Pagpasidungog ug Pagpakita og Gugma alang sa Manluluwas
Imahe
The body of the crucified Christ being wrapped in white burial cloth (presumably by Joseph of Arimathaea and Nicodemus) in preparation for entombment. Several men and women are gathered around the crucified body. They are mourning the crucifixion.
Sa dihang namatay si Jesus, “nauyog ang yuta ug napikas ang mga bato” (Mateo 27:51), apan usa ka butang nga mas mahinungdanon ang nahitabo sa templo: ang tabil ngadto sa Balaan sa mga Balaan napikas sa duha ka bahin. Human sa kamatayon sa Manluluwas, ang Iyang mga disipulo naningkamot pag-ayo aron makuha ang Iyang lawas ug mainampingong giandam alang sa paglubong. Kini nga leksiyon gituyo aron matabangan kamo nga masabtan ug mapamalandongan unsa ang nabuhat ni Jesukristo alang kaninyo ug unsa ang inyong mabuhat aron makapakita og pagpasidungog og pagpasalamat alang Kaniya.
Paghatag og panahon nga makapamalandong. Makabenepisyo ang mga estudyante gikan sa pagpamalandong sa mga kamatuoran sa ebanghelyo nga ilang nakat-onan. Paghatag og panahon sa matag sesyon sa klase alang sa mga estudyante aron hilom nga maghunahuna mahitungod sa unsa ang ilang nakat-onan ug giunsa niining mga kamatuoran pag-apekto sa ilang panglantaw, ug ilang umaabot nga mga pagpili.
Pagpangandam sa estudyante: Awhaga ang mga estudyante sa pagpamalandong unsa ang nabuhat sa Manluluwas alang kanila ug sa paglista og mga paagi diin ilang mapakita ang ilang pagmahal alang Kaniya.
Posible nga mga Kalihokan sa Pagkat-on
Pagpasidungog niadtong nipanaw na
Kon posible, mahimong mubong ihulagway ang paglubong og hinigugma ug ang mga pagbati sa kadtong mga mitambong. Mahimong epektibo ang pagpakita og litrato sa hinigugma nga mipanaw na, usa ka obitwaryo, o usa ka program sa paglubong. Mahimong sensitibo sa mga pagbati sa mga estudyante nga adunay mipanaw nga mga minahal.
Ang mga tawo sa lain-lain nga kultura adunay lain-lain nga mga paagi sa paghandom ug pagpasidungog sa usa ka tawo kinsa namatay na. Paghunahuna og usa ka tawo nga inyong gihigugma nga mitaliwan na, o pamalandongi kon unsa kaha kon ang usa ka tawo nga suod ninyo motaliwan.
Unsa ang inyong gusto nga kanunay nga mahinumdoman bahin sa inyong minahal?
Unsa ang inyong buhaton aron magpasidungog o magpakita og pagmahal niadtong mga namatay na?
Ang mga tudling sa kasulatan niini nga leksiyon naghulagway sa kamatayon sa Manluluwas sa krus ug ang mga hitabo nga nahitabo diha-diha pagkahuman. Paggahin og gamay nga higayon sa pagpamalandong sa mosunod nga mga pangutana:
Unsa kaha ang inyong bation kon nakasaksi kamo sa pagkamatay ni Jesus?
Unsa ang inyong gibati sa Iyang pagkamatay karon?
Sa unsang paagi ninyo gusto nga hinumdoman ug pasidunggan Siya?
Sa inyong pagkat-on karon, tinguhaa ang giya sa Espiritu Santo aron matabangan kamo nga mahibalo unsaon ninyo paghinumdom, pagpasidungog, ug pagpakita og paghigugma alang sa Manluluwas.
Nagsimbolo sa tabil sa templo
Sa takna sa kamatayon ni Jesus adunay linog ug lain pang pisikal nga mga panghitabo, lakip na ang pagkadaot sa templo. Basaha ang Mateo 27:50-51 ug ikonsiderar ang pagmarka sa detalye bahin sa templo nga nasulat ni Mateo.
Mahimong magdrowing sa mosunod nga dayagram sa pisara aron makatabang pagpasabot sa simbolismo sa karaang templo.
