Pagrerebyu ng Doctrinal Mastery 18
Ipamuhay ang mga Doctrinal Mastery Passage
Ang isa sa mga layunin ng doctrinal mastery ay tulungan kang matutuhan kung paano ipamuhay ang doktrinang itinuro sa mga doctrinal mastery scripture passage sa mga sitwasyon sa totoong buhay. Ang lesson na ito ay magbibigay sa iyo ng mga pagkakataon na masubukang maipamuhay ang ilan sa mga doctrinal mastery passage ng Bagong Tipan.
Paghahanda ng estudyante: Sabihin sa mga estudyante na anyayahan ang dalawa o tatlong kaibigan o mga kapamilya na magbahagi sa kanila ng isang scripture passage sa Bagong Tipan na nais nilang pag-aralan at ipamuhay ng lahat ng kabataan sa mundo. Sabihin sa mga estudyante na isulat ang mga reperensyang ibabahagi ng kanilang mga kaibigan at kapamilya at pagkatapos ay maghandang ibahagi ang mga reperensyang iyon sa klase.
Mga Posibleng Aktibidad sa Pag-aaral
Mga doctrinal mastery passage
Maaaring kailanganing ituro ang isang doctrinal mastery passage lesson kapalit ng lesson sa pagrerebyu na ito. Tingnan ang iskedyul sa pagtuturo na ibinigay ng area o region director o coordinator upang matiyak na maituturo ang bawat doctrinal mastery passage lesson habang may klase sa seminary.
Ang isang alternatibo sa sumusunod na analohiya sa soccer ay ang maglagay ng 150 maliliit na piraso ng papel sa isang plato. Isulat ang “doctrinal mastery” sa isa sa mga papel. Anyayahan ang mga estudyante na kumuha ng isang papel mula sa plato at tingnan kung ito ang “doctrinal mastery” na papel.
https://pixabay.com/photos/soccer-goalie-goal-tender-game-1501546/https://pixabay.com/photos/soccer-football-soccer-player-1477569/
Ipagpalagay na 150 sa pinakamahuhusay na atleta sa mundo ang nagta-tryout upang maging goalkeeper sa isang pinakamahusay na soccer team. Naiisip mo ba kung gaano kahirap para sa mga coach na pumili lang ng isang atleta?
-
Ano sa palagay mo ang mga pamantayang maaaring gamitin ng mga coach upang masala kung sino ang pipiliin?
Naglalaman ang Bagong Tipan ng halos 8,000 talata. 53 lang sa mga talatang ito (humigit-kumulang 1 sa bawat 150 talata) ang kasama sa 24 na doctrinal mastery passage sa Bagong Tipan. Isipin ang hirap sa pagpili kung aling mga scripture passage mula sa buong Bagong Tipan ang dapat pag-aralan bilang mga doctrinal mastery passage.
Sabihin sa mga estudyante na nakagawa ng aktibidad sa paghahanda ng estudyante na isulat sa pisara ang mga reperensyang pinili ng kanilang mga kaibigan o kapamilya. Ipaliwanag na maraming pagkakaiba-iba sa mga scripture passage na nakasulat sa pisara, at maraming iba’t ibang scripture passage ang mahalagang pag-aralan at ipamuhay ng mga estudyante. Pagkatapos ay itanong ang sumusunod.
-
Kung hihilingin sa iyong tumulong na pumili ng mga doctrinal mastery passage, anong mga pamantayan ang gagamitin mo upang pagpasyahan kung aling mga scripture passage ang pipiliin mo?
Pumili ng dalawa sa mga sumusunod na doctrinal mastery passage na hindi masyadong pamilyar sa iyo. Basahin ang buong scripture passage sa iyong mga banal na kasulatan, at tumukoy ng mga dahilan kung bakit sa palagay mo ay napili ang mga scripture passage na iyon bilang mga doctrinal mastery passage na pagtutuunan ng mga kabataan sa buong mundo.
