Seminary
Pagkat-on pinaagi sa Hugot nga Pagtuo diha ni Jesukristo

Pagkat-on pinaagi sa Hugot nga Pagtuo diha ni Jesukristo

Ang Tahas sa Tigkat-on

Youth studying the scriptures in their seminary class.

Makatabang kanimo kini nga leksiyon nga masabtan ang pagkaimportante sa paglihok nga adunay hugot nga pagtuo kang Jesukristo samtang nagtuon ka sa seminary. Samtang nagtuon ka niini nga leksiyon, makahibalo ka kon unsaon pagpahimulos sa imong kasinatian sa seminary.

Pag-andam sa estudyante: Dapita ang mga estudyante sa pagpamalandong niini nga pangutana: Unsa ang imong gibuhat nga nakatabang nimo kaayo sa imong pagkat-on sa ebanghelyo?

Posible nga mga Kalihokan sa Pagkat-on

Hatagi ang mga estudyante og oportunidad sa pagsusi sa ilang kasamtangang pamaagi sa pagkat-on sa ebanghelyo. Makatabang ang sitwasyon sama sa mosunod.

Basaha ang mosunod nga sitwasyon:

Adunay duha ka batan-ong babaye nga anaa sa samang klase sa seminary. Gibati sa usa ka batan-ong babaye ang impluwensya sa Espiritu Santo ug ang gugma sa Ginoo diha sa seminary. Nakakita siya og mga tubag sa iyang mga pangutana, mitubo ang iyang pagpamatuod mahitungod sa Manluluwas ug sa Iyang Simbahan, ug milambo siya sa makahuluganong mga paagi sa iyang kinabuhi. Pero ang laing batan-ong babaye, laayon siya kanunay sa seminary ug gibati niya nga wala siyay nakat-onan niini.

  • Unsa ang posibleng mga rason ngano nga kining duha ka batan-ong babaye adunay lahi nga mga kasinatian sa seminary?

Ikonsiderar ang pagdapit sa mga estudyante sa pagsulat sa mga tubag sa mosunod nga mga pangutana.

  • Unsay kasamtangan nimong gibuhat aron makakat-on sa espirituhanong paagi?

  • Gibati ba nimo nga nakakuha ka sa mga resulta nga gusto nimo ug gikinahanglan nimo?

Samtang nagtuon ka niini nga leksiyon, hunahunaa ang mga paagi nga gusto nimo aron makat-on ug molambo karong tuiga diha sa seminary. Ang pagtuon naglakip sa bisan unsang paagi nga mapalambo nato ang atong kinabuhi. Mahimo usab ka nga maghunahuna og bisan unsang mga kabalaka o mga pangutana nga aduna ka. Pinaagi sa sinsero nga pag-ampo, tinguhaa ang paggiya sa Espiritu Santo sa pagtabang kanimo nga mahibaloan kon unsaon paggamit niini nga leksiyon sa imong kinabuhi.

Ang usa sa mga pinakadako og impluwensya nga butang sa atong pagkat-on mao ang kon unsa kadako ang atong pagsalig ug pagsunod kang Jesukristo. Ang usa ka baroganan nga pokusan niini nga leksiyon mao kon maningkamot kita nga aktibong makakat-on pinaagi sa hugot nga pagtuo diha ni Jesukristo, mapanalanginan kita ug molambo sa personal nga paagi.Samtang imong gibasa ang mosunod nga pamahayag ni Elder David A. Bednar sa Korum sa Napulog Duha ka Apostoles, pangita og mga panglantaw mahitungod sa kon unsa ang buot ipasabot sa pagkat-on pinaagi sa hugot nga pagtuo diha ni Jesukristo.

Ikonsiderar ang pagsulat diha sa pisara sa baroganan nga unang gipahayag. Pangita og mga paagi aron hatagan og gibug-aton ang pagkaimportante sa pagsalig kang Jesukristo diha sa atong pagkat-on.

Elder David A. Bednar, Quorum of the Twelve Apostles official portrait. 2020.