Imahe
Simple drawing of plan view of temple with the veil
Ang karaang templo adunay duha ka lawak nga gibulag sa usa ka tabil, o kurtina. Kausa sa usa ka tuig, sa Adlaw sa Pag-ula, ang high priest milabay gikan sa Balaan nga Dapit pinaagi sa tabil sa templo ug misulod sa Balaan sa mga Balaan. Kini nga lawak nagrepresentar sa presensiya sa Dios. Niini nga lawak, ang high priest mowisik sa dugo nga halad tungod sa sala diha sa halaran aron sa pag-ula sa mga sala sa Israel (tan-awa sa Levitico16).
Unsa kaha ang gisimbolo sa pagkagisi sa tabil didto sa Dapit nga Labing Balaan?
Tugoti ang mga estudyante sa pagpaambit sa ilang mga hunahuna. Ipaambit o ipamubo ang pamahayag ni Elder Bruce R. McConkie kon gikinahanglan.
Si Elder Bruce R. McConkie (1915–85) sa Korum sa Napulog Duha ka Apostoles mipasabot unsa ang kahulogan niini nga hitabo:
Imahe
Head and shoulders portrait of Elder Bruce R. McConkie.
Ang Dapit nga Labing Balaan bukas na karon alang sa tanan, ug ang tanan, pinaagi sa maulaon nga dugo sa Kordero, makasulod na karon sa pinakataas ug labing balaan sa tanang dapit, niana nga gingharian diin ang mahangtorong kinabuhi nahimutang. … [Ang tanang tawo] mahimong angayan molabay sa tabil ngadto sa presensiya sa Ginoo aron makaangkon og bug-os nga kahimayaan.
(Bruce R. McConkie, Doctrinal New Testament Commentary 3 vols. [1965–73], 1:830)
Usa sa kamatuoran nga atong makat-onan gikan sa unsay nahitabo sa Mateo 27:51 mao nga si Jesukristo naghimong posible alang kanato nga mobalik sa presensiya sa Langitnong Amahan ug mahimong sama Kaniya. Ang Apostol nga si Pablo nagtudlo usab nga ang paggisi sa tabil naghulagway niini nga kamatuoran (tan-awa sa Mga Hebreohanon 10:19–20).
Tingali kini usa ka maayong panahon sa pagpahinumdom sa mga estudyante aron hinumdoman unsa ang ilang napamalandongan sa ilang pagpangandam sa estudyante mahitungod sa unsa ang nabuhat sa Ginoo alang kanila.
Pamalandongi ang bili nga gibayran sa inyong Manluluwas aron pag-abli sa tabil ug mahimong posible alang kaninyo nga makabalik sa gingharian sa Iyang Amahan.
Pagsulat og pipila ka mga paagi diin ang Manluluwas personal nga nakatabang kaninyo aron motubo ug molambo ug mahimong mas sama sa inyong Langitnong Amahan aron kamo sa kadugayan makabalik sa Iyang presensiya.
Dapita ang mga estudyante sa pagpaambit sa ilang mga hunahuna. Mahimong ilista ang mga tubag sa mga estudyante sa pisara.
Si Jesus gipasidunggan sa Iyang mga disipulo
Sa dihang si Jesus namatay, ang Iyang mga disipulo nangita aron mahinumdom ug mopasidungog Kaniya. Pagbasa mahitungod kon giunsa sa pipila ka mga disipulo pagpakita sa ilang gugma alang kang Jesus.
Sa Mateo 27:57–60: si Jose nga taga-Arimatea, usa ka dato nga disipulo ug usa ka miyembro sa Sanhedrin, ang kinatas-ang tigdumala sa konseho sa mga Judio
Sa Juan 19:39–40: si Nicodemo, nga usa ka Pariseo ug sakop sa Sanhedrin
Sa Lucas 23:55–56: si Maria Magdalena ug ang ubang mga babaye
Ang mosunod nga mga impormasyon makatabang kaninyo nga mas masabtan ang mga aksiyon niini nga mga disipulo.
Mahimong ipakita ang mosunod nga mga hulagway ug ipasabot giunsa niini pagkahimong may kalabotan sa paglubong ni Jesus:
Si Jose nga taga-Arimatea, bisan tuod og dili bukas nga sumusunod ni Kristo, nagpakita og kaluoy ug kaisog pinaagi sa pagpangutana sa lawas ni Jesus. Ang lubnganan, o sepulcre, nga gihatag ni Jose alang sa lawas sa Manluluwas gikubkob gikan sa bato, lagmit sa dakong gasto.
