Young woman kneeling by her bed praying. Shot in Brazil.
Gustong ipadayag sa Langitnong Amahan ug ni Jesukristo ang kamatuoran ngari kanato pinaagi sa gahom sa Espiritu Santo. Tabangan ka niini nga leksiyon nga masabtan kon sa unsang paagi nga nakatabang kanimo ang Espiritu Santo nga makahibalo sa kamatuoran ug makadawat og personal nga pagpadayag. Makat-onan usab nimo kon unsaon pagdapit sa Espiritu Santo nga tudloan ka ug kon unsaon pag-ila kon nakakat-on ka pinaagi sa Espiritu.
Pag-andam sa estudyante: Dapita ang mga estudyante sa pagbasa sa Juan 14:26–27 ug sa paghunahuna og mga kasinatian dihang sila mibati o nakakat-on og usa ka butang gikan sa Espiritu Santo sa mga paagi nga gihulagway sa Manluluwas niini nga mga bersikulo.
Posible nga mga Kalihokan sa Pagkat-on
Basaha og kusog ang mosunod nga sitwasyon. Unya tugoti ang mga estudyante nga pamalandongan ang ilang tinguha ug pagsalig sa pag-ila ug pagkat-on pinaagi sa Espiritu.
Hunahunaa nga nag-awhag ka sa usa ka higala nga mosulod sa seminary sa unang higayon. Sa usa sa unang mga kasinatian sa imong higala diha sa seminary, gipasabot sa magtutudlo ang pagkaimportante sa pagdapit sa Espiritu Santo nga mahimong tinuod nga magtutudlo atol sa seminary ug personal nga pagtuon sa kasulatan. Nagpamatuod ang magtutudlo nga pinaagi sa Espiritu Santo, makadawat ang mga estudyante og personal nga mga mensahe gikan sa Langitnong Amahan nga wala gisulti og kusog diha sa klase. Nangutana kanimo ang imong higala kon unsa ang buot ipasabot sa pagkat-on gikan sa Espiritu Santo.
Samtang naghunahuna ka kon unsaon pagtubag, pamalandongi ang mosunod nga mga pangutana. Susiha ang mga hunahuna ug mga pagbati nga moabot samtang nagtuon ka niini nga leksiyon.
Sa imong hunahuna, sa unsang paagi mabag-o ang kasinatian sa imong higala kon gibati niya nga nakigsulti kaniya ang Dios samtang nagtuon siya sa ebanghelyo?
Unsa ka mapasaligon ang imong gibati sa pag-ila sa impluwensya sa Espiritu Santo sa imong kinabuhi ug pagdapit Kaniya nga tudloan ka?
Unsa ang gibuhat sa Espiritu Santo para kanato?
Samtang nagtuon ka sa ebanghelyo ang Espiritu Santo makahatag kanimo og personal nga pagpadayag. Si Presidente Russell M. Nelson mitudlo:
Imahe
Official portrait of President Russell M. Nelson taken January 2018
Dili na kamo maghunahuna kon unsa ang kamatuoran [tan-awa sa Moroni 10:5 ]. Dili na kamo maghunahuna kinsa ang inyong luwas nga masaligan. Pinaagi sa personal nga pagpadayag, makadawat kamo sa inyong kaugalingon nga pagsaksi nga ang Basahon ni Mormon mao ang pulong sa Dios, nga si Propeta Joseph Smith usa ka propeta, ug nga kini ang Simbahan sa Ginoo. Bisan kon unsa man ang isulti o buhaton sa uban, walay bisan kinsa ang makapawala sa pagsaksi nga gipamatuod ngadto sa inyong kasingkasing ug hunahuna kon unsa ang kamatuoran.
Giawhag ko kamo nga palapdan pa ang inyong kasamtangang espiritwal nga abilidad sa pagdawat og personal nga pagpadayag. … O, aduna pay daghang gusto sa inyong Amahan sa Langit nga inyong mahibaloan. …
… Ang labing importante nga kamatuoran nga saksihan sa Espiritu Santo kanimo mao nga si Jesus mao ang Kristo, ang Anak sa Dios nga buhi. Siya buhi!
