Jesus Christ portrayed seated near a river. Christ is holding a shepherd’s staff in His hand. There are trees growing along the banks of the river.
Ang atong Langitnong Amahan ug si Jesukristo nagtinguha nga mopanalangin kanato sa Ilang labing dako nga mga panalangin. Ang pagkawalay pagtuo ug katig-a sa kasingkasing nagpugong sa kadaghanan sa pagdawat niini nga mga panalangin. Pinaagi sa pagdasig sa mga Santos sa pagwagtang sa mga kinaiya sa pagkawalay pagtuo, si Pablo misulay sa pagtabang kanila nga mobalik ngadto sa mga pakigsaad nga ilang gihimo. Kini nga leksiyon gituyo aron matabangan ka nga mabuntog ang pagkawalay pagtuo aron ikaw makadawat sa mga panalangin nga gisaad sa Manluluwas.
Paminaw sa mga estudyante aron mas makahibalo sa ilang mga panginahananglan. Kon ang mga estudyante motubag sa mga pangutana o mopaambit sa mga kasinatian sa klase, pamati og maayo kon unsa ang ilang gisulti. Sa imong pagpaminaw kanila ug paghatag og pagtagad sa mga pangaghat gikan sa Espiritu Santo, ikaw makahimo sa pagkahibalo sa ilang mga panginahanglan.
Pagpangandam sa estudyante: Dapita ang mga estudyante sa paghunahuna mahitungod kon nganong nagtuo man sila ni Jesukristo ug sa unsang paagi sila gipanalanganinan tungod sa ilang pagtuo Kaniya.
Posible nga mga Kalihokan sa Pagkat-on
Ang atong pagtuo diha ni Jesukristo
Si Elder Neil L. Andersen sa Korum sa Napulog Duha ka Apostoles naghulagway sa usa ka problema nga giatubang sa kalibotan karon:
Imahe
Official portrait of Elder Neil L. Andersen of the Quorum of the Twelve Apostles, 2010, August.
Sa pipila ka bahin sa kalibotan diin ang Iyang ngalan gipahayag sulod sa gatosan ka tuig, ang [hugot nga] pagtuo diha ni Jesukristo nagkawala. Ang maisogong mga Santos sa Europe nakakita nga ang pagtuo nagkahuyang sa ilang mga nasod sa paglabay sa mga dekada. Subo usab, dinhi sa Estados Unidos, ang [hugot nga] pagtuo nagkawala. Usa ka bag-ong pagtuon nipadayag nga sa miaging 10 ka tuig, 30 ka milyon ka tawo sa Estados Unidos miingon nga sila wala na motuo sa kabalaan ni Jesukristo. Nagtan-aw sa tibuok kalibotan, laing pagtuon ang nanagna nga sa mga dekada nga moabot, labaw sa kaduhaon ang gidaghanon ang mobiya sa Kristiyanismo kay sa modawat niini.
Unsa ang pipila ka posible nga mga sangpotanan, karon ug sa umaabot sa mga tawo nga wala nagtuo kang Jesukristo?
Kini mahimong usa ka higayon aron pagpahinumdom sa mga estudyante sa ilang pagpangandam sa klase.
Paghunahuna sa imong kaugalingong pagtuo kang Jesukristo.
Unsa kalig-on ang imong gibati sa imong pagtuo kang Jesukristo?
Sa unsa nga paagi nga ang pagpili sa pagtuo Kaniya makapanalangin sa imong kinabuhi?
Ang mga pagtulun-an ni Pablo mahitungod sa mga anak sa Israel
Sa iyang sulat ngadto sa mga Hebreohanon, giila ni Pablo nga tungod sa pagpanglutos, pipila sa mga kinabig ang mikonsiderar sa pagtalikod gikan sa ilang pagtuo kang Jesukristo.
Basaha ang Mga Hebreohanon 3:7–19 , nga mangita sa makasaysayanon nga asoy nga gihisgotan ni Pablo aron tabangan ang mga Hebreohanon nga makasabot sa kapeligro sa pagkawalay pagtuo.
Dapita ang mga estudyante sa pagpakigbahin sa unsay ilang nakaplagan. Kon mahimo, ipamubo sa usa ka estudyante ang asoy ni Moises ug sa mga anak sa Israel nga gipasabot ni Pablo. Gamita ang impormasyon sa mosunod nga parapo kon gikinahanglan.