Samtang maglantaw kita sa umaab[o]t ug magpaab[o]t sa mas nagkaguliyang ug masamok nga kalib[o]tan nga atong gipuy-an, ako nagtuo nga importante para kanatong tanan ang pagdugang sa atong kapasidad sa pagpaningkamot sa pagkat-on pinaagi sa hugot nga pagtuo. … Ang tinuod nga hugot nga pagtuo gitumong diha ug kang Ginoong Jesukristo ug sa kanunay mosangpot ngadto sa paglihok. … Ang pagkat-on pinaagi sa hugot nga pagtuo nagkinahanglan sa espirituhanon, mental, ug pisikal nga pagpaningkamot ug dili lamang lumalabay nga pagbati. Ang kinasingkasing ug pagkamakanunayon sa atong paglihok nga dinasig sa hugot nga pagtuo nga atong gipakita ngadto sa atong Amahan sa Langit ug sa Iyang Anak, nga si Jesukristo, ang atong pagkaandam nga makat-on ug pagdawat og panudlo gikan sa Espiritu Santo.

(David A. Bednar, “Paningkamot sa Pagkat-on pinaagi sa Hugot nga Pagtuo,” Liahona, Sept. 2007, 61, 63–64)

  • Unsa man ang imong nakat-onan gikan niini nga pamahayag?

Mahimong tun-an sa mga estudyante ang mga kasulatan sa mosunod nga kalihokan nga magtinagsa o sa gagmay nga mga grupo. Ikonsiderar ang pagpakita sa video nga labing mahinungdanon ngadto sa mga estudyante o pag-andam og labaw sa usa ka video ug motugot sa klase nga magpili kon unsa ang ilang tan-awon.

Mapahimuslan nimo ang imong espirituhanong pagkat-on kon aktibo kang maningkamot nga makakat-on ug itutok ang imong mga paningkamot kang Jesukristo. Ang mosunod nga mga tudling sa kasulatan ug mga video nagpakita og mga indibidwal nga miduol ngadto kang Jesukristo ug gipanalanginan Niya. Pagbasa og bisan usa lamang ka asoy sa kasulatan ug pagtan-aw og bisan usa lamang ka video, kon posible. Ang tanang mga video anaa sa ChurchofJesusChrist.org. Samtang magbasa ug magtan-aw ka, hunahunaa kon sa unsang paagi nga may kalabotan sa pagtuon sa ebanghelyo ang mga kasinatian niini nga mga indibidwal.

  • Video: “Staying Spiritually Fit” (3:30)

3:31

Staying Spiritually Fit

Now is the time to prepare to meet God. Just as an athlete prepares daily for game day; when we work on our spirituality daily and give our all to the Lord, we strengthen our testimonies of Him and of His gospel.

  • Video: “Ask of God (2017 Mutual Theme)” (3:21)

3:22

Ask of God (2017 Mutual Theme)

We asked youth what they ask for in prayer and what answers they received…here is what they said.

  • Video: “Seminary Can Change Lives” (4:13)

4:14

Seminary Can Change Lives

President Thomas S. Monson teaches how seminary can help you build and strengthen your testimony. "Effort is required," he says. "But it is effort you will never, ever regret."

  • Unsa ang gibuhat sa tawo niini nga mga bersikulo o video aron aktibong ipakita ang hugot nga pagtuo diha kang Jesukristo? Giunsa pagpakita sa ilang mga aksiyon ang ilang hugot nga pagtuo?

  • Unsa nga mga babag ang nabuntog sa tawo?

  • Giunsa sila sa pagpanalangin sa Ginoo?

  • Unsa ang imong makat-onan gikan sa kasinatian niining tawhana nga magamit nimo sa imong kaugalingong pagkat-on sa ebanghelyo?

Bahina ang usa ka papel sa tulo ka kolum, ug butangi og label ang mga kolum nga Sa Wala pa ang Klase, Sa Panahon sa Klase, ug Pagkahuman sa Klase. Hunahuna kon unsa ang imong gibuhat o mabuhat sa wala pa ang klase, sa panahon sa klase, ug pagkahuman sa klase aron matabangan ka sa pagkat-on pinaagi sa hugot nga pagtuo diha ni Jesukristo. Mainampoong magtinguha sa giya sa Espiritu Santo samtang naghunahuna ka og mga pananglitan ug isulat o idrowing ang imong mga pananglitan sa kada kolum.

