Ang Babaye nga Nasakpan nga Nanapaw Gidala ngadto kang Kristo
Imahe
Depiction of Jesus and the woman taken in adultery. They are both kneeling on the ground. For Mormon Channel use.
Samtang nanudlo si Jesus didto sa templo, pipila ka mga eskriba ug mga Pariseo nagdala og usa ka babaye nga nasakpan nga nanapaw. Nangutana sila Kaniya kon kinahanglan ba nga batoon siya sumala sa balaod ni Moises (tan-awa sa Levitico 20:10). Ang tubag ni Jesus ngadto kanila ug sa babaye makahatag kanimo og maayong mga ideya sa Iyang kinaiya ug makatabang kanimo nga mabati ang gahom sa Iyang kalooy.
Pagpokus sa mga estudyante. Samtang ikaw magtudlo, tutoki ang tinagsa-tagsa nga mga panginahanglan sa mga estudyante. Ayaw tugoti nga ang imong mga plano maoy mahimong mas mahinungdanon labaw sa mga estudyante sa klasehanan. Ipadayon ang pagsusi nga makaapil ang mga estudyante, ug pangita og paagi sa pag-awhag kanila nga mosalmot sa leksiyon.
Pagpangandam sa estudyante: Awhaga ang mga estudyante sa paghunahuna og panahon dihang sila nakahatag og kalooy sa uban o dihang sila nanginahanglan o naghandom og kalooy.
Posible nga mga Kalihokan sa Pagkat-on
Mga Hiyas ni Jesukristo
Ipakita ang mosunod nga mga pangutana aron makita sa mga estudyante samtang manulod sila. Makabenipisyo ang mga estudyante pinaagi sa pagtrabaho nga managpares o pinaagi sa gagmayng grupo sa dili pa nila ipaambit ang ilang mga tubag diha sa klase.
Kanus-a nga adunay tawo nga nagpakita og maayo kanimo bisan sa pamati nimo dili ka angayan niini?
Unsay epekto niini diha kanimo?
Si Jesus nagpakita og labihan ka mabination sa babayeng nasakpan nga nanapaw, nga nakahatag sa maong babaye og dako kaayo nga epekto.Basaha ang Juan 8:1–5 ug pangitaa nganong kini nga kahimtang lisod unta nga atubangon.
Dihang ang mga eskriba ug mga Pariseo midala sa babaye ngadto kang Jesus ug gipangutana kon angay ba siyang batoon hangtod mamatay, ang ilang tuyo mao ang pagbutang Kaniya sa lisod nga sitwasyon (tan-awa sa Juan 8:6). Kon si Jesus midili pa sa pagbato sa maong babaye, mahimo unta nga maakusahan siya nga wala magpakabana sa balaod ni Moises (tan-awa sa Exodo 20:14). Kon Siya miuyon man, Siya ikasumbong nila nga misukwahi sa panglantaw sa katawhan lakip na sa Romanhong balaod. Dili usab unta Siya makapakita og kalooy sa babaye, nga mao ang butang nga gibalik-balik pagbuhat ni Jesus panahon sa iyang pagpangalagad (tan-awa sa Manwal sa Estudyante sa Bag-ong Tugon [2018], ChurchofJesusChrist.org).
Samtang magtuon ka sa tubag sa Manluluwas niining mahagiton nga kahimtang, mahimo kang motino og pipila ka kinaiya nga makatabang kanimo sa mas maayong pagsabot kon unsa ang Manluluwas. Ang pagsuta sa mga hiyas sa Manunubos usa ka kahanas nga imong magamit sa kinatibuk-an nimong pagtuon sa Bag-ong Tugon. Ang pagsabot niini nga mga hiyas makapalambo sa imong tinguha nga maduol kang Kristo.
Basaha ang Juan 8:6–11 nga mangita sa mga hiyas ni Jesukristo nga makita nato sa Iyang mga pakig-inter-aksyon ngadto sa mga tig-akusar ug sa maong babaye.
Tingale makatabang ang pagpakita sa mosunod nga mga pangutana aron ang mga estudyante makadangop niini kon gikinahanglan.
Unsa nga mga hiyas ang gipakita sa Manluluwas sa Iyang pakig-inter-aksyon uban sa mga tawo nga miakusar sa babaye?
Unsa ang mga kinaiya nga gipakita sa Manluluwas kon giunsa Niya pagtratar ang babaye?
