Төгс эзэмших сургаалын давтлага 5

Төгс эзэмших сургаалын эшлэл, судрын түлхүүр үг хэллэгүүдийг цээжлэх

Young single adult reading her scriptures deep in thought

Судрын хэсгүүд, тэдгээрийн танд зааж буй зүйлсийг санаж байх нь таныг олон арга замаар адислах болно. Энэ хичээл нь төгс эзэмших сургаалын хэсгүүдийн судрын эшлэл, түлхүүр үг хэллэгүүдийг цээжлэхэд тань тусална.

Суралцагчийн бэлтгэл: Суралцагчдыг төгс эзэмших сургаалын аль хэсэг тэдэнд Христэд найдах найдлагыг төрүүлсэн тухай эргэцүүлэн бодоход урь.

Боломжит суралцах үйл ажиллагаа

Төгс эзэмших сургаалын хэсгүүдийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын хэсгүүдийн талаарх хичээл тус бүрийг семинар явагдаж байх үед заасан байхын тулд орон нутгийн эсвэл бүсийн захирлын эсвэл зохицуулагчийн өгсөн заах хуваарийг хар.

Есүс Христэд найдах найдвар

Найдвар бол “Есүс Христэд итгэх итгэлээр дамжуулан олж авах мөнх амьдрал”-ыг багтаасан “зөвт байдлын амлагдсан адислалыг итгэл төгс хүлээж найдах буюу түүнд тэмүүлэх” явдал юм.

Та илүү их найдварыг мэдрэхийг хүсэж эсвэл шаардаж байгаа шалтгаанаа судрын тэмдэглэл дээрээ бич.

Төлөөлөгч Паул “Бичвэрийн тэвчээр болон урамшууллаар дамжин бидэнд найдвар байх юм” ( Ром 15:4) хэмээн заажээ.

Суралцагчдыг хичээлийн энэ хэсэг дэх суралцагчийн бэлтгэл үйл ажиллагаанаас олж авсан ойлголтуудаа хуваалцахад урь.

• Та өөрт тань найдвар төрүүлсэн Есүс Христийн талаарх ямар сургаал эсвэл үнэнийг төгс эзэмших сургаалын хэсгүүдээс олж мэдсэн бэ? Тэдгээр нь танд хэрхэн найдвар төрүүлж байна вэ?

• Төгс эзэмших сургаалын судрын эшлэл, тэдгээрийн гол үнэнүүдийг цээжлэх нь Аврагчаас нэмэлт найдвар хүлээн авахад тань хэрхэн туслах вэ?

Энэ хичээлээр та доорх хүснэгтэд агуулагдаж буй судрын эшлэл, түлхүүр үг хэллэгүүдийг цээжлэх боломжтой. Ингэх зуураа дараах судрууд, судрын түлхүүр үг хэллэгүүдийн аль нь танд илүү их найдвар төрүүлж буйг тодорхойл. Яагаад?Хэрэв та хараахан тодорхойлоогүй байгаа бол эдгээр хэсгийг түлхүүр үг хэллэгүүдийнх нь хамтаар тэмдэглэх талаар бодож үз.

Суралцагчид энэ хичээлээр төгс эзэмших сургаалын хэдэн хэсгийг цээжлэх ёстойг тодорхойлохдоо няхуур хандаарай. Цээжлэх хэд хэдэн аргыг оролдож үзэхэд суралцагчдыг уриалах талаар бодож үз. Доорх арга бол цээжлэх нэг арга юм.

Суралцагчдыг судрын эшлэл, түлхүүр үг хэллэгүүдийг цаасан дээр бичих зуур дараах жагсаалтыг үзүүл, гэхдээ цээжлэх ажиллагааг эхлүүлэхийн өмнө хүснэгтийг доош харуул.

Дараах үйл ажиллагаануудыг хийж гүйцэтгэхийн тулд суралцагчдыг хос хосоор нь эсвэл жижиг бүлгүүдэд хуваах талаар бодож үз.

