Төгс эзэмших сургаалын давтлага 25
Ойлгох ба ашиглах
Төгс эзэмших сургаалын зорилгуудын нэг бол төгс эзэмших сургаалын судрын хэсгүүдийг ойлгож, өөрийн нөхцөл байдалд эсвэл бусад хүнд туслах зорилгоор ашиглахад танд туслах явдал юм. Энэ хичээл нь Шинэ Гэрээний хоёр дахь хагасаар авч үзсэн төгс эзэмших сургаалын судрын 13 хэсгийн талаарх ойлголтоо гүнзгийрүүлж, үнэнийг амьдралд хэрэгжүүлэх боломжийг танд олгоно.
Суралцагчийн бэлтгэл: Суралцагчдад энэ хичээлд орсон тараах материалын хуулбарыг өгч болно. Тэднийг судрын эшлэл, түлхүүр үг хэллэгийг давтаад, тухайн хэсгийг ойлгоход туслах нөхцөл байдлуудыг бодож үзэхэд урь.
Боломжит суралцах үйл ажиллагаа
Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгийн талаарх хичээл бүрийг семинарын үеэр заахын тулд орон нутгийн эсвэл бүсийн захирал болон зохицуулагчийн өгсөн цагийн хуваарийг үзнэ үү.
Сайн мэдээний үнэнүүдээр хүчирхэгжих
Арван хоёр төлөөлөгчийн чуулгын ерөнхийлөгч М.Рассэлл Баллард нэгэнтээ төгс эзэмших сургаалын зорилгуудын нэг бол “Есүс Христэд итгэх бидний итгэлийг бий болгож, бэхжүүлэх болон биднийг амьдралдаа хэрэгжүүлж, түүний дагуу амьдрах чадварыг бататгахад төвлөр[өх]” явдал болохыг хэлсэн (“21-р зуун дахь СБС-ийн багш нарын боломж ба үүрэг хариуцлага” [Ерөнхий эрх мэдэлтэнтэй хамт нэгэн үдэш, 2016 оны 2-р сарын 26], broadcasts.ChurchofJesusChrist.org). Өөрөөр хэлбэл, төгс эзэмших сургаалын судрын хэсгүүд нь таны итгэлийг илүү хүчирхэг болгох зорилготой!
Нэг өдөр семинарын дараа найзууд тань төгс эзэмших сургаалыг цагийн гарз гэж бодож байгаагаа танд хэлсэн гэж төсөөл. Тэд төгс эзэмших сургаалыг тус болно гэж үздэггүй бөгөөд энэ нь амьдралд нь хэрхэн тус болохыг олж хардаггүй.
Өгөгдсөн хүснэгтийг ашиглаад, Шинэ Гэрээний энэ хагасын үеэр судалсан судрын хэсгүүдээ эргэцүүлэн бод. Судрын аль хэсэг таны хувьд адислал байсан эсвэл тус болж байсныг тунгаан бод.
Дараах судрын эшлэл, түлхүүр үг хэллэгүүдийг харуул эсвэл суралцагчдад тараах материал болгон өг.
Шинэ Гэрээний төгс эзэмших сургаал: 1 Коринт–Илчлэл
Судрын эшлэл |
Судрын түлхүүр үг хэллэг |
“Та нарын бие бол Ариун Сүнсний сүм.” | |
“Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.” | |
“Адам дотор бүгд үхдэгчлэн Христ дотор бүгд амьд болгогдоно.” | |
Амилалтад гурван түвшний алдар суу байдаг. | |
“Цагийн дүүрлийг гүйцэлдүүлэхийн тулд … бүх юмсыг Христ дотор нэгтгэх зорилго байжээ.” | |
Сүм “элч нар болон эш үзүүлэгчдийн суурин дээр босгогдож байгаа бөгөөд Христ Есүс Өөрөө булангийн чулуу нь ажээ.” | |
“Эхлээд урвалт гарахаас нааш Христийн өдөр ирэхгүй.” | |
“Авралд чамайг мэргэн болгох чадалтай ариун судар бичгүүд.” | |
Тэнгэрлэг Эцэг бол “сүнсний Эцэг.” | |
“Харин та нарын хэн нэг нь мэргэн ухаанаар дутвал, Бурханаас гуйг.” | |
“Итгэл нь хэрэв үйлсгүй бол өөрөө үхмэл юм.” | |
“Сайн мэдээ нь үхэгсдэд ч хүртэл тунхаглагдсан.” | |
“Үхэгсэд үйлсийнхээ дагуу … шүүгдэв.” |
-
Таны энэ жил суралцсан төгс эзэмших сургаалын судрын хэсгүүдийн аль нэг нь таныг хэрхэн адисалж, хүчирхэгжүүлж эсвэл бэхжүүлсэн бэ?
