Mga Hebreohanon 1–10
“Ngalan nga [labing] Halangdon”
Ang tanang mga sumusunod ni Jesukristo makasinati og mga pagsulay sa ilang hugot nga pagtuo. Ingon niana ang kahimtang sa daghang mga Judio nga mga Kristiyanos. Tungod sa kabug-at sa nagkalainlaing mga paglutos, daghan ang mibiya sa Simbahan ug mibalik ngadto sa gibating kasegurohan sa pagsimba sa mga Judio didto sa sinagoga. Gustong ipakita ni Pablo niining mga Judio nga Kristiyanos nga si Jesus mas labaw kang Moises ug nga ang Iyang pagpangalagad midala og usa ka bag-ong pakigsaad nga labaw pa sa karaang pakigsaad ubos sa balaod ni Moises. Kini nga leksiyon makatabang kanimo nga mapalig-on ang imong hugot nga pagtuo sa Manluluwas samtang ikaw magkat-on sa Iyang gahom ibabaw sa tanang mga butang pinaagi sa pag-ila ug pagtuon sa pipila sa Iyang mga titulo ug mga tahas.
Nag-tutok diha ni Jesukristo. “Samtang tutokan nato ang Iyang mga titulo, mga tahas, ug kinaiya, ug mga hiyas, ang Espiritu mopamatuod kabahin Niya, nga magdala og mas dakong pagsabot ug gugma kon kinsa gayod Siya ug mas dakong tinguha nga mahisama Kaniya.” (Chad H Webb, “Kami Naghisgot kang Kristo, Kami Nalipay diha kang Kristo” [kini nga pagkigpulong gihatag diha sa Seminaries and Institutes of Religion annual training broadcast, Hunyo 12, 2018], ChurchofJesusChrist.org).
Pagpangandam sa estudyante: Dapita ang mga estudyante sa pagpangita sa mga ngalan ni Jesukristo sa panahon sa ilang personal o pamilya nga pagtuon sa kasulatan ug sa pagtambong sa klase nga andam mopaambit sa mga ngalan nga ilang napalgan.
Posible nga mga Kalihokan sa Pagkat-on
Mga Titulo ni Jesukristo
Ikonsiderar ang pagdapit sa mga estudyante sa pagbuhat sa mosunod nga kalihokan diha sa usa ka panid sa papel. Dayon kolektaha ang mga papel ug basaha ang mga tubag, nga nagdapit sa mga estudyante sa pagtagna kinsa nga estudyante ang nisulat sa matag paghulagway.
Paggahin og usa ka minuto ug paglista kutob sa imong mahunahunaan og daghan nga mga pulong o mga hugpong sa pulong nga naghulagway kanimo.
-
Nganong gigamit man nimo ang maong mga pulong ug mga hugpong sa mga pulong?
Sama nga ikaw adunay mga pulong o mga hugpong sa mga pulong nga naghulagway kanimo, si Jesukrito usab adunay daghang mga ngalan o mga titulo nga naghulagway Kaniya. Samtang mas hingpit natong mahibaloan kini nga mga titulo, atong mas masabtan kon kinsa Siya ug unsa ka dako ang Iyang paghigugma kanato.
Pipila sa mga estudyante ang lagmit naghipos og lista sa mga titulo ug mga tahas sa Manluluwas diha sa ilang journal sa pagtuon. Kon wala, mahimo silang dapiton nga mobuhat sa ingon.
Sa imong journal sa pagtuon, paglista og pipila ka mga titulo nga imo nang nahibaloan mahitungod sa Manluluwas.
-
Sa unsang paagi nga ang pagkahibalo ug pagkasabot niining mga titulo ni Jesukristo nakaimpluwensiya sa unsa ang imong panglantaw Kaniya?
Ikonsiderar ang paghimo og lista sa mga tubag sa estudyante sa pisara. Aron matabangan ang mga estudyante nga mapalawom ang ilang hugot nga pagtuo kang Jesukristo, mahimong segundahan og pangutana sama sa “Ngano sa imong hunahuna nga importante man alang sa mga tinedyer nga mahibalo mahitungod sa Manluluwas?” o “Unsa ang gitudlo kanato niini nga titulo mahitungod sa Iyang kinaiya ug mga hiyas?”
