Human si Jesus gidakop ug bakak nga gitaral atubangan sa mga lider sa Judio, Siya gidala aron hukman ni Pilato, kinsa adunay Romanong hurisdiksiyon. Ang Manluluwas maaghop nga mitugyan sa mga Romano ug masakit nga gibunalan ug gisentensiyahan og kamatayon. Kini nga leksiyon gituyo aron sa pagtabang kanimo nga mas makat-on pa mahitungod sa gugma sa Manluluwas alang sa tanan ug sa Iyang hingpit nga kinaiya ug unsaon nimo nga mas makasunod sa Iyang ehemplo.
Paghatag og kapilian sa mga estudyante. Mahimong makatabang ang pagtugot sa mga estudyante nga mopili unsa ang ilang gustong tun-an. Kini mabuhat pinaagi sa paghatag og pipila ka parehas nga mga sugilanon sa pagtuon, mga pangutana nga tubagon, o mga kalihokan nga kapilian.
Pagpangandam sa estudyante: Pahinumdomi ang mga estudyante nga ang kinaiya sa tawo naglangkob og moral nga mga hiyas nga naghimo u nagpalahi kanila isip usa ka indibidwal. Awhaga ang mga estudyante sa pagpamalandong sa kinaiya ni Jesukristo ug sa paghunahuna mahitungod kon asa sa Iyang mga kinaiya ang gusto nila nga mas hingpit nga mapalambo. Awhaga ang mga estudyante nga motambong sa klase nga andam mopaambit og labing menos usa sa mga kinaiya ni Jesukristo ug nganong ilang nabati nga ang maong kinaiya maayong maangkon.
Posible nga mga Kalihokan sa Pagkat-on
Mibati nga gidaugdaog
Awhaga ang mga estudyante sa paghatag og mga ideya sa pagtubag sa mosunod nga mga pangutana:
Unsa ang pipila ka mga komon nga mga sitwasyon diin ang usa ka tin-edyer mahimong biaybiayon, bakak nga akusahan, o gidaugdaog?
Unsa ang pipila ka paagi nga ang usa ka kasagaran nga tin-edyer mahimong motubag ngadto sa samang pagtagad?
Kini nga kalihokan gituyo sa paghatag sa mga estudyante og kahigayonan sa paghisgot og komon nga mga pananglitan sa pagbiaybiay, bakak nga pag-akusar, o pagdaugdaog. Kon ang mga estudyante mosulti og pisikal o sekswal nga pag-abuso, klaroha nga ang pag-abuso dili madawat ug nga kita kinahanglan dili motugot niana apan kinahanglan mangita og tabang gikan sa gisaligang mga hamtong sa hinanali nga panahon. Kon ang mga estudyante mosulti og pisikal o sekswal nga pag-abuso, pakigsulti kanila human sa klase ug ilakip ang ilang mga lider sa Simbahan sa hinanali nga panahon.
Ang Ginoo mahimong mouban kanato ug motabang kanato sa paglambo gikan sa malisod nga mga kasinatian. Siya makatabang nato sa pagsagubang sa kalisod ug pagsulay sa Kristonanon nga mga paagi. Hunahunaa ang inyong kaugalingon nga mga kasinatian nga gibiaybiay, giakusahan, o gidaugdaog, lakip na kon giunsa ninyo sa pagsagubang ug ngano.
Sa dihang si Jesukristo haduol na sa Iyang kataposang mga yugto sa Iyang kinabuhi, Siya gibiaybiay, bakak nga giakusaran, ug gidaugdaog. Sa inyong pagtuon sa kataposang mga yugto sa kinabuhi sa Manluluwas, pangita og mga kinaiya nga nakatabang Kaniya aron matinud-anong molahutay ug mokompleto sa Iyang misyon. Usab mainampoong ikonsidera unsaon ninyo pagsunod sa Iyang ehemplo.