Dapita ang mga estudyante sa pagpaambit og bisan usa lamang sa ilang mga pananglitan samtang ilang gitubagan ang mosunod nga pangutana.

  • Unsa ang usa ka butang nga gibuhat nimo sa wala pa, sa panahon, o pagkahuman sa klase sa ebanghelyo nga nakatabang kanimo nga makakat-on ug mas mouswag paduol sa Ginoo?

Tingali epektibo ang paghangyo sa pipila ka estudyante nga tubagan ang miaging pangutana. Mahimong mosangpot kini ngadto sa lain-laing mga tubag. Samtang naminaw ang mga estudyante og mga ideya gikan sa uban, awhaga sila nga idugang kadto nga mga ideya sa ilang papel sa ubos sa Sa Wala pa ang Klase, Sa Panahon sa Klase, o Pagkahuman sa Klase. Ang mosunod mao ang pipila ka dugang nga mga ideya para sa mga estudyante.

Imong personal nga tumong

Samtang nagtuon ka sa seminary, makabaton ka og mga oportunidad sa:

  • Pag-andam para sa klase. Ang pagtinguha sa pagpadayag pinaagi sa Espiritu Santo ug pagbasa sa mga kasulatan kada adlaw mao ang pipila sa mga pinakamaayong paagi sa pag-andam. Mahimo usab nga dapiton ka nga mamalandong sa mga pangutana sa wala pa ang klase o magtuon sa mubo nga segment gikan sa Dali, Sunod Kanako.

  • Pagpakita og hugot nga pagtuo diha ni Jesukristo sa panahon sa klase. Dapiton ka sa pagpakita og hugot nga pagtuo diha ni Jesukristo ug aktibong magtuon sumala sa Iyang mga pagtulon-an, pinaagi sa pagtuon sa mga kasulatan, pagbuhat og mga kalihokan, pagpaambit sa imong mga hunahuna, ug mainampoong pagtinguha og inspirasyon gikan sa Espiritu Santo aron magamit ang mga kamatuoran nga imong nakat-onan sa imong kinabuhi.

  • Pagsusi kon unsay imong nakat-onan. Ikaw adunay oportunidad sa kanunay aron magbuhat sa imong kaugalingong mga tumong ug mosusi sa imong kaugalingong pagkat-on ug pag-uswag. Mahimo usab ka nga mangutana ug magtinguha og giya para sa bisan unsang mga problema o mga kabalaka.

  • Pakigbahin. Dasigon ka nga ipaambit sa uban kon unsa ang imong nakat-onan, lakip sa imong pamilya.

Sa imong journal sa pagtuon o sa papel diin ka nagsulat o nagdrowing og mga kalihokan nga makabatang kanimo nga makakat-on ug mas mouswag paduol sa Ginoo, isulat kon unsa ang gusto nimong buhaton sa dili pa, sa panahon, ug pagkahuman sa klase aron makakat-on pinaagi sa hugot nga pagtuo. Kini yano lamang sama sa paglingin o pagbutang og star sa tapad sa mga ideya nga gibati nimo nga gusto sa Ginoo nga sulayan nimo. Ikonsiderar ang pagbutang sa imong tumong sa usa ka lugar nga makita nimo kini kanunay ug mahinumdoman kini.

Komentaryo ug Background nga Impormasyon

Unsaon nako nga makahimo og dugang pa nga kaakohan para sa akong kaugalingong pagkat-on?

Si Elder David A. Bednar sa Korum sa Napulog Duha ka Apostoles mitudlo:

2:3

Andam nga Makaangkon sa Matag Gikinahanglan nga Butang

Si Elder Bednar naghisgot sa mga kahulugan sa bag-ong nakasentro-sa-panimalay, giabagan sa Simbahan nga pamaagi sa pagkat-on.

Elder David A. Bednar, Quorum of the Twelve Apostles official portrait. 2020.

