ថ្នាក់​សិក្ខាសាលា
ការរៀនសូត្រដោយសេចក្ដីជំនឿលើព្រះយេស៊ូវគ្រីស្ទ

ការរៀនសូត្រដោយសេចក្ដីជំនឿលើព្រះយេស៊ូវគ្រីស្ទ

តួនាទីរបស់អ្នករៀន

Youth studying the scriptures in their seminary class.

មេរៀននេះអាចជួយអ្នកឲ្យយល់ពីសារៈសំខាន់នៃការធ្វើសកម្មភាពដោយសេចក្ដីជំនឿលើព្រះយេស៊ូវគ្រីស្ទ ពេលអ្នករៀននៅថ្នាក់សិក្ខាសាលា ។ កាលដែលអ្នកសិក្សាមេរៀននេះ អ្នកនឹងរៀនពីបៀបដើម្បីទទួលបានបទពិសោធន៍ច្រើនបំផុតនៅក្នុងសិក្ខាសាលារបស់អ្នក ។

ការរៀបចំរបស់សិស្ស ៖ សូមអញ្ជើញសិស្សឲ្យពិចារណាសំណួរនេះ ៖ តើអ្នកបានធ្វើអ្វីខ្លះ ដែលជួយអ្នកបានច្រើនបំផុតក្នុងការរៀនសូត្រដំណឹងល្អរបស់អ្នក ?

សកម្មភាពរៀនសូត្រដែលអាចមាន

សូមផ្តល់ឱកាសឲ្យសិស្សដើម្បីវាយតម្លៃអំពីការខិតខំរៀនសូត្រដំណឹងល្អបច្ចុប្បន្នរបស់ពួកគេ ។ ស្ថានភាពដូចខាងក្រោមអាចជួយបាន ។

សូមអានស្ថានភាពដូចតទៅនេះ ៖

យុវនារីពីរនាក់រៀននៅក្នុងថ្នាក់សិក្ខាសាលាដូចគ្នា ។ យុវនារីម្នាក់មានអារម្មណ៍ពីឥទ្ធិពលនៃព្រះវិញ្ញាណបរិសុទ្ធ និងសេចក្ដីស្រឡាញ់របស់ព្រះអម្ចាស់នៅក្នុងថ្នាក់សិក្ខាសាលា ។ នាងកំពុងស្វែងរកចម្លើយចំពោះសំណួររបស់នាង ហើយទីបន្ទាល់របស់នាងអំពីព្រះអង្គសង្គ្រោះ និងសាសនាចក្ររបស់ទ្រង់កំពុងតែរីកចម្រើនឡើង ហើយនាងកំពុងកែលម្អចំណុចសំខាន់ៗនៅក្នុងជីវិតនាង ។ ប៉ុន្តែ យុវនារីម្នាក់ទៀតតែងតែមានអារម្មណ៍ធុញទ្រាន់នឹងថ្នាក់សិក្ខាសាលា ហើយមានអារម្មណ៍ថា នាងមិនទទួលបានអ្វីច្រើនទេ ។

  • តើអាចមានហេតុផលអ្វីខ្លះ ដែលធ្វើឲ្យយុវនារីទាំងពីរនាក់នេះមានបទពិសោធន៍ខុសគ្នាបែបនេះនៅក្នុងថ្នាក់សិក្ខាសាលា ?

សូមពិចារណាដោយអញ្ជើញសិស្សឲ្យសរសេរចម្លើយចំពោះសំណួរខាងក្រោម ។

  • តើអ្នកកំពុងធ្វើអ្វីនាពេលបច្ចុប្បន្នដើម្បីរៀនសូត្រខាងវិញ្ញាណ ?

  • តើអ្នកមានអារម្មណ៍ថា អ្នកកំពុងទទួលបានលទ្ធផលដែលអ្នកចង់បាន និងត្រូវការដែរឬទេ ?

