Pagrerebyu ng Doctrinal Mastery 1

Hanapin at Isaulo: Lucas 2:10–12 hanggang Lucas 24:36–39

Ang isa sa mga layunin ng doctrinal mastery ay tulungan kang isaulo ang mga reperensyang banal na kasulatan at mahahalagang parirala ng banal na kasulatan para sa mga doctrinal mastery scripture passage. Ang lesson na ito ay naglalayong tulungan kang mahanap at magsanay na maisaulo ang mga reperensyang banal na kasulatan at mahahalagang parirala ng banal na kasulatan para sa unang 11 doctrinal mastery scripture passage sa Bagong Tipan.

Paglikha ng kapaligirang may pagmamahal. Ang pagbibigay ng mga pagkakataon sa mga estudyante na makilala ang isa’t isa ay makatutulong sa pagkakaroon ng pagmamahal, paggalang, at layunin sa silid-aralan. Maghanap ng mga paraan upang mahikayat ang mga estudyante na magbahagi sa isa’t isa ng angkop na impormasyon tungkol sa kanilang buhay.

Mga Posibleng Aktibidad sa Pag-aaral

Maaaring kailanganin mong magturo ng isang doctrinal mastery scripture passage lesson kapalit ng lesson na ito. Tingnan ang iskedyul sa pagtuturo ng lesson para sa iyong klase upang matiyak na maituturo ang bawat doctrinal mastery scripture passage lesson sa semester.

Mga reperensyang banal na kasulatan at mahahalagang parirala ng banal na kasulatan

• Bakit makatutulong na malaman ang mga reperensyang banal na kasulatan at mahahalagang parirala ng banal na kasulatan para sa mga doctrinal mastery scripture passage?

Maaaring natatandaan mo pa ang pahayag na ito ni Elder Richard G. Scott (1928–2015) ng Korum ng Labindalawang Apostol tungkol sa kahalagahan ng pagsasaulo ng mga banal na kasulatan:

Malaking tulong ang nagagawa ng pagsasaulo ng mga banal na kasulatan. Ang pagsasaulo ng isang talata ay pagbubuo ng [bagong] pagkakaibigan. Ito’y parang pagkakaroon ng bagong kakilala na makatutulong sa oras ng pangangailangan, makapagbibigay ng inspirasyon at kapanatagan, at pagmumulan ng panghihikayat para sa kinakailangang pagbabago.

(Richard G. Scott, “Ang Bisa ng Banal na Kasulatan,” Liahona, Nob. 2011, 6)

Upang matulungan kang matutuhan ang mga reperensyang banal na kasulatan at mahahalagang parirala ng banal na kasulatan para sa unang 11 doctrinal mastery scripture passage, maaari mong kopyahin ang sumusunod na chart sa iyong study journal o i-download ang Doctrinal Mastery app sa isang mobile device at gamitin ang mga aktibidad sa app upang matulungan ka sa pagsasaulo.

Ipakita ang sumusunod na chart.

Reperensyang Banal na Kasulatan	Mahalagang Parirala ng Banal na Kasulatan
Lucas 2:10–12	“Sapagkat ipinanganak sa inyo ngayon sa lunsod ni David ang isang Tagapagligtas, na siya ang Cristo, ang Panginoon.”
Juan 3:5	“Malibang ang isang tao’y ipanganak ng tubig at ng Espiritu, hindi siya makakapasok sa kaharian ng Diyos.”
Juan 3:16	“Sapagkat gayon na lamang ang pag-ibig ng Diyos sa sanlibutan na ibinigay niya ang kanyang tanging Anak.”
Mateo 5:14–16	“Paliwanagin ninyo nang gayon ang inyong ilaw sa harap ng mga tao.”
Mateo 11:28–30	“Lumapit kayo sa akin, kayong lahat na nanlulupaypay at lubhang nabibigatan, at kayo’y bibigyan ko ng kapahingahan.”
Mateo 16:15–19	Sinabi ni Jesus, “Ibibigay ko sa iyo ang mga susi ng kaharian.”
Juan 7:17	“Kung ang sinuman ay nagnanais gumawa ng kalooban ng Diyos, ay makikilala niya … ang turo.”
Mateo 22:36–39	“Ibigin mo ang Panginoon mong Diyos. … Ibigin mo ang iyong kapwa.”
Lucas 22:19–20	Iniutos ni Jesucristo, tumanggap ng sakramento “sa pag-aalaala sa akin.”
Juan 17:3	“At ito ang buhay na walang hanggan, na ikaw ay makilala nila na iisang Diyos na tunay, at si Jesucristo.”
Lucas 24:36–39	“Sapagka’t ang isang espiritu’y walang laman at mga buto, na gaya ng inyong nakikita na nasa akin.”