Ikonsiderar ang pagpahinumdom sa mga estudyante mahitungod sa pagdapit sa pagpangandam sa estudyante sa sinugdanan niini nga leksiyon. Imbes nga tubagan ang sunod nga duha ka pangutana, ang mga estudyante mahimong mopaambit og mga panglantaw gikan sa ilang pagpangandam.
Unsa ang labing mahinungdanon kanimo gikan sa pamahayag ni Presidente Nelson?
Sa imong hunahuna, nganong ang pinakaimportanteng kamatuoran nga saksihan sa Espiritu Santo mao nga si Jesus mao ang Kristo, ang Anak sa buhing Dios?
Dapita ang mga estudyante sa pagtubag sa mosunod nga pangutana nga managpares o sa gagmay nga mga grupo. Paglakaw-lakaw sa palibot sa lawak ug paminaw sa mga tubag aron susihon ang pagsabot sa estudyante niini nga kamatuoran.
Unsaon nimo pagsumada para sa imong higala diha sa usa ngadto sa duha ka saysay ang kaimportante sa personal nga pagpadayag sa iyang pagtuon sa ebanghelyo?
Unsaon nato pag-ila ang impluwensya sa Espiritu Santo?
Hunahunaa nga nagsugod ang imong higala sa pagpakita og sinsero nga interes sa pagdawat og pagpadayag gikan sa Dios. Pero miingon siya kanimo, “Dili ko sigurado kon nakadawat ba ko og pagpadayag kaniadto. Unsaon nako pag-ila ang Espiritu Santo?”
Aron tabangan ka sa pagtubag, basaha ang mosunod nga mga tudling sa kasulatan. Susiha kon giunsa paghulagway ang impluwensya sa Espiritu.
Ikonsiderar ang pagsulat diha sa pisara sa mosunod nga mga pakisayran (o uban pang imong gipili) ug dapita ang mga estudyante nga mopili og usa o duha ka pakisayran nga tun-an. Awhaga sila nga isulat sa pisara tapad sa tukma nga pakisayran kon unsa ang ilang nakat-onan mahitungod sa impluwensya sa Espiritu Santo.
Aron tabangan ang mga estudyante sa pagtubag sa mosunod nga mga pangutana, ikonsiderar ang pagdapit kanila nga magpili og tudling sa kasulatan ug gamiton kini aron tudloan ang usa ka higala mahitungod sa Espiritu Santo.
Unsa sa mga paghulagway nga imong gibasa mahitungod sa Espiritu Santo ang gusto nimong ipaambit sa imong higala? Ngano man?
Unsaon nimo paghulagway ang mga paagi nga nasinati nimo ang impluwensya sa Espiritu Santo samtang nagtuon ka sa ebanghelyo?
Ang miaging pangutana mahimong importante nga bahin niini nga leksiyon. Siguroha ang paghatag sa mga estudyante og igo nga panahon sa pagtubag. Ikonsiderar ang pagpangutana sa mga estudyante og sunod nga mga pangutana mahitungod sa kon unsa ang ilang gibuhat aron andamon ang ilang kaugalingon para sa ilang mga kasinatian sa pagbati sa impluwensya sa Espiritu.
Unsaon nato pagdapit ang Espiritu Santo sa pagtudlo kanato?
Ang atong Langitnong Amahan nahigugma kanato ug gusto nga makigsulti kanato pinaagi sa hinay, hinagawhaw nga tingog sa Espiritu Santo. Pero kinahanglan kita nga tagsa-tagsang magdesisyon kon andam ba kita nga tinuoray nga magtinguha og pagpadayag gikan Kaniya. Dugang pa niini, kon magpundok kita isip usa ka pamilya, klase, o ward, ang atong mga tinguha, mga kinaiya, ug mga lihok makaapekto sa uban sa atong palibot.
