យ៉ូហាន ១៧

ការអធិស្ឋានទូលអង្វរឲ្យពួកសិស្សដ៏អស្ចារ្យរបស់ព្រះអង្គសង្គ្រោះ

ព្រះយេស៊ូវគ្រីស្ទ\u200bបាន\u200bថ្វាយការអធិស្ឋាន\u200bទូល\u200bអង្វរ\u200bឲ្យ\u200bពួក\u200bសិស្ស\u200bដ៏\u200bអស្ចារ្យ\u200bរបស់ទ្រង់ ( មាន\u200bន័យ\u200bថា\u200bទ្រង់\u200bបាន\u200bអង្វរ\u200bដល់\u200bព្រះវរបិតាសួគ៌\u200bជំនួស\u200bឲ្យ\u200bពួកសាវក\u200bរបស់ទ្រង់ និង\u200bអស់អ្នក\u200bដែលជឿ\u200bលើទ្រង់ ) មិនយូរ\u200bប៉ុន្មាន\u200bមុន\u200bពេលរងទុក្ខ\u200bសម្រាប់\u200bអំពើបាប\u200bរបស់យើង ។ ព្រះយេស៊ូវ\u200bបាន\u200bមាន\u200bបន្ទូល\u200bថា ចូរស្គាល់\u200bព្រះវរបិតា និង\u200bព្រះរាជបុត្រា គឺ\u200bដើម្បី\u200bមាន\u200bជីវិត\u200bដ៏នៅអស់កល្ប\u200bជានិច្ច ជា\u200bផ្នែក\u200bមួយ\u200bនៃ\u200bការ\u200bអធិស្ឋាន\u200bរបស់\u200bទ្រង់ ( សូមមើល យ៉ូហាន ១៧:៣ ) ។ មេរៀននេះ\u200bនឹង\u200bលើក\u200bទឹកចិត្ត\u200bអ្នក\u200bឲ្យ\u200bស្គាល់\u200bព្រះវរបិតាសួគ៌ និង\u200bព្រះយេស៊ូវគ្រីស្ទ\u200bកាន់តែ\u200bជាលក្ខណៈ\u200bផ្ទាល់\u200bខ្លួន\u200bនៅក្នុង\u200bជីវិតរបស់អ្នក ។

ការប្រើប្រាស់ក្ដារខៀន ។ ការប្រើប្រាស់ក្ដារខៀនឲ្យមានប្រសិទ្ធភាពអំឡុងពេលបង្រៀនអាចរៀបចំសិស្សឲ្យរៀនសូត្រ ។ វាក៏អាចអញ្ជើញឲ្យមានការចូលរួមប្រកបដោយអត្ថន័យ ជាពិសេសសម្រាប់អ្នកទាំងឡាយណាដែលចង់រៀនដោយការមើលរូបភាពផងដែរ ។ អ្នកអាចប្រើក្ដារខៀន ដើម្បីសរសេរចំណុច ឬគោលការណ៍សំខាន់ៗនៃមេរៀនមួយ គូសឌីយ៉ាក្រាមនៃគោលលទ្ធិ ឬព្រឹត្តិការណ៍មួយ បង្ហាញផែនទី គូសរូបភាពដែលបានរៀបរាប់នៅក្នុងព្រះគម្ពីរ បង្កើតតារាងលំហូរ ឬធ្វើសកម្មភាពអ្វីផ្សេងទៀត ដែលនឹងជួយពង្រឹកដល់ការរៀនសូត្រ ។

ការរៀបចំរបស់សិស្ស ៖ សូមអញ្ជើញសិស្សឲ្យអាន នីហ្វៃទី ៣ ១៩:១៦, ២៦–៣៣ ហើយសញ្ជឹងគិតពីអារម្មណ៍ដែលបានឮព្រះអង្គសង្គ្រោះអធិស្ឋានទៅព្រះវរបិតាសួគ៌សម្រាប់ពួកគេ ។

