Pagrerebyu ng Doctrinal Mastery 23
Unawain at Ipaliwanag
Isa sa mga layunin ng doctrinal mastery ang matulungan kang maunawaan ang doktrinang nakapaloob sa mga doctrinal mastery passage at maipaliwanag ang doktrina sa sarili mong mga salita. Ang lesson na ito ay magbibigay sa iyo ng pagkakataong palalimin ang iyong pag-unawa sa mga katotohanang matatagpuan sa 13 doctrinal mastery passage mula sa pangalawang bahagi ng Bagong Tipan at maipaliwanag ang mga ito.
Maghikayat ng regular na pag-aaral at pagrerebyu ng mga doctrinal mastery passage. Ang pagsasaulo, pag-unawa, pagpapaliwanag, at pagpapamuhay ng mga doctrinal mastery passage ay nangangailangan ng pag-aaral at pagsasanay. Magturo ng isang doctrinal mastery lesson bawat linggo, at hikayatin ang mga estudyante na regular na rebyuhin ang natutuhan nila. Tandaan na ang Doctrinal Mastery app ay isang mahalagang resource na makatutulong sa mga estudyante na patuloy na pag-aralan ang mga doctrinal mastery passage.
Paghahanda ng estudyante: Sabihin sa mga estudyante na rebyuhin sandali ang 13 doctrinal mastery passage mula sa pangalawang bahagi ng Bagong Tipan, at pagkatapos ay pumili ng isang doctrinal mastery passage na gusto nilang mas maunawaan.
Mga Posibleng Aktibidad sa Pag-aaral
Maaaring kailanganing ituro ang isang doctrinal mastery passage lesson kapalit ng lesson sa pagrerebyu na ito. Tingnan ang iskedyul sa pagtuturo na ibinigay ng area o region director o coordinator upang matiyak na maituturo ang bawat doctrinal mastery passage lesson habang may klase sa seminary.
Pagtatanong
-
Kailan ka nakadama ng pasasalamat na nagtanong ka sa isang tao? (Halimbawa, marahil ay may natutuhan ka sa pamamagitan ng pagtatanong, o marahil ay nakatanggap ka ng mahalagang payo matapos humingi ng payo mula sa isang kaibigan o magulang.)
Maaari kang magbahagi ng personal na karanasan upang matulungan ang mga estudyante na mag-isip ng sarili nilang mga karanasan.
-
Ano ang ilang dahilan kung bakit mahalagang magtanong kapag pinag-aaralan ang ebanghelyo ni Jesucristo?
Sinabi ni Pangulong Henry B. Eyring ng Unang Panguluhan: “Ang pagtatanong at pagsagot sa mga tanong ang susi sa lahat ng pag-aaral at pagtuturo” (“The Lord Will Multiply the Harvest” [isang gabi kasama ang isang General Authority, Peb. 6, 1998], 5–6, sa Teaching Seminary: Preservice Readings [2004], 98).
Ang pagtatanong tungkol sa mga doctrinal mastery passage ay makatutulong sa atin na mas maunawaan ang mga ito at mas lubos na maanyayahan ang tulong ng Tagapagligtas sa ating buhay.
Maaari mong ipakita ang lahat ng 13 doctrinal mastery scripture reference o ipakita sa mga estudyante kung saan nila makikita ang mga ito. Kung ninanais, gamitin ang lahat ng 24 na doctrinal mastery passage sa Bagong Tipan para sa pagrerebyung ito, o pumili ng ilan, depende sa mga pangangailangan ng klase.
Doctrinal Mastery sa Bagong Tipan: 1 Corinto–Apocalipsis
|
“Ang inyong katawan ay templo ng Espiritu Santo.” | |
|
“Sa Panginoon, kailangan ng babae ang lalaki at ang lalaki ay kailangan ng babae.” | |
|
“Sapagkat kung paanong kay Adan ang lahat ay namamatay, gayundin kay Cristo ang lahat ay bubuhayin.” | |
|
Sa Pagkabuhay na Mag-uli, may tatlong antas ng kaluwalhatian. | |
|
“Bilang katiwala ng kaganapan ng panahon, upang tipunin ang lahat ng mga bagay kay Cristo.” | |
|
Ang Simbahan ay “itinayo sa saligang inilagay ng mga apostol at ng mga propeta, na si Cristo Jesus ang batong panulok.” | |
|
“Ang araw [ni Cristo] … [ay] hindi darating malibang maunang maganap ang pagtalikod.” | |
|
“Ang mga banal na kasulatan [ay] makakapagturo sa iyo tungo sa kaligtasan.” | |
|
Ang Ama sa Langit ang “Ama ng mga espiritu.” | |
|
“Kung ang sinuman sa inyo ay nagkukulang ng karunungan, humingi siya sa Diyos.” | |
|
“Ang pananampalataya … kung ito ay walang mga gawa ay patay.” | |
|
“Ang ebanghelyo ay ipinangaral maging sa mga patay.” | |
|
“At ang mga patay ay hinatulan ayon sa kanilang mga gawa.” |
Maaaring gawin ang sumusunod na aktibidad bilang isang klase gamit ang isa sa mga doctrinal mastery passage, at pagkatapos ay anyayahan ang mga estudyante na ulitin ang aktibidad gamit ang ibang doctrinal mastery passage na pipiliin nila. Ang mga estudyante ay maaaring gumawa nang magkakagrupo, nang magkakapartner, o nang mag-isa, depende sa mga pangangailangan ng klase.
