Fakamanatu Hono 19 ʻo e Fakataukei Fakatokāteliné
Ako Maʻuloto e Ngaahi Fakamoʻoni Fakafolofolá mo e Ngaahi Kupuʻi Lea Tefitó
ʻE lava ke tokoniʻi koe ʻi ha ngaahi founga lahi ʻi hono ako maʻuloto e ngaahi potufolofolá mo e ngaahi moʻoni ʻoku nau akoʻí. ʻOku fakataumuʻa ʻa e lēsoni ko ʻení ke tokoni atu ke ke ako maʻuloto ha niʻihi ʻo e ngaahi potufolofola fakataukei fakatokāteline ʻo e Fuakava Foʻoú mo e ngaahi kupuʻi tefito ʻi he folofolá.
Teuteu ʻa e tokotaha akó: ʻOange ki he kau akó ha tatau ʻo e fakamoʻoni fakafolofola mo e saati ʻo e kupuʻi lea tefito ʻi laló, pea fakaafeʻi ke nau ako maʻuloto ki he lahi tahá ʻa e potufolofola fakataukei fakatokāteline ʻe nimá mo e ngaahi kupuʻi lea tefito ʻe ala lavá. ʻE lava foki ke fakaʻaongaʻi ʻe he kau akó ʻa e polokalama Fakataukei Fakatokāteliné. ʻE lava foki ke feinga e kau akó ke ako maʻuloto ha potufolofola fakataukei fakatokāteline kakato.
Ngaahi ʻEkitivitī Ako ʻOku Ala Fakahokó
ʻE ala fiemaʻu ke akoʻi ha lēsoni ki he potufolofola fakataukei fakatokāteliné ʻo fetongi ʻaki ʻa e lēsoni ko ʻení. Vakai ki he taimi-tēpile ki he vave hono akoʻí ʻa ia ʻoku ʻomi ʻe he talēkita fakavāhengá pe vahefonuá pe kouʻotineitá ke fakapapauʻi ʻe akoʻi e lēsoni fakataukei fakatokāteline takitaha lolotonga e lele ʻa e seminelí.
Ako maʻuloto e ngaahi kupuʻi lea tefito ʻo e folofolá
-
Ko e hā ha ngaahi founga naʻe fakaʻaongaʻi ai ʻe he Fakamoʻuí ʻa e folofolá lolotonga ʻEne moʻui fakamatelié?
ʻI he taimi naʻe ʻahiʻahiʻi ai ʻa e Fakamoʻuí ʻe Sētané, naʻá Ne fakaʻaongaʻi e ngaahi moʻoni mei he folofolá ke tokoni kiate Ia ke Ne ikunaʻi e ngaahi ʻahiʻahi ko iá (vakai, Mātiu 4:1–11). Naʻá Ne faʻa fakaʻaongaʻi foki ʻa e folofolá ʻi Heʻene akonakí (vakai, Luke 4:17–27; Mātiu 19:4–5; Mātiu 24:37–40l Maʻake 12:26). ʻI hoʻo ako maʻuloto e ngaahi fakamoʻoni fakafolofola ʻo e fakataukei fakatokāteliné mo e ngaahi kupuʻi lea tefito ʻi he lēsoni ko ʻení, fakakaukau ki he founga ʻe lava ke tokoniʻi ai koe mo e niʻihi kehé ʻe he ngaahi potufolofola ko ʻení. Kapau kuo teʻeki ai ke ke fakaʻilongaʻi e ngaahi potufolofola ko ʻení mo honau ngaahi kupuʻi lea tefitó ʻi hoʻo folofolá, fakakaukau ke fai ia.
Kapau ʻoku kaunga ki ai, fetongi e ngaahi fakamoʻoni fakafolofola mo e ngaahi kupuʻi lea tefito ko ʻení ʻaki e ngaahi potufolofola fakataukei fakatokāteline kuo toki ako ʻe he kau akó.
|
Potufolofolá |
Kupuʻi Lea Tefito mei he Folofolá |
|
Ko e ʻOtuá “ko e Tamai ʻo e ngaahi laumālié.” | |
|
“Ka ai hamou taha ʻoku masiva ʻi he potó, ke kole ʻe ia ki he ʻOtuá.” | |
|
“Ko e tuí, kapau ʻoku ʻikai ʻi ai ʻa e ngaahi ngāué, ʻoku mate ia.” | |
|
“[Naʻe] malanga ʻaki ʻa e ongoongoleleí kiate kinautolu foki kuo maté.” | |
|
“Pea naʻe fakamāuʻi ʻa e pekiá … ʻo fakatatau ki heʻenau ngaahi ngāué.” |
Hiki ʻi hoʻo tohinoa akó ʻa e saati ki muʻá. ʻI hoʻo lea leʻo lahi ʻaki e ngaahi foʻi leá ʻi hoʻo tohi kinautolú mahalo ʻe tokoni ia ke ke manatuʻi ai kinautolu. Toe lau leʻolahi e ngaahi potufolofolá mo e ngaahi kupuʻi lea tefitó hili hono tohi kinautolú.
Fakakaukau pe ko e fē ʻi he ngaahi fili ko ʻení ʻe lelei taha ki he kau akó.