Si Elder David A. Bednar sa Korum sa Napulog Duha ka Apostoles mitudlo og pipila ka importanteng paagi nga madapit nato ang Espiritu Santo nga tudloan kita.
Imahe
Elder David A. Bednar, Quorum of the Twelve Apostles official portrait. 2020.
Ang pagdawat sa Espiritu Santo magsugod sa atong sinsero nga tinguha ug sa padayon nga tinguha alang sa Iyang pakig-uban sa atong mga kinabuhi. …
Ang atong mga pagdapit alang sa pakig-uban sa Espiritu Santo mahitabo sa daghang paagi: pinaagi sa paghimo ug paghupot sa mga pakigsaad; pinaagi sa sinsero nga pag-ampo isip mga indibidwal ug sa pamilya; pinaagi sa makugihong pagsiksik sa mga kasulatan; pinaagi sa paglig-on sa tukma nga pakigrelasyon sa mga sakop sa pamilya ug mga higala; pinaagi sa pagtinguha og limpyo nga hunahuna, mga buhat, ug pinulongan; ug sa pag-ampo sa atong mga panimalay, sa balaang templo, ug sa simbahan.
Unsa sa mga kinaiya o mga aksiyon nga gihisgotan ni Elder Bednar ang nakatabang kanimo sa pagdapit sa Espiritu sa imong kinabuhi?
Sa imong tan-aw, sa unsang paagi nga ang kinaiya o mga pagpili sa usa ka tawo makapasayon (o makapalisod) sa uban diha sa pamilya o klase nga tudloan pinaagi sa Espiritu?
Ikonsiderar ang pagdapit sa mga estudyante sa pagpaambit kon unsa ang ilang gustong pamatasan diha sa klase ug kon unsaon nila pagdapit ang Espiritu nga mahimong magtutudlo sa klase.
Makapamalandong ang mga estudyante kon unsa ang ilang nakat-onan niini nga leksiyon pinaagi sa pagtubag sa mosunod nga mga pangutana diha sa ilang mga journal sa pagtuon.
Sa unsang paagi nga ang imong tinguha o abilidad nga makakat-on pinaagi sa Espiritu naimpluwensyahan sa kon unsa ang imong gitun-an karon?
Unsa ang gusto nimong mahibaloan pa og dugang mahitungod sa personal nga pagpadayag ug pagtudlo pinaagi sa Espiritu?
Unsa ang imong buhaton sa balay ug sa seminary aron dapiton ang Espiritu nga mouban kanimo samtang nagtuon ka sa Bag-ong Tugon?
Awhaga ang mga estudyante sa pagrekord sa ilang mga tubag sa miaging pangutana diha sa lugar nga ilang magamit sa tibuok tuig.
Pagpaambit og pagpamatuod nga ang Dios gustong makigsulti sa kada estudyante pinaagi sa Espiritu Santo.
Komentaryo ug Background nga Impormasyon
Andam ba gayod ang Ginoo nga magpadayag og mga butang kanako?
Si Presidente Russell M. Nelson mipasabot:
Imahe
Official portrait of President Russell M. Nelson taken January 2018
Usa sa mga butang nga gibalik-balik sa Espiritu og sil-sil sa akong hunahuna … mao ang pagkaandam sa Ginoo nga mopadayag sa Iyang hunahuna ug kabubut-on. Ang pribilehiyo sa pagdawat og pagpadayag usa sa labing mahinungdanon nga mga gasa sa Dios ngadto sa Iyang mga anak.
Unsaon nako pagdapit ang Espiritu Santo sa pagtudlo kanako?
Si Elder Ulisses Soares sa Korum sa Napulog Duha ka Apostoles mitabang sa pagtubag niini nga pangutana.
Imahe
Elder Ulisses Soares, Quorum of the Twelve Apostles official portrait.
Nagkinahanglan kini nga motawag sa Dios ug magkat-on kon unsaon pagdala sa ebanghelyo ni Jesukristo diha sa sentro sa atong kinabuhi. Kon ato kining buhaton, mosaad ko nga ang impluwensya sa Espiritu Santo modala sa kamatuoran diha sa atong kasingkasing ug hunahuna ug mosaksi niini, magtudlo sa tanang butang.