Imahe
A small pile of myrrh photographed against a white background.
Ang mira usa ka humot nga ugang tagok nga gigamit sa pag-andam sa lawas sa namatay. Ang gidaghanon sa mira ug mga aloe nga gidala ni Nicodemo aron pagdihog sa lawas sa Manluluwas susama sa mga gigamit sa lubong sa hari.
Imahe
Christ’s body is laid in a tomb.
Ang mga babaye miandam og mga pahumot ug mga ighahaplas sa paghuman sa pag-andam sa lawas ni Jesus tungod kay ang iyang lubong gihimo nga dinalian.
Unsa ang gipakita niini nga mga aksiyon sa mga tawo bahin sa ilang mga pagbati ngadto sa Manluluwas?
Pagpakita sa inyong gugma alang sa inyong Manluluwas
Bisan og ang Manluluwas dili nato kauban sa pisikal nga paagi, makakita gihapon kita og mga paagi sa pagpakita sa atong gugma ngadto Kaniya.
Awhaga ang mga estudyante nga mopaambit sa mga paagi aron mapakita ang gugma alang sa Manluluwas (lagmit nakahunahuna sila og pipila ka mga ideya panahon sa ilang pagpangandam sa estudyante). Mahimo usab isulat sa mga estudyante ang ilang mga ideya sa pisara.
Mahimong ipaambit ang pamahayag ni Sister Craven sa “Komentaryo ug Background nga Impormasyon” nga seksiyon o ang bidyo sa “Dugang nga mga Kalihokan sa Pagkat-on” nga seksyon.
Pagsulat o pagdrowing og usa o daghan pang mga butang nga pamati ninyo kinahanglan buhaton aron sa pagpasidungog ug pagpakita og pagmahal alang sa Manluluwas. Sama sa gibuhat ni Jose nga taga-Arimatea, kang Nicodemo, ug kang Maria Magdalena ug ang lain pang mga babaye, kini malagmit nagkinahanglan og sakripisyo.
Kon mahimo, samtang magsulat o magdrowing ang mga estudyante, mahimong ipatugtog ang mga himno o lain pang musika nga nagsulti sa Manluluwas ug unsa ang Iyang nabuhat alang kanato. Ang pipila sa posible nga mga himno naglakip sa “Gamhanan Ka” (Mga Himno, nu. 45), “Ang Subo nga Magpapanaw” (Mga Himno, nu. 20), “Ako Nagpabilin nga Natingala” (Mga Himno, nu. 193), o “Ipha ang Inyong Panalangin” (Mga Himno nu. 148).
Dapita ang mga estudyante sa pagpakigbahin sa unsay ilang nasulat o nadrowing. Ipahayag ang pagsalig sa ilang abilidad sa pagpakita sa ilang gugma alang sa Manluluwas ug sinsero nga pagpasalamat alang sa ilang paningkamot sa pagbuhat sa ingon.
Mahimong taposon ang leksiyon pinaagi sa pag-awhag sa mga estudyante nga mobuhat sa ilang nabati nga angay buhaton aron mapakita ang ilang pagmahal sa Manluluwas.
Komentaryo ug Background nga Impormasyon
Unsa ang nabuhat sa Manluluwas alang kanako?
Si Presidente Dallin H. Oaks sa Unang Kapangulohan nagpamubo sa pipila sa mga nabuhat sa Manluluwas alang sa matag usa kanato:
Imahe
Official Portrait of President Dallin H. Oaks taken March 2018.
Ubos sa plano sa atong Langitnong Amahan, Siya “milalang sa mga langit ug yuta” ( Doktrina ug mga Pakigsaad 14:9) aron nga ang matag usa kanato makabaton og mortal nga kasinatian nga gikinahanglan sa pagkaplag sa atong balaang kapalaran. Isip kabahin sa plano sa Amahan, ang Pagkabanhaw ni Jesukristo mibuntog sa kamatayon aron sa pagsiguro sa imortalidad sa matag usa kanato. Ang maulaong sakripisyo ni Jesukristo mihatag sa matag usa kanato sa oportunidad sa paghinulsol sa atong mga sala ug mobalik nga putli ngadto sa atong langitnong panimalay. Ang Iyang mga sugo ug mga pakigsaad nagpakita kanato sa agianan, ug ang Iyang pagkapari naghatag sa katungod sa pagpahigayon sa mga ordinansa nga gikinahanglan aron makab-ot kana nga padulngan. Ug ang atong Manluluwas andam nga misinati sa tanang mortal nga kasakit ug mga kahuyang nga Siya masayod kon unsaon pagpalig-on kanato diha sa atong mga kasakit.
