Jesus Christ depicted as the Good Shepherd. Christ is portrayed with a small herd of sheep. He is carrying a sheep (or lamb) over His shoulders. Christ is also carrying a staff in His hands.
Si Jesus mitudlo nga Siya ang Maayong Magbalantay. Iyang gigamit kini nga sambingay aron matabangan ang Iyang mga tigpaminaw nga makasabot pa og dugang mahitungod Kaniya og sa ilang relasyon ngadto Kaniya. Ang tumong niini nga leksiyon mao ang pagtabang kanimo nga mobati og dugang nga pagsalig kang Jesukristo isip imong Magbalantay og madugangan ang imong tinguha nga makapaminaw sa Iyang tingog og magsunod Kaniya.
Paggamit og mga litrato. Ang mga litrato makatabang sa mga estudyante sa paghanduraw sa mga tawo, mga dapit, mga hitabo, mga butang, ug mga simbolo diha sa mga kasulatan. Inubanan sa mga pulong sa mga kasulatan, ang mga litrato makatabang nga mosanag ang mga kamatuoran ug makapalambo sa kasinatian sa pagtuon sa mga estudyante.
Pagpangandam sa estudyante Dapita ang mga estudyante sa pagbasa sa mga sulod sa “ Maayong Magbalantay ” nga anaa sa Ang Giya ngadto sa mga Kasulatan. Hangyoa sila sa pag-andam og tubag sa pangutana nga “Ngano nga ang titulo nga ‘Maayong Manbalantay’ usa ka maayong paghulagway kang Jesukristo?”
Posible nga mga Kalihokan sa Pagkat-on
Si Jesukristo mao ang Maayong Magbalantay
Aron matabangan ang mga estudyante sa paghanduraw ug paghunahuna mahitungod kang Jesukristo isip Maayong Magbalantay, ikonsiderar ang pagpakita og litrato sa Manluluwas uban sa karnero.
Tan-awa pag-ayo ang litrato nga gipakita sa sinugdanan nining leksiyon, ug hunahunaa kon unsa kaha ang gitudlo niini. Ang mosunod nga mga pangutana mahimong makatabang: Ngano kaha nga ang Magbalantay nagpas-an man og karnero? Unsa ang imong nabantayan sa posisyon sa Magbalantay kon itandi sa ubang karnero?
Karong adlawa imong tun-an ang sambingay mahitungod sa maayong magbalantay. Niining sambingay, gitandi ni Jesukristo ang Iyang kaugalingon ngadto sa usa ka magbalantay sa karnero kinsa maoy naggiya ug nanalipod sa iyang panon sa karnero. Sa imong pagtuon, hatagi’g pagtagad unsay imong nakat-onan mahitungod sa Manluluwas.
Mahimong dapiton ang mga estudyante sa pagpaambit sa unsay ilang nakat-onan sa ilang mga pagtuon sa pagpangandam sa estudyante. Kon ang mga estudyante naghimo og lista sa lainlain nga titulo alang kang Jesukristo diha sa ilang journal sa pagtuon, mahimo nila kining idugang dinhi.
Sa ibabaw nga bahin sa pahina sa imong journal sa pagtuon, isulat ang ulohan nga “Maayong Magbalantay.” Dinhi imong malista ang imong mga nakat-onan o gibati mahitungod kang Jesukristo, ang Maayong Magbalantay, ug unsa ang Iyang gibuhat alang sa Iyang mga karnero. Kon ganahan, mahimo kang magdrowing og usa ka yano nga karnero diha sa imong papel sama sa gipakita sa ubos ug isulat sa sulod sa drowing unsay imong nakat-onan o gibati.
Imahe
sheep
Kon gusto, mahimong ang tibuok klase mosulat ngadto sa pisara kaysa sa diha sa journal sa pagtuon.
Ang mga estudyante mahimong magtinagsa sa pagtrabaho o sa gagmay nga grupo o magpares. Ikonsiderar ang pagpakita sa mga bersikulo diha sa ubos aron ang mga estudyante makadangop og balik niini.
Basaha ang Juan 10:1–5 , nga mangita sa sambingay nga gitudlo ni Jesus mahitungod sa Iyang tahas isip ang Maayong Magbalantay.
Ang mga estudyane mahimong dapiton sa pagpaambit sa ilang mga nakit-an. Tingale makatabang ang pagdapit sa mga estudyante nga sila mangutana mahitungod sa kahulogan niini nga mga bersikulo.
Imahe
sheep
Dugangi og bisan unsang mga ideya nga imong naangkon mahitungod sa Maayong Magbalantay diha sa imong lista.