Si Presidente Russell M. Nelson nitudlo og mga paagi nga kita mapanalanginan samtang kita mas magkat-on mahitungod sa Manluluwas:
Kon magkat-on kamo og mas daghan mahitungod sa Manluluwas, mas sayon ang pagsalig sa Iyang kaluoy, sa Iyang walay kinutoban nga gugma, ug sa Iyang makalig-on, makaayo, makatubos nga gahom.
(Russell M. Nelson, “Si Kristo Nabanhaw: Ang Hugot nga Pagtuo diha Kaniya Makabalhin og mga Bukid,” Liahona, Mayo 2021, 103)
-
Sa unsang mga paagi ka nagkinahanglan og tabang gikan sa Manluluwas nga sama sa gihulagway ni Presidente Nelson?
Mahimong ipakita o mubo nga sumahon ang mosunod nga materyal aron matabangan ang mga estudyante nga makasabot sa konteksto sa mga Hebreohanon.
Sama nga kita nagkinahanglan sa Manluluwas, mao usab ang mga Judio nga Kristiyanos nga wala mitambong sa mga miting sa Simbahan tungod sa paglutos ug sa uban pang matang sa pagpamugos [pressure]. Mibalik sila sa mga butang nga komon ug mibati nga may kasegurohan sa naandang pagsimba sa mga Judio, nga wala naglakip sa pagtuo kang Jesukristo (tan-awa sa Mga Hebreohanon 10:25, 38–39). Mahimo kang mas makat-on og dugang mahitungod sa epistola pinaagi sa pagtuon sa “ Hebreohanon, Epistola Ngadto sa Mga ” diha sa Giya ngadto sa mga Kasulatan.
Pagpangita og mga titulo ug mga tahas ni Jesukristo
Si Pablo mipaambit og daghang mga titulo ug mga tahas sa Manluluwas nga mahimong nakatabang sa mga Santos aron maila ang ilang pagkinahanglan Kaniya. Pananglitan, Mga Hebreohanon 1:2 naghatag ug gibug-aton sa titulo sa Manluluwas nga “Anak,” nga may kalabotan Kaniya isip “manununod sa tanang mga butang.” Ang Mga Hebreohanon 1:2, 10 mipasabot sa tahas ni Jesus isip Magbubuhat sa mga langit og yuta.
Ang mga estudyante mahimong tahasan og pihong mga bersikulo aron basahon nga manag-pares o sa gagmayng grupo. Human sila mobasa, ikonsiderar ang paghimo og lista diha sa pisara mahitungod sa mga titulo nga nadiskobrehan sa mga estudyante.
Karon nga nakakita na ka og pipila ka mga pananglit sa mga titulo sa Manluluwas, basaha ang mosunod nga mga bersikulo ug pangita og dugang nga mga titulo ug mga tahas ni Jesukristo. Ikonsiderar ang pagmarka sa unsay imong nakit-an.
-
Unsa ang usa ka kamatuoran nga imong naila mahitungod sa Manluluwas gikan sa usa o daghan pang Iyang mga titulo ug mga tahas?
Ang mga estudyante mahimong makaila og lainlaing mga kamatuoran, sama sa si Jesukristo nagbuhat sa mga langit ug yuta (tan-awa ang Mga Hebreohanon 1:2, 10) o si Jesukristo mao ang anak sa Dios ug mao ang anaa sa dayag nga panagway sa Iyang Amahan (tan-awa ang Mga Hebreohanon 1:2–3).
Pagpili og usa ka titulo o tahas nga nagpakita og usa ka buhat nga imong gikinahanglan nga buhaton ni Jesukristo diha sa imong kinabuhi, ug isulat kini sa tunga sa usa ka piraso nga papel. Gamit ang mga kasulatan, ang Gospel Library nga app, o ang ChurchofJesusChrist.org, pangita og daghan pang mga panabot sa titulo ni Jesukristo nga imong gipili. Usa ka paagi sa pagsugod sa imong pagtuon mao ang pagpangita sa entry nga “Jesukristo” diha sa Giya ngadto sa mga Kasulatan. Mahimo dayon nimong tan-awon ang lainlaing mga kasulatan nga nakatutok sa Manluluwas.