Depende sa laki ng iyong klase, maaari kang magtalaga sa bawat estudyante ng isa o mahigit pa sa 11 doctrinal mastery scripture passage. Kung kinakailangan, maaaring italaga ang parehong scripture passage sa maraming estudyante.

Sabihin sa mga estudyante na lumibot sa silid-aralan at makipagtulungan sa mga kapartner upang mahanap at, kung pipiliin nila, markahan ang lahat ng 11 doctrinal mastery scripture passage at mahahalagang parirala ng banal na kasulatan. Hikayatin ang mga estudyante na magpalitan ng mga kapartner pagkalipas ng ilang minuto.

Sabihin sa mga estudyante na gawin ang mga sumusunod habang nakikipag-ugnayan sila sa isa’t isa (maaaring makatulong na isulat sa pisara ang mga tagubiling ito):

1. Magtanong para mas makilala ang isa’t isa (halimbawa, “Ano ang isa sa mga libangan mo?” o “Ano ang isa sa mga lugar na paborito mong puntahan?”).

2. Tulungan ang isa’t isa na hanapin ang nakatalagang doctrinal mastery scripture passage at mahalagang parirala ng banal na kasulatan. Maaari mong markahan ang scripture passage at mahalagang parirala ng banal na kasulatan sa iyong mga banal na kasulatan.

3. Ibahagi kung bakit mahalaga ang katotohanan sa mahalagang parirala ng banal na kasulatan.

4. Subukang isaulo ang reperensyang banal na kasulatan at mahalagang parirala ng banal na kasulatan.

Pumili ng kahit tatlong doctrinal mastery scripture passage, at gawin ang mga sumusunod:

• Isulat ang mga reperensyang banal na kasulatan at mahahalagang parirala nito nang walang kopya.

• Ibahagi kung bakit sa palagay mo ay mahalagang malaman ang mga talatang ito.

Sa susunod na ilang araw, sikaping isaulo ang mga reperensyang banal na kasulatan at mahahalagang parirala nito para sa kahit tatlo pang doctrinal mastery scripture passage. Maghanap ng mga paraan kung paano mapagpapala ang iyong buhay at ang buhay ng mga kakilala mo sa pamamagitan ng kaalaman mo sa mga talatang ito.

Karagdagang Aktibidad sa Pag-aaral

Isang alternatibong aktibidad

Ang isa pang paraan upang matulungan ang mga estudyante na maisaulo ang mahahalagang parirala ng banal na kasulatan ay sa pamamagitan ng pagsulat sa mga piraso ng papel ng mga tanong na mas may kaugnayan sa bawat doctrinal mastery passage. Maaaring magpartner-partner ang mga estudyante para sa pagsagot sa mga tanong. Ang mga sumusunod ay mga halimbawa ng mga bagay na maaaring itanong:

Lucas 2:10–12

Ano ang gusto mong gawin sa panahon ng Kapaskuhan?

Hanapin ang Lucas 2:10–12. Maaari mong markahan ang mahalagang parirala ng banal na kasulatan na “Sapagkat ipinanganak sa inyo ngayon sa lunsod ni David ang isang Tagapagligtas, na siya ang Cristo, ang Panginoon.”

Subukang isaulo ang reperensyang banal na kasulatan at mahalagang parirala ng banal na kasulatan.

Bakit mahalagang malaman mo ang tungkuling ginagampanan ni Jesucristo bilang ating Tagapagligtas?

Juan 3:5

Ano ang naaalala mo sa iyong binyag?

Hanapin ang Juan 3:5. Maaari mong markahan ang mahalagang parirala ng banal na kasulatan na “Malibang ang isang tao’y ipanganak ng tubig at ng Espiritu, hindi siya makakapasok sa kaharian ng Diyos.”

Subukang isaulo ang reperensyang banal na kasulatan at mahalagang parirala ng banal na kasulatan.

Ano ang sasabihin mo sa isang bagong binyag tungkol sa mga pagpapala ng pagiging miyembro sa kaharian ng Panginoon?