Si Jesus dili makiangayong gitaral ug gihukman sa kamatayon
I-display, ipamubo, o laktod nga ipaambit ang mosunod nga kasayoran:
Human si Jesus nag-antos sa Tanaman sa Getsemani, Siya gidakop, ug ang mga lider sa Judio (ang Sanhedrin) dili makiangayong mitaral Kaniya ug mihukom Kaniya sa kamatayon. Apan, tungod kay ang Israel anaa ubos sa Romanong pagmando, ang pagpatay mahimo lamang katungod sa mga Romano. Tungod niini, gidala sa mga Judio si Jesus ngadto kang Pilato, ang Romanong lider sa Judea, nag-akusa Kaniya og pagrebelde batok sa Romanong gobyerno diha sa pag-angkon nga “ang Hari sa mga Judio” (tan-awa sa Marcos15: 2). Gipadala ni Pilato si Jesus ngadto kang Herodes Antipas, kinsa anaa sa Jerusalem alang sa Pangilin sa Pagpalabay, naglaom nga itaral Siya ni Herodes didto sa Galilea, apan gipadala ni Herodes og balik si Jesus ngadto kang Pilato.
Mahimong tahasan ang mga estudyante og mga asoy nga basahon aron masiguro nga ang tanang asoy mabasa.
Pagbasa og duha o daghan pa sa mosunod nga mga asoy, nga nag-asoy giunsa si Jesus pag-akusar sa dili makiangayon ug sa kataposan gihukman. Sa inyong pagbasa, pangitaa kon giunsa ni Jesus pagtubag ang matag usa niini nga mga sitwasyon. Hinumdomi nga Siya adunay gahom sa pagpalingkawas sa Iyang kaugalingon gikan niini nga mga kahimtang (tan-awa sa Mateo 26:52–54).
1. Si Jesus gisukitsukit sa mga Sanhedrin. Basaha ang Mateo 26:57–68 .
2. Si Jesus Gisukitsukit ni Pilato. Basaha ang Juan 18:33–40 .
3. Si Jesus miatubang sa atubangan ni Herodes. Basaha ang Lucas 23:8–11 .
4. Si Jesus gibunalan sa mga Romanong sundalo ug unya gisukitsukit ni Pilato sa makaduha. Basaha ang Juan 19:1–16 . Mahimong makatabang ang pagkahibalo nga ang gibunal kay usa ka latos nga kasagarang naglakip og hait nga mga butang (sama sa mga bato, metal, o bukog) gitagik sa pipila sa mga lugas [strand]. Daghang tawo ang wala makaagwanta sa pagbunal tungod sa grabe nga pisikal nga kasakit nga dala niini.
Samtang ang mga estudyante mopaambit sa ilang mga tubag sa mosunod nga mga pangutana, sulayi paglakip ang mga tubag gikan sa mga estudyante nga nakabasa sa nagkalainlain nga mga istorya.
Giunsa sa Manluluwas pagtubag niini nga mga sitwasyon?
Ngano kaha nga ang Manluluwas mitubag sa maong paagi?
Kinaiya ni Jesukristo
Basaha ang 1Nephi 19:9 ug ang mosunod nga mga pahayag, nga magtinguha og mga panabot sa kinaiya sa Manluluwas.
Si Elder Robert D. Hales (1932–2017) sa Korum sa Napulog Duha ka Apostoles mipaambit sa mosunod:
Imahe
Official portrait of Elder Robert D. Hales of the Quorum of the Twelve Apostles, 2003
Ang pagtubag sa paagi nga sama kang Kristo dili kahimoan og tamdanan o pinasikad sa usa ka pormula. Ang Manluluwas mitubag sa lahing paagi sa matag sitwasyon. Dihang Siya miatubang sa dautan nga si Haring Herod, pabilin Siyang nagpakahil[o]m. Dihang Siya miatubang ni Pilato, Siya mihatag og yano ug talagsaon nga pagpamatuod sa Iyang kabalaan ug tumong. …
Ang uban nga mga tawo nagtuo nga ang mga tubag sama sa pagpakahil[o]m, kamapuang[o]ron, pagpasaylo, ug paghatag og yano nga pagpamatuod mao ang mga tubag nga uyon-uyon lang o huyang. Apan, ang “paghigugma sa [atong] mga kaaway, pagpanalangin kanila nga nanghimara[o]t [kanato], pagbuhat og maayo kanila nga nasilag [kanato], ug pag-ampo alang sa magalutos [kanato],’ ( Mateo 5:44) nagkinahanglan og hugot nga pagtuo, kalig-on, ug, labaw sa tanan, Kristohanong kais[o]g.