សកម្មភាពរៀនសូត្រដែលអាចមាន

ការស្គាល់ព្រះវរបិតាសួគ៌ និងព្រះយេស៊ូវគ្រីស្ទលក្ខណៈផ្ទាល់ខ្លួន

ដើម្បីជួយបង្កើតសាមគ្គីភាពក្នុងថ្នាក់ សូមពិចារណាកែសម្រួលសកម្មភាពដូចខាងក្រោម ។ ជាជាងការសួរសំណួរពីរដំបូងអំពីបុគ្គលប្រវត្តិសាស្ត្រ សូមចាត់សិស្សម្នាក់ៗជាដែគូដែលពួកគេប្រហែលជាមិនស្គាល់ច្បាស់ ។ សូមអញ្ជើញពួកគេឲ្យគិតអំពីរឿងមួយ ឬពីរដែលពួកគេដឹងអំពីបុគ្គលនោះ ។ បន្ទាប់មកទុកពេលពីរនាទីឲ្យពួកគេនិយាយជាមួយដៃគូរបស់ពួកគេ ដោយមានការណែនាំដ៏សាមញ្ញដើម្បី « មកស្គាល់ពួកគេឲ្យកាន់តែច្បាស់បន្តិច » ។ បន្ទាប់ពីពីរនាទីហើយ សូមអញ្ជើញសិស្សឲ្យពិភាក្សាអំពីភាពខុសគ្នារវាងការដឹងរឿងរ៉ាវអំពីនរណាម្នាក់ និងការមកស្គាល់ពួកគេ ។

សូមគិតពីបុគ្គលសំខាន់ៗក្នុងប្រវត្តិសាស្ត្រប្រចាំប្រទេសរបស់អ្នក ។

• តើអ្នកដឹងអ្វីខ្លះអំពីបុគ្គលនោះ ?

• តើអ្នកនឹងពិពណ៌នាអំពីភាពខុសគ្នារវាងចំណេះដឹងរបស់អ្នកអំពីបុគ្គលសំខាន់ក្នុងប្រវត្តិសាស្ត្រ និងថាតើអ្នកស្គាល់សមាជិកគ្រួសារជិតស្និទ្ធបានល្អប៉ុណ្ណាដែរយ៉ាងដូចម្តេច ?

ឥឡូវនេះ សូមចំណាយពេលខ្លះ ដើម្បីកត់ត្រានៅក្នុងសៀវភៅកំណត់ហេតុការសិក្សារបស់អ្នក ពីអារម្មណ៍របស់អ្នកចំពោះចំណេះដឹងរបស់អ្នកអំពីព្រះវរបិតាសួគ៌ និងព្រះយេស៊ូវគ្រីស្ទ ។ តើវាផ្អែកលើការពិតដែលអ្នកដឹងអំពីទ្រង់ទាំងទ្វេប៉ុណ្ណោះ ឬក៏វាក្លាយជារឿងផ្ទាល់ខ្លួនជាងនោះ ? តើអ្នកគិតថាវានឹងប្រទានពរដល់ជីវិតរបស់អ្នកយ៉ាងណានៅពេលបានស្គាល់ទ្រង់ទាំងទ្វេក្នុងកម្រិតកាន់តែផ្ទាល់ខ្លួនជាងនេះទៅទៀតនោះ ?