(Dallin H. Oaks, “Unsay Nabuhat sa Atong Manluluwas alang Kanato?,” Liahona Mayo 2021, 77)
Unsa ang pipila ka mga paagi nga akong mapakita ang akong gugma sa Manluluwas?
Si Sister Becky Craven sa kinatibuk-ang Kapangulohan sa Young Women miingon:
Imahe
Sister Rebecca L. Craven, second counselor, Young Women general presidency. Official Portrait as of October 2018.
Kon kita nahigugma Kaniya sama sa atong gipangangkon, dili ba nato mapakita kana nga gugma pinaagi sa mas mabinantayon pa nga pagtuman sa Iyang mga sugo?
Ang pagkamabinantayon sa pagsunod sa ebanghelyo wala dayon magpasab[o]t nga mahimong pormal ug seryuso. Ang buot ipasab[o]t niana mao ang pagkahimong tak[o]s diha sa atong mga hunahuna ug pamatasan isip mga disipulo ni Jesukristo. Samtang mamalandong kita sa kalainan tali sa mainampingon ug dili kaayo magtagad sa atong pagtuman sa ebanghelyo, ania ang pipila ka mga ideya nga ikonsiderar:
Nagmabinantayon ba kita sa atong pagsimba sa adlawng Igpapahulay ug sa atong pagpangandam sa pag-ambit sa sakramento matag semana?
Makahimo ba kita nga mas magmabinantayon sa atong mga pag-ampo ug pagtuon sa ebanghelyo o mas aktibo nga mogamit sa Dali Sunod Kanako––Alang sa mga Indibidwal ug mga Pamilya?
Mabinantayon ba kita sa atong pagsimba sa templo, ug mainampingon ug tuyong mituman sa mga pakigsaad nga atong gihimo atol sa pagbunyag ug diha sa templo? Mabinantayon ba kita sa atong panagway ug ligdong ang atong sinul-oban, labi na sa sagrado nga mga lugar ug mga sirkumstans[i]ya? Mabinantayon ba kita kon sa unsang paagi kita magsul-ob sa atong sagrado nga mga garment sa templo? O ang mga uso sa kalib[o]tan ang modiktar og mas dili kaayo magtagad nga kinaiya?
Mabinantayon ba kita kon sa unsang paagi kita mangalagad ngadto sa uban ug unsaon nato pagbuhat ang atong mga calling diha sa Simbahan, o kita walay pagbati o dili kaayo magtagad sa atong tawag sa pagserbisyo?
Mabinantayon ba kita o dili kaayo magtagad kon unsa ang atong gibasa ug unsa ang atong gitan-aw sa TV ug sa atong mga mobile device? Mabinantayon ba kita sa atong mga pulong? O yano nga modawat sa law-ay ug bastos nga mga butang?
Ang Alang sa Kalig-on sa mga Kabatan-onan nga pamphlet naglakip og mga sumbanan nga, kon mabinantayon nga sundon, magdala og daghang mga panalangin ug makatabang kanato nga magpabilin sa dalan sa pakigsaad.
(Becky Craven, “Mabinantayon batok sa Dili Kaayo Magtagad,” Liahona, Mayo 2019, 10)
Dugang nga mga Kalihokan sa Pagkat-on
Pagkaila sa Manluluwas
Ikonsiderar ang pagdapit sa mga estudyante sa pagbasa sa Marcos 15:39 aron makakat-on giunsa sa kapitan sa sundalo pagtubag human makasaksi sa kamatayon ni Jesukristo ug sa linog ug mga unos. Mahimong awhagon ang mga estudyante sa paghunahuna mahitungod sa unsa ang nakatabang kanila sa pagkakita nga si Jesukristo mao ang Anak sa Dios ug sa unsang paagi kanang kahibalo nakaapekto sa ilang kinabuhi.
Mga paagi sa pagpakita sa gugma ngadto kang Jesukristo