Sa palibot sa titulo isulat ang imong mga hunahuna mahitungod kang Jesukristo ug nganong ang maong titulo makahuluganon man kanimo. Kini nga mga hunahuna mahimong maglakip sa
-
mga hugpong sa mga pulong gikan sa mga bersikulo o mga kinutlo nga imong nabasa,
-
mga ideya kon sa unsang paagi nga ang katumanan sa maong tahas sa Manluluwas mahimong nakatabang kanimo sa imong kinabuhi,
-
ang imong mga panglantaw mahitungod kon sa unsang paagi nga ang pagsabot niana nga titulo makapalig-on sa imong hugot nga pagtuo kang Jesukristo, ug
-
ang bisan unsang mga pangutana nga aduna ka mahitungod niana nga titulo.
Kon itugot sa panahon, ang mga estudyante mahimong hatagan og kahigayonan sa pagdiskobre sa tubag sa ilang mga pangutana. Ang mga estudyante mahimo usab nga dapiton nga mopaambit sa ilang mga panglantaw isip usa ka klase, diha sa gagmayng mga grupo, o nga magkapares. Pagpamatuod kang Jesukristo ug sa importansiya sa pagkat-on pa og dugang mahitungod Kaniya.
Karon nga imo nang nabansay ang pag-ila sa mga ngalan ug mga titulo ni Jesukristo, paggahin og higayon sa pagpamalandong kon unsa ka kamaayo nga naggamit niini nga kahanas diha sa imong pagtuon sa kasulatan.
-
Sa unsang paagi nga ang pagpangita sa mga titulo ni Jesukristo nakatabang nimo nga mas makaila Kaniya?
-
Sa unsang paagi nimo maapil ang pagtuon sa mga titulo ni Jesukristo ngadto sa imong regular nga pagtuon sa kasulatan?
Pangita og mga titulo ni Jesukristo sa imong personal ug kauban sa imong pamilya nga pagtuon diha sa imong pagpadayon sa pagtuon sa Bag-ong Tugon ug sa lain pang mga kasulatan.
Komentaryo ug Background nga Impormasyon
Nganong gikinahanglan man nakong makat-on mahitungod kang Jesukristo?
Si Presidente Russell M. Nelson mitudlo:
Kon mopadayon kamo sa pagkat-on sa tanan nga inyong mahimo bahin ni Jesukristo, mosaad ko ninyo nga ang inyong gugma alang Kaniya, ug alang sa mga balaod sa Dios, molambo lapas pa sa inyong kasamtangang gihunahuna. Ako mosaad usab ninyo nga ang inyong abilidad sa pagbuntog sa sala molambo. Ang inyong tinguha sa pagtuman sa mga sugo molambo og maayo. Inyong mabantayan ang inyong kaugalingon nga mas makapalayo sa pagtubay ug pagpanglit-ag niadtong nagbiay-biay sa mga sumusunod ni Jesukristo. …
Tun-i ang tanan kon unsa si Jesukristo pinaagi sa mainampoon ug madasigong pagtinguha nga makasabot sa kahulugan sa matag usa sa Iyang nagkadaiyang mga tawag ug mga ngalan sa personal nga paagi alang ninyo.
(Russell M. Nelson, “Mga Propeta, Pagpangulo, ug Balaanon nga Balaod” [tibuok kalibotan nga debosyonal alang sa mga young adult, Ene. 8, 2017], ChurchofJesusChrist.org;)
Mga Hebreohanon 1:2, 10. Sa unsang paagi nga ang tahas ni Jesus isip Magbubuhat nakaimpluwensiya sa akong kinabuhi?