នៅពេលអ្នកសិក្សាមេរៀននេះ សូមគិតអំពីវិធីដែលអ្នកចង់រៀន និងរីកចម្រើននៅក្នុងថ្នាក់សិក្ខាសាលាឆ្នាំនេះ ។ ការរៀនសូត្ររួមមានរបៀបនានា ដែលយើងធ្វើឲ្យជីវិតយើងបានប្រសើរឡើង ។ អ្នកក៏អាចគិតអំពីកង្វល់ ឬសំណួរដែលអ្នកមានផងដែរ ។ តាមរយៈការអធិស្ឋានដ៏ស្មោះសរ សូមស្វែងរកការណែនាំពីព្រះវិញ្ញាណបរិសុទ្ធ ដើម្បីជួយអ្នកឲ្យដឹងពីរបៀបអនុវត្តមេរៀននេះក្នុងជីវិតរបស់អ្នក ។

កត្តាមួយក្នុងចំណោមកត្តាដែលមានឥទ្ធិពលបំផុតនៅក្នុងការរៀនសូត្ររបស់យើងគឺថា តើយើងពឹងផ្អែក និងដើរតាមព្រះយេស៊ូវគ្រីស្ទយ៉ាងដូចម្តេច ។ គោលការណ៍មួយដែលមេរៀននេះនឹងផ្តោតលើនោះ គឺថា នៅពេលយើងខិតខំរៀនសូត្រយ៉ាងសកម្មដោយមានសេចក្តីជំនឿលើព្រះយេស៊ូវគ្រីស្ទ នោះយើងអាចទទួលបានពរជ័យ និងកែលម្អដោយផ្ទាល់។កាលណាអ្នកអានឃ្លាខាងក្រោមដោយអែលឌើរ ដេវីឌ អេ បែដណា នៃកូរ៉ុមនៃពួកសាវកដប់ពីរនាក់ សូមរកមើលការយល់ដឹងអំពីអត្ថន័យនៃការរៀនសូត្រដោយសេចក្ដីជំនឿលើព្រះយេស៊ូវគ្រីស្ទ ។

សូមពិចារណាធ្វើការសរសេរគោលការណ៍ដែលបានលើកឡើងដាក់នៅលើក្តារខៀន ។ សូមរកមើលវិធីដើម្បីបញ្ជាក់ពីសារៈសំខាន់នៃការពឹងផ្អែកលើព្រះយេស៊ូវគ្រីស្ទនៅក្នុងការរៀនសូត្ររបស់យើង ។

Elder David A. Bednar, Quorum of the Twelve Apostles official portrait. 2020.

នៅពេលយើងរៀបចំខ្លួនសម្រាប់ពេលអនាគត ហើយរំពឹងគិតទុកជាមុនអំពីពិភពលោកនេះដែលយើងនឹងរស់នៅថា តើវាកាន់តែស្មុគស្មាញ និងច្របូកច្របល់ខ្លាំងប៉ុណ្ណា នោះខ្ញុំជឿថា វានឹងចាំបាច់ដែលពួកយើងទាំងអស់គ្នាត្រូវបង្កើនសមត្ថភាពរបស់យើង ក្នុងការស្វែងរកការរៀនសូត្រដោយសេចក្តីជំនឿ ។… សេចក្ដីជំនឿពិតផ្ដោតនៅក្នុង និងទៅលើព្រះអម្ចាស់ព្រះយេស៊ូវគ្រីស្ទ និងតែងដឹកនាំទៅរកភាពសកម្មជានិច្ច ។… ការរៀនសូត្រដោយសេចក្ដីជំនឿតម្រូវឲ្យមានកិច្ចខិតខំខាងវិញ្ញាណ ខាងសតិអារម្មណ៍ និងខាងរូបកាយ ហើយពុំមែនគ្រាន់តែជាការទទួលភាពអកម្មនោះទេ ។ វាគឺនៅក្នុងសេចក្តីស្មោះត្រង់ និងភាពខ្ជាប់ខ្ជួននៃសកម្មភាពដែលបានបំផុសគំនិតយើងឲ្យមានសេចក្ដីជំនឿនោះ ដែលយើងបង្ហាញចំពោះព្រះវរបិតាសួគ៌ និងព្រះរាជបុត្រារបស់ទ្រង់ គឺព្រះយេស៊ូវគ្រីស្ទ អំពីការស្ម័គ្រចិត្តរបស់យើងដើម្បីរៀន និងទទួលយកការបង្ហាត់បង្រៀនពីព្រះវិញ្ញាណបរិសុទ្ធ ។

( ដេវីឌ អេ បែដណា « Seek Learning by Faith » Ensign ឬ Liahona ខែ កញ្ញា ឆ្នាំ ២០០៧ ទំព័រ ៦១, ៦៣–៦៤ )

  • តើអ្នកបានរៀនអ្វីខ្លះចេញពីសេចក្ដីថ្លែងការណ៍នេះ ?