Doctrinal Master - Matthew - John

Судрын эшлэл	Судрын түлхүүр үг хэллэг
Лук 2:10–12	“Өнөөдөр, Давидын хотод Аврагч Эзэн Христ та нарын төлөө мэндэллээ.”
Иохан 3:5	“Хэн ус болон Сүнснээс эс төрнө, тэр Бурханы хаанчлалд орж үл чадна.”
Иохан 3:16	“Бурхан ертөнцийг үнэхээр хайрласандаа цорын ганц Хүүгээ өгсөн.”
Матай 5:14–16	“Та нарын гэрэл тэдний өмнө тийнхүү гэрэлтэг.”
Матай 11:28–30	“Зүдэж зүтгэгсэд хийгээд хүнд ачаа үүрсэн бүгд ээ, Над дээр ир. Би та нарыг амраая.”
Maтай 16:15–19	“Би чамд тэнгэрийн хаанчлалын түлхүүрийг өгнө” хэмээн Есүс хэлэв.
Иохан 7:17	“Хэрэв хэн нэгэн нь Түүний хүслийг үйлдэхийг хүсвэл тэрээр энэ сургаалыг мэднэ.”
Maтай 22:36–39	“Чи Бурхан Эзэнээ хайрла. Чи хөршөө … хайрла.”
Лук 22:19–20	“Намайг дурсаж” ариун ёслолоос хүрт хэмээн Есүс Христ зарлигласан.
Иохан 17:3	“Цорын ганц үнэн Бурхан Таныг болон Таны илгээсэн Есүс Христийг мэдэх нь мөнхийн амь мөн.”
Лук 24:36–39	“Учир нь сүнсэнд та нарын харж байгаа Над шиг яс, мах байдаггүй юм.”

Холих ба тохируулах

Хуудас цаас аваад, дөрвөн тэнцүү нарийн тууз болгож хайчил. Хүснэгтээс дор хаяж дөрвөн судрын хэсгийг сонго. Нарийн тууз тус бүр дээр нэг судрын эшлэлийг холбогдох түлхүүр үг хэллэгтэй нь бич.

Дараа нь дараах жишээнд харуулсанчлан, эшлэлүүдээс нь түлхүүр үг хэллэгүүдийг нь хайчил (хаагуур хайчлахыг “/” зураасаар ялгаж өгсөн).

Иохан 7:17 / “Хэрэв хэн нэгэн нь Түүний хүслийг үйлдэхийг хүсвэл тэрээр энэ сургаалыг мэднэ.”

Үүнийг дор хаяж дөрвөн судрын эшлэл, түлхүүр үг хэллэг дээр гүйцэтгэсний дараа цаасан туузыг бөөн туузан дунд байрлуулаад, хооронд нь холь.

Одоо ямар нэг тусламж авахгүйгээр эшлэл тус бүрийг тохирох түлхүүр үг хэллэгтэй нь тохируулахыг оролд. Үүнийг хоёроос гурван удаа гүйцэтгэхийг бодож үз. Үүнийг гүйцэтгэх бүрдээ хурдаа хэрхэн сайжирч буйг харахын тулд цаг харж хийж болно.

Одоо дараах жишээнд харуулсанчлан, үг хэллэгүүдийг хайчлах замаар энэ үйл ажиллагааг илүү хэцүү болго (хаагуур хайчлахыг “/” зураасаар ялгаж өгсөн).

Матай 22:36–39 / ”Чи / Бурхан Эзэнээ хайрла. … / Чи хөршөө хайрла.”

Матай / 22: / 36 / –39 / ”Чи / Бурхан / Эзэнээ / хайрла. … / Чи / хөршөө / хайрла.”

Үг болон тоонуудыг холиод, дараа нь тэдгээрийг зөв байрлалд оруулахыг оролд. Та бүх эшлэлээс авсан үг, тоонуудыг бүгдийг нь нэгэн зэрэг холих эсвэл нэг удаад нэг эшлэл дээр ажиллахын аль нэгийг сонгох боломжтой. Үүнийг хоёроос гурван удаа гүйцэтгэхийг бодож үз. Үүнийг гүйцэтгэх бүрдээ хурдаа сайжирч буй эсэхийг мэдэхийн тулд цаг харж хийж болно.

Хангалттай хугацаа өнгөрсний дараа суралцагчдыг хичээлийн эхэнд гарсан асуултууд, найдварын талаарх өөрсдийн хэрэгцээ шаардлага эсвэл хүслийн тухай эргэцүүлэн бодоход урь. Тэднийг судрын эшлэл, холбогдох түлхүүр үг хэллэг тус бүрийг харахад уриад, өөрсдийн бодол санааг хамтрагчтайгаа, жижиг бүлгээр эсвэл ангиараа хуваалцахын өмнө судлах тэмдэглэл дээрээ дараах асуултуудад хариулах хангалттай цаг гаргаж өг.

• Та ямар дөрвөн төгс эзэмших сургаалын эшлэл ба судрын түлхүүр үг хэллэгийг цээжилсэн бэ?

• Эдгээр хэсгийн аль нь яг одоо таны амьдралд хамгийн их тус болохоор байгаа вэ?

• Эдгээр хэсгийн аль нь танд Есүс Христэд найдах найдварыг хамгийн их төрүүлж байна вэ? Яагаад?