Төгс эзэмших сургаалын давтлага 21
Төгс эзэмших сургаалын судрын хэсгийг амьдралд хэрэгжүүлэх
Төгс эзэмших сургаалын нэг зорилго бол Аврагчийн сургаалыг илүү сайн ойлгож, тэдгээрийг өөрийн үгээр тайлбарлаж чаддаг болж, амьдралдаа хэрэгжүүлэхэд тань туслах явдал юм. Энэхүү хичээл нь Шинэ Гэрээний төгс эзэмших сургаалын судрын хэсгүүдийг янз бүрийн орчин нөхцөлд хэрэгжүүлэх дадлага хийх боломжийг танд өгөх болно.
Суралцагчийн бэлтгэл: Суралцагчдыг тус болсон Шинэ Гэрээний төгс эзэмших сургаалын судрын хэсгээ сонгоод, энэ нь тэдэнд хэрхэн тусалсан талаар ангийнхантай хуваалцахаар бэлдэж ирэхэд урь.
Боломжит суралцах үйл ажиллагаа
Төгс эзэмших сургаалын судрын хэсгүүдийг давтах
Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгийн талаарх хичээл бүрийг семинарын үеэр заахын тулд орон нутгийн эсвэл бүсийн захирал болон зохицуулагчийн өгсөн цагийн хуваарийг үзнэ үү.
Суралцагчдыг төгс эзэмших сургаалын судрын хэсэг, түлхүүр үг хэллэгүүдийг дахин давтахын тулд нэг нэгнээсээ шалгалт авахад эсвэл өөр арга барилыг ашиглахад урихыг бод. Суралцагчид 2022 оны Төгс эзэмших сургаалыг судлах үндсэн материалыг эсвэл Doctrinal Mastery аппликэйшныг ашиглаж болно. Дараах судрын хэсгүүдийн оронд төгс эзэмших сургаалын судрын өөр хэсгийг ашиглаж болно.
Дараах төгс эзэмших сургаалын судрын хэсгүүдийн эшлэл, түлхүүр үг хэллэгийг давт. Судрын хэсэг дэх сургаалыг амьдралдаа хэрхэн ашиглаж болох талаар бод.
Еврей 12:9 : Тэнгэрлэг Эцэг бол “сүнсний Эцэг” болой.
Иаков 1:5–6 : “Харин та нарын хэн нэг нь мэргэн ухаанаар дутвал … Бурханаас гуйг.”
Иаков 2:17–18 : “Итгэл нь хэрэв үйлсгүй бол өөрөө үхмэл юм.”
1 Петр 4:6 : “Сайн мэдээ нь үхэгсдэд ч хүртэл тунхаглагдсан.”
Илчлэл 20:12 : “Үхэгсэд үйлсийнхээ дагуу … шүүгдэв.”
Төгс эзэмших сургаалын судрын хэсэгт заадаг сургаалыг амьдралд хэрэгжүүлэх
Өсвөр үеийнхний бат бөх байдлын төлөө товхимол нь дараах зөвлөгөөг өгдөг. “Өдөр бүр судруудаас судлаад, уншсан зүйлээ амьдралдаа хэрэгжүүл. Судрууд нь хувийн илчлэл, удирдамж хүлээж авах хүчирхэг эх сурвалж бөгөөд та нарын гэрчлэлийг хүчирхэгжүүлдэг юм.” ([2011], 42).
-
Судраас олж мэдсэн зүйлээ амьдралд хэрэгжүүлэхэд танд тусалдаг ямар ямар зүйлийг та хийдэг вэ?
Суралцагчид хичээлийн бэлтгэл үйл ажиллагаандаа тулгуурлан дараах асуултад хариулж болно.
-
Таны амьдралд ямар төгс эзэмших сургаалын судрын хэсэг тусалсан бэ? Энэ нь танд хэрхэн тусалсан бэ?