សិស្សអាចសិក្សាបទគម្ពីរនៅក្នុងសកម្មភាពខាងក្រោមនេះជាលក្ខណៈបុគ្គល ឬជាក្រុមតូចៗ ។ សូមពិចារណាបង្ហាញវីដេអូដែលទាក់ទងនឹងសិស្សបំផុត ឬរៀបចំវីដេអូច្រើនជាងមួយវីដេអូ ហើយអនុញ្ញាតឲ្យសិស្សក្នុងថ្នាក់ជ្រើសរើសវីដេអូដែលពួកគេនឹងមើល ។

អ្នកនឹងទទួលបានលទ្ធផលល្អបំផុតពីការរៀនសូត្រខាងវិញ្ញាណរបស់អ្នក នៅពេលអ្នកខិតខំរៀនសូត្រ និងផ្តោតការខិតខំរបស់អ្នកទៅលើព្រះយេស៊ូវគ្រីស្ទ ។ វគ្គបទគម្ពីរ និងវីដេអូខាងក្រោមនេះបង្ហាញពីបុគ្គលដែលបានមករកព្រះយេស៊ូវគ្រីស្ទ និងបានទទួលព្រះពរពីទ្រង់ ។ សូមអានបទគម្ពីរយ៉ាងហោចណាស់មួយ និងមើលវីដេអូយ៉ាងហោចណាស់មួយ ប្រសិនបើអាច ។ វីដេអូទាំងនេះអាចរកបាននៅលើគេហទំព័រ ChurchofJesusChrist.org ។ ពេលអ្នកអាន និងមើល សូមគិតអំពីរបៀបដែលបទពិសោធន៍របស់បុគ្គលទាំងនេះទាក់ទងនឹងការរៀនសូត្រដំណឹងល្អ ។

  • វីដេអូ ៖ « Staying Spiritually Fit » ( ៣:៣០ )

3:31

Staying Spiritually Fit

Now is the time to prepare to meet God. Just as an athlete prepares daily for game day; when we work on our spirituality daily and give our all to the Lord, we strengthen our testimonies of Him and of His gospel.

  • វីដេអូ ៖ « Ask of God ( 2017 Mutual Theme ) » ( ៣:២១ )

3:22

Ask of God (2017 Mutual Theme)

We asked youth what they ask for in prayer and what answers they received…here is what they said.

  • វីដេអូ ៖ « Seminary Can Change Lives » ( ៤:១៣ )

4:14

Seminary Can Change Lives

President Thomas S. Monson teaches how seminary can help you build and strengthen your testimony. "Effort is required," he says. "But it is effort you will never, ever regret."

  • តើបុគ្គលនៅក្នុងខគម្ពីរ ឬវីដេអូទាំងនេះបានធ្វើអ្វីខ្លះ ដើម្បីបង្ហាញពីសេចក្តីជំនឿលើព្រះយេស៊ូវគ្រីស្ទយ៉ាងសកម្ម ? តើសកម្មភាពរបស់ពួកគេបង្ហាញនូវសេចក្ដីជំនឿរបស់ពួកគេយ៉ាងដូចម្តេច ?

  • តើបុគ្គលនោះបានយកឈ្នះលើឧបសគ្គអ្វីខ្លះ ?

  • តើព្រះអម្ចាស់បានប្រទានពរដល់បុគ្គលទាំងនោះយ៉ាងដូចម្ដេច ?

  • តើអ្នកអាចរៀនអ្វីខ្លះចេញពីបទពិសោធន៍របស់បុគ្គលនេះ ដែលអ្នកអាចអនុវត្តចំពោះការរៀនសូត្រដំណឹងល្អផ្ទាល់ខ្លួនរបស់អ្នកបាន ?

សូមចែកក្រដាសមួយសន្លឹកជាបីជួរឈរ ហើយដាក់ឈ្មោះជួរឈរនោះថា មុនពេលរៀន អំឡុងពេលរៀន និង បន្ទាប់ពីរៀន ។ សូមគិតអំពីអ្វីដែលអ្នកបានធ្វើ ឬអាចធ្វើបានមុនពេលរៀន អំឡុងពេលរៀន និងបន្ទាប់ពីរៀន ដើម្បីជួយអ្នកឲ្យរៀនដោយមានសេចក្ដីជំនឿលើព្រះយេស៊ូវគ្រីស្ទ ។ សូមអធិស្ឋានស្វែងរកការណែនាំពីព្រះវិញ្ញាណបរិសុទ្ធ នៅពេលអ្នកគិតពីឧទាហរណ៍នានា ហើយសូមសរសេរ ឬគូររូបនៃឧទាហរណ៍របស់អ្នកនៅក្នុងជួរឈរនីមួយៗ ។

សូមអញ្ជើញសិស្សឲ្យចែកចាយយ៉ាងហោចណាស់ឧទាហរណ៍មួយរបស់ពួកគេ ពេលពួកគេឆ្លើយសំណួរខាងក្រោម ។

  • តើអ្វីទៅជារឿងមួយដែលអ្នកបានធ្វើមុនពេល អំឡុងពេល ឬបន្ទាប់ពីថ្នាក់រៀនដំណឹងល្អដែលបានជួយអ្នកឲ្យរៀនសូត្រ និងកាន់តែខិតជិតព្រះអម្ចាស់ ?