ព្រះយេស៊ូវបានអធិស្ឋានសម្រាប់ពួកសិស្សរបស់ទ្រង់

នៅយប់មុនការរងទុក្ខរបស់ទ្រង់នៅសួនច្បារគែតសេម៉ានី ការក្បត់ និងការឆ្កាង ព្រះអង្គសង្គ្រោះបានថ្វាយការអធិស្ឋានដ៏ពិសិដ្ឋមួយ ដែលត្រូវបានគេស្គាល់ថាជា ការអធិស្ឋានទូលអង្វរដ៏អស្ចារ្យ ។ ទ្រង់បានអធិស្ឋានទៅព្រះវរបិតាសួគ៌ដើម្បីអង្វរសម្រាប់ពួកសិស្សទ្រង់ រួមទាំងអ្នកដើរតាមទ្រង់ដែលរស់នៅក្នុងជំនាន់របស់យើងផងដែរ ( សូមមើល យ៉ូហាន ១៧:២០ ) ។ សូមព្យាយាមស្រមៃមើលថា តើវានឹងមានអារម្មណ៍យ៉ាងណាសម្រាប់ពួកសាវកដែលបានឮព្រះយេស៊ូវអធិស្ឋានសម្រាប់ពួកគេនៅរាត្រីដ៏ពិសិដ្ឋនោះ ។

ប្រសិនបើបានអញ្ជើញសិស្សឲ្យធ្វើការរៀបចំរបស់សិស្ស សូមពិចារណាស្នើសុំឲ្យពួកគេចែកចាយការយល់ដឹងរបស់ពួកគេ ។

• តើយើងអាចរៀនអ្វីខ្លះអំពីព្រះអង្គសង្គ្រោះពីគំរូរបស់ទ្រង់អំពីការអធិស្ឋានសម្រាប់ពួកសិស្សរបស់ទ្រង់ និងអស់អ្នកដែលដើរតាមទ្រង់ មុនពេលការរងទុក្ខរបស់ទ្រង់នៅសួនច្បារគែតសេម៉ានី និងការចាប់ព្រះកាយទ្រង់ ?

យ៉ូហាន ១៧:៣ គឺជាវគ្គចំណេះចំណានខាងគោលលទ្ធិមួយ ។ សូមពិចារណាគូសចំណាំវគ្គចំណេះចំណានខាងគោលលទ្ធិតាមវិធីដែលងាយសម្គាល់ ដើម្បីអ្នកអាចរកឃើញវាដោយងាយស្រួល ។ អ្នកនឹងរៀនបន្ថែមអំពីវគ្គចំណេះចំណានខាងគោលលទ្ធិនេះនៅក្នុងមេរៀនក្រោយ ។

សូមអាន យ៉ូហាន ១៧:១–៣ ដោយរកមើលពរជ័យដែលព្រះយេស៊ូវគ្រីស្ទបានអធិស្ឋានថាពួកសិស្សរបស់ទ្រង់នឹងទទួលបាន ។

• តើព្រះយេស៊ូវគ្រីស្ទមានព្រះរាជបំណងប្រាថ្នាអ្វីសម្រាប់សិស្សរបស់ទ្រង់ ?

ឃ្លា « ជីវិតដ៏នៅអស់កល្បជានិច្ច » និង « ជីវិតដ៏អស់កល្បជានិច្ច » ( ខទី ២–៣ ) ច្រើនតែត្រូវបានគេយល់ច្រឡំថាគ្រាន់តែមានន័យថារស់នៅជារៀងរហូតប៉ុណ្ណោះ ។ ព្រះអង្គសង្គ្រោះបានអធិស្ឋានទូលសូមឲ្យយើងទទួលបានច្រើនជាងនេះទៅទៀត ។ « ជីវិតដ៏នៅអស់កល្បជានិច្ច » គឺជា « គុណភាពនៃជីវិតដែលព្រះវរបិតាដ៏នៅអស់កល្បជានិច្ចរបស់យើងគង់នៅ ។ … ជីវិតដ៏នៅអស់កល្បជានិច្ច ឬភាពលើកតម្កើងឡើង គឺដើម្បីរស់នៅក្នុងវត្តមានរបស់ព្រះ ហើយបន្តជាក្រុមគ្រួសារ ( សូមមើល គោលលទ្ធិ និង សេចក្តីសញ្ញា ១៣១:១–៤ ) » ( Gospel Topics « Eternal Life » នៅលើគេហទំព័រ topics.ChurchofJesusChrist.org ) ។ សូមពិចារណាកត់ត្រានិយមន័យនេះនៅក្នុងព្រះគម្ពីររបស់អ្នកនៅជិត ខទី ៣ ។

• យោងតាម ខទី ៣ តើអ្វីទៅជាអ្វីមួយដែលតម្រូវឲ្យយើងទទួលបានជីវិតដ៏នៅអស់កល្បជានិច្ច ?