Ang “pagsukol … diha sa kamingawan” ( Mga Hebreohanon 3:8) nagpasabot sa panahon diin, human nakalingkawas sa Ehipto, ang mga Israelita mihagit sa Ginoo nga masuko ug gilimod ang mga panalangin nga Iyang gipangandoy nga ihatag kanila (tan-awa ang Mga Numero 14 ; Jacob 1:7–8 ; Alma 12:33–37).
Unsa nga mga panalangin ang wala makuha sa mga anak sa Israel? Ngano man?
Ang kapahulayan sa Ginoo
Gusto sa Langitnong Amahan ug ni Jesukristo nga makasinati kita sa Ilang kapahulayan. Tun-i ang mosunod nga tudling sa kasulatan ug propetikanhong pamahayag aron makat-on unsa ang kapahulayan sa Ginoo. Tingalig makatabang ang pagpangita sa pulong nga “ kapahulayan ” diha sa Giya ngadto sa mga Kasulatan, kon anaa.
Si Presidente Joseph F. Smith (1838–1918) mitudlo unsaon nato pagsulod sa kapahulayan sa Ginoo samtang dinhi sa mortalidad:
Imahe
Portrait of Joseph F. Smith
Ang karaang mga propeta namulong kabahin sa “pagsulod ngadto sa kapahulayan sa Dios” [tan-awa sa Alma 12:34 ; Doktrina ug mga Pakigsaad 84:23–24 ]; unsa may buot ipasabot niini? Sa akong hunahuna, nagpasabot kini sa pagsulod ngadto sa kahibalo ug gugma sa Dios, pagbaton og hugot nga pagtuo diha sa iyang katuyoan ug sa iyang plano, sa ingon nga matang nga kita nasayod nga kita husto, ug nga kita wala mangita og lain pa, wala kita mahasol sa tanang hangin sa tuluhoan, o pinaagi sa lipat-lipat sa mga tawo nga batid sa pagmugnag kasaypanan. … Ang tawo kinsa nakaabot niana nga ang-ang sa hugot nga pagtuo diha sa Dios nga ang tanang pagduha-duha ug kahadlok gikuha gikan kaniya, siya nakasulod ngadto sa “kapahulayan sa Dios.”
(Mga Pagtulun-an sa mga Presidente sa Simbahan: Joseph F. Smith [1998], 66-67)
Unsaon nimo sa paghulagway sa kapahulayan sa Ginoo?
Si Alma mipaambit og usa ka mensahe parehas sa kang Pablo ngadto sa mga tawo sa iyang panahon, nga ang uban usab nanglimbasog sa pagtuo. Basaha ang Alma 12:34–37 , nga mangita og dugang nga mga panabot.
Usa ka baroganan nga imong makat-onan mao nga kon magpabilin kitang matinud-anon ngadto sa Manluluwas ug dili magpatig-a sa atong mga kasingkasing, makasulod kita ngadto sa kapahulayan sa Ginoo.
Sa unsang paagi sa imong hunahuna nga ang usa ka tig-a nga kasingkasing ug pagkawalay pagtuo makapugong kanato sa pagbaton og mga panalangin sa Ginoo?
Ngano sa imong hunahuna nga ang kapahulayan sa Ginoo usa ka panalangin nga takos ipadayon?
Mopili nga motuo
Ipakita ang mosunod nga mga bersikulo. Mahimong grupohon ang mga estudyante ngadto sa paresan ug tahasan ang matag estudyante nga mobasa sa mga bersikulo gikan sa usa ka kapitulo. Dayon mahimo silang moreport sa ilang pares unsa ang ilang nakat-onan.
Kini mahimong usa ka higayon alang sa mga estudyante aron mobasa og dugang nga mga bersikulo gikan sa Basahon ni Mormon sama sa gisugyot sa “Dugang nga Kalihokan sa Pagkat-on” nga bahin.
Unsa may mipatigbabaw kanimo gikan niining mga bersikulo?
Si Presidente Russell M. Nelson mitudlo unsaon nato pagbuntog sa pagkawalay pagtuo:
Imahe
Official portrait of President Russell M. Nelson taken January 2018
Pilia nga motuo kang Jesukristo. Kon kamo adunay pagduhaduha mahitungod sa Dios nga Amahan ug sa Iyang Hinigugmang Anak, o sa kabalido sa Pagpahiuli o sa katinuod sa balaang tawag ni Joseph Smith isip propeta, pilia nga motuo ug pagpabiling matinud-anon. Ipaabot ang inyong mga pangutana ngadto sa Ginoo ug sa ubang katuohan nga mga kapanguhaan. Magtuon dala ang tinguha nga motuo kay sa maglaom nga imong makit-an ang sipyat sa kinabuhi sa propeta o sayop sa mga kasulatan. Hunonga ang pagdugang sa inyong mga pagduhaduha pinaagi sa paghisgot niini ngadto sa ubang mga maduhaduhaon. Tugoti ang Ginoo nga mogiya kaninyo sa inyong panaw sa espirituhanong panimpalad.