Ang matag miyembro sa Ang Simbahan ni Jesukristo sa Mga Santos sa Ulahing Mga Adlaw adunay tinagsa nga kaakohan sa pagkat-on ug pagsunod sa mga pagtulon-an sa Ginoo. … Kinahanglang dili kita maghulat sa Simbahan isip kapunongan nga motudlo o mosulti kanato sa tanang butang nga kinahanglan natong mahibaloan [ug buhaton] aron mahimong matinud-anong mga disipulo ug maisugong molahutay ngadto sa katap[o]san. Hinoon, ang atong personal nga responsibilidad mao ang pagkat-on sa angay natong makat-onan, pagpuyo sa tukmang paagi nga atong nahibaloan, ug mamahimo kitang matang sa tawo kinsa gusto sa atong Agalon.

(David A. Bednar, “Andam nga Makaangkon sa Matag Gikinahanglan nga Butang,”Liahona, Mayo 2019, 102)

Nganong kinahanglan akong maningkamot nga aktibong makakat-on sa seminary?

Si Presidente Russell M. Nelson mitudlo:

Official portrait of President Russell M. Nelson taken January 2018

Kon mas mosunod ka sa ehemplo ni Jesukristo, mahimo kang mas malamposon.

Unsa ang makatabang kanimo nga mahimong matinud-anong disipulo ni Jesukristo? Ang usa ka tubag mao ang seminary ug institute—dili lamang pagtambong kondili aktibong pagsalmot sa klase ug matinud-anong pagsunod sa bisan unsang mga buluhaton nga gihatag. …

Ang paggradwar sa seminary ug institute mopalambo sa imong abilidad nga manghawod diha sa pinakaimportanteng mga butang nga imong buhaton sa kinabuhi. Ang tinuod nga kalipay imong maangkon!

(Russell M. Nelson, “A Personal Invitation to Participate in Seminary and Institute [Usa ka Personal nga Imbitasyon nga Mosalmot sa Seminary ug Institute],” Peb. 4, 2019)

Si Elder Richard G. Scott (1928–2015) sa Korum sa Napulog Duha ka Apostoles mitudlo sa mosunod mahitungod sa pag-apil diha sa usa ka kasinatian sa pagkat-on sa ebanghelyo:

Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.

Ang desisyon sa [mga estudyante] sa pag-apil usa ka paggamit sa kabubut-on nga nagtugot sa Espiritu Santo sa pagpakigsulti sa personal nga mensahe nga angay sa mga indibidwal nga panginahanglan sa [mga estudyante]. Ang paghimo og usa ka kahimtang nga makadasig sa pag-apil mopasaka sa kalagmitan nga ang Espiritu motudlo og mas daghan pa nga mga importanteng mga leksiyon kaysa sa masulti [sa magtutudlo].

Kana nga pag-apil modala ngadto sa kinabuhi sa [mga estudyante] og giya sa Espiritu. Kon … ipataas … sa mga estudyante ang ilang kamot aron sa pagtubag sa usa ka pangutana, samtang sila mahimong wala makaamgo niini, sila nagpakita sa Espiritu Santo sa ilang pagkaandam sa pagkat-on. Ang paggamit sa moral nga kabubut-on motugot sa Espiritu sa pagdasig ug paghatag kanila og mas gamhanan nga paggiya sa panahon nga kamo nag-uban. Ang pagsalmot magtugot sa mga indibidwal nga makasinati nga giniyahan sa Espiritu. Sila makakat-on sa pag-ila ug pagbati kon unsa ang espirituhanong paggiya.

(Richard G. Scott, “Pagkat-on ug Pagtudlo nga Mas Epektibo” [debosyonal sa Brigham Young University Education Week, Ago. 21, 2007], 4–5, speeches.byu.edu)

Dugang nga Kalihokan sa Pagkat-on

Usa ka alternatibong kalihokan sa pagtuon

Sa dili pa awhagon ang mga estudyante nga magdrowing o magsulat og mga paagi nga makakat-on sila pinaagi sa hugot nga pagtuo diha ni Jesukristo sa dili pa, sa panahon, ug pagkahuman sa klase, ikonsiderar ang pagdapit sa mga estudyante nga tubagan ang usa o daghan sa mosunod nga mga pangutana ug ipaambit kon sa unsang paagi nga makatabang kanila ug sa uban ang kada usa niini sa pagkat-on pinaagi sa hugot nga pagtuo.