សេចក្តីពិតមួយដែលយើងរៀនពីការអធិស្ឋានរបស់ព្រះអង្គសង្គ្រោះគឺថា ដើម្បីទទួលបានជីវិតដ៏នៅអស់កល្បជានិច្ច យើងត្រូវតែស្គាល់ព្រះវរបិតាសួគ៌ និងព្រះយេស៊ូវគ្រីស្ទ ។

• ហេតុអ្វីបានជាអ្នកគិតថា យើងត្រូវស្គាល់ព្រះវរបិតាសួគ៌ និងព្រះយេស៊ូវគ្រីស្ទយ៉ាងពិតប្រាកដ ដើម្បីទទួលបានជីវិតដ៏នៅអស់កល្បជានិច្ច ?

អែលឌើរ ម៉ៃឃល ចន យូ ថេ នៃពួកចិតសិបនាក់បានពន្យល់ពីសារៈសំខាន់នៃការស្គាល់ព្រះអង្គសង្គ្រោះ ៖

យើងត្រូវទទួលស្គាល់ថាការស្គាល់ព្រះអង្គសង្គ្រោះគឺជាការស្វែងរកដ៏សំខាន់បំផុតនៅក្នុងជីវិតរបស់យើង ។ វាគួរតែមានអាទិភាពលើសពីអ្វីៗផ្សេងទៀត ។

( អែលឌើរ ម៉ៃឃល ចន យូ ថេ « Our Personal Savior » Liahona ខែ ឧសភា ឆ្នាំ ២០២១ ទំព័រ ៩៩ )

• ហេតុអ្វីបានជាអ្នកគិតថា ការស្គាល់ព្រះអង្គសង្គ្រោះគឺជាការស្វែងរកដ៏សំខាន់បំផុតក្នុងជីវិតរបស់យើង ?

• តើអ្វីទៅដែលអាចធ្វើឲ្យមានការលំបាកក្នុងការកំណត់អាទិភាពដើម្បីមកស្គាល់ព្រះអង្គសង្គ្រោះជាងការស្វែងរកផ្សេងទៀតក្នុងជីវិតរបស់អ្នក ?

សូមសូមសញ្ជឹងគិតមួយភ្លែតអំពីរបៀបដែលទំនាក់ទំនងជិតស្និទ្ធដែលអ្នកមានជាមួយសមាជិកគ្រួសារ ឬមិត្តភក្តិបានអភិវឌ្ឍ ។ តើអ្នកបានធ្វើអ្វីខ្លះ ដើម្បីស្គាល់ទ្រង់កាន់តែប្រសើរ ? តើមានបទពិសោធន៍គន្លឹះដែលជួយអ្នកឲ្យស្គាល់ពួកគេច្បាស់ដែរឬទេ ? តើទំនាក់ទំនងនេះត្រូវចំណាយពេលប៉ុន្មានដើម្បីអភិវឌ្ឍ ?

• តើអ្នកអាចអនុវត្តសកម្មភាពដែលបានជួយអ្នកបង្កើតទំនាក់ទំនងជិតស្និទ្ធជាមួយសមាជិកគ្រួសារ ឬមិត្តភក្តិដើម្បីមកស្គាល់ព្រះវរបិតាសួគ៌ និងព្រះយេស៊ូវគ្រីស្ទដោយរបៀបណា ?