Handurawa nga aduna kay higala nga naglisod sa pagtuo kang Jesukristo. Pagsulat og usa ka maayong mensahe aron pagdasig kaniya. Seguroha nga ilakip ang labing menos sa usa ka bersikulo sa kasulatan aron iyang tun-an. Kon angayan, ilakip ang imong pagpamatuod bahin ni Jesukristo. Ang paghunahuna mahitungod sa pamahayag ni Presidente Nelson ug sa mosunod nga mga pangutana mahimong makatabang kanimo samtang nagsulat sa mensahe.
Unsa lagmit ang ilang masinati kon sila mopili sa pagtuo sa Manlululwas?
Unsa lagmit ang dili niya makuha kon pilion niya ang pagkawalay pagtuo?
Unsa ang imong ikapadasig kaniya nga buhaton aron motuo kang Jesukristo?
Pagpamatuod nga samtang ang mga estudyante nagtinguha sa pagsunod sa Manluluwas ug naningkamot aron pagwagtang sa pagkawalay pagtuo gikan sa ilang kinabuhi, ilang masinati ang Iyang kapahulayan.
Komentaryo ug Background nga Impormasyon
Sa unsang paagi ako maanaay mas matuohon nga kasingkasing?
Si Presidente Dieter F. Uchtdorf, kanhi anaa sa Unang Kapangulohan, miingon:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Walay magic sa pagtuo. Apan ang kagustuhan nga motuo mao ang unang lakang nga gikinahanglan! Ang Dios wala diay pinalabi sa mga tawo. Siya ang inyong Amahan. Gusto Siya nga makigsulti kaninyo. Hinoon, magkinahanglan kini og gamayng siyentipikanhong kakuryuso—nagkinahanglan kini og usa ka pag-eksperimento sa pulong sa Dios—ug sa pagpakita og “usa ka tipik sa hugot nga pagtuo” [ Alma 32:27]. Nagkinahanglan usab kini og gamayng kamapaubsanon. Ug nagkinahanglan kini og bukas nga kasingkasing ug hunahuna. Nagkinahanglan kini og tinguha, sa hingpit nga kahulugan sa pulong. Ug, tingali ang pinakalisod sa tanan, nagkinahanglan kini nga magmapailobon ug maghulat sa Ginoo.
Kon dili kita maningkamot nga motuo, pareho lang ta sa tawo nga mipalong sa dakong suga ug dayon mibasol sa dakong suga kay wala kini mohatag og kahayag.
Kinsa man ang makatabang kanato aron makaplagan ang kapahulayan sa Manluluwas?
Si Elder W. Craig Zwick sa Kapitoan miingon:
Imahe
Official Portrait of Elder W. Craig Zwick. Photographed March 2017.
Ang Langitnong Amahan nahigugma sa matag usa sa Iyang mga anak ug gusto nga ang tanan kanato mobalik ngadto Kaniya. Siya naghatag og mga propeta ug mga pangulong pari uban ang tinuod nga awtoridad sa pagkapari aron matabangan kita nga magpabilin sa tul-id ug pig-ot nga dalan. Aduna, dayon, kitay paggiya niini nga mga lider aron matabangan kita nga makasulod sa Iyang kapahulayan.
(W. Craig Zwick, “Enter into the Rest of the Lord,” Ensign, Peb. 2012, 24)
Dugang nga Kalihokan sa Pagkat-on
Ang kapahulayan sa Ginoo sa Basahon ni Mormon
Daghang mga propeta sa Basahon ni Mormon ang mitudlo mahitungod sa pagsulod ngadto sa kapahulayan sa Ginoo. Ang mga estudyante mahimong makabenepisyo gikan sa pagbasa sa pipila o sa tanang mosunod nga mga tudling ug pagcross-reference niini ngadto sa Mga Hebreohanon 4:3. Alma 13:12, 16Alma 16:16–17Alma 60:13Moroni 7:3