Дараах дасгал нь төгс эзэмших сургаалын тодорхой судрын хэсгийг өөрийн амьдралд хэрэгжүүлэн дадлага хийхэд тусална. Дасгалыг гүйцэтгэхдээ хувийн илчлэлт хүлээн авахад бэлэн бай. Ариун Сүнс танд судруудыг амьдралдаа хэрхэн хэрэгжүүлж болох талаарх бодол, санаагаар өдөөж болох юм. Хүлээн авсан аливаа өдөөлтөө жагсаан бичихэд бэлэн бай.
Суралцагч бүрд цаас өгөөд, тэднийг доорх нэг дэх алхмыг гүйцэтгэхэд урь. Дараа нь цаасаа ангийнхаа өөр гишүүнд дамжуулан өгч, хоёр дахь алхмыг хийхэд суралцагчдыг урь. Цаасыг өөр өөр суралцагчдад цааш нь дамжуулан, гурав ба дөрөв дэх алхмыг хий. Суралцагчид мөн энэ үйл ажиллагааг зурвас бичих аппликэйшн бүхий дижитал төхөөрөмж дээрээ гүйцэтгэж болно.
Хийж эхлэхийн өмнө дараахтай адил жишээ суралцагчдад тус болж болох юм. Үүнд: 1. Нэг суралцагч Тэнгэрлэг Эцэг тэдний хэн болохыг мэддэг эсэхэд эргэлзэв. 2. Еврей 12:9 нь Бурхан бидний сүнсний эцэг болохыг заадаг тул тус болж болох юм. 3. Нэг суралцагч Бурхан өөрийг нь мэддэг болохыг мэдрүүлсэн туршлагаа хуваалцав. 4. Урам хугарах үед би Бурханы хүүхэд гэдгээ санаж болно.
Хэрэв суралцагчдад бодит жишээ бодож олоход нь тусламж хэрэгтэй бол ашиглаж болох зарим жишээг өгөх талаар бодож үз.
-
Энэ хичээлийн төгс эзэмших сургаалын судрын нэг эсвэл хэд хэдэн хэсэгтэй холбоотой бодит жишээ өг эсвэл асуулт тавь ( Еврей 12:9 ; Иаков 1:5–6 ; Иаков 2:17–18 ; 1 Петр 4:6 ; Илчлэл 20:12).
-
Шинэ Гэрээний төгс эзэмших сургаалын нэг хэсгийг тодорхойлоод, энэ нь тухайн жишээнд эсвэл асуултад хариулахад танд хэрхэн туслах талаар тайлбарла.
-
Судрын уг хэсэгт заасан сургаалтай холбоотой туршлагыг хуваалц. Энэ нь таны хувийн, мэддэг хүний тань эсвэл сударт цэдэглэсэн туршлага байж болно.
-
Сургаалыг өөрийн амьдралд хэрхэн хэрэгжүүлэхээ эсвэл энэ нь Тэнгэрлэг Эцэг, Есүс Христ хоёрын талаар ойлголттой болоход тань хэрхэн туслах талаар хуваалц.
Суралцагчдыг хийж дуусах үед цаасан дээрх хариултуудаа ангийнхандаа уншиж өгөхөд урь. Дараа нь суралцагчид бусад суралцагчийн үзэл бодлыг сонссоноор олж мэдсэн зүйлээ хуваалцаж болно. Цаг гарвал суралцагчид төгс эзэмших сургаалын судрын өөр хэсгийг ашиглан дасгал ажлыг давтаж болно.
-
Амьдралдаа судруудыг хэрэгжүүлэхэд туслах ямар зүйлийг та энэ долоо хоногт хийх вэ?
-
Үүнийг хийх нь хэрхэн таныг Аврагчтай илүү ойртоход туслах вэ?
Суралцагчдыг судраас өдөр бүр уншин, олж мэдсэн зүйлээ амьдралдаа хэрэгжүүлэхэд уриал. Судраас өдөр бүр судлахын адислалуудыг гэрчил.