Ang Bag-ong Tugon Makatabang Kanato sa Pagduol ngadto kang Kristo
Imahe
Jesus Christ depicted standing with His arms outstretched as an invitation for people to come to Him. Several people are gathered around Christ. Most of the people are looking up at Christ. An elderly man is kneeling on the ground. The man is clasping the robe of Christ and resting his head against Christ’s side. Another elderly man is seated by Christ. He is resting his head on Christ’s other side.
Ang Bag-ong Tugon mao ang usa ka rekord sa mortal nga kinabuhi ug sa pangalagad ni Jesukristo ug sa Iyang Apostoles. Makatabang kini nga leksiyon sa pag-andam kanimo sa pagduol ngadto kang Jesukristo ug mosunod Kaniya samtang imong gitun-an ang Bag-ong Tugon.
Pag-andam sa estudyante: Dapita ang mga estudyante sa paghunahuna kon ngano nga importante ang pagtuon sa Bag-ong Tugon karong tuiga. Mahimong makatabang kon dapiton sila nga pangutan-on ang pipila ka sakop sa ilang pamilya kon nganong sa ilang hunahuna importante kini.
Posible nga mga Kalihokan sa Pagkat-on
Dapita ang mga estudyante sa paghunahuna sa ilang mga tubag sa mosunod nga tulo ka pangutana. Dayon hisgoti ang mga naka-bullet nga pangutana isip usa ka klase.
Hunahunaa ang imong mga tubag sa mosunod nga mga pangutana:
Unsa ang imong buhaton kon kapoyon ka sa pisikal o mental nga paagi?
Unsay imong buhaton kon mahadlok ka?
Kinsay imong duolon kon manginahanglan ka og tabang sa usa ka butang?
Sa unsa nga paagi makatabang kanimo sa mga lisod nga sitwasyon ang mga kalihokan o mga tawo nga imong nahunahunaan?
Nakabaton ka na ba og panginahanglan nga daw walay kalihokan o tawo ang makatabang kanimo sa pagsulbad niini?
Si Presidente Jean B. Bingham, kanhi Kinatibuk-ang Presidente sa Relief Society, mitudlo kon sa unsang paagi nga matubag ang atong mga pinakaimportanteng panginahanglan.
Imahe
Official Portrait of Sister Jean B. Bingham. Photographed in 2017.
Ang malungtarong hingpit nga kalipay makaplagan sa pagpunting diha sa atong Manluluwas, si Jesukristo, ug pagsunod sa ebanghelyo ingon nga Iyang gipakita ug gitudlo. Kon kita mas magkat-on,magbaton og hugot nga pagtuo, ug mosunod ni Jesukristo, kita mas makasab[o]t nga Siya mao ang tinubdan sa tanang pagpang-ayo, kalinaw, ug mahangturong pag-uswag.
(Jean B. Bingham, “Nga ang Imong Hingpit nga Kalipay Mapuno,” Liahona, Nob. 2017, 85)
Sumala niini nga pamahayag, unsa nga mga panalangin ang atong masinati tungod kang Jesukristo?
Hain niini nga mga panalangin ang labing importante kanimo sa pagkakaron? Ngano man?
Pagtuon sa kinabuhi ni Jesukristo diha sa Bag-ong Tugon
Karong tuiga, giawhag kita nga tun-an ang Bag-ong Tugon sa balay, simbahan, ug seminary. Samtang naningkamot kita sa pagtuon sa Bag-ong Tugon ug makakat-on pinaagi sa Espiritu Santo, madugangan ang atong pagsabot ug pagpamatuod kon kinsa si Jesukristo ug kon unsa ang Iyang gitanyag kanato. Mahibaloan nato kon unsa ang atong mabuhat aron masinati ang hingpit nga kalipay, pagkaayo, ug kalinaw nga gitanyag Niya.
Sa dili pa ipangutana ang mosunod nga mga pangutana, ikonsiderar ang pagdapit sa mga estudyante nga ablihan ang Bag-ong Tugon ug tan-awon ang pipila sa mga panid o mga kapitulo niini. Pangutan-a sila kon unsay ilang namatikdan ug kon unsa ang ilang nahibaloan mahitungod kon giunsa kini paghan-ay.
Unsa ang nahibaloan na nimo mahitungod sa Bag-ong Tugon?
Unsa ang pipila sa imong paboritong mga sugilanon gikan sa Bag-ong Tugon? Ngano man?
Nganong sa imong hunahuna importante man ang pagtuon sa Bag-ong Tugon karong tuiga?
Ang unang upat ka basahon sa Bag-ong Tugon adunay upat ka asoy sa kinabuhi sa Manluluwas. Kini nailhan isip ang Mga Ebanghelyo. Ang uban pang bahin sa Bag-ong Tugon naglangkob sa pangalagad ug mga pagtulon-an sa pipila sa Napulog Duha ka Apostoles sa Manluluwas ug uban pang mga lider sa Simbahan kaniadto.
Para sa dugang pang impormasyon, tan-awa ang “Giunsa paghan-ay ang Bag-ong Tugon?” sa “Komentaryo ug Background nga Impormasyon” nga seksiyon sa kataposan sa leksiyon.