Kon gikinahanglan, tabangi ang mga estudyante nga makakita nga samtang ang Manluluwas nagmapailubon ug nagmanggiloy-on ngadto sa babaye, wala Siya mohatag og kapasayloan kaniya niadtong higayona. (Tan-awa ang pamahayag ni Presidente Oaks diha sa “Komentaryo ug Background nga Impormasyon nga seksiyon.)
Unsa nga hugpong sa mga pulong sa kasulatan ang naghulagway niini nga mga kinaiya?
Ikonsiderar nga tugotan ang mga estudyante sa dungan nga pagpaambit sa ilang mga obserbasyon sa tibuok nga klase o pinaagi sa gagmay nga grupo. Kon gikinahanglan, tabangi ang mga estudyante sa pagtino og mga hiyas sa Manluluwas, sama sa pagkamapailubon diin ang mga tawo mibati og labihan nga emosyon sa sitwasyon, nakapanglantaw sa sitwasyon, nakapakita og kalooy og gugma ngadto sa babaye, ug uban pa.
Mahimo nimong markahan ang hugpong sa mga pulong sa Juan 8:6–11 nga nagpakita niining mga hiyas ni Jesus. Hibaloi nga ang Manluluwas wala mohatag og pasaylo niini nga babaye sa iyang mga sala niadtong higayona apan hinoon midasig kaniya nga “Lakaw, ug ayaw na pagpakasala” ( Juan 8:11).
Tingale makatabang ang pagdapit og usa ka estudyante aron mohatag og pananglitan sa usa ka hugpong sa pulong nga nagpakita og usa ka hiyas ni Jesus o alang sa magtutudlo nga makaapaambit og usa ka sanglitanan. Kon ang pagpamalandong sa mga hiyas makatabang sa mga estudyante aron molambo, makatabang ang mosunod nga mga pangutana. Mahimo nga hatagan og higayon ang mga estudyante aron makapamalandong sa mga pangutana ug motubag niini diha sa ilang mga journal sa pagtuon.
Asa man niining mga hiyas ang imong gusto nga mapalambo? Ngano man?
Unsaon nimo sa pagtugot nga ang Manluluwas motabang nimo sa pagpalambo o sa paglig-on niana nga hiyas diha sa imong kinabuhi?
Ang kalooy sa Manluluwas nagdasig kanato aron magbag-o
Usa sa diosnong kinaiya ni Jesukristo mao nga Siya manggiloy-on. “Ang kalooy mao ang mapuangurong pagtagad sa usa ka tawo labaw pa kay sa unsay angay” (Gospel Topics, “Mercy,” topics.ChurchofJesusChrist.org).
Si Elder Dale G. Renlund sa Korum sa Napulog Duha ka Apostoles naghatag sa mosunod nga mga ideya mahitungod sa mabination nga kalooy sa Manluluwas ug sa epekto niini ngadto sa babaye:
Imahe
Official portrait of Elder Dale G. Renlund of the Quorum of the Twelve Apostles, January 2016.
Sigurado, ang Manluluwas wala mobaliwala sa pagpanapaw. Apan wala usab Niya ipanghimaraot ang babaye. Siya miawhag kaniya nga mag-usab sa iyang kinabuhi. Nadasig siya nga mag-usab tungod sa Iyang kapuangod ug kalooy. Ang Hubad ni Joseph Smith sa Biblia nagmatuod sa miresulta nga pagkadisipulo sa maong babaye: ‘Ug ang babaye mihimaya sa Dios sukad niana nga takna, ug mituo sa iyang pangalan’ [Joseph Smith Translation, John 8:11].
(Dale G. Renlund, “Ang Atong Maayong Magbalantay,” Liahona, Mayo 2017, 30)
Unsa ang epekto sa kalooy sa Manluluwas ngadto sa babaye?
Ngano man kaha nga ang iyang kalooy adunay ingon ana nga matang sa impluwensiya?
Sa unsang paagi ang pagkahibalo sa mahigugmaong kalooy sa Langitnong Amahan ug ni Jesukristo makaapekto sa unsay inyong pagbati mahitungod Kanila?
Bisan ang Manunubos wala mobaliwala sa sala, Siya mapasayloon. Gusto Niya nga ikaw madasig sa paghinulsol ug magpadayon sa paghimo og maayo.
