Ang maayong balita [gi]wali hangtud ngadto sa mga patay.” | |
|
“Ug ang mga patay gipanaghukman … pinasikad sa ilang mga binuhatan.” |
Ikonsiderar ang paghangyo sa mga estudyante sa paglibot sa lawak ug pagpaambit og usa sa mga tudling nga ilang napili uban sa pipila ka laing mga estudyante. Dapita sila sa pagpangita og mga estudyante kinsa mipili og laing mga tudling kaysa sa ilang gipili.
Ang imong relasyon sa Dios
Usa ka rason nga ang mga tudling sa doktrinal nga kahanas gipili tungod kay kini naglangkob og mga kamatuoran nga makapalig-on sa inyong relasyon sa Langitnong Amahan ug kang Jesukristo.
-
Unsa ang usa ka tudling sa doktrinal nga kahanas ang nakatabang ninyo sa paglig-on sa imong relasyon sa Langitnong Amahan ug kang Jesukristo? Giunsa niini pagtabang kaninyo?
-
Unsa nga mga kamatuoran ang inyong nakat-onan mahitungod Kanila gikan niini nga tudling?
Samtang ang mga estudyante nagpaambit, Ikonsiderar usab ang pagpaambit og personal nga mga tubag sa miaging mga pangutana.
Paggamit sa mga tudling
Usa sa mga tumong sa doktrinal nga kahanas mao ang pagtabang ninyo nga magamit ang mga kamatuoran nga anaa sa mga tudling sa doktrinal nga kahanas ngadto sa mga sitwasyon nga inyong giatubang sa inyong kinabuhi karon ug sa umaabot. Pananglitan, ang doktrina nga gitudlo sa 1 Pedro 4:6 nga ang ebanghelyo gisangyaw ngadto sa mga patay didto sa kalibotan sa mga espiritu mahimong makatabang sa paghupay sa usa ka higala nga nawad-an og minahal o mahimong makadasig ninyo sa paghimo sa buhat sa templo ug family history alang sa inyong mga katigulangan.
Alang sa mosunod nga kalihokan, ikonsiderar ang paghangyo sa mga estudyante sa pagtrabaho nga magpares. Usa ka estudyante maghimo og usa ka sa pagkakaron nga senaryo ug ang lain usa ka senaryo sa umaabot. Human mahatagan ang mga estudyante og igong panahon, dapita sila sa pagpuli-puli og paambit sa ilang mga senaryo sa ilang mga pares. Dayon dapita sila nga ipaambit unsa nga mga tudling sa ilang hunahuna ang labing magamit sa senaryo sa ilang pares sa dili pa ipadayag ang tudling nga ilang gipili nga magamit sa ilang kaugalingong senaryo ug ipasabot nganong ilang gipili ang mao.
Kon dili, ang pipila ka estudyante mopaambit sa ilang mga senaryo diha sa klase. Ang klase mahimong mopaambit unsa nga mga tudling ang pamati nila ang labing magamit sa maong senaryo sa dili pa mopadayag ang estudyante sa tudling nga ilang gipili ug ngano.
Paggamit sa karon
-
Unsa ang usa ka tinuod nga sitwasyon nga giatubang sa kabatan-onan karon nga mahimong tubagon pinaagi sa usa sa mga tudling sa doktrinal nga kahanas nga gilista sa tsart? Mahimo ninyong isulat ang mahitungod sa inyong kaugalingong mga kahimtang, ang mga kahimtang sa inyong kaila, o ang mga kahimtang sa kabatan-onan sa kinatibuk-an.
-
Hain niini nga mga tudling sa doktrinal nga kahanas ang labing magamit sa sitwasyon nga inyong gisulat? Sa unsang paagi nga ang mga kamatuoran nianang tudling magamit sa sitwasyon?
Paggamit sa umaabot
-
Unsa ang usa ka sitwasyon nga inyong masinati kon matigulang na kamo diin ang usa sa mga tudling sa doktrinal nga kahanas makatabang o makagiya kaninyo?
-
Hain niining mga tudling sa doktrinal nga kahanas ang labing magamit niana nga sitwasyon? Sa unsang paagi nga ang mga kamatuoran nianang tudling magamit sa sitwasyon?
Dapita ang mga estudyante sa pagpili og usa ka tudling ug irekord sa ilang journal sa pagtuon kon unsaon nila paggamit sa mga kamaturoan nga gitudlo niini sa ilang kinabuhi.