Fakahoko ha ongo ‘ekitivitī ‘e ua pe toe lahi ange mei he ngaahi ʻekitivitī ko ʻení:
-
a. Fakaʻaongaʻi ha ngaahi miniti siʻi ke feinga ke ako maʻuloto e ngaahi potufolofola fakataukei fakatokāteliné mo e ngaahi kupuʻi lea tefitó. Hili iá pea fūfuuʻi e ngaahi potufolofolá pea feinga ke lea ʻaki e ngaahi veesi folofolá ʻi hoʻo sio pē ki he ngaahi kupuʻi lea tefitó. Hili ia peá ke fakapuliki e ngaahi kupuʻi lea tefitó pea feinga ke lea ʻaki ia lolotonga hoʻo sio pē ki he ngaahi potufolofolá.
-
e. ʻI hoʻo ngāue mo ha hoá, ʻai ha taha ke ne lea leʻo lahi ʻaki ha potufolofola pea lau leva ʻe he tahá ʻa e kupuʻi lea tefito ʻoku hoa mo iá. Toutou fai ʻeni ki he potufolofola fakataukei fakatokāteline mo e kupuʻi lea tefito takitaha, ʻo feinga ke ako maʻuloto e ngaahi potufolofolá mo e ngaahi kupuʻi leá. Hili iá pea feinga ke fai ʻeni ʻo ʻoua ʻe toe sio ki he sātí. Hili ia peá mo fetongi.
ʻE lava ke liliu ʻa e ʻekitivitī ki muʻá ʻaki hano ʻai ha ngaahi kulupu kehekehe ʻo e kau akó ke nau feinga ke fakakakato hono toutou fakahokó ʻi loto ʻi ha vahaʻataimi pau (hangē ko ʻení, sekoni ʻe 20). Pe ʻe lava ke fakahoko ʻe he faiakó ha taha ʻo e ongo meʻá pea ko e kalasí fakakātoa ʻa e taha.
-
f. Hili hano fakaʻaongaʻi ha ngaahi miniti siʻi ke ako maʻuloto e ngaahi fakamoʻoni fakafolofola ʻo e fakataukei fakatokāteliné mo e ngaahi kupuʻi lea tefitó, feinga ke fakafonu e ngaahi foʻi lea ʻoku puliá ʻi he ngaahi fakamoʻoni fakafolofola taʻekakato ko ʻení mo e ngaahi kupuʻi lea tefitó. Te ke lava foki ʻo fakaʻaongaʻi ʻa e polokalama Fakataukei Fakatokāteliné ke akoako hono fakafonu ʻo e ngaahi feituʻu ʻoku ʻataá.
Fakakaukau ke hiki e ngaahi fakamoʻoni fakafolofola taʻekakato ko ʻení mo e ngaahi kupuʻi lea tefitó ʻi he palakipoé pe teuteuʻi kinautolu ʻi ha ʻū laʻipepa maʻá e ngaahi kulupu ʻo e kau akó ke nau fakakakato fakataha.
-
Hepelū ___:9. Ko e ʻOtuá, ko e _____ ʻo e ________.
-
__________1:5–6 Ka ___ hamou ____ ʻoku masiva ʻi he ____,ke ___ ʻe ia ___ʻOtuá.
-
Sēmisi 2:____–_____. Tuí, __ ʻoku _____ ʻi ai ʻa e ______, ʻoku ____ ia.
-
1 Pita ____:6. Naʻe _______ ʻaki ai ʻa e ________ ___ kinautolu ____ kuo _____.
-
________________ 20:12. Pea ___ fakamāuʻi ʻa e ____ … ʻo _____ ki ____ ngaahi ngāué.
-
h. Fili ha taha ʻo e ngaahi potufolofola fakataukei fakatokāteliné pea feinga ke ako maʻuloto ʻa e vēsí kakato pe ngaahi vēsí.
-
i. Hiki ki he lahi tahá ʻa e ngaahi potufolofola fakataukei fakatokāteline mo e ngaahi kupuʻi lea tefito ʻe nimá mei hoʻo manatú.
Fakakaukauloto
Fili ha potufolofola fakataukei fakatokāteline ʻe taha pe ua naʻá ke ngāue ki ai he ʻahó ni pea lau ʻa e potufolofolá kakato. Fakakaukau ki he ʻuhinga ʻoku mahuʻinga ai ke manatuʻi ʻa e potufolofola ko ʻení.
-
ʻI he ngaahi moʻoni naʻe akoʻi ʻi he ngaahi potufolofola fakataukei fakatokāteline ʻe nima ko ʻení, ko e fē ʻa e moʻoni ʻoku mahuʻingamālie taha kiate koé? Ko e hā hono ʻuhingá?
-
ʻE tokoniʻi fēfē koe ʻe hoʻo ʻiloʻi e ngaahi moʻoni ko ʻení ke ke tokoniʻi ai ha niʻihi kehe?
-
Ko e hā te ke lava ʻo fai ke manatuʻi mo fakaʻaongaʻi lelei ange ai e ngaahi potufolofola fakataukei fakatokāteliné?