សម្រាប់គំនិតបន្ថែមអំពីរបៀបដើម្បីស្គាល់ព្រះវរបិតាសួគ៌ និងព្រះយេស៊ូវគ្រីស្ទ សូមពិចារណាអំពីការចែកចាយសេចក្ដីថ្លែងការណ៍ពីផ្នែក « វិចារណកថា និង ព័ត៌មានសាច់រឿង » ។

សូមពិចារណាអញ្ជើញសិស្សឲ្យឆ្លើយសំណួរខាងក្រោមជាក្រុមតូចៗ ដើម្បីឲ្យសិស្សច្រើនទៀតអាចចែកចាយ ។

• តើអ្នកមានបទពិសោធន៍អ្វីខ្លះ ដែលបានជួយអ្នកឲ្យស្គាល់ព្រះវរបិតាសួគ៌ និងព្រះយេស៊ូវគ្រីស្ទ ? តើអ្នកបានរៀនអ្វីខ្លះតាមរយៈបទពិសោធន៍ទាំងនេះ ?

ការមកស្គាល់ព្រះអង្គសង្គ្រោះតាមរយៈការអធិស្ឋានរបស់ទ្រង់

ដើម្បីអនុញ្ញាតឲ្យសិស្សសិក្សាជំពូកទាំងមូលជាជាងតែខគម្ពីរដែលបានស្នើក្នុងកថាខណ្ឌខាងក្រោមនេះ សូមពិចារណាចាត់ផ្នែកៗនៃជំពូកទៅសិស្សផ្សេងគ្នា បន្ទាប់មកអញ្ជើញពួកគេឲ្យចែកចាយអ្វីដែលពួកគេបានរៀនជាមួយនឹងសិស្សក្នុងថ្នាក់ ។

វិធីមួយដើម្បីស្គាល់ព្រះអង្គសង្គ្រោះគឺតាមរយៈការអធិស្ឋានរបស់ទ្រង់ ។ សូមចំណាយពេលពីរបីនាទីដើម្បីរៀនឲ្យកាន់តែច្បាស់ថាព្រះអង្គសង្គ្រោះជានរណា ដោយការសិក្សាពីអ្វីដែលទ្រង់បានអធិស្ឋានឲ្យនៅក្នុង យ៉ូហាន ១៧ ។ ខគម្ពីរមួយចំនួនដែលអ្នកអាចជ្រើសរើសផ្តោតទៅលើគឺ យ៉ូហាន ១៧:៤–១១, ២០–២៦ ។

• តើអ្នករៀនអ្វីខ្លះអំពីទំនាក់ទំនងរបស់ព្រះយេស៊ូវគ្រីស្ទជាមួយនឹងព្រះវរបិតាទ្រង់ពីការអធិស្ឋាននេះ ?

• តើព្រះយេស៊ូវគ្រីស្ទប្រាថ្នាចង់បានពរជ័យអ្វីខ្លះសម្រាប់យើង ?

• ហេតុអ្វីបានជាអ្នកគិតថាទ្រង់នឹងអធិស្ឋានឲ្យអ្នកទទួលបានពរជ័យជាក់លាក់ទាំងនេះ ?

• តើអ្នកបានរៀនអ្វីខ្លះអំពីព្រះយេស៊ូវគ្រីស្ទ និងព្រះវរបិតាសួគ៌ ដែលជួយអ្នកឲ្យចង់ស្គាល់ទ្រង់ទាំងទ្វេកាន់តែប្រសើរជាងមុន ?

