Përsëritja 25 e Zotërimit Doktrinor

Kupto dhe Zbato

A woman is sitting against a tree reading her scriptures. It is a nice sunny day with clouds in the sky. She has a flower in her hair.

Një nga qëllimet e zotërimit doktrinor është të të ndihmojë t’i kuptosh dhe zbatosh fragmentet e zotërimit doktrinor në rrethanat e tua ose teksa ndihmon njerëz të tjerë. Ky mësim do të të japë mundësi për ta thelluar kuptueshmërinë tënde për të vërtetat e 13 fragmenteve të zotërimit doktrinor nga gjysma e dytë e Dhiatës së Re dhe për t’i zbatuar ato.

Përgatitja e nxënësve: Merreni parasysh t’u jepni nxënësve një kopje të fletushkës së përfshirë në këtë mësim. Ftojini ata t’i shqyrtojnë referencat e shkrimit të shenjtë dhe frazat kyç të shkrimit të shenjtë dhe të marrin parasysh situatat në të cilat të kuptuarit e atyre fragmenteve mund të jetë i dobishëm.

Veprimtari të Mundshme të të Mësuarit

Në vend të këtij mësimi përsëritjeje mund të nevojitet të jepet një mësim për fragmentin e zotërimit doktrinor. Referojuni udhëzuesit të ritmit mësimor të ofruar nga drejtori apo bashkërenduesi zonal ose rajonal për t’u siguruar që të jepet çdo mësim për fragmentet e zotërimit doktrinor gjatë zhvillimit të seminarit.

Të forcuarit nëpërmjet të vërtetave të ungjillit

Presidenti M. Rasëll Ballard, i Kuorumit të Dymbëdhjetë Apostujve, një herë u shpreh se një nga qëllimet e zotërimit doktrinor është të përqendrohet te “ndërtimi dhe forcimi i besimit [tonë] te Jezu Krishti dhe fortifikimi [ynë] me mundësi më të madhe për ta jetuar dhe vënë në zbatim ungjillin në jetën [tonë]” (“Mundësitë dhe Përgjegjësitë e Mësuesve të SAK-ut në Shekullin e 21-të” [mbrëmje me një Autoritet të Përgjithshëm, 26 shkurt 2016], broadcasts.ChurchofJesusChrist.org). Me fjalë të tjera, fragmentet e zotërimit doktrinor kanë për qëllim ta bëjnë më të fortë besimin tënd!

Përfytyro sikur ke shokë që të thonë një ditë pas seminarit se ata mendojnë se zotërimi doktrinor është humbje kohe. Ata mendojnë se fragmentet e zotërimit doktrinor nuk janë të dobishme dhe nuk e kuptojnë se si ato mund t’i ndihmojnë në jetën e tyre.

Duke përdorur tabelën e dhënë, reflekto për fragmentet që ke studiuar gjatë kësaj gjysme të Dhiatës së Re. Përsiat se cilat fragmente kanë qenë një bekim ose një ndihmë për ty.

Zotërimi Doktrinor i Dhiatës së Re: 1 Korintasve–Zbulesa

Referenca e Shkrimit të Shenjtë	Fraza Kyç e Shkrimit të Shenjtë
1 Korintasve 6:19–20	“Trupi juaj është tempulli i Frymës së Shenjtë.”
1 Korintasve 11:11	“Në Zotin as burri s’është pa gruan, as gruaja pa burrin.”
1 Korintasve 15:20–22	“Ashtu sikur të gjithë vdesin në Adamin, kështu të gjithë do të ngjallen në Krishtin.”
1 Korintasve 15:40–42	Në Ringjallje, ka tri shkallë lavdie.
Efesianëve 1:10	“Kur të plotësoheshin kohërat, t’i sillte në një krye të vetëm, në Krishtin, të gjitha gjërat.”
Efesianëve 2:19–20	Kisha është “ndërtuar mbi themelin e apostujve dhe të profetëve, duke q[e]në Jezu Krishti vetë guri i qoshes”.
2 Thesalonikasve 2:1–3	“Dita e Krishtit … nuk do të vijë, pa ardhur më parë rënia.”
2 Timoteut 3:15–17	“Shkrimet e shenjta … mund të të bëjnë të ditur për shpëtimin.”
Hebrenjve 12:9	Ati Qiellor është “Ati [i] shpirtrave”.
Jakob [Bibël] 1:5–6	“Por në qoftë se ndonjërit nga ju i mungon urtia, le të kërkojë nga Perëndia.”
Jakob [Bibël] 2:17–18	“Besimi; në qoftë se s’ka vepra, është i vdekur.”
1 Pjetër 4:6	“Ungjilli u është predikuar edhe të vdekurve.”
Zbulesa 20:12	“Dhe të vdekurit u gjykuan … sipas veprave të tyre.”

