ឯកសារណែនាំ
ទិដ្ឋភាពទូទៅ
នៅក្នុងថ្នាក់សិក្ខាសាលានាឆ្នាំនេះ អ្នកនឹងសិក្សាអំពីព្រះគម្ពីរសញ្ញាថ្មី ។ មេរៀនសប្តាហ៍នេះនឹងជួយអ្នកឲ្យរៀបចំខ្លួនរៀនសូត្រអំពីព្រះយេស៊ូវគ្រីស្ទ តាមរយៈព្រះចេស្តានៃព្រះវិញ្ញាណបរិសុទ្ធ ពេលអ្នកសិក្សានៅក្នុងឆ្នាំនេះ ។
រៀបចំខ្លួនដើម្បីបង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវការដើម្បីរៀបចំទុកជាមុនសម្រាប់មេរៀននីមួយៗ ។
សេចក្ដីណែនាំស្ដីពីព្រះគម្ពីរសញ្ញាថ្មី
គោលបំណងមេរៀន ៖ ជួយសិស្សឲ្យមកកាន់ព្រះយេស៊ូវគ្រីស្ទ និងដើរតាមទ្រង់ ពេលដែលពួកគេសិក្សាព្រះគម្ពីរសញ្ញាថ្មី ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីមូលហេតុដែលវាមានតម្លៃ ដើម្បីសិក្សាព្រះគម្ពីរសញ្ញាថ្មីនៅឆ្នាំនេះ ។ វាអាចមានប្រយោជន៍ក្នុងការអញ្ជើញពួកគេឲ្យសួរសមាជិកគ្រួសាររបស់ពួកគេពីរបីនាក់អំពីមូលហេតុ ដែលពួកគេគិតថាវាមានតម្លៃ ។
-
ឯកសារសិស្ស ៖ សូមធានាឲ្យបានថា សិស្សម្នាក់ៗមាននូវកំណត់ហេតុការសិក្សាព្រះគម្ពីរ និងអាចចូលប្រើប្រាស់ព្រះគម្ពីរសញ្ញាថ្មីជាឌីជីថល ឬជាសៀវភៅបោះពុម្ពបាន ( លេខយោង លិបិក្រមជាដើម ដែលជាការបោះពុម្ពផ្សាយរបស់ពួកបរិសុទ្ធថ្ងៃចុងក្រោយ បើមានជាភាសារបស់អ្នក ) ។
-
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាចំណាយពេលខ្លះៗមុនពេលចាប់ផ្តើមមេរៀន ដើម្បីណែនាំខ្លួនអ្នកទៅកាន់សិស្ស និងជួយសិស្សឲ្យស្គាល់គ្នាទៅវិញទៅមក ។
ការសិក្សាព្រះគម្ពីរ
គោលបំណងមេរៀន ៖ ជួយសិស្សឲ្យមករកព្រះយេស៊ូវគ្រីស្ទ ហើយស្គាល់ទ្រង់កាន់តែច្បាស់ តាមរយៈការសិក្សាព្រះបន្ទូលរបស់ព្រះ ដោយការអភិវឌ្ឍជំនាញសិក្សាព្រះគម្ពីរ និងកំណត់គោលដៅការសិក្សាព្រះគម្ពីរ ។
-
ការរៀបចំសិស្ស ៖ ប្រសិនបើអាចធ្វើបាន សូមឲ្យសិស្សបំពេញការវាយតម្លៃការសិក្សាព្រះគម្ពីរប៉ុន្មានថ្ងៃមុនពេលចាប់ផ្តើមសិក្សា ។ សូមពិចារណាធ្វើការវាយតម្លៃតាមទម្រង់អេឡិចត្រូនិច ឬចែកឯកសារវាយតម្លៃឲ្យសិស្សបំពេញដោយអនាមិក ហើយប្រគល់ឯកសារពីមុនរៀនមេរៀននេះ ។
ការរៀនសូត្រដោយព្រះវិញ្ញាណ
គោលបំណងមេរៀន ៖ ជួយសិស្សឲ្យយល់ពីរបៀបដែលព្រះវិញ្ញាណបរិសុទ្ធជួយពួកគេឲ្យរៀនពីសេចក្ដីពិត និងទទួលវិវរណៈផ្ទាល់ខ្លួន ។
-