សូមស្រមៃមើលថាតើការជិតស្និទ្ធនឹងព្រះវរបិតាសួគ៌ និងព្រះអង្គសង្គ្រោះនឹងមានលក្ខណៈបែបណា ដែលទំនាក់ទំនងរបស់អ្នកអាចពិពណ៌នាបានថាជាភាពតែមួយជាមួយទ្រង់ទាំងទ្វេ ។ តើការបញ្ជាក់នោះធ្វើឲ្យអ្នកមានអារម្មណ៍យ៉ាងដូចម្ដេច ? តើជីវិតរបស់អ្នកនឹងកាន់តែប្រសើរឡើងដោយរបៀបណា ? ព្រះវរបិតាសួគ៌ និងព្រះយេស៊ូវគ្រីស្ទ ស្រឡាញ់អ្នកខ្លាំងណាស់ ហើយប្រាថ្នាចង់មានព្រះទ័យតែមួយជាមួយអ្នក ។ ព្រះយេស៊ូវគ្រីស្ទបានអធិស្ឋានទៅព្រះវរបិតាសួគ៌ដើម្បីជួយអ្នកឲ្យមានទំនាក់ទំនងជិតស្និទ្ធជាមួយនឹងទ្រង់ទាំងទ្វេ ។ សូមចងចាំថាទំនាក់ទំនងបែបនេះនឹងត្រូវការពេលវេលា និងការខិតខំប្រឹងប្រែងដើម្បីអភិវឌ្ឍ ពេញមួយជីវិតនេះ និងទៅជីវិតបន្ទាប់ ។

សូមកត់ត្រានៅក្នុងសៀវភៅកំណត់ហេតុការសិក្សារបស់អ្នក នូវអ្វីដែលអ្នកមានឆន្ទៈធ្វើ ដើម្បីមកស្គាល់ព្រះវរបិតាសួគ៌ និងព្រះយេស៊ូវគ្រីស្ទឲ្យកាន់តែប្រសើរ ។ សូមរួមបញ្ចូលពីរបៀបដែលអ្នកគិតថាអ្នកនឹងដឹងថាទំនាក់ទំនងរបស់អ្នកជាមួយទ្រង់ទាំងទ្វេកាន់តែរឹងមាំ និងរបៀបដែលអ្នកជឿថាទំនាក់ទំនងនោះនឹងផ្តល់ពរដល់ជីវិតរបស់អ្នក ។

វិចារណកថា និង ព័ត៌មានសាច់រឿង

តើយើងអាចធ្វើអ្វីដើម្បីមកស្គាល់ព្រះវរបិតាសួគ៌ និងព្រះយេស៊ូវគ្រីស្ទឲ្យកាន់តែប្រសើរ ?

ប្រធាន ហិនរី ប៊ី អាវរីង នៃគណៈប្រធានទីមួយបានបង្រៀន ៖

ប្រសិនបើអ្នកចង់នៅជិតនឹងនរណាម្នាក់ដែលអ្នកស្រឡាញ់ ប៉ុន្តែជាអ្នកដែលនៅបែកពីអ្នក នោះអ្នកដឹងថាត្រូវធ្វើយ៉ាងណាហើយ ។ អ្នកនឹងរកវិធីមួយដើម្បីនិយាយនឹងពួកគេ អ្នកនឹងស្ដាប់ពួកគេ ហើយអ្នកនឹងរកឃើញដំណោះស្រាយធ្វើរឿងទាំងឡាយសម្រាប់គ្នាទៅវិញទៅមក ។ កាលណាវាកើតឡើងកាន់តែញឹកញាប់ ហើយបន្ដទៅកាន់តែយូរ នោះចំណងនៃសេចក្ដីស្រឡាញ់នឹងមានកាន់តែជ្រាលជ្រៅ ។ ប្រសិនបើពេលវេលាជាច្រើនបានកន្លងផុតទៅដោយគ្មានការនិយាយ ការស្ដាប់ និងធ្វើអ្វីបន្ដិចសោះនោះ ចំណងទំនាក់ទំនងនេះនឹងត្រូវទន់ខ្សោយ ។

ព្រះគឺល្អឥតខ្ចោះ ព្រមទាំងមានគ្រប់ព្រះចេស្ដា ហើយអ្នក និងខ្ញុំ គឺជាមនុស្សរមែងស្លាប់ ។ ប៉ុន្តែទ្រង់គឺជាព្រះវរបិតារបស់យើង ទ្រង់ស្រឡាញ់យើង ហើយទ្រង់ប្រទានឱកាសដូចគ្នានេះ ដើម្បីឲ្យយើងខិតទៅកាន់តែជិតនឹងទ្រង់ ក៏ដូចជាមិត្តម្នាក់ដែរ ។ ហើយអ្នកនឹងធ្វើវាតាមរបៀបដូចគ្នា ៖ ការនិយាយ ការស្តាប់ និងការធ្វើ ។