Si Chad H Webb, tigdumala sa Seminaries and Institutes of Religion, mipasabot:
Tingali inyong mahinumduman nga si Presidente Boyd K. Packer usa ka maayo nga artist kinsa ganahan mokulit og kahoy nga mga langgam. Usa ka adlaw pasahero siya sa sakyanan nga gimaneho ni Elder A. Theodore Tuttle, ug usa sa iyang mga kinulit anaa sa luyo nga lingkoranan sa sakyanan. Sa usa ka interseksiyon, kalit nga mi-brake si Elder Tuttle ug ang kinulit natuwad ngadto sa salog ug nabali-bali. Nasagmuyo pag-ayo si Elder Tuttle, apan si Presidente Packer wala. Yano lang siyang miingon, “Kalimti lang na. Akoy naghimo ana. Maayo ra nako na.” Ug naayo niya. Gihimo niya kining mas lig-on kay sa kaniadto ug gani gipanindot pa og gamay. Mipasabot si Presidente Packer, “Kinsay nagbuhat nimo? Kinsa ang imong Tiglalang? Walay bisan unsa sa imong kinabuhi nga mabali o maguba nga Siya dili makaayo ug moayo.”
(Chad H Webb, “Kami Naghisgot kang Kristo, Kami Nalipay diha kang Kristo,” Tinuig nga Sibya sa Pagbansay sa Seminaries and Institutes of Religion, Hunyo 12, 2018, ChurchofJesusChrist.org)
Sa unsa nga paagi ang pagkahibalo kang Jesukristo nagdala kanako og paglaom?
Ang mosunod nga kasinatian nga gipaambit ni Elder Ronald A. Rasband mahimong makatabang kanato nga makasabot sa unsang paagi nga ang pagkahibalo sa mga titulo ug mga tahas ni Jesukristo makahatag og paglaom.
Mga Hebreohanon 2:10. Sa unsang paagi nga si Jesukristo mao “ang nagdala [kanato] ngadto sa kaluwasan”?
Dugang nga mga Kalihokan sa Pagkat-on
Ang pagpangita sa mga titulo ni Jesukristo sa Basahon ni Mormon
Lain pa nga paagi aron matabangan ang mga estudyante nga madiskobre ang mga titulo ni Kristo mao ang paggamit sa Basahon ni Mormon. Mahimong buhaton ang mosunod nga kalihokan.
Pangutan-a ang mga estudyante, “Unsa ang kompletong ulohan sa Basahon ni Mormon?”
Pahinumdomi ang mga estudyante nga Ang Basahon ni Mormon gisulat aron sa pagkombinsir sa mga tawo nga si Jesus mao ang Kristo.
Aron matabangan ang mga estudyante nga mahatagan og bili ang unang katuyoan sa Basahon ni Mormon, hangyoa ang usa ka estudyante sa pagbasa sa mosunod nga pamahayag ni Presidente Ezra Taft Benson (1899–1994):
Ang matinuoron nga tigpangita sa kamatuoran makaangkon og pagpamatuod nga si Jesus mao ang Kristo samtang siya magmainampoon sa pagpamalandong sa dinasig nga mga pulong sa Basahon ni Mormon.
Sobra sa katunga sa tanang bersikulo sa Basahon ni Mormon nagtumong sa atong Ginoo. Pipila ka matang sa pangalan ni Kristo ang nahisgotan og mas kadaghan pa sa matag bersikulo diha sa Basahon ni Mormon kay sa diha sa Bag-ong Tugon.
Gihatagan Siya og labaw sa usa ka gatos ka lainlaing mga pangalan diha sa Basahon ni Mormon. Kadto nga mga pangalan adunay piho nga kahulogan sa paghulagway sa Iyang balaan nga kinaiya.
(Ezra Taft Benson, “Come unto Christ,” Ensign, Nob. 1987, 83)
Dapita ang mga estudyante sa pagpakli sa bisan unsang kapitulo sa Basahon ni Mormon ug tan-awa kon ilang makita ang mga ngalan ug mga titulo nga nagtumong ngadto kang Jesukristo. Sultihi ang mga estudyante sa pagreport og usa ka ngalan o titulo nga ilang nadiskobre ug ipasabot unsa ang mahimong itudlo niini kanato mahitungod kang Jesukristo.