Биднийг төгс эзэмших сургаалын судрын хэсгээр дамжуулан хөгжүүлэн, хүчирхэгжүүлж, бэхжүүлэхэд Аврагчийг урихын тулд бид судрын хэсгээс олж мэдсэн үнэнүүдийн талаарх ойлголтоо сайжруулж, амьдралд хэрэгжүүлэх чадвараа нэмэгдүүлэх ёстой. Дараах үйл ажиллагаа нь үүнийг хийхэд танд туслах зорилготой.
Сайн мэдээний үнэнүүдийг ойлгох ба санах
Төгс эзэмших сургаалын судрын хэсэг дэх үнэнүүдийг илүү сайн ойлгож, санах нэг арга зам бол тэдгээрийг өдөр тутам хэрэглэгддэг эд зүйлс, тулгардаг нөхцөл байдалтай харьцуулах явдал юм.
Илүү сайн ойлгохыг хүсэж байгаа хоёр судрын хэсгийг сонгоод, түлхүүр үг хэллэгүүдийг нь давт.
Суралцагчдын хэрэгцээ шаардлага, боломжит цаг хугацаанаас хамааран суралцагчид энэ үйл ажиллагаагаар хоёроос олон судрын хэсгийг сонгож болно.
A) Уг хэсэг дээрх түлхүүр үг хэллэгтэй хамаатай гэж бодож байгаа эд зүйлийн эсвэл нөхцөл байдлын зургийг зур эсвэл ав. (Жишээлбэл: Иаков 1:5–6-д зориулан та залбирч буй хүнийг зурж болно. 1 Коринт 15:40–42-т зориулж та нар, сар эсвэл одны зургийг зурж эсвэл авч болно.)
B) Таны зураг судрын уг хэсэг дээр заасан үнэнтэй хэрхэн холбоотой болохыг товч тайлбарлан бич.
Суралцагчдыг зурсан эсвэл авсан зургаа тайлбарын хамтаар хамтрагчтайгаа эсвэл жижиг бүлгийнхэнтэйгээ хуваалцахад урих талаар бодож үз. Хэдэн суралцагчийг зураг, тайлбараа ангийнхантай хуваалцахад урих нь мөн тустай байж болох юм.
Сайн мэдээний үнэнүүдийг ашиглах
Арван хоёр төлөөлөгчийн чуулгын ахлагч Дэвид А.Бэднар төгс эзэмших сургаалын судрын хэсгийг ойлгож, ашиглахад бидэнд туслах үнэнийг заасан. Тэрээр сайн мэдээний зарчмууд нь “мөнх бус амьдралын янз бүрийн нөхцөл байдал, бэрхшээл, шийдвэр, туршлагыг туулах үед мөнхийн үнэний эрхэм ойлголтоор хангадаг” хэмээн заасан (“Миний сайн мэдээний зарчмууд,” 2021 оны 4-р сарын Ерөнхий чуулган, 130). Төгс эзэмших сургаалын судрын хэсэг дээрх зарчмууд нь амьдралын олон нөхцөл байдалд бидэнд тусалдаг.
Амьдралдаа хэрхэн хэрэгжүүлж болохыг мэдмээр байгаа зарчмууд бүхий судрын хоёр хэсгийг сонго. Тэдгээр нь өмнө нь сонгосон аль эсвэл судрын өөр хэсэг байж болно.
