Seminary
Rebyo sa Doktrinal nga Kahanas 1


Rebyo sa Doktrinal nga Kahanas 1

Pangitaa ug Imemorya: Lucas 2:10–12 hangtod sa Lucas 24:36–39

Imahe
Klase sa seminary.

Ang usa sa mga katuyoan sa doktrinal nga kahanas mao ang pagtabang kanimo sa pagmemorya sa mga pakisayran sa kasulatan ug mahinungdanong mga hugpong sa mga pulong sa kasulatan para sa mga tudling sa kasulatan sa doktrinal nga kahanas. Tinguha niini nga leksiyon nga tabangan ka sa pagpangita ug pagpraktis sa pagmemorya sa mga pakisayran sa kasulatan ug mahinungdanong mga hugpong sa mga pulong sa kasulatan alang sa unang 11 ka tudling sa kasulatan sa doktrinal nga kahanas sa Bag-ong Tugon.

Pag-ugmad og usa ka kahimtang nga anaa ang gugma. Ang paghatag og mga oportunidad para sa mga estudyante aron magkainilhanay sa usag usa makatabang sa pag-ugmad og usa ka kahimtang nga anaa ang gugma, respeto, ug katuyoan diha sa lawak-klasehanan. Pangita og mga paagi aron awhagon ang mga estudyante nga magpaambit sa usag usa og angay nga impormasyon mahitungod sa ilang kinabuhi.

Posible nga mga Kalihokan sa Pagkat-on

Tingali kinahanglang magtudlo og leksiyon sa tudling sa doktrinal nga kahanas isip puli niini nga leksiyon. Tan-awa ang gitakda nga eskedyul para sa imong klase aron masiguro nga matudlo sa panahon sa semester ang kada leksiyon sa tudling sa kasulatan sa doktrinal nga kahanas.

Mga pakisayran sa kasulatan ug mahinungdanong hugpong sa mga pulong sa kasulatan

  • Nganong mapuslanon man nga mahibaloan ang mga pakisayran sa kasulatan ug mahinungdanong mga hugpong sa mga pulong sa kasulatan para sa mga tudling sa kasulatan sa doktrinal nga kahanas?

Mahimo nimong hinumdoman kini nga pamahayag gikan ni Elder Richard G. Scott (1928–2015) sa Korum sa Napulog Duha ka Apostoles mahitungod sa importansya sa pagmemorya sa mga kasulatan:

Imahe
Kataposang opisyal nga litrato ni Elder Richard G. Scott sa Korum sa Napulog Duha ka Apostoles, 2004. Namatay niadtong 22 sa Septyembre 2015.

Talagsaong gahom moabot gikan sa pagmemorya og mga kasulatan. Ang pagmemorya og kasulatan mao ang paghulma og bag-ong pakighigala. Sama kini sa pagdiskobre og bag-ong tawo nga makatabang sa panahon sa panginahanglan, makahatag og inspirasyon ug kahupayan, ug mahimong tinubdan sa kadasig sa gikinahanglan nga kausaban.

(Richard G. Scott, “Ang Gahum sa Kasulatan,” Liahona, Nob. 2011, 6)

Aron matabangan ka sa pagkat-on sa mga pakisayran sa kasulatan ug mahinungdanong mga hugpong sa mga pulong sa kasulatan para sa unang 11 ka tudling sa kasulatan sa doktrinal nga kahanas, ikonsiderar ang pagkopya sa mosunod nga tsart diha sa imong journal sa pagtuon o i-download ang app sa Doktrinal nga Kahanas sa mobile device ug gamita ang mga kalihokan sa app aron matabangan ka sa pagmemorya.

Ipakita ang mosunod nga tsart.

Pakisayran sa Kasulatan

Mahinungdanong Hugpong sa mga Pulong sa Kasulatan

Lucas 2:10–12

“Kay karong gabhiona natawo sa lungsod ni David ang inyong Manluluwas, ang Kristo nga Ginoo.”

Juan 3:5

“Walay makasulod sa gingharian sa Dios gawas kon matawo siya pinaagi sa tubig ug sa Espiritu.”

Juan 3:16

“Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak.”

Mateo 5:14–16

“Ipadan-ag ang inyong kahayag atubangan sa mga tawo.”

Mateo 11:28–30

“Duol kamo kanako, kamong tanan nga gikapuyan ug gibug-atan sa inyong gipas-an ug papahulayon ko kamo.”

Mateo 16:15–19

Si Jesus miingon, “Ihatag ko kanimo ang mga yawi sa gingharian sa langit.”

Juan 7:17

“Ang buot magbuhat sa gisugo sa Dios mahibalo kon ang akong gitudlo gikan ba sa Dios.”

Mateo 22:36–39

“Higugmaa ang Ginoo nga imong Dios. … Higugmaa ang imong isigkatawo.”

Lucas 22:19–20

Si Jesukristo misugo, ambit kamo sa sakramento “aron paghandom kanako.”

