Төгс эзэмших сургаалын давтлага 24
Төгс эзэмших сургаалын судрын хэсгийг амьдралд хэрэгжүүлэх
Төгс эзэмших сургаалын зорилгуудын нэг бол төгс эзэмших сургаалын хэсгүүдийг өөрийн амьдралд хэрхэн хэрэгжүүлэх талаар суралцахад тань туслах явдал юм. Энэ хичээл танд төгс эзэмших сургаалын зарим хэсгийг янз бүрийн бодит нөхцөл байдалд хэрэгжүүлэн дадлага хийх боломжийг олгоно.
Суралцагчийн бэлтгэл: Суралцагчдыг Doctrinal Mastery аппликэйшн эсвэл бусад арга замыг ашиглан Шинэ Гэрээний төгс эзэмших сургаалын судрын эшлэл, түлхүүр үг хэллэгүүдийг цээжлэх дадлага хийхэд урь. Тэднээс амьдралд хэрэгжүүлж байсан судрын нэг хэсгээ хуваалцахаар бэлдэж ирэхийг хүс.
Боломжит суралцах үйл ажиллагаа
Сайн мэдээний зарчмуудыг амьдралд хэрэгжүүлэх
Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгийн талаарх хичээл бүрийг семинарын үеэр заахын тулд орон нутгийн эсвэл бүсийн захирал болон зохицуулагчийн өгсөн цагийн хуваарийг үзнэ үү.
Тэргүүн зөвлөлд байхдаа ерөнхийлөгч Дийтр Ф.Угдорф сайн мэдээний зарчмуудыг амьдралд хэрэгжүүлэхийн ач холбогдлыг тайлбарлажээ. ChurchofJesusChrist.org дээрх “Чин үнэнч байх нь” видеог цагийн код 11:24-өөс 12:02 хүртэл үз эсвэл дараах мэдэгдлийг унш.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F2a%2F2e%2F2a2e5f777ca371569f0104d841e4be727c019b22%2F2a2e5f777ca371569f0104d841e4be727c019b22.jpeg/full/!250,/0/default)
ЗурагOfficial portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.Есүс Христийн энэ Сүмд та сайн мэдээний зарчмуудыг өдөр бүр амьдралдаа ашигласнаар гэрчлэлээ хүчирхэгжүүлж, Аврагчид ойртож чадна.
Тэвчээртэй байж, тууштай үргэлжлүүлснээр дагалдагчийн хамгийн энгийн үйлдэл эсвэл итгэлийн хамгийн жижиг цог нь ариусгагдсан амьдралын дүрэлзэх гал болон асах боломжтой. Үнэнийг хэлэхэд, ихэнх түүдэг гал жижиг очноос л эхэлдэг шүү дээ.
(Дийтр Ф.Угдорф, “Чин үнэнч байх нь,” 2015 оны 4-р сарын Ерөнхий чуулган, 68)
Амьдралдаа саяхан хэрэгжүүлсэн сайн мэдээний зарим үнэнийнхээ талаар бод.
-
Эдгээр үнэнийг мэдэх нь таны сонгох сонголтуудад хэрхэн нөлөөлөх вэ?
Энэ хичээлээр сайн мэдээний зарчмуудыг өдөр бүр амьдралдаа хэрэгжүүлэхэд туслах үйл ажиллагаануудад оролцох боломж танд олдоно.
Төгс эзэмших сургаалын судрын хэсгүүдийг давтах
Төгс эзэмших сургаалын судрын эшлэл, түлхүүр үг хэллэгийг давтахад хичээлийн багахан хэсгийг зарцуулбал зохино. Үйл ажиллагааны энэ хэсэг нь суралцагчдад судрын хэсгүүдийг санаж, аль хэдийн мэддэг болсон үнэнүүдээ хурдан тодорхойлоход нь туслах зорилготой.
Төгс эзэмших сургаалын судрын дараах хэсгүүдийг хальт хараад, тэдгээрийн дагуу амьдрахын тулд юу хийснээ бод.
Дараах хүснэгтийг үзүүлж, хичээлийн туршид харах боломжийг суралцагчдад олго.
Шинэ Гэрээний төгс эзэмших сургаал: 1 Коринт–Илчлэл
“Та нарын бие бол Ариун Сүнсний сүм.” | |
“Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.” | |
“Адам дотор бүгд үхдэгчлэн Христ дотор бүгд амьд болгогдоно.” | |
Амилалтад гурван түвшний алдар суу байдаг. | |
“Цагийн дүүрлийг гүйцэлдүүлэхийн тулд … бүх юмсыг Христ дотор нэгтгэх зорилго байжээ.” | |
Сүм “элч нар болон эш үзүүлэгчдийн суурин дээр босгогдож байгаа бөгөөд Христ Есүс Өөрөө булангийн чулуу нь ажээ.” | |
“Эхлээд урвалт гарахаас нааш Христийн өдөр ирэхгүй.” | |
“Авралд чамайг мэргэн болгох чадалтай ариун судар бичгүүд.” | |
Тэнгэрлэг Эцэг бол “сүнсний Эцэг.” | |
“Харин та нарын хэн нэг нь мэргэн ухаанаар дутвал, Бурханаас гуйг.” | |
“Итгэл нь хэрэв үйлсгүй бол өөрөө үхмэл юм.” | |
“Сайн мэдээ нь үхэгсдэд ч хүртэл тунхаглагдсан.” | |
“Үхэгсэд үйлсийнхээ дагуу … шүүгдэв.” |
Үнэнүүдийг амьдралд хэрэгжүүлэх
Бусад хүнийг сайн мэдээний үнэнүүдийг хэрхэн амьдралдаа хэрэгжүүлж байгааг харах нь тустай байж болох юм.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fe8%2F09%2Fe809d8d5531e623ba58335d322febc8aa932a9b1%2Fe809d8d5531e623ba58335d322febc8aa932a9b1.jpeg/full/!250,/0/default)
-
Сайн мэдээний үнэнүүдийг мэдэж авч, тэдгээрийн дагуу амьдрах нь өнгөрсөн үед танд хэрхэн тусалж байсан, одоо хэрхэн тусалж байгаа мөн ирээдүйд хэрхэн туслах талаар бод. Өөрийн судалсан төгс эзэмших сургаалын судрын хэсгүүд дэх үнэнийг амьдралд хэрэгжүүлэх дадлага хийхэд туслах дараах үйл ажиллагааг хийж гүйцэтгэ.