New Testament Seminary Teacher Manaul - 2023

Si je bekuar, forcuar ose përforcuar me anë të ndonjë prej fragmenteve të zotërimit doktrinor që e ke studiuar këtë vit?

Për ta ftuar Shpëtimtarin të na ndërtojë, forcojë dhe përforcojë nëpërmjet fragmenteve të zotërimit doktrinor, ne duhet ta rritim kuptueshmërinë dhe aftësinë tonë për t’i zbatuar të vërtetat që gjenden te fragmentet. Veprimtaritë vijuese kanë për qëllim që të të ndihmojnë për ta bërë këtë.

Të kuptuarit dhe të mbajturit mend të të vërtetave të ungjillit

Një mënyrë për t’i kuptuar dhe për t’i mbajtur mend më mirë të vërtetat që gjenden në fragmentet e zotërimit doktrinor është t’i krahasosh ato me sende dhe situata të përditshmërisë.

Zgjidh dy nga fragmentet që ti do të doje t’i kuptoje më mirë dhe shqyrtoji frazat e tyre kyç të shkrimit të shenjtë.

Në varësi të nevojave të nxënësve dhe kohës në dispozicion, nxënësit mund të përzgjedhin më shumë se dy fragmente për këtë veprimtari.

a) Vizato ose bëj një fotografi të një sendi apo situate që ti e ndien se ka lidhje me frazën kyç të shkrimit të shenjtë në fragment. (Për shembull, për vargjet te Jakob [Bibël] 1:5–6 ti mund të vizatosh dikë duke u lutur. Për vargjet te 1 Korintasve 15:40–42 ti mund të vizatosh ose të bësh një fotografi të diellit, hënës ose yjeve.)

b) Shkruaj një shpjegim të shkurtër të mënyrës se si fotografia jote ka lidhje me të vërtetën që jepet mësim në fragment.

Merreni parasysh t’i ftoni nxënësit t’ia tregojnë vizatimin ose fotografinë e tyre së bashku me shpjegimin e tyre një partneri ose grupi të vogël. Mund të jetë e dobishme t’i ftoni gjithashtu disa nxënës t’ia tregojnë fotografinë dhe shpjegimin e tyre klasës.

Zbatimi i të vërtetave të ungjillit

Plaku Dejvid A. Bednar, i Kuorumit të Dymbëdhjetë Apostujve, dha mësim një të vërtetë që mund të na ndihmojë t’i kuptojmë dhe zbatojmë fragmentet e zotërimit doktrinor. Ai dha mësim se parimet e ungjillit sigurojnë “këndvështrimin e çmuar të së vërtetës së përjetshme ndërsa lundrojmë në rrethana, sfida, vendime dhe përvoja të ndryshme të vdekshmërisë” (“Parimet e Ungjillit Tim”, Liahona, maj 2021, f. 123). Parimet që gjenden në fragmentet e zotërimit doktrinor mund të na ndihmojnë në shumë situata në jetën tonë.

Zgjidh dy fragmente me parime që do të doje t’i dije se si t’i zbatoje në jetën tënde. Ato mund të jenë të njëjtat fragmente që zgjodhe më herët, ose mund të jenë të ndryshme.