Doctrinal Mastery sa Bagong Tipan: 1 Corinto–Apocalipsis
|
“Ang inyong katawan ay templo ng Espiritu Santo.” | |
|
*Sa Panginoon, kailangan ng babae ang lalaki at ang lalaki ay kailangan ng babae.” | |
|
“Sapagka’t kung paanong kay Adan ang lahat ay namamatay, gayundin kay Cristo ang lahat ay bubuhayin.” | |
|
Sa Pagkabuhay na Mag-uli, may tatlong antas ng kaluwalhatian. | |
|
“[Sa] kaganapan ng panahon, [maaari niyang] tipunin ang lahat ng mga bagay kay Cristo.” | |
|
Ang Simbahan ay “itinayo sa saligang inilagay ng mga apostol at ng mga propeta, na si Cristo Jesus ang batong panulok.” | |
|
Ang araw ng Panginoon … [ay] hindi darating malibang maunang maganap ang pagtalikod.” | |
|
“Ang mga banal na kasulatan … [ay] makakapagturo sa iyo tungo sa kaligtasan.” | |
|
Ang Ama sa Langit ang “Ama ng mga espiritu.” | |
|
“Kung ang sinuman sa inyo ay nagkukulang ng karunungan, humingi siya sa Diyos.” | |
|
“Ang pananampalataya … kung ito ay walang mga gawa ay patay.” | |
|
“Ang ebanghelyo ay ipinangaral maging sa mga patay.” | |
|
“At ang mga patay ay hinatulan ayon sa kanilang mga gawa.” |
Maaari mong anyayahan ang mga estudyante na lumibot sa buong silid at ibahagi sa ilang iba pang estudyante ang isa sa mga scripture passage na pinili nila. Anyayahan silang maghanap ng mga estudyanteng pumili ng mga scripture passage na iba sa mga pinili nila.
Ang iyong ugnayan sa Diyos
Ang isang dahilan kung bakit napili ang mga doctrinal mastery passage ay dahil naglalaman ang mga ito ng mga katotohanang makapagpapatibay sa iyong ugnayan sa Ama sa Langit at kay Jesucristo.
-
Ano ang isang doctrinal mastery passage na nakatulong sa iyo na patibayin ang iyong ugnayan sa Ama sa Langit at kay Jesucristo? Paano ito nakatulong sa iyo?
-
Anong mga katotohanan ang natutuhan mo tungkol sa Kanila mula sa scripture passage na ito?
Habang nagbabahagi ang mga estudyante, maaari ka ring magbahagi ng sarili mong sagot sa mga naunang tanong.
Iangkop ang mga scripture passage
Ang isa sa mga layunin ng doctrinal mastery ay tulungan kang iangkop ang mga katotohanang matatagpuan sa mga doctrinal mastery passage sa mga sitwasyong kinakaharap mo sa buhay mo ngayon at kakaharapin sa hinaharap. Halimbawa, ang doktrinang itinuturo sa 1 Pedro 4:6 na ipinapangaral ang ebanghelyo sa mga yumao sa daigdig ng mga espiritu ay makatutulong na mapanatag ang isang kaibigang nawalan ng mahal sa buhay, o makahihikayat sa iyong gumawa ng gawain sa templo at family history para sa mga ninuno mo.
Para sa sumusunod na aktibidad, maaari mong pagpartner-partnerin ang mga estudyante. Maaaring gumawa ang isang estudyante ng sitwasyon sa kasalukuyang panahon, at ang isa pang estudyante ng sitwasyon sa hinaharap. Pagkatapos bigyan ang mga estudyante ng sapat na oras, sabihin sa kanila na magsalitan sa pagbabahagi ng kanilang mga sitwasyon sa mga kapartner nila. Pagkatapos ay anyayahan ang mga estudyanteng ibahagi kung aling mga scripture passage ang sa palagay nila ay pinakanaaangkop sa sitwasyon ng kanilang kapartner bago ihayag ang scripture passage na pinili nilang iangkop sa sarili nilang sitwasyon at ipaliwanag kung bakit iyon ang pinili nila.
Bilang alternatibo, maaaring ibahagi ng ilang estudyante ang kanilang mga sitwasyon sa buong klase. Pagkatapos ay maaaring ibahagi ng klase kung aling mga scripture passage ang sa palagay nila ang pinakanaaangkop sa sitwasyon bago ihayag ng estudyante ang scripture passage na pinili niya at kung bakit niya ito pinili.
Pag-aangkop sa kasalukuyang panahon
-
Ano ang isang tunay na sitwasyong kinakaharap ng mga kabataan ngayon na maaaring matugunan ng isa sa mga doctrinal mastery passage na nakalista sa chart? Maaari kang magsulat tungkol sa sitwasyon mo, ng isang taong kakilala mo, o ng mga kabataan sa pangkalahatan.
-
Alin sa mga doctrinal mastery passage ang pinakanaaangkop sa sitwasyong isinulat mo? Paano naaangkop sa sitwasyong iyon ang mga katotohanan sa scripture passage na iyon?
Pag-aangkop sa hinaharap
-
Ano ang isang sitwasyong maaari mong maranasan kapag mas matanda ka na kung saan matutulungan o magagabayan ka ng isa sa mga doctrinal mastery passage?
-
Alin sa mga doctrinal mastery passage ang pinakanaaangkop sa sitwasyong iyon? Paano naaangkop sa sitwasyong iyon ang mga katotohanan sa scripture passage na iyon?
Sabihin sa mga estudyante na pumili ng isang scripture passage at isulat sa kanilang study journal kung paano nila ipamumuhay ang mga katotohanang itinuturo nito.