Ang ubang estudyante makabenipisyo gikan sa paghisgot kon sa unsang paagi ang Manluluwas gusto nga padayon kitang maningkamot kon ugaling kita makahimo og mga sayop. Kon mao man ugaling kana, ikonsiderar ang paggamit sa pamahayag gikan ni Elder Lynn G. Robbins diha sa “Komentaryo ug Background nga Impormasyon” nga seksiyon.
Ikonsiderar ang paghatag sa mga estudyante og hilom nga gutlo nga mamalandong sa ilang natun-an aron matabangan sila nga mas makonektar sa Manluluwas ug mobati sa Iyang kalooy. Ang mga pangutana nga nalista sa ubos (o uban pa) mahimong ilista sa pisara, ug ang mga estudyante mahimong dapiton sa pagtubag niini diha sa ilang mga journal.
Unsa ang imong nakat-onan mahitungod sa Manluluwas karon nga nakadasig kanimo sa paghinulsol ug padayong maningkamot aron mahimong sama Kaniya?
Unsa ang imong gibati nga gusto sa Manluluwas nga imong buhaton o usbon sa imong kinabuhi samtang ikaw naningkamot nga mas mahisama Kaniya?
Ikonsiderar ang pagtapos pinaagi sa pagpaambit og pagpamatuod ug personal nga mga pagbati mahitungod sa kamanggiloy-on ug kalooy sa Manluluwas.
Komentaryo ug Background nga Impormasyon
Sa unsang paagi kita napanalanginan tungod sa kalooy sa Manluluwas?
Sa paghisgot bahin sa tinguha sa Manluluwas aron kita padayon nga maningkamot kon kita makahimo og mga sayop, si Elder Lynn G. Robbins sa Seventy mitudlo:
Imahe
Former Official Portrait of Elder Lynn G. Robbins. Photographed March 2017. Replaced October 2019 (with Telescope ID: 2298123)
Samtang kita nagpasalamat sa ikaduhang higayon human sa mga sayop, o mga kapakyasan sa hunahuna, matingala kita sa grasya sa Manluluwas sa paghatag nato og ikaduhang higayon sa pagbuntog sa sala, o kapakyasan sa kasingkasing.
Walay usa nga mas nagtinguha sa atong kalamp[o]san kay sa Manluluwas .… Aron mahimong sama Kaniya magkinahanglan og dili maihap nga ikaduhang kahigay[o]nan sa atong inadlaw-adlaw nga mga pakigbisog sa kinaiyanhon nga tawo, sama sa pagkontrol sa mga gana, pagkat-on og pailub ug pagpasaylo, pagbuntog sa pagkatapulan, ug paglikay sa mga sala sa wala pagbuhat, sa paghingalan lang og pipila. …
Mapasalamaton ko sa mahigugmaong kaayo, pail[o]b, ug pagkamainant[o]son sa Langitnong mga Ginikanan ug sa Manluluwas, kinsa mihatag nato og dili maihap nga ikaduhang kahigay[o]nan sa atong panaw balik ngadto sa Ilang presens[i]ya.
(Lynn G. Robbins, “Kondili Kapitoan Ka Pito,” Liahona, Mayo 2018, 22–23)
Unsaon nako sa pagkat-on aron mas mahisama sa Manluluwas?
Si Presidente Dieter F. Uchtdorf sa Unang Kapangulohan mitudlo:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Sa mapasanginlon ug dili mahigalaong kalib[o]tan, dali ra ang pagpangdaut sa uban. Apan sa dili pa nato ni himoon, atong hinumd[o]man ang mga pulong sa Usa kinsa mao atong Agalon ug modelo: “Kinsa kaninyo ang walay sala maoy paunahag labay kaniyag bato” [Juan 8:7].
Mga kaigsoonan, ibutang nato ang atong mga bato.
Magmabination kita.
Mopasaylo kita.
Mag-istoryahay kitang malinawon sa usag usa.
Himoang mapuno og gugma sa Dios ang atong mga kasingkasing.
“Buhaton ta ang maayo ngadto sa tanang mga tawo” [Mga Taga-Galacia 6:10].