Unsa ang lagmit nga makabalda kanako gikan sa pagdawat sa pagpadayag nga gustong ipadala kanako sa Ginoo?
Si Elder David A. Bednar sa Korum sa Napulog Duha ka Apostoles nagpaambit niini nga panglantaw:
Imahe
Elder David A. Bednar, Quorum of the Twelve Apostles official portrait. 2020.
Kon adunay butang nga atong mahunahuna, makita, madungog, o mabuhat nato nga makapalayo sa Espiritu Santo, nan moundang kita sa paghunahuna, pagtan-aw, pagpaminaw, o pagbuhat sa mao nga butang. Kon kanang butang gituyo aron sa paglingaw, pananglitan, makapabulag kanato sa Balaang Espiritu, nan sigurado kana nga kalingawan dili para kanato. Tungod kay ang Espiritu dili makapuyo nianang bulgar, mahugaw, o dili ligdong, nan klaro nga ang ingon nga mga butang dili gay[o]d para kanato.
(David A. Bednar, “Nga Kita Unta sa Kanunay Makabaton sa Iyang Espiritu Uban Kanato,”Liahona, Mayo 2006, 30)
Si Presidente M. Russell Ballard sa Korum sa Napulog Duha ka Apostoles mitudlo:
Imahe
Official portrait of President M. Russell Ballard of the Quorum of the Twelve Apostles, 2004.
Daghan kaayo ang mitugot sa ilang kaugalingon nga hapit na lang mogahin sa tibuok nilang kinabuhi diha sa internet gamit ang ilang mga smart device—ang mga screen nga magdan-ag sa ilang panagway sa adlaw ug gabii ug mga earphone nga anaa sa ilang mga dunggan mobabag sa ligdong, hinagawhaw nga tingog sa Espiritu. Kon dili kita mangita og panahon sa pagtangtang sa mga electronic device, mahimong mawala kanato ang mga oportunidad nga makapaminaw sa Iyang tingog kinsa miingon, “Humilum kamo, ug ilhon ninyo nga ako mao ang Dios” [Salmo 46:10].
Unsaon nako sa pag-ila ang pagpadayag sa akong hunahuna?
Si Propeta Joseph Smith mitudlo:
Imahe
Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.
Ang usa ka tawo mahimong mabulahan pinaagi sa pag-ila sa unang pahayag sa espiritu sa pagpadayag; sama pananglit, kon imong gibati ang lunsay nga salabutan nagdagayday diha kanimo, kini mahimong mohatag kanimo og hinanaling pagsantup sa mga ideya.
Si Elder Richard G. Scott (1928–2015) sa Korum sa Napulog Duha ka Apostoles mipaambit niini nga panglantaw:
Imahe
Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.
Ang usa ka impresyon sa hunahuna partikular kaayo. Ang detalyado nga mga pulong mahimong madungog o mabati ug masulat nga daw gidikta ang mga instruksiyon.
(Richard G. Scott, “Helping Others to Be Spiritually Led [Pagtabang sa Uban nga Magiyahan sa Espirituhanong Paagi” [pakigpulong ngadto sa mga religious educator sa usa ka simposyum kabahin sa Doktrina ug Mga Pakigsaad ug kasaysayan sa Simbahan, Brigham Young University, Ago. 11, 1998]; tan-awa usab sa Teaching Seminary: Preservice Readings [2004], 55)
Unsaon nako sa pag-ila sa kalainan tali sa mga pag-aghat gikan sa Espiritu Santo ug sa akong mga kaugalingong hunahuna?
Si Elder David A. Bednar sa Korum sa Napulog Duha ka Apostoles ug ang iyang asawa, si Sister Susan Bednar, mitabang sa pagtubag niini nga pangutana sa video nga “Elder and Sister Bednar—Recognizing the Spirit” (code sa oras nga 0:00 hangtod sa 5:13), nga anaa sa ChurchofJesusChrist.org.