(Robert D. Hales, “Kristohanon nga Kais[o]g: Ang Bugti sa Pagkadisipulo,” Liahona, Nob. 2008, 72)
Si Elder David A. Bednar sa Korum sa Napulog Duha ka Apostoles mitudlo:
Imahe
Elder David A. Bednar, Quorum of the Twelve Apostles official portrait. 2020.
Hunahunaa usab kon giunsa ang Agalon sa pagpasangil ug panghimara[o]t atubangan ni Pilato aron ilansang sa krus [tan-awa sa Mateo 27:2 , 11–26 ]. … Ang kaagh[o]p sa Manluluwas gipakita sa Iyang disiplinado nga pagtubag, lig-on nga pagpugong sa kaugalingon, ug dili buot mogamit sa Iyang walay kinutubang gah[o]m alang sa personal nga kaayohan.
(Tan-awa sa David A. Bednar, “Maagh[o]p ug Mapaubsanon sa Kasingkasing,” Liahona, Mayo 2018, 33)
Unsay inyong nakat-onan mahitungod sa Manluluwas gikan sa pamaagi sa Iyang pagtubag niini nga mga kahimtang?
Giunsa sa mga buhat sa Manluluwas pagpakita sa Iyang “mahigugmaong nga pagbati … ngadto sa mga anak sa tawo”? ( 1Nephi 19:9).
Sa unsang paagi kaha nga ang kahibalo nga si Jesukristo aduna niini nga mga kinaiya makatabang kaninyo nga mas higugmaon ug saligan Siya?
Importanteng hinumdoman nga sa daghang mga okasyon ang Manluluwas maisogon nga mihimo sa uban nga adunay tulubagon sa ilang mga buhat (tan-awa sa Marcos 11:15–17 , Juan 2:13–16 , Doktrina ug mga pakigsaad 133:48–51). Isip mga sumusunod ni Jesukristo, gusto natong motubag sa pagbiaybiay, bakak nga mga akusasyon, o pagdaugdaog nga adunay pagmahal, kaisog, ug kaaghop. Hinoon, wala kini magpasabot nga atong tugotan ang uban sa pag-abuso ug pagpasakit kanato. “Ang Ginoo nagkondinar sa abusadong kinaiya sa bisan unsang matang—lakip ang pagpasagad ug pisikal, sekswal, o binaba [verbal] nga pag-abuso” (Sulat sa Unang Kapangulohan, “Preventing and Responding to Abuse,” Mar. 26, 2018). Kon kita giabusohan, importante nga mangita ta og hinanali nga tabang gikan sa sinaligang hamtong.
Hunahunaa pag-usab kanus-a ninyo gibati nga gibiaybiay, giakusahan, o gidaugdaog. Pangita og tabang sa Langitnong Amahan pinaagi sa Espiritu Santo aron mahibaloan ang angay nga Kristohanong paagi sa inyong pagsanong niini nga sitwasyon. Isulat ang unsay maayo ninyo nga nabuhat ug sa unsang paagi kamo gusto nga molambo.
Isulat ang duha ka mga ehemplo sa mga panahon o mga sirkumstansiya diin ang paghinumdom sa kinaiya ni Kristo nakatabang o makatabang kaninyo. Sa unsang paagi kaha ang inyong kinabuhi mahimong lahi kon kanunay kamo nga mosulay sa pagpalambo og Kristohanon nga mga kinaiya?
Pagpili og usa ka Kristohanong kinaiya nga gusto ninyong mas mapalambo. Hunahunaa ang mga higayon sa inyong adlaw diin makahimo kamo sa pagbansay sa paggamit niini nga kinaiya.