Në varësi të nevojave të nxënësve dhe kohës në dispozicion, nxënësit mund të përzgjedhin më shumë se dy fragmente për këtë veprimtari.

Për secilin fragment përshkruaj një situatë në të cilën dikush do të kishte mundësinë ta zbatonte të vërtetën e dhënë mësim në fragment. Për shembull, një e re mund të jetë më e nxitur të marrë pjesë në punën për historinë familjare duke e rritur dëshminë e saj për doktrinën e shpëtimit për të vdekurit të dhënë mësim te 1 Pjetër 4:6 .

Shpjego se si zbatimi i së vërtetës të dhënë mësim në secilin fragment që zgjodhe mund ta ndihmojë personin të marrë ndihmën e Shpëtimtarit.

Merreni parasysh t’i jepni çdo nxënësi një kartë letre ose copë letër dhe t’u kërkoni atyre ta shkruajnë referencën e zotërimit doktrinor, situatën dhe shpjegimin e mënyrës se si e vërteta e dhënë mësim në fragmentin e zotërimit doktrinor mund ta ndihmojë dikë. Mund të jetë përfshirëse dhe informuese t’i mblidhni më pas kartat e letrave ose letrat dhe t’i lexoni situatat, duke e ftuar klasën të gjejë se cili fragment mund të jetë më i dobishëm në secilën situatë dhe të shpjegojë përse. Nëse një nxënës përcakton një fragment të ndryshëm nga ai i shkruar në letër, ftojeni atë nxënës të shpjegojë se si fragmenti që ai përmendi mund të jetë gjithashtu i dobishëm.

Nxënësit mund ta gjejnë si klasë, në dyshe ose në grupe të vogla, apo individualisht.

Veprimtari Plotësuese të të Mësuarit

Mësoni Përmendsh

Nëse nxënësve mund t’u nevojitet më shumë praktikë për mësimin përmendsh të frazave kyç dhe referencave të shkrimit të shenjtë për zotërimin doktrinor, merreni parasysh të bëni disa ose të gjitha veprimtaritë vijuese:

Paraqitini të gjitha referencat e shkrimit të shenjtë për zotërimin doktrinor dhe frazat kyç të shkrimit të shenjtë jo në rendin e duhur. Ftojini nxënësit të shohin se sa referenca të shkrimit të shenjtë dhe fraza kyç të shkrimit të shenjtë mund të përputhin me saktësi. Më pas ftojini nxënësit ta kontrollojnë punën e tyre duke përdorur shkrimet e tyre të shenjta.
Paraqitni vetëm një pjesë të frazave kyç të shkrimit të shenjtë dhe ftojini nxënësit t’i plotësojnë ato dhe jepni referencat e shkrimit të shenjtë.
Filloni t’i lexoni frazat kyç të shkrimit të shenjtë me ngadalë, fjalë pas fjale. Kur nxënësit mendojnë se e dinë se cila frazë kyç e shkrimit të shenjtë po lexohet, ata mund ta hapin atë në shkrimet e tyre të shenjta.
Nëse është në dispozicion, merreni parasysh t’i ftoni nxënësit të përdorin programin kompjuterik Doctrinal Mastery [Zotërimi Doktrinor] për të ushtruar mësimin përmendsh.

Interpretimi me role

Motra Xhoi D. Xhons, ish‑Presidente e Përgjithshme e Fillores, tha se interpretimi me role “mund t’i forcojë fëmijët që të jenë të përgatitur në një mjedis sfidues” (“Bashkëbisedimet Thelbësore”, Liahona, maj 2021, f. 14). Nxënësit mund të ftohen të përcaktojnë një situatë në të cilën një e vërtetë nga një fragment i zotërimit doktrinor mund të jetë e dobishme. Më pas ata mund të interpretojnë me role për t’iu përgjigjur situatës duke përdorur të vërtetën nga fragmenti i zotërimit doktrinor.