ការរៀបចំសិស្ស ៖ សូមអញ្ជើញសិស្សឲ្យអាន យ៉ូហាន ១៤:២៦–២៧ ហើយសូមគិតអំពីបទពិសោធន៍នៅពេលដែលពួកគេទទួលអារម្មណ៍ ឬបានរៀនអ្វីមួយពីព្រះវិញ្ញាណបរិសុទ្ធតាមរបៀបដែលព្រះអង្គសង្គ្រោះបានពិពណ៌នានៅក្នុងខគម្ពីរទាំងនេះ ។
-
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាប្រើប្រាស់មុខងារក្តារខៀន ដើម្បីសិស្សអាចសរសេរពីរបៀបដែលព្រះវិញ្ញាណបរិសុទ្ធត្រូវបានពិពណ៌នានៅក្នុងបទគម្ពីរ ដែលបានរៀបរាប់នៅក្នុងមេរៀននេះ ។
ការរៀនសូត្រដោយសេចក្ដីជំនឿលើព្រះយេស៊ូវគ្រីស្ទ
គោលបំណងមេរៀន ៖ ជួយសិស្សឲ្យយល់ពីសារៈសំខាន់នៃការធ្វើសកម្មភាពដោយសេចក្ដីជំនឿលើព្រះយេស៊ូវគ្រីស្ទ ពេលពួកគេរៀននៅក្នុងថ្នាក់សិក្ខាសាលា ។
-
ការរៀបចំសិស្ស ៖ សូមអញ្ជើញសិស្សឲ្យពិចារណាសំណួរនេះ ៖ តើអ្នកបានធ្វើអ្វីខ្លះ ដែលជួយអ្នកបានច្រើនបំផុតក្នុងការរៀនសូត្រដំណឹងល្អរបស់អ្នក ?
-
វីដេអូ ៖ សូមរៀបចំបង្ហាញសិស្សនូវវីដេអូ « Staying Spiritually Fit » ( ៣:៣០ ), « Ask of God ( បាវចនាម៉្ញូតឆលឆ្នាំ ២០១៧ ) » ( ៣:២១ ) ឬ « Seminary Can Change Lives » ( ៤:១៣ ) ។ វីដេអូទាំងនេះអាចរកបាននៅលើគេហទំព័រ ChurchofJesusChrist.org ។
-
ឯកសារសិស្ស ៖ សូមយកក្រដាសដែលមានផ្ទៃធំល្មមមកចែកជាបីជួរឈរសម្រាប់សិស្សម្នាក់ៗ ។
សេចក្តីណែនាំស្តីពីចំណេះចំណានខាងគោលលទ្ធិ
គោលបំណងមេរៀន ៖ ណែនាំសិស្សឲ្យស្គាល់ពីចំណេះចំណានខាងគោលលទ្ធិ និងរបៀបដែលវាអាចផ្តល់ពរដល់ជីវិតរបស់ពួកគេ និងជួយពួកគេស្ថាបនាគ្រឹះខាងវិញ្ញាណរបស់ពួកគេលើព្រះយេស៊ូវគ្រីស្ទ ។
-
ការរៀបចំសិស្ស ៖ សូមអញ្ជើញសិស្សឲ្យជ្រើសរើសវគ្គចំណេះចំណានខាងគោលលទ្ធិដែលពួកគេចាប់អារម្មណ៍ ដែលអាចជួយដល់តម្រូវការផ្ទាល់ខ្លួន ឬឆ្លើយសំណួរដែលពួកគេមាន ។ បញ្ជីវគ្គបទគម្ពីរមាននៅក្នុងក្នុងចំណេះចំណានខាងគោលលទ្ធិ ឬនៅជិតចុងបញ្ចប់នៃ ឯកសារគោលនៃចំណេះចំណានខាងគោលលទ្ធិ ។
-
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាប្រើមុខងារបំបែកបន្ទប់ ដើម្បីជួយសិស្សឲ្យពិភាក្សាសំណួរមួយ ឬច្រើននៅក្នុងមេរៀននេះ ។
-
សំណៅចែក ៖ សូមរៀបចំសំណៅចែក « មូលដ្ឋានគ្រឹះខាងវិញ្ញាណរបស់ខ្ញុំ » សម្រាប់សិស្សម្នាក់ៗ ។
-
ការបង្ហាញមាតិកា ៖ សូមរៀបចំបង្ហាញដ្យាក្រាមដែលបង្ហាញពីចំណុចសំខាន់ៗនៃមេរៀនចំណេះចំណានខាងគោលលទ្ធិ ។