Sa Bag-ong Tugon, nagtanyag ang Manluluwas og pagdapit nga makuha nato aron madawat ang tabang nga gusto Niyang ihatag kanato.
Basaha ang Mateo 11:28 , nga mangita sa pagdapit sa Manluluwas.
Sa imong hunahuna, unsa ang buot ipasabot sa “moduol ngadto kang [Kristo]”?
Sa imong hunahuna, unsa nga matang sa kapahulayan ang mahatag kanato sa Manluluwas samtang moduol kita ngadto Kaniya?
Unsa nga mga panalangin ang nasinati na nimo sa imong kinabuhi samtang miduol ka ngadto kang Jesukristo?
Pagpalig-on sa imong pagkadisipulo samtang nagtuon sa Bag-ong Tugon
Ang imong kasinatian sa pagtuon sa Bag-ong Tugon karong tuiga maghatag kanimo og daghang mga oportunidad nga moduol ngadto kang Jesukristo ug mahimong Iyang disipulo, o sumusunod.
Sa kinatibuk-an sa imong pagtuon, hatagi og pagtagad dili lamang ang imong nabasa ug nadungog mahitungod kang Jesukristo pero kon unsa usab ang gitudlo kanimo sa Espiritu mahitungod Kaniya. Ikonsiderar ang pagtagana og pipila ka panid sa imong journal sa pagtuon aron irekord kon unsa ang imong nakat-onan ug gibati mahitungod Kaniya ug kon unsa ang imong gibuhat aron makasunod Kaniya. Sa kinatibuk-an sa tuig, pagdugang og mga update niini nga mga panid ug susiha ang imong pag-uswag.
Dapita ang mga estudyante sa paghunahuna sa kasinatian nga masinati nila sa pagtuon sa Bag-ong Tugon karong tuiga pinaagi sa pagtubag sa mga pangutana sa ubos diha sa ilang mga journal sa pagtuon.
Unsa ang gilaoman nimo nga makat-onan o masinati samtang magtuon ka sa kinabuhi ug mga pagtulon-an ni Jesukristo karong tuiga?
Unsa ang pipila ka partikular nga paagi nga gilaoman nimo nga molambo isip sumusunod ni Jesukristo?
Ikonsiderar ang pagpaambit og pagpamatuod mahitungod sa Manluluwas. Makaayo usab kon dapiton ang pipila ka estudyante sa pagpakigbahin sa ilang pagpamatuod mahitungod sa Manluluwas. Awhaga ang mga estudyante sa pagkonsiderar og mga paagi nga mapalig-on nila ang ilang pasalig nga moduol ngadto Kaniya ug mahimong Iyang disipulo samtang magsugod sila sa pagtuon sa Bag-ong Tugon.
Komentaryo ug Background nga Impormasyon
Giunsa paghan-ay ang Bag-ong Tugon?
Ang unang upat ka basahon sa Bag-ong Tugon (Mateo, Marcos, Lucas, ug Juan) nailhan nga Mga Ebanghelyo. Ang Mga Ebanghelyo mao ang upat ka pagpamatuod sa mortal nga kinabuhi ug pangalagad ni Jesukristo. Sa Griyego, ang pulong nga ebanghelyo nagpasabot og “maayong balita.” Para sa dugang pang impormasyon mahitungod sa upat ka Ebanghelyo, tan-awa sa Giya ngadto sa mga Kasulatan, “ Ebanghelyo, mga ,” scriptures.ChurchofJesusChrist.org.
Ang uban pang bahin sa Bag-ong Tugon (ang basahon sa Mga Buhat pinaagi sa basahon sa Pinadayag) naglangkob sa mga sinulat ug mga pangalagad sa mahinungdanong mga lider sa Simbahan sa Manluluwas. Ang basahon sa Mga Buhat nagrekord sa mga kalihokan sa misyonaryo, mga pangalagad, ug mga milagro sa mga Apostoles. Ang basahon sa Mga Taga-Roma hangtod sa basahon ni Judas mao ang mga epistola, o mga sulat, nga gisulat ni Pablo ug ubang mga lider sa Simbahan sa pagtudlo ug paghatag og kaayohan sa mga Santos. Ang basahon sa Pinadayag naglangkob sa pagpadayag nga nadawat ni Juan mahitungod sa kataposang mga adlaw.
Unsaon pagpalig-on sa akong hugot nga pagtuo kang Jesukristo samtang nagtuon ako sa Bag-ong Tugon?
Si Presidente Jean B. Bingham, kanhi Kinatibuk-ang Presidente sa Relief Society, nagpaambit og pipila ka paagi nga mapalig-on ang atong hugot nga pagtuo samtang nagtuon kita sa kinabuhi ug mga pagtulon-an sa Manluluwas.
Imahe
Official Portrait of Sister Jean B. Bingham. Photographed in 2017.
