Төгс эзэмших сургаалын давтлага 20
Ойлгох ба тайлбарлах
Төгс эзэмших сургаалын нэг зорилго бол Аврагчийн сургаалыг илүү сайн ойлгож, өөрийн үгээр тайлбарлаж чаддаг болоход тань туслах явдал юм. Энэ хичээл нь Шинэ Гэрээний төгс эзэмших сургаалын судрын хэд хэдэн хэсгийн талаарх ойлголтоо гүнзгийрүүлж, үнэнийг тайлбарлах дадлага хийх боломжийг танд олгоно.
Суралцагчийн бэлтгэл: Суралцагчдыг Шинэ Гэрээний төгс эзэмших сургаалын судрын хэсгүүдийг давтаад, илүү сайн ойлгохыг хүсэж буй нэг хэсгээ сонгоход урь.
Боломжит суралцах үйл ажиллагаа
Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгийн талаарх хичээл бүрийг семинарын үеэр заахын тулд орон нутгийн эсвэл бүсийн захирал, зохицуулагчийн өгсөн цагийн хуваарийг үзнэ үү.
Та Есүс Христийн талаар юу мэдэх вэ?
Дараах зургийг үзүүлээд, үүн дээр дүрсэлсэн үйл явдал Есүс Христийн талаар юу зааж байгааг хамтрагчтайгаа ярилцахад суралцагчдыг урь.
Дараах зургаар төлөөлүүлсэн Түүний амьдралын нэгээхэн хэсгийг ашиглан, Есүс Христийн талаар мэддэг зүйлээ дүрслэн хэл.
Дараа нь дараах гурван зургийг (эсвэл Аврагчийн өөр зургуудыг) үзүүлээд, дараах асуултуудыг ярилцахад суралцагчдыг урь.
Одоо эдгээр зургийг хараад, дараах асуултуудад хариул.
-
Энэ гурван зурагт ямар үйл явдлыг дүрсэлсэн байна вэ?
-
Эдгээр үйл явдал бүр Есүс Христийн тухай болон Түүний үйл хэргийн талаарх таны ойлголтыг хэрхэн зузаатгаж байна вэ?
Аврагч гэж хэн болохыг мөн Тэрээр таны хувьд яагаад чухал болох талаар үнэхээр сурч мэдэхийн тулд Түүний амьдралын талаарх хэд хэдэн түүх, нэгээс олон бошиглогчийн бичвэрийг судлах нь тустай.
Үүнтэй адил төгс эзэмших сургаалын судрын хэд хэдэн хэсэг дээрх үнэнүүдийг харьцуулах нь ганцхан хэсэг дээр төвлөрөхийн оронд Аврагчийн сургаалыг илүү бүрэн дүүрэн ойлгоход танд тусална.
Суралцагчдыг хамтрагчтайгаа дараах үйл ажиллагааг гүйцэтгэхэд урих талаар бодож үз. Тэд харьцуулалт бүр дээр өөр өөр хамтрагчтай ажиллаж болно.
Еврей 12:9 , Иаков 1:5–6 , Иаков 2:17–18 -ыг уншаад, энэ нь бидний Тэнгэрлэг Эцэгийн тухай, Түүнтэй харилцах харилцааны талаар юу зааж байгааг бодож үз.
-
Төгс эзэмших сургаалын судрын энэ гурван хэсгийг хамтад нь судлах нь Бурхантай харилцах харилцаагаа илүү сайн ойлгоход танд хэрхэн тусалж байна вэ?
1 Петр 4:6 ба Илчлэл 20:12 -ыг уншаад, энэ нь Тэнгэрлэг Эцэгийн төлөвлөгөөн дэх Эцсийн шүүлтийн талаар бидэнд юу зааж байгааг бодож үз.
-
Төгс эзэмших сургаалын судрын энэ хоёр хэсгийг хамтад нь судлах нь Эцсийн шүүлтийг илүү сайн ойлгоход танд хэрхэн тусалж байна вэ?
