Mateo 6–7

Kinatibuk-ang Pagpasabot

Gipadayon ni Jesus ang Iyang Wali sa Bukid, nga nagtudlo nga kinahanglan kitang magbuhat og maayo nga mga buhat aron malipay ang atong Langitnong Amahan ug dili aron makakuha og pagtagad gikan sa ubang tawo. Gitudloan usab Niya ang Iyang mga disipulo nga “magtinguha … una [sa pagtukod] sa gingharian sa Dios” (Mateo 6:33) ug matarong nga maghukom. Ang materyal karong semanaha naglakip og kalihokan sa doktrinal nga kahanas aron tabangan ang mga estudyante sa pagpangita ug pagmemorya sa unang 11 ka tudling sa doktrinal nga kahanas sa Bag-ong Tugon, ingon man usab usa ka leksiyon aron matabangan sila sa pagsusi sa ilang pagkat-on ug pag-uswag.

Mateo 6:1–18

Katuyoan sa leksiyon: Maghatag kini nga leksiyon sa mga estudyante og oportunidad aron susihon ang ilang mga motibo sa pagbuhat og maayong mga buhat ug magdesisyon kon sa unsang paagi nila gustong mousbaw.

Pag-andam sa estudyante: Dapita ang mga estudyante nga maghunahuna mahitungod sa ilang mga motibo para sa ilang mga aksiyon sulod sa 24 ka oras sa dili pa ang klase.

Sulod [content] nga ipakita: Tsart mahitungod sa mga maayong buhat

Mateo 6:19–34

Katuyoan sa leksiyon: Maghatag kini nga lekisyon sa mga estudyante og oportunidad aron pamalandongan ug ipakigbahin ang importansya nga unahon ang Dios diha sa ilang kinabuhi.

Pag-andam sa estudyante: Dapita ang mga estudyante nga pamalandongan kon sa unsang paagi nila lagmit nga ipakigbahin sa ubang tawo ang importansya ug mga panalangin sa pag-una sa Dios sa ilang kinabuhi.

Sulod [content] nga ipakita: Mga pakisayran sa kasulatan ug mga pagpasabot

Sugyot sa pagtudlo pinaagi sa video conference: Ipahimutang sa gallery view ang imong screen sa video conference, o ang view nga dungan nga mopakita sa daghang estudyante. Pagkahuman sa pagpakigbahin sa usa ka estudyante sa ilang giandam nga outline para sa video, ikonsiderar ang paghangyo kanila nga motudlo sa ibabaw, sa ubos, sa tuo, o sa wala. Si bisan kinsa nga estudyante nga gipakita sa ibabaw, sa ubos, sa tuo, o sa wala sa imong screen mao ang mosunod. (Lagmit nga makatabang ang pagkahibalo nga ang paagi sa pagpakita sa mga estudyante sa imong screen dili kanunay nga motukma sa unsay nakita sa mga estudyante.)

Mateo 7:1–5

Katuyoan sa leksiyon: Kini nga leksiyon maghatag sa mga estudyante og oportunidad aron makakat-on mahitungod sa pagbuhat og matarong nga mga paghukom.

Pag-andam sa estudyante: Dapita ang mga estudyante nga pamalandongan kon unsa ang ilang nahibaloan mahitungod sa mga paghukom nga kinahanglan nilang buhaton ug kadtong kinahanglan silang mag-amping nga dili mabuhat. Awhaga sila sa paghunahuna sa mga pangutana nga aduna sila mahitungod sa paghukom.

Butang: Usa ka puling ug haligi (o hulagway sa kada usa)

Sugyot sa pagtudlo pinaagi sa videoconference: Duol sa pagtapos sa leksiyon, ipakita ang upat ka sitwasyon nga mahimong piliong hisgotan sa mga estudyante. Dapita ang usa o daghan pang mga estudyante nga gamiton ang ilang drawing tool aron maglingin og dili mominos sa usa ka sitwasyon nga gusto nilang hisgotan isip usa ka klase, o paghimo og poll diin matuki sa mga estudyante ang ilang kagustohan.

Pagrebyo sa Doktrinal nga Kahanas 1

Katuyoan sa leksiyon: Makatabang kini nga leksiyon sa mga estudyante sa pagpangita ug pagpraktis sa pagmemorya sa mga pakisayran sa kasulatan ug mahinungdanong mga tudling sa kasulatan para sa unang 11 ka tudling sa kasulatan sa doktrinal nga kahanas sa Bag-ong Tugon.

Sulod [Content] nga ipakita: Usa ka chart nga adunay unang 11 ka tudling sa kasulatan sa doktrinal nga kahanas

Sugyot sa pagtudlo pinaagi sa videoconference: Ikonsiderar ang paggamit sa mga breakout room aron mailhan sa mga estudyante ang usag usa samtang nangita sila og mga kasulatan ug nagmemorya sa mahinungdanong mga tudling sa kasulatan.

Susiha ang Imong Nakat-onan 2

Katuyoan sa leksiyon: Tinguha niini nga leksiyon nga matabangan ka sa pagsusi sa mga tumong nga imong gitakda, kon unsa ang imong nakat-onan, ug ang personal nga pag-uswag nga nasinati nimo sa panahon sa imong pagtuon sa Bag-ong Tugon karong tuiga.

Pag-andam sa estudyante: Dapita ang mga estudyante nga maghunahuna mahitungod sa ilang mga paningkamot nga pugngan ug buntogon ang pagtintal pinaagi sa hugot nga pagtuo diha kang Jesukristo.

Mga materyal para sa mga estudyante: Kon pilion nimo nga buhaton ang kalihokan mahitungod sa pagtukod og istruktura, mga materyal sama sa mga bloke, mga tasa, o mga libro ug lig-on nga butanganan sama sa lamesa

Sugyot sa pagtudlo pinaagi sa video conference: Ikonsiderar ang pagsangon daan sa usa ka estudyante nga magtukod og simpleng istruktura gamit ang mga bloke o mga tasa, una diha sa lig-on nga butanganan ug dayon diha sa dili lig-on nga butanganan, sama sa unlan, samtang magtan-aw ang uban pa diha sa klase sa video conference.