Энэ үйл ажиллагааг тохируулан өөрчлөх нэг арга зам бол суралцагч бүрийг дараах алхмуудыг хийхэд урих явдал юм. Үүнд:
-
Төгс эзэмших сургаалын судрын нэг хэсгийг сонгоод, эшлэл, түлхүүр үг хэллэгийг цаасан дээр бич. Цаасан дээрээ нэрээ бич.
-
Цаасаа өөр суралцагчтай солиод, “Өнгөрсөн үе” гэсэн гарчгийн доор жагсаасан зааварчилгааг дага.
-
Цаасаа дахин солиод, “Одоо үе” гэсний доорх зааварчилгааг дага.
-
Цаасаа сүүлийн удаа солиод, “Ирээдүй” гэсний доорх зааварчилгааг дага.
-
Цаасаа эхлээд өгсөн суралцагчид эргүүлэн өг.
Уг үйл ажиллагааг хийж дуусгаад, суралцагчдаар тэдэнд таалагдсан ангийнхныхаа бичсэн эсвэл онцгой санагдсан ямар нэг зүйлийг хуваалцуул.
Өнгөрсөн үе
Төгс эзэмших сургаалын судрын хэсгийн аль нэгэн үнэнд итгэж найдаж байсан үеийнхээ талаар бод. Хэрэв амьдралын тань тодорхой цаг үе таны санаанд орж ирэхгүй байвал төгс эзэмших сургаалын судрын хэсгийн үнэний дагуу амьдарснаар адислагдсан таньдаг хүнийхээ эсвэл судрын түүхэнд гардаг хэн нэгний талаар бод.
Тухайн үнэний дагуу амьдарснаар ирсэн адислалуудыг бичиж тэмдэглэ. Энэ нь Тэнгэрлэг Эцэг, Есүс Христ хоёрт итгэх итгэлийг тань хэрхэн нэмэгдүүлсэн эсвэл нэмэгдүүлж болохыг тайлбарла.
Одоо үе
Одоогийн хэрэгцээ шаардлага, нөхцөл байдлынхаа талаар бод. Төгс эзэмших сургаалын судрын хэсгүүдийг эргэн хараад, амьдралдаа илүү сайн дагаж чадна гэж үзэж байгаа хэсгээ сонго. Та итгэлээр үйлдэж, судрын тухайн хэсгийг амьдралд хэрэгжүүлэхийн тулд юу хийж чадахаа бичиж тэмдэглэ.
Ирээдүй
Төгс эзэмших сургаалын судрын нэг хэсгийг сонгоод, тухайн судрын хэсэгт заасан үнэнүүд ирээдүйд итгэлээр үйлдэхэд танд тусалж болох нэг жишээг бич.
Суралцагчдад хичээлийн эхэнд уншсан ахлагч Угдорфын сургаалыг сануулах нь тустай байж болно. Дараахтай адил асуултуудыг авч үзэн ярилцах нь суралцагчдад сайн мэдээний үнэнүүдийг амьдралдаа хэрэгжүүлэхийн ач холбогдлын талаар эргэцүүлэн бодоход тусална.
Үнэнийг мэдэж, үүний дагуу үйлдэх нь таны амьдрал, шийдвэрт хэрхэн нөлөөлснийг тунгаан бод.
-
Сайн мэдээний дагуу амьдрах нь Христэд итгэх таны итгэлийг бэхжүүлэхэд хэрхэн тусалсан бэ?
-
Та ирээдүйн сонголтдоо Христийн үнэнүүдийг илүү сайн санахын тулд юу хийж болох вэ?
Нэмэлт суралцах үйл ажиллагаа
Жүжигчлэн тоглох
Ангийнхныг жижиг бүлгүүдэд хуваагаад, төгс эзэмших сургаалын судрын хэсэг дэх үнэн тус болж болох жишээнүүдийг зохиож, тэдгээрийг жүжигчлэн үзүүлэхэд урихыг бод. Уг жишээг үзэж буй суралцагчид жишээн дээрх хүнд итгэлээр үйлдэхэд нь туслах төгс эзэмших сургаалын судрын хэсгийн үнэнүүдийн талаар бодож болно. Энэ үйл ажиллагааны өөр нэг хувилбар бол тухайн нөхцөлд төгс эзэмших сургаалын судрын аль нэгэн хэсгийг удирдамж чиглэл болгон ашиглан, хэрхэн итгэлээр үйлдэж болохыг харуулан жүжигчлэн тоглоход бүлгүүдийг урих явдал байж болно.