Dapita ang andam nga mga estudyante sa pagpaambit sa klase unsay ilang gisulat. Pagtanyag og pagdasig ug mahimong mopaambit og personal nga pagpamatuod nga kon ang mga estudyante modangop kang Jesukristo, Siya motabang kanila nga mapalambo ang Kristohanong mga kinaiya nga gitinguha.
Komentaryo ug Background nga Impormasyon
Juan 18:36 . Unsa ang gingharian nga gipasabot ni Jesus?
Si Elder D. Todd Christofferson nagtudlo:
Imahe
Portrait of Elder D. Todd Christofferson. Photographed in March 2020.
Sa dihang gihubad ni Daniel ang damgo ni Haring Nabucodonosor, nagpahibalo sa hari sa “manghitabo sa ulahing mga adlaw” [ Daniel 2:28 ], siya mideklarar nga “ang Dios sa langit magatukod og usa ka gingharian nga dili gay[o]d malumpag, ni ang gah[o]m niana mahibilin sa lain nga katawhan; apan kini magadugmok ug magaut-ut niining tanan nga mga gingharian, ug kini molungtad sa walay katap[o]san” [ Daniel 2:44 ]. Ang Simbahan mao ang gipanagna nga gingharian sa ulahing mga adlaw nga wala gilalang og tawo apan gitukod sa Dios sa langit ug mikaylap sama sa bato nga “gisapsap nga walay kamot gikan sa bukid” nga mopuno sa yuta [ Daniel 2:45 ; tan-awa usab sa bersikulo35 ].
Ang padulngan niini mao ang pag establisar sa Zion agig pagpangandam sa pagbalik ug pagdumala ni Jesukristo sa milenyum. Sa dili pa kana nga adlaw, dili kini gingharian sa politikanhong pagsab[o]t—sama sa gisulti sa Manluluwas, “Ang akong pagkahari dili iya niining kalib[o]tana.” [ Juan 18:36 ]. Hinoon, kini ang tinubdan sa Iyang awtoridad dinhi sa yuta, ang tigdumala sa Iyang balaan nga mga pakigsaad, ang tigbantay sa Iyang mga templo, ang tigpanalipod ug tigpahayag sa Iyang kamatuoran, ang dapit sa pagpundok sa nagkatibulaag nga Israel, ug “usa ka panalipod, ug … usa ka dangpanan gikan sa unos, ug gikan sa kaligutgut sa diha nga kini ibu-bu nga walay pagkuto diha sa tibuok yuta.” [ Doktrina ug mga Pakigsaad 115:6 ].
(D. Todd Christofferson, “Nganong Anaa ang Simbahan,” Liahona, Nob. 2015, 111)
Dugang nga mga Kalihokan sa Pagkat-on
Lain nga kapilian sa pagtuon sa estudyante
Ikonsiderar ang pagbahin sa klase ngadto sa tinagup-at matag grupo. Ihatag sa matag grupo ang usa sa mosunod nga mga istorya: Mateo 27:11–31;Marcos 15:1–20;Lucas 23:1–25; o Juan 18:28–40 ; 19:1–16 . Hangyoa ang mga estudyante sa pagpangita og importanteng mga detalye diha sa ilang pagbasa. Mahimo nilang itandi ang mga istorya ug tan-awa unsa ang gilakip o gitangtang sa matag tagsulat. (Pahinumdomi ang mga estudyante nga ang tagsulat sa ebanghelyo wala marekord kanunay sa mga hitabo sa samang pagkahan-ay.) Pangutan-a kon sa unsang paagi nga ang pagbaton og daghang mga tagsulat makahatag og mas maayong paghulagway sa Manluluwas.
Pagtandi kang Jesus ug Pilato
Ikonsiderar ang pagdapit sa mga estudyante sa pagbasa sa Mateo 27:11–31 ug ipatandi giunsa ni Jesus pagsanong sa dihang nag-atubang og pagsulay ngadto sa kon giunsa ni Pilato pagsanong. Awhaga ang mga estudyante sa pagkosiderar unsaon nila pagsunod sa ehemplo sa Manluluwas ug mobarog sa kamatuoran.