វាអាចមានប្រសិទ្ធភាពដើម្បីសុំសិស្សមួយចំនួនឲ្យឆ្លើយសំណួរមុនសិន ។ ការធ្វើបែបនេះនឹងនាំឲ្យមានចម្លើយផ្សេងៗជាច្រើន ។ នៅពេលដែលសិស្សបានឮនូវគំនិតជាច្រើនពីអ្នកដទៃ សូមលើកទឹកចិត្តពួកគេឲ្យបន្ថែមគំនិតទាំងនោះទៅលើក្រដាសរបស់ពួកគេនៅក្រោម មុនពេលរៀន, អំឡុងពេលរៀន ឬ បន្ទាប់ពី រៀន ។ ខាងក្រោមនេះគឺជាគំនិតបន្ថែមមួយចំនួនសម្រាប់សិស្ស ។

គោលដៅផ្ទាល់ខ្លួនរបស់អ្នក

កាលដែលអ្នកសិក្សានៅក្នុងថ្នាក់សិក្ខាសាលា នោះអ្នកនឹងមានឱកាសច្រើនដើម្បី ៖

  • រៀបចំខ្លួនចូលរៀន ។ ការស្វែងរកវិវរណៈតាមរយៈព្រះវិញ្ញាណបរិសុទ្ធ និងការអានព្រះគម្ពីររៀងរាល់ថ្ងៃ គឺជាវិធីល្អបំផុតដើម្បីរៀបចំខ្លួន ។ អ្នកក៏អាចត្រូវបានអញ្ជើញឲ្យពិចារណាពីសំណួរមុនពេលរៀន ឬសិក្សាវគ្គខ្លីមួយពី ចូរមកតាមខ្ញុំ ផងដែរ ។

  • អនុវត្តសេចក្តីជំនឿលើព្រះយេស៊ូវគ្រីស្ទអំឡុងពេលរៀន ។ អ្នកនឹងត្រូវបានអញ្ជើញឲ្យអនុវត្តសេចក្តីជំនឿលើព្រះយេស៊ូវគ្រីស្ទ ហើយរៀនយ៉ាងសកម្មស្របតាមការបង្រៀនរបស់ទ្រង់ តាមរយៈការសិក្សាព្រះគម្ពីរ ចែករំលែកគំនិតរបស់អ្នក និងស្វែងរកការបំផុសគំនិតពីព្រះវិញ្ញាណបរិសុទ្ធ ដើម្បីអនុវត្តសេចក្តីពិតដែលអ្នកបានរៀនក្នុងជីវិតរបស់អ្នក ។

  • វាយតម្លៃលើអ្វីដែលអ្នកកំពុងរៀន ។ អ្នកនឹងមានឱកាសញឹកញាប់ដើម្បីដាក់គោលដៅផ្ទាល់ខ្លួន និងវាយតម្លៃការរៀនសូត្រ និងការរីកចម្រើនផ្ទាល់ខ្លួនរបស់អ្នក ។ អ្នកក៏អាចនឹងសួរសំណួរ និងស្វែងរកការណែនាំចំពោះបញ្ហា ឬចម្ងល់ណាមួយផងដែរ ។

  • ចែកចាយ ។ អ្នកនឹងត្រូវបានលើកទឹកចិត្តឲ្យចែករំលែកពីអ្វី ដែលអ្នកកំពុងរៀនជាមួយអ្នកដទៃ រួមទាំងគ្រួសាររបស់អ្នកផងដែរ ។