Samtang kamo magtuon sa kinabuhi ug mga pagtulon-an ni Kristo sa dili maihap nga paagi, ang inyong hugot nga pagtuo diha Kaniya motubo. Inyong mahibaloan nga Siya nahigugma kaninyo sa tagsa-tagsa ug hingpit nga nakasab[o]t kaninyo. Sa Iyang 33 ka tuig sa mortalidad, Siya nag-ant[o]s nga gisalikway; gigukod; gigutom, giuhaw, ug gikapoy; gimingaw; giabuso sa pulong ug sa pisikal; ug sa katap[o]san, usa ka sakit kaayo nga kamatayon diha sa mga kamot sa mga tawo nga makasasala. Didto sa Tanaman sa Getsemani ug didto sa krus sa Kalbaryo, gibati Niya ang tanan natong mga sakit, mga kasakit,mga pagtintal, mga balatian, ug mga kahuyang.
Dili igsapayan unsa ang atong giant[o]s, Siya mao ang tinubdan sa pagpang-ayo. Kadtong kinsa nakasinati sa bisan unsang pang-abuso, makaguol nga pagkawala, nalaygay nga sakit o makaluya nga kasakit, bakak nga mga pasangil, madumtanong pagpanggukod, o espirituhanong kadaot tungod sa sala o mga walay pagsinabtanay mamaayo sa Manunubos sa kalib[o]tan. Hinoon Siya dili moduol kon walay pagdapit. Kita kinahanglan gay[o]d nga moduol ngadto Kaniya ug motugot Kaniya sa pagbuhat sa Iyang mga milagro.
(Jean B. Bingham, “Nga ang Imong Hingpit nga Kalipay Mapuno,” Liahona, Nob. 2017, 86)
Si Elder L. Tom Perry (1922–2015) sa Korum sa Napulog Duha ka Apostoles nagpamatuod mahitungod sa pagkaimportante sa pagtuon sa Bag-ong Tugon.
Imahe
Final official portrait of Elder L. Tom Perry of the Quorum of the Twelve Apostles, 2004. Passed away 30 May 2015.
Ang kalib[o]tan karon natuhop sa mga doktrina sa katawhan nga sayon na lang ang pagkalimot ug pagkawala sa hugot nga pagtuo nianang importante kaayo nga asoy sa kinabuhi ug pangalagad sa Manluluwas—ang Bag-ong Tugon. Kining sagrado nga volume mao ang sentro sa kasaysayan sa kasulatan, sama nga ang Manluluwas Mismo kinahanglang mao ang sentro sa atong kinabuhi. Kinahanglang mopasalig kita sa atong kaugalingon sa pagtuon niini ug pagbahandi niini!
(L. Tom Perry, “Ang Adlaw nga Igpapahulay ug ang Sakrament,” Liahona, Mayo 2011, 6)
Dugang nga mga Kalihokan sa Pagkat-on
Kinsa si Jesukristo alang kanimo?
Pagpakita og imahe ni Jesukristo, sama sa anaa sa sinugdanan sa leksiyon. Dapita ang mga estudyante sa pagrekord sa ilang tubag sa mosunod nga pangutana diha sa ilang journal sa pagtuon. Dayon dapita ang pipila ka boluntaryo sa pagpaambit sa ilang mga tubag ngadto sa klase.
Kinsa si Jesukristo alang kanimo?
Dasiga ang mga estudyante nga hatagan og pagtagad kon sa unsang paagi nabag-o ang ilang tubag niini nga pangutana samtang nagtuon sila sa kinabuhi ni Kristo diha sa Bag-ong Tugon karong tuiga.
Ang pagtuon sa Bag-ong Tugon makapalig-on sa atong pagpamatuod nga si Jesus mao ang Kristo
Dapita ang mga estudyante nga tun-an ang Juan 20:30–31 , nga mangita sa usa sa mga rason nga gisulat ni Juan ang iyang asoy mahitungod sa kinabuhi sa Manluluwas. Ipasabot nga ang mga pulong ni Juan niini nga mga bersikulo mahimo usab nga magamit sa uban pang bahin sa Bag-ong Tugon.
Tingali mapuslanon ang pagrebyo sa mga asoy gikan sa Bag-ong Tugon nga makapalig-on sa atong hugot nga pagtuo nga si Jesus mao ang Kristo ug ang Anak sa Dios. Makapangita og asoy ang mga estudyante sa ilang kaugalingon, o mahimo nimo silang hatagan og pipila ka opsiyon nga kapilian, lakip ang pipila sa mosunod:
Samtang nagtuon ang mga estudyante, dapita sila nga ikonsiderar kon unsa ang ilang nakat-onan nga makapalig-on sa pagpamatuod sa usa ka tawo nga si Jesus mao ang Kristo.
Mga ngalan ug mga titulo ni Jesukristo
Ang usa sa mga paagi nga makakat-on ang mga estudyante mahitungod kang Jesukristo samtang nagtuon sila sa Bag-ong Tugon mao ang paghatag og pagtagad sa Iyang daghang mga ngalan ug titulo. Dapita ang mga estudyante nga tun-an ang pipila sa mosunod nga mga bersikulo, nga mangita sa mga ngalan o mga titulo nga gigamit sa paghulagway kang Jesukristo. Dapita ang mga estudyante nga ikonsiderar kon unsa ang gitudlo kanila niadto nga mga ngalan ug mga titulo mahitungod Kaniya.