Цаашид дахин хамтад нь судлахыг хүсэж байгаа аливаа судрын хэсэгт холбогдох эшлэлийг нь бичих юм уу холбохыг бод.
Төгс эзэмших сургаалын судрын хэсгүүдийг холбох
Хэрэв дараах үйл ажиллагааг ангиараа хийж гүйцэтгэх нь суралцагчдад илүү тустай гэж үзвэл, Шинэ Гэрээний төгс эзэмших сургаалын судрын илүү сайн судлахыг хүсэж байгаа хэсгээ сонгоход ангийнхныг урь. Судрын эшлэл, түлхүүр үг хэллэгийг самбарт бич.
Дараа нь суралцагчдыг жижиг бүлгээрээ ажиллан, өгөгдсөн цагт багтаан аль болох олон төгс эзэмших сургаалын судрын холбогдох хэсгийг олоход урь. Хэрэв бүх 96 хэсгийг хайх нь суралцагчдын хувьд хэт ахадсан ажил бол зөвхөн Мормоны Номын хэсгүүдийг хайхаар болгож хайлтаа нарийсгах талаар бодож үз (эсвэл хайлтын сонголтоо нарийсгах өөр арга ашигла). Суралцагчид олсон судрын хэсгүүдээ эшлэл гэсэн хэсгийн доор самбарт жагсаан бичиж болно.
Эцэст нь суралцагчдыг судрын нэмэлт хэсгүүд Шинэ Гэрээний сонгосон хэсгийн талаарх ойлголтыг нь хэрхэн өргөжүүлж байгааг тайлбарлахад урь.
a. Та илүү их судлахыг хүсэж байгаа Шинэ Гэрээний төгс эзэмших сургаалын судрын хэсгүүдээсээ аль нэгийг сонгоод, судлах тэмдэглэлдээ эшлэл, түлхүүр үг хэллэгийг нь бич.б. Төгс эзэмших сургаалын судрын хэсгийг олж уншаад, заасан сургаалынх нь талаар юу ойлгосноо бичиж тэмдэглэ.
в. 2022 оны Төгс эзэмших сургаалыг судлах үндсэн материалын сүүлчийн хэсэгт байгаа төгс эзэмших сургаалын судрын хэсэг, түлхүүр үг хэллэгүүдийн бүрэн жагсаалтыг ол.
г. Таны сонгосон Шинэ Гэрээний судрын хэсэгтэй холбоотой судрын бусад хичээлийн төгс эзэмших сургаалын судрын дор хаяж хоёр хэсгийг олж унш.
д. Эдгээр нэмэлт хэсэг нь Шинэ Гэрээний судрын хэсгийн талаарх таны ойлголтыг хэрхэн нэмэгдүүлж байгааг судлах тэмдэглэлдээ бичиж тэмдэглэ.
Хэрэв суралцагчид өмнөх үйл ажиллагааг бие даан гүйцэтгэсэн бол сонгосон Шинэ Гэрээний судрын хэсгээ ойр тойронд нь байгаа суралцагчидтай хуваалцаж, нэмэлт хэсгүүдээс юу сурч мэдсэнээ тайлбарлахад урь.
Хэрэв цаг гарвал, төгс эзэмших сургаалын судрын хоёр дахь хэсгээр үйл ажиллагааг дахин гүйцэтгэхийг бодож үз. Эсвэл суралцагчдаар судлах тэмдэглэлд нь байгаа асуулт эсвэл асуудлыг нь бичүүлээд, эдгээрийг шийдвэрлэхэд туслах төгс эзэмших сургаалын судрын тодорхой хэсгүүдийг оруулахад урь.
Гэртээ судраас судлахад уг үйл ажиллагааг хэрхэн ашиглахыг мөн ийн үйлдэх нь сайн мэдээнээс судлахад тэднийг хэрхэн адислах талаар ярилцахад суралцагчдыг урь.