(Dieter F. Uchtdorf, “Ang Maloloy-on Magadawat og Kalooy,” Liahona, Mayo 2012, 76)
Si Elder Dale G. Renlund sa Korum sa Napulog Duha ka Apostoles mitudlo:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Aron mahimong sama ni Kristo, ang usa ka tawo ganahan sa kalooy. Ang mga tawo nga ganahan og kalooy dili mahukmanon, sila mopakita og kapuangod para sa uban, ilabi na niadtong kinsa wala kaayo mapanalangini, sila manggihatagon, mabination, ug madungganon. Kini nga mga indibidwal motagad sa tanan uban sa gugma ug pagsabot, bisan pa sa mga panaglahi sama sa kaliwat, gender, giapilan nga relihiyon, matang sa sekso, ekonomikanhong kahimtang diha sa katilingban, ug mga kalainan sa tribo, sa pamilya, o sa nas[o]d. Kini gipulihan sa Kristohanong gugma.
(Dale G. Renlund, “Pagbuhat sa Kaangayan, Pagpakita sa Makanunayong Gugma, ug Pagkinabuhi diha sa Mapaubsanong Pakig-uban sa Dios,” Liahona, Nob. 2020, 111)
Giunsa sa Manluluwas pagpakita og kalooy nga walay pagbaliwala sa dili matarong nga kinaiya?
Si Presidente Dallin H. Oaks sa Unang Kapangulohan mitudlo:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Klaro nga ang Ginoo wala moingon nga makataronganon ang sala sa babaye. Gisultihan lang Niya siya nga wala Siya mohimaraot kaniya—mao nga, dili Siya makahatag og kataposang paghukom kaniya nianang higayona. Ang babaye nga nasakpang nanapaw gihatagan og panahon sa paghinulsol, ang panahon nga mahikaw unta niadtong gusto nga mobato kaniya.
(Dallin H. Oaks, “‘Judge Not’ and Judging,” Ensign, Ago. 1999, 8)
Ikonsiderar ang pagbasa sa Juan 8:12 ug paghisgot sa titulo sa Manunubos ug sa iyang tahas isip “ang kahayag sa kalibotan.”
Ang mosunod nga kinutlo mahimo usab nga gamiton. Si Presidente Dallin H. Oaks mitino og tulo ka paagi sa pag-ila nga si Jesukristo mao “ang kahayag sa kalibotan”:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Si Jesukristo mao ang kahayag sa kalib[o]tan tungod kay siya ang tinubdan sa kahayag nga “nagpadayon gikan sa at[o]bangan sa Dios aron sa pagpuno sa walay katap[o]san nga kawanangan” [ Doktrina ug mga Pakigsaad 88:12 ]. …
Si Jesukristo mao ang kahayag sa kalibotan tungod kay ang iyang ehemplo ug mga pagtulon-an nagdan-ag sa dalan nga atong laktan aron makabalik ngadto sa presens[i]ya sa atong Amahan sa Langit. …
Si Jesukristo mao ang kahayag sa kalibotan tungod kay ang iyang gahom nagdani nato sa pagbuhat og maayo.
(Dallin H. Oaks, “The Light and Life of the World,” Ensign, Nob. 1987, 63–64)
Si Jesukristo mitudlo sa tin-aw nga paagi mahitungod sa Iyang relasyon sa Iyang Amahan, lakip nga Siya ug ang Iyang Amahan duha ka managlahi nga binuhat. Awhaga ang mga estudyante sa pagbasa sa Juan 8:13, 17–18, 25–29 , nga mangita sa mga pulong ug hugpong sa mga pulong nga nagpakita sa relasyon sa Manluluwas ngadto sa Iyang Amahan.
Juan 8:30–36 . “Ang kamatuoran maghatag kaninyog kagawasan”
Si Jesus miingon kanila nga “nanuo kaniya” ug mitudlo mahitungod sa kamatuoran nga maoy makahatag kanato og kagawasan. Ang mga estudyante mahimong mobasa sa mga bersikulo 31–33 ug mangita kon unsa ang nagtugot kanila nga makahibalo sa kamatuoran. Ang mga estudyante mahimong motino og usa sa mga titulo sa Manluluwas isip “ang kamatuoran” (tan-awa sa Juan 14:6) ug isukip ang ngalan sa Manluluwas ngadto sa “kamatuoran” diha sa Juan 8:31–36 .
Mahimo usab nga hisgotan sa mga estudyante kon sa unsang paagi ang sala mosangpot sa pagkaulipon ug sa unsang paagi si Jesukristo mogiya ngadto sa kagawasan, nga kalagmitang hisgotan usab ang 2 Nephi 2:27 .