Суралцагчдын хэрэгцээ шаардлага, боломжит цаг хугацаанаас хамааран суралцагчид энэ үйл ажиллагаагаар хоёроос олон хэсгийг сонгон гүйцэтгэж болно.
Хэсэг тус бүрд уг судрын хэсэгт заасан үнэнийг ашиглах боломжтой нөхцөл байдлыг тайлбарла. Жишээлбэл: 1 Петр 4:6 дээр заасан нас барагсдыг аврах сургаалын талаарх гэрчлэлийг нь нэмэгдүүлэх замаар гэр бүлийн түүхийн ажилд оролцох сэдлийг залуу хүнд төрүүлж болох юм.
Сонгосон судрын хэсэг тус бүрд заасан үнэнээ амьдралд хэрэгжүүлэх нь тухайн хүнд Аврагчийн тусламжийг хүлээн авахад хэрхэн туслахыг тайлбарла.
Суралцагч бүрд нэг карт эсвэл цаас өгөөд, төгс эзэмших сургаалын судрын эшлэл, нөхцөл байдал, уг хэсэг дээр заасан үнэн хэрхэн хэн нэгэнд туслах талаар тайлбар бичихийг тэднээс хүс. Дараа нь карт эсвэл цаасыг цуглуулан нөхцөл байдлыг уншаад, судрын аль хэсэг нь уг нөхцөл байдалд хамгийн сайн туслахыг, мөн яагаад гэдгийг таахад ангийнхныг урих нь тэдний сонирхлыг татаж, зааж сургаж болох юм. Хэрэв суралцагч цаасан дээр бичсэнээс өөр хэсгийг тодорхойлбол өөрийнх нь дурдсан судрын хэсэг хэрхэн тустай байж болохыг тайлбарлахад түүнийг урь.
Суралцагчид ангиараа, хоёр хоёроороо эсвэл жижиг бүлгээр эсвэл бие даан тааж болно.
Нэмэлт суралцах үйл ажиллагаа
Цээжил
Хэрэв суралцагчид төгс эзэмших сургаалын судрын хэсэг, эшлэлүүдийг цээжлэх тал дээр илүү их дадлага хийх хэрэгтэй бол дараах үйл ажиллагаануудын заримыг эсвэл бүгдийг хийж гүйцэтгэх талаар бодоорой.
-
Төгс эзэмших сургаалын бүх судрын эшлэл, түлхүүр үг хэллэгийг хооронд нь хольж харуул. Суралцагчдыг хэдэн судрын эшлэл, түлхүүр үг хэллэгийг зөв тааруулахаа олж мэдэхэд урь. Дараа нь судрыг ашиглан ажлаа шалгахад суралцагчдыг урь.
-
Судрын түлхүүр үг хэллэгийн зөвхөн хэсгийг харуулаад, суралцагчдыг гүйцээн бичиж, судрын эшлэлийг хэлэхэд урь.
-
Эхлээд судрын түлхүүр үг хэллэгийг удаан, нэг нэгээр нь унш. Суралцагчид аль судрын түлхүүр үг хэллэгийг уншиж байгааг мэдсэн бол тухайн хэллэгийг судар дээрээсээ олж болно.
-
Боломжтой бол суралцагчдыг Doctrinal Mastery аппликэйшныг ашиглан цээжлэх дадлага хийхэд урих талаар бодож үз.
Дүрд тоглох
Хүүхдийн хэсгийн ерөнхийлөгч асан Жой Д.Жөүнс эгч дүрд тоглох нь “хүүхдүүдийг хүнд нөхцөл байдалд ороход бэлтгэлтэй, хатуужилтай болгоно” гэж хэлсэн (“Амин чухал ярианууд,” 2021 оны 4-р сарын Ерөнхий чуулган, 10). Суралцагчдыг төгс эзэмших сургаалын судрын хэсгийн үнэн тус болж болох нөхцөл байдлыг тодорхойлоход урьж болох юм. Дараа нь тэд төгс эзэмших сургаалын судрын хэсэг дээрх үнэнийг ашиглан тухайн нөхцөл байдалд өгөх хариултаа дүрд тоглон үзүүлж болно.