នៅក្នុងសៀវភៅកំណត់ហេតុការសិក្សារបស់អ្នក ឬនៅលើក្រដាសដែលអ្នកបានសរសេរ ឬគូរសកម្មភាពនានាដែលជួយអ្នកក្នុងការរៀនសូត្រ និងកាន់តែខិតទៅជិតព្រះអម្ចាស់ សូមសរសេរអ្វីដែលអ្នកចង់ធ្វើមុនពេល អំឡុងពេល និងបន្ទាប់ពីរៀនដើម្បីរៀនសូត្រដោយសេចក្តីជំនឿ ។ ការធ្វើបែបនេះអាចជារឿងសាមញ្ញ ដោយការគូសរង្វង់ ឬដាក់រូបផ្កាយនៅជាប់នឹងគំនិតដែលអ្នកមានអារម្មណ៍ថា ព្រះអម្ចាស់ចង់ឲ្យអ្នកព្យាយាម ។ សូមពិចារណាដាក់គោលដៅរបស់អ្នកនៅកន្លែងណាមួយ ដែលអ្នកនឹងមើលឃើញគោលដៅនោះញឹកញាប់ ហើយចងចាំគោលដៅនោះ ។

វិចារណកថា និង ព័ត៌មានសាច់រឿង

តើខ្ញុំអាចមានទំនួលខុសត្រូវកាន់តែខ្លាំងចំពោះការរៀនសូត្ររបស់ខ្ញុំដោយរបៀបណា ?

អែលឌើរ ដេវីឌ អេ បែដណា នៃកូរ៉ុមនៃពួកសាវកដប់ពីរនាក់បានបង្រៀន ៖

2:3

រៀបចំ​ដើម្បី​បាន​អ្វីៗ​ដែល​ត្រូវ​ការ​គ្រប់​មុខ

អែលឌើរ​បែដណា​ពិភាក្សា​ពី​ការអនុវត្ត​​វិធីសាស្ត្រ​ថ្មី​ដើម្បី​រៀនសូត្រ​ដែល​ផ្តោត​លើ​គេហដ្ឋាន និង​គាំទ្រ​ដោយ​សាសនាចក្រ ។

Elder David A. Bednar, Quorum of the Twelve Apostles official portrait. 2020.

សមាជិកម្នាក់ៗនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ មានទំនួលខុសត្រូវផ្ទាល់ខ្លួនក្នុងការរៀនសូត្រ និងការរស់នៅតាមការបង្រៀនរបស់ព្រះអម្ចាស់ ។… យើងមិនគួររំពឹងថា សាសនាចក្រគឺជាអង្គការមួយដែលត្រូវបង្រៀន ឬប្រាប់យើងនូវអ្វីគ្រប់យ៉ាងដែលយើងត្រូវដឹង និងធ្វើដើម្បីក្លាយជាសិស្សដែលមានការលះបង់ ហើយស៊ូទ្រាំយ៉ាងអង់អាចដល់ទីបញ្ចប់នោះទេ ។ ផ្ទុយទៅវិញ ការទទួលខុសត្រូវផ្ទាល់របស់យើងគឺត្រូវរៀនអ្វីដែលយើងគួររៀន រស់នៅតាមអ្វីដែលយើងដឹងថា យើងគួររស់នៅតាម ហើយក្លាយជាបុគ្គលម្នាក់ដែលលោកចៅហ្វាយចង់ឲ្យយើងប្រែក្លាយ ។

( ដេវីឌ អេ បែដណា « Prepared to Obtain Every Needful Thing »EnsignឬLiahonaខែ ឧសភា ឆ្នាំ ២០១៩ ទំព័រ ១០២ )

ហេតុអ្វីខ្ញុំគួរតែខិតខំរៀនសូត្រយ៉ាងសកម្មនៅក្នុងថ្នាក់សិក្ខាសាលា ?

ប្រធាន រ័សុល អិម ណិលសុន បានបង្រៀន ៖

Official portrait of President Russell M. Nelson taken January 2018

កាលណាអ្នកធ្វើតាមគំរូរបស់ព្រះយេស៊ូវគ្រីស្ទកាន់តែច្រើន នោះអ្នកនឹងកាន់តែជោគជ័យ ។

បើដូច្នេះ តើអ្វីនឹងជួយអ្នកឲ្យក្លាយជាសិស្សដ៏ស្មោះត្រង់របស់ព្រះយេស៊ូវគ្រីស្ទ ? ចម្លើយមួយគឺថ្នាក់សិក្ខាសាលា និងថ្នាក់វិទ្យាស្ថាន—មិនគ្រាន់តែចូលរៀនប៉ុណ្ណោះទេ ប៉ុន្តែត្រូវចូលរួមយ៉ាងសកម្មនៅក្នុងថ្នាក់ និងធ្វើតាមរាល់កិច្ចការដែលបានដាក់ឲ្យធ្វើដោយស្មោះត្រង់ផងដែរ ។…

ការបញ្ចប់ការសិក្សាពីថ្នាក់សិក្ខាសាលា និងថ្នាក់វិទ្យាស្ថាននឹងជួយពង្រីកសមត្ថភាពរបស់អ្នកក្នុងការធ្វើអ្វីដែលសំខាន់បំផុតក្នុងជីវិត ។ អំណរពិតប្រាកដនឹងក្លាយជារបស់អ្នក !