Juan 17:3

“Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesukristo.”

Lucas 24:36–39

“Kay ang espiritu walay unod ug mga bukog sama sa nakita ninyo nga ania kanako.”

Imahe
Doktrinal nga Kahanas - Mateo - Juan

Depende sa gidak-on sa imong klase, ikonsiderar ang pagsangon sa matag estudyante og usa o labaw pa sa 11 ka tudling sa kasulatan sa doktrinal nga kahanas. Kon gikinahanglan, ang sama nga tudling mahimong isangon ngadto sa daghang mga estudyante.

Dapita ang mga estudyante nga maglibot-libot sa lawak-klasehanan ug magtambayayong nga managpares aron sa pagpangita ug, kon pilion nila, sa pagmarka sa tanang 11 ka tudling sa kasulatan sa doktrinal nga kahanas ug sa mahinungdanong mga hugpong sa mga pulong sa kasulatan. Awhaga ang mga estudyante nga magbaylo og pares sa kada pipila ka minuto.

Dapita ang mga estudyante nga buhaton ang mosunod samtang nakig-istorya sila sa kada usa (lagmit nga makatabang kon isulat kini nga mga instruksiyon diha sa pisara):

  1. Pangutana aron mas magkailhanay sa usag usa (pananglitan, “Unsa ang usa sa imong mga lingaw?” o “Unsa ang usa sa imong paboritong mga lugar nga bisitahon?”).

  2. Tabangi ang usag usa sa pagpangita sa gisangon nga tudling sa mga kasulatan sa doktrinal nga kahanas ug mahinungdanong hugpong sa mga pulong sa kasulatan. Ikonsiderar ang pagmarka sa tudling ug mahinungdanong hugpong sa mga pulong sa kasulatan diha sa imong mga kasulatan.

  3. Ipaambit kon nganong importante ang kamatuoran diha sa mahinungdanong hugpong sa mga pulong sa kasulatan.

  4. Sulayi sa pagmemorya ang pakisayran sa kasulatan ug mahinungdanong hugpong sa mga pulong sa kasulatan.

Pagpili og dili mominos tulo ka tudling sa kasulatan sa doktrinal nga kahanas, ug buhata ang mosunod:

  • Isulat ang mga pakisayran sa kasulatan ug mahinungdanong mga hugpong sa mga pulong sa kasulatan gikan sa memorya.

  • Ipaambit kon nganong gihunahuna nimo nga importante nga mahibaloan kini nga mga bersikulo.

Sa sunod nga pipila ka adlaw, paningkamot nga imemorya ang mga pakisayran sa kasulatan ug mahinungdanong mga hugpong sa mga pulong sa kasulatan para sa dili mominos tulo pa ka tudling sa kasulatan sa doktrinal nga kahanas. Pangita og mga paagi nga ang pagkahibalo niini nga mga bersikulo makapanalangin sa imong kinabuhi ug sa kinabuhi sa mga tawo nga imong nailhan.

Dugang nga Kalihokan sa Pagkat-on

Usa ka pulipuli nga kalihokan

Ang laing paagi aron tabangan ang mga estudyante sa pagmemorya sa mahinungdanong mga hugpong sa mga pulong sa kasulatan mao ang pagsulat sa mga panid sa papel sa mga pangutana nga mas may kalabotan sa kada tudling sa doktrinal nga kahanas. Ang mga estudyante mahimong magtambayayong nga managpares aron tubagan ang mga pangutana. Ang mosunod mao ang mga ehemplo sa matang sa mga pangutana nga mahimong ipangutana:

Lucas 2:10–12

Unsa ang gusto nimong buhaton sa panahon sa Pasko?

Pangitaa ang Lucas 2:10–12 . Ikonsiderar ang pagmarka sa mahinungdanong hugpong sa mga pulong sa kasulatan nga “Kay karong gabhiona, natawo sa lungsod ni David ang inyong Manluluwas, ang Kristo nga Ginoo.”

Sulayi sa pagmemorya ang pakisayran sa kasulatan ug mahinungdanong hugpong sa mga pulong sa kasulatan.

Nganong importante man para kanimo nga mailhan ang tahas ni Jesukristo isip atong Manluluwas?

Juan 3:5

Unsa ang imong mahinumdoman mahitungod sa imong bunyag?

Pangitaa ang Juan 3:5 . Ikonsiderar ang pagmarka sa mahinungdanong hugpong sa mga pulong sa kasulatan nga “Walay makasulod sa gingharian sa Dios gawas kon matawo siya pinaagi sa tubig ug sa Espiritu.”

Sulayi sa pagmemorya ang pakisayran sa kasulatan ug mahinungdanong hugpong sa mga pulong sa kasulatan.

Unsa man ang imong isulti ngadto sa bag-ohay lang nga nakabig mahitungod sa mga panalangin sa pagkamiyembro sa gingharian sa Ginoo?

Iprinta