Mga Taga-Roma 7–16

Kinatibuk-ang Pagpasabot

Sa usa ka sulat ngadto sa mga Santos sa Roma, gihatagan og gibug-aton ni Pablo ang importansya sa pagkahiusa isip mga miyembro sa Simbahan sa Manluluwas. Siya usab nagtudlo mahitungod sa pagbuntog sa kalibotanong mga impluwensya ug ang atong napukan nga mga kahimtang, mahitungod sa walay kausaban nga gugma sa Dios, ug mahitungod sa mga panalangin nga atong madawat pinaagi ni Jesukristo samtang kita matinud-anong mosunod Kaniya ug maglakaw diha sa Espiritu.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Mga Taga-Roma 7–12

Katuyoan sa leksiyon: Kini nga leksiyon gituyo aron matabangan ang mga estudyante nga makapakita og mas dakong pagtuo kang Jesukristo aron mabuntog ang ilang mga kahuyang.

Pagpangandam sa estudyante: Dapita ang mga estudyante nga mobasa sa Mga Taga-Roma 7:14, 18–19, 24–25, kauban sa 2 Nephi 4:17–20, 26–32. Hangyoa sila nga moanhi nga andam mopaambit kon giunsa sa tudling sa Basahon ni Mormon pagdugang o pagpatin-aw sa ilang pagsabot sa unsay gitudlo sa Mga Taga-Roma 7. Pahinumdomi ang mga estudyante nga magdala usab og usa ka personal nga kopya sa Basahon ni Mormon ngadto sa klase.

Tsart: Ipakita ang tsart nga anaa niini nga leksiyon sa mga tudling sa kasulatan gikan sa Mga Taga-Roma ug sa Basahon ni Mormon.

Mga Taga-Roma 8:1–17

Katuyoan sa leksiyon: Kini nga leksiyon gituyo aron matabangan ang mga estudyante nga madugangan ang ilang tinguha sa pagsunod sa Espiritu ug pagdawat sa tanan nga anaa sa Langitnong Amahan.

Pagpangandam sa estudyante: Dapita ang mga estudyante nga mobasa sa Doktrina ug mga Pakigsaad 76:55–70 ug moanhi nga andam mopaambit nganong gusto nilang makadawat sa mga panalangin nga gihulagway niining mga bersikulo.

Ipakita: Pangandam sa pagpakita og tulo ka mga senaryo sa katapusan sa leksiyon ug ang mga instruksiyon nga mosunod sa mga senaryo.

Sugyot sa pagtudlo pinaagi sa videoconference: Ikonsiderar ang pagdapit sa mga estudyante nga magdala og usa ka butang o usa ka hulagway nga nagrepresentar sa usa ka pisikal o espirituhanong gasa nga ilang gihandum nga madawat. Dapita sila nga mopaambit kon unsa ang ilang gidala ug nganong gusto nila nga madawat ang maong gasa.

Mga Taga-Roma 8:18–39

Katuyoan sa leksiyon: Kini nga leksiyon mahimong makatabang sa mga estudyante nga mobati og paglaom ug kahupayan pinaagi sa gugma sa Langitnong Amahan ug ni Jesukristo sa ilang pag-atubang og mga pagsulay ug walay kasegurohan.

Pagpangandam sa estudyante: Dapita ang mga estudyante sa pagbuhat og usa ka butang alang sa usa ka sakop sa pamilya nga nagpakita sa ilang gugma pinaagi sa mga buhat kaysa mga pulong ug mag-andam nga mopaambit sa unsay ilang nakat-onan gikan niining kasinatian.

Mga materyal alang sa mga estudyante: Usa ka gamay nga papel alang sa kada estudyante
Musika: “Mipadala sa Bugtong Anak” (Songbook sa mga Bata, 34–35)

Sugyot sa pagtudlo pinaagi sa videoconference: Ikonsiderar ang pagpakita og mga video clip sa kinatibuk-ang komperensiya nga anaa sa “Komentaryo ug Background nga Impormasyon” nga seksiyon sa leksiyon.

Mga Taga-Roma 12–15

Katuyoan sa leksiyon: Kini nga leksiyon gituyo aron matabangan ang mga estudyante nga makakita og mga paagi aron mahimong mas nahiusa kauban sa mga miyembro sa Simbahan sa Manluluwas.

Pagpangandam sa estudyante: Dapita ang mga estudyante nga mobasa sa Doktrina ug Mga Pakigsaad 38:27 ug paghunahuna kon nganong ang Ginoo gusto nga ang mga miyembro sa Iyang Simbahan mahiusa.

Doctrinal Mastery Review 18

Katuyoan sa leksiyon: Kini nga leksiyon mahimong makahatag sa mga estudyante og mga oportunidad sa pagbansay sa paggamit sa pipila ka tudling sa doktrinal nga kahanas sa Bag-ong Tugon sa ilang kinabuhi.

Pahinumdom: Lagmit nga ang tudling sa doktrinal nga kahanas kinahanglang itudlo isip puli niining rebyo nga leksiyon. Tan-awa ang eskedyul sa pagtudlo nga gihatag sa direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

Pagpangandam sa estudyante: Dapita ang mga estudyante sa paghangyo og duha o tulo ka mga higala o mga sakop sa pamilya nga mopaambit kanila og usa ka tudling sa Bag-ong Tugon nga gusto nila nga tun-an sa matag kabatan-onan sa kalibotan ug maggamit sa ilang kinabuhi. Dapita ang mga estudyante sa pagsulat og mga pakisayran sa gipaambit sa ilang mga higala ug pamilya ug dayon mahimong andam nga mopaambit niadtong mga pakisayran sa klase.

Butang: Usa ka gatos ug kalim-an nga mga piraso sa papel sa usa ka plato o laing sudlanan
Tsart: Ipakita ang tsart nga gilakip diha sa leksiyon sa mga tudling sa doktrinal nga kahanas ug ang mahinungdanong hugpong sa mga pulong sa kasulatan.

Sugyot sa pagtudlo pinaagi sa videoconference: Dapita ang mga estudyante sa paggamit sa chat nga feature aron mopaambit og usa ka tudling sa doktrinal nga kahanas nga pamati nila mahimong makapalig-on sa ilang relasyon sa Langitnong Amahan ug kang Jesukristo. Dayon pagpili og pipila sa mga estudyante aron mopasabot ngadto sa klase nganong ilang gipili ang tudling nga ilang gipaambit.