( ហិនរី ប៊ី អាវរិង « To Draw Closer to God » Ensign ខែ ឧសភា ឆ្នាំ ១៩៩១ ទំព័រ ៦៦ )

អែលឌើរ ស៊ី ស្កត ហ្រ្គូ, នៃពួកចិតសិបនាក់បានពន្យល់ ៖

មិត្តយុវវ័យរបស់ខ្ញុំអើយ យើងអាចចាប់ផ្តើមស្គាល់ព្រះតាមរយៈការអធិស្ឋាន ។ …

… ពេលអ្នកសិក្សាព្រះគម្ពីររាល់ថ្ងៃ ដោយផ្ទាល់ខ្លួន និងជាមួយគ្រួសារអ្នក នោះអ្នក នឹងរៀនទទួលស្គាល់សំឡេងនៃព្រះវិញ្ញាណ ហើយនឹងមកស្គាល់ព្រះកាន់តែច្បាស់ ។ …

កាល យើង ព្យាយាមធ្វើតាមព្រះទ័យរបស់ព្រះដោយបម្រើទ្រង់ និងមនុស្សទូទៅដោយស្មោះត្រង់ នោះយើងទទួលអារម្មណ៍នៃការអនុម័តពីទ្រង់ ហើយមកស្គាល់ទ្រង់យ៉ាងពិតប្រាកដ ។

ព្រះអង្គសង្គ្រោះប្រាប់យើងថា របៀបល្អបំផុតដើម្បីស្គាល់ព្រះ គឺត្រូវប្រែក្លាយ ដូចជា ទ្រង់ ។ ទ្រង់បានបង្រៀន ៖ « តើអ្នករាល់គ្នាគួរធ្វើជាមនុស្សបែបណាទៅ ? យើងប្រាប់អ្នករាល់គ្នាជាប្រាកដថា ត្រូវឲ្យបានដូចជា យើង » [ នីហ្វៃទី ៣ ២៧:២៧ ] ។

ភាពស័ក្តិសមគឺជាកត្តាចាំបាច់ដើម្បីប្រែក្លាយដូចជាទ្រង់ ។ …

ព្រះស្គាល់ អ្នក ហើយអញ្ជើញ អ្នក ឲ្យស្គាល់ ទ្រង់ ។ សូមអធិស្ឋានទៅកាន់ព្រះវរបិតា សូមសិក្សាព្រះគម្ពីរ សូមព្យាយាមធ្វើតាមព្រះទ័យទ្រង់ សូមព្យាយាមប្រែក្លាយដូចជាព្រះអង្គសង្គ្រោះ ហើយធ្វើតាមអ្នកប្រៀនប្រដៅដ៏សុចរិត ។ នៅពេលអ្នកធ្វើបែបនេះ អ្នក នឹងមក ស្គាល់ ព្រះ និងព្រះយេស៊ូវគ្រីស្ទកាន់តែច្បាស់ ហើយអ្នកនឹងគ្រងជីវិតដ៏នៅអស់កល្បជានិច្ចទុកជាមរតក ។

( ស៊ី ស្កត ហ្រ្គូ, « And This Is Life Eternal » Ensign ឬ Liahona ខែ ឧសភា ឆ្នាំ ២០១៧ ទំព័រ ១២១–២៤ )