Pumili ng isa sa 13 doctrinal mastery passage na gusto mong mas maunawaan pa. Basahin ito nang mabuti. Suriin ang mga salita at parirala ng doctrinal mastery passage, at isulat ang nauunawaan mo tungkol sa doctrinal mastery passage at ang mga tanong na maaaring itanong mo o ng ibang tao tungkol dito. Halimbawa, maaari mong itanong tungkol sa Efeso 2:19–20 ang “Ano ang batong panulok at bakit ito inihambing kay Jesucristo?” O maaari mong isipin kung ano ang ibig sabihin ng pariralang “pagtalikod” sa 2 Tesalonica 2:1–3 .
Magsulat ng maraming tanong hangga’t kaya mo.
Maaaring isulat ng mga estudyante ang doctrinal mastery passage na pinili nila sa kanilang study journal o sa isang papel, at pagkatapos ay maaari nilang isulat ang kanilang mga tanong sa paligid nito.
Kapag nakapagsulat ka na ng maraming tanong hangga’t kaya mo, pumili ng ilang tanong na sa palagay mo ay pinakamahalagang maunawaan, at sagutin ang mga ito gamit ang makukuhang mga tool sa pag-aaral ng mga banal na kasulatan. Kabilang sa mga tool na ito ang Gabay sa mga Banal na Kasulatan, mga talababa sa banal na kasulatan, Gospel Library app, o mga mensahe sa pangkalahatang kumperensya. Maaari mo ring piliing gumamit ng ilang estratehiya sa pag-aaral ng mga banal na kasulatan na natutuhan mo sa taong ito, tulad ng pagbabasa ng mga talatang nauugnay rito o pagsisikap na maunawaan ang konteksto ng banal na kasulatan. Isulat sa iyong study journal ang mga sagot mo.
Tandaan na hindi lahat ng tanong ay madaling sagutin at ang ilan ay maaaring mangailangan ng karagdagang oras at mapanalanging pag-aaral at pagninilay.
Upang mahikayat pa ang mga estudyante at makagawa pa ng iba-ibang paraan, maaari mong ipasulat sa kanila ang doctrinal mastery passage na pinili nila at ang kanilang mga tanong sa hiwalay na papel na may nakasulat na pangalan nila. Pagkatapos ay sabihin sa mga estudyante na makipagpalit ng papel sa isa pang estudyante. Bilang alternatibo, sabihin sa mga estudyante na ipasa ang kanilang mga papel sa harap upang maibalasa at random na maipamahagi ang mga papel sa iba pang mga estudyante.
Bigyan ng oras ang mga estudyante na magamit ang mga tool at estratehiya sa pag-aaral ng banal na kasulatan upang maghanap ng mga sagot sa mga tanong sa mga papel na natanggap nila at isulat ang mga sagot na iyon sa papel. Pagkatapos ng sapat na oras, sabihin sa mga estudyante na ibalik ang mga papel sa mga estudyanteng nakasulat sa mga papel ang mga pangalan.
Ipabahagi sa ilang estudyante ang doctrinal mastery passage na pinili nila, ang ilan sa mga tanong na isinulat nila, at ang mga sagot na natuklasan nila o ng kanilang mga kaklase. Maaari mo ring itanong sa kanila kung ano ang ipinauunawa sa kanila ng scripture passage tungkol sa Tagapagligtas o sa Kanyang ebanghelyo.
Kung may oras pa (o sa ibang araw), maaari mong anyayahan ang mga estudyante na ulitin ang aktibidad gamit ang isa pang doctrinal mastery passage.