( រ័សុល អិម ណិលសុន « A Personal Invitation to Participate in Seminary and Institute » ថ្ងៃទី ៤ ខែ កុម្ភៈ ឆ្នាំ ២០១៩ )

អែលឌើរ រីឆាដ ជី ស្កត ( ឆ្នាំ ១៩២៨–២០១៥ ) នៃកូរ៉ុមនៃពួកសាវកដប់ពីរនាក់ បានបង្រៀនអំពីការចូលរួមក្នុងបទពិសោធន៍នៃការរៀនសូត្រដំណឹងល្អដូចខាងក្រោម ៖

Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.

ការសម្រេចចិត្តចូលរួម [ របស់សិស្ស ] គឺជាការអនុវត្តសិទ្ធិជ្រើសរើស ដែលអនុញ្ញតឲ្យព្រះវិញ្ញាណបរិសុទ្ធទាក់ទងសារលិខិតផ្ទាល់ខ្លួនមួយដែលត្រូវនឹងសេចក្តីត្រូវការផ្ទាល់ខ្លួន [ របស់សិស្ស ] ម្នាក់ៗ ។ ការបង្កើតបរិយាកាសនៃការចូលរួមមួយបង្កើននូវឱកាស ដែលព្រះវិញ្ញាណ នឹងបង្រៀនមេរៀនសំខាន់ៗបន្ថែមទៀតជាជាង [ គ្រូបង្រៀន ] អាចបង្រៀនបាន ។

ការចូលរួមនោះនឹងនាំទៅក្នុងជីវិតរបស់ [ សិស្ស ] នូវការដឹកនាំពីព្រះវិញ្ញាណ ។ នៅពេល … សិស្ស … លើកដៃឡើងឆ្លើយសំណួរមួយ ទាំងនៅពេលពួកគេនឹងមិនដឹងខ្លួន នោះពួកគេបង្ហាញប្រាប់ទៅព្រះវិញ្ញាណបរិសុទ្ធពីឆន្ទៈរៀនសូត្ររបស់ពួកគេ ។ ការប្រើសិទ្ធិជ្រើសរើសខាងសីលធម៌នោះ នឹងអនុញ្ញាតឲ្យព្រះវិញ្ញាណលើកទឹកចិត្តពួកគេ ហើយប្រទានការដឹកនាំដ៏មានព្រះចេស្ដាបន្ថែមទៀតដល់ពួកគេ អំឡុងពេលអ្នករៀនសូត្ររួមគ្នា ។ ការចូលរួមអនុញ្ញាតឲ្យបុគ្គលម្នាក់ៗដកពិសោធន៍ការដែលត្រូវបានដឹកនាំដោយព្រះវិញ្ញាណ ។ ពួកគេរៀនស្គាល់ និងដឹងថាការណែនាំខាងវិញ្ញាណគឺជាអ្វី ។

( រីឆាត ជី ស្កត « To Learn and to Teach More Effectively » [ Brigham Young University Education Week devotional ថ្ងៃទី ២១ ខែ សីហា ឆ្នាំ ២០០៧ ] ទំព័រ ៤–៥ នៅលើគេហទំព័រ speeches.byu.edu )

សកម្មភាពរៀនសូត្របន្ថែម

ធ្វើការផ្លាស់ប្តូរសកម្មភាពសិក្សា

មុនពេលឲ្យសិស្សគូរ ឬសរសេរពីវិធីដែលពួកគេអាចរៀនសូត្រដោយសេចក្ដីជំនឿលើព្រះយេស៊ូវគ្រីស្ទ មុនពេល អំឡុងពេល និងបន្ទាប់ពីរៀន សូមពិចារណាហៅសិស្សឲ្យឆ្លើយសំណួរមួយ ឬច្រើននៃសំណួរខាងក្រោម ហើយចែករំលែកពីរបៀបដែលសំណួរនីមួយៗអាចជួយពួកគេ និងអ្នកផ្សេងទៀតឲ្យរៀនសូត្រដោយសេចក្ដីជំនឿ ។