សកម្មភាពរៀនសូត្របន្ថែម

វីដេអូ—ក្លាយជាតែមួយ

ដើម្បីជួយសិស្សឲ្យយល់ពីរបៀបដែលសិស្សរបស់ព្រះយេស៊ូវគ្រីស្ទអាចមានចិត្តតែមួយតាមរយៈទ្រង់ ទោះបីជាពួកគេមានភាពខុសគ្នាក៏ដោយ សូមពិចារណាអំពីការបង្ហាញវីដេអូ « One in Christ » ( ៤:៤៨ ) ដែលមាននៅគេហទំព័រ ChurchofJesusChrist.org ។

សកម្មភាពគូរគំនូរ—មានចិត្តតែមួយ

សូមពិចារណាអញ្ជើញសិស្សម្នាក់ឲ្យបង្ហាញសកម្មភាពខាងក្រោមនៅលើក្ដារខៀន នៅពេលសិស្សផ្សេងទៀតបំពេញវានៅក្នុងសៀវភៅកំណត់ហេតុការសិក្សារបស់ពួកគេ ។

សូមអញ្ជើញសិស្សឲ្យបង្កើតដ្យាក្រាមនៅលើទំព័រទទេមួយ ដោយសរសេរឈ្មោះរបស់ពួកគេនៅជ្រុងបាតខាងឆ្វេង ឈ្មោះមិត្តភក្តិនៅខាងក្រោមក្បែរចំណុចកណ្តាល ឈ្មោះសមាជិកគ្រួសារនៅជ្រុងផ្នែកខាងក្រោមខាងស្តាំ ហើយ ព្រះវរបិតាសួគ៌ និង ព្រះយេស៊ូវគ្រីស្ទ នៅកំពូលនៅជិតចំណុចកណ្តាល ។

បន្ទាប់មក សូមឲ្យសិស្សគូសបន្ទាត់ត្រង់ពីឈ្មោះរបស់ពួកគេទៅកាន់ព្រះយេស៊ូវគ្រីស្ទ បន្ទាប់មកពីឈ្មោះនីមួយៗផ្សេងទៀតទៅកាន់ព្រះយេស៊ូវគ្រីស្ទ ។

សូមអញ្ជើញពួកគេឲ្យស្រមៃថា មនុស្សម្នាក់ៗនៅលើទំព័រកំពុងឆ្ពោះទៅរកព្រះយេស៊ូវគ្រីស្ទ តាមបន្ទាត់ដែលសិស្សបានគូស ។ តើមានអ្វីកើតឡើងចំពោះចម្ងាយរវាងមនុស្សទាំងនេះ នៅពេលពួកគេម្នាក់ៗចូលមកជិតព្រះអង្គសង្គ្រោះ ?

សូមឲ្យសិស្សអាន យ៉ូហាន ១៧:១៨–២៦ ដោយរកមើលអ្វីដែលកើតឡើងដោយឯកឯងចំពោះទំនាក់ទំនងរវាងសិស្សរបស់ព្រះយេស៊ូវគ្រីស្ទ នៅពេលម្នាក់ៗក្លាយកាន់តែដូចជាព្រះអង្គសង្គ្រោះ ។

ការប្រើប្រាស់សន្និសីទទូទៅ ដើម្បីពង្រឹងការយល់ដឹងរបស់យើងអំពីបទគម្ពីរ

សូមផ្តល់ឲ្យសិស្សម្នាក់ៗនូវច្បាប់ចម្លងនៃសុន្ទរកថាដោយអែលឌើរ ដេវីឌ អេ បែដណា មានចំណងជើងថា « If Ye Had Known Me » ( Ensign ឬ Liahona ខែ វិច្ឆិកា ឆ្នាំ ២០១៦ ទំព័រ ១០២–៥ ) ។ សូមផ្តល់ពេលដល់សិស្សដើម្បីសិក្សា ហើយរកមើលហេតុផលបន្ថែម ដែលយើងត្រូវស្គាល់ព្រះអង្គសង្គ្រោះ ក៏ដូចជាអ្វីៗដែលយើងអាចធ្វើ ដើម្បីស្គាល់ទ្រង់ឲ្យកាន់តែច្បាស់ ។