Unsa ang nakapadani nimo mahitungod sa relasyon tali sa mga magbalantay sa karnero ug sa karnero sigon sa gihulagway dinhi?
Ang uban niadto nga naminaw wala makasabot sa sambingay nga gitudlo ni Jesus (tan-awa sa Juan 10:6). Si Jesus mipasabot sa unsang paagi ang sambingay mitudlo mahitungod Kaniya. Basaha ang Juan 10:7–18, 27–28 , nga mangita sa dugang nga mga ideya mahitungod kang Jesukristo isip ang Maayong Magbalantay. Idugang ang imong mga obserbasyon diha sa imong lista. (Timan-i: Ang sinuholan mao ang tawo kansang una nga motibo sa pagtrabaho mao ang bayad.)
Ikonsiderar ang pagpaambit og pipila sa mosunod nga mga kasulatan aron matabangan ang mga estudyante nga makat-on ug dugang mahitungod sa Maayong Magbalantay: Salmo 23 ; Ezequiel 34:11–16 ; Alma 5:57–60 .
Nga magta-aw sa imong lista, unsa ang natabang sa sambingay sa Maayong Magbalantay sa imong pagsabot mahitungod kang Jesukristo?
Unsa ang imong nakat-onan gikan niini nga mga bersikulo mahitungod sa kon nganong ikaw gusto nga mosunod Kaniya?
Isulat ang wala mahuman nga kapahayag ngadto sa pisara ug dapita ang mga estudyante sa pagkompleto niini. Ang mga estudyante mahimong mosulat sa mga ideya sama sa “abundang kinabuhi,” “panalipod gikan sa mga lobo ug sa mga kawatan,” o “mahangturon nga kinabuhi.” Ikonsiderar ang paghisgot sa bisan unsa niining mga tubag sa hingpit nga paagi. Paminawa og maayo kon giunsa pagtubag sa mga estudyante, ug pagmahimong bukas sa espiritu samtang ikaw magkonsiderar sa posibling i-follow up nga mga pangutana.
Kon ako mosunod sa Maayong Magbalantay, ako makadawat og …
Unsang mga kasinatian ang moabot sa hunahuna diin nabatyagan nimo ang pag-amuma sa Manluluwas isip usa ka magbalantay?
Sa unsang paagi mabati nimo ang tingog sa Maayong Magbalantay?
Kini nga bahin sa leksiyon gituyo aron matabangan ang mga estudyante sa pag-ila sa tingog sa Maayong Magbalantay ug madugangan ang ilang tinguha sa pagpaminaw ug pagsunod Kaniya. Ikonsiderar ang pagdapit kanila sa pagpamalandong sa pipila o sa tanang mosunod nga mga pangutana.
Hunahunaa ang mosunod nga mga pangutana:
Para sa unsa ang imong gikinahanglan nga tabang o giya sa Manluluwas?
Unsa nga mga panalangin nga gitanyag sa Manluluwas ngadto sa Iyang mga karnero ang imong gitinguha?
Nganong gusto man nimong madugangan ang imong abilidad nga makabati sa tingog sa Maayong Magbalantay?
Niini nga sambingay, ang karnero sa Maayong Magbalantay mao kadtong mamati sa Iyang tingog og misunod Kaniya (tan-awa sa Juan 10:3–5, 27).
Si Presidente Russell M. Nelson mihatag sa mosunod nga mga ideya mahitungod sa pagpamati sa tingog ni Jesukristo:
Imahe
Official portrait of President Russell M. Nelson taken January 2018
Ang atong Amahan nakahibalo nga kon kita gilibutan sa walay kasiguroan ug sa kahadlok, ang labing makatabang nato mao ang pagpaminaw sa Iyang Anak.
Tungod kay kon kita magtinguha nga maminaw—tinuod nga pagpaminaw—sa Iyang Anak, kita giyahan nga makahibalo unsay buhaton sa bisan unsa nga sirkumstansya.
… Dinhi [niining] duha ka pulong nga—“Paminaw Kaniya”—Ang Dios mihatag nato og sundanan alang sa kalamp[o]san, ug hingpit nga kalipay niini nga kinabuhi. Kita kinahanglan nga maminaw sa mga pulong sa Ginoo, mopatalingh[o]g niini, ug mamati unsay Iyang gisulti kanato!
Isip mga disipulo ni Jesukristo, ang atong mga paningkamot sa pagpaminaw Kaniya kinahanglan nga mas gitinguha nato. Kinahanglan og tininoud ug makanunayon nga paningkamot sa pagpuno sa atong inadlaw nga kinabuhi sa Iyang mga pulong, sa Iyang mga pagtul[o]n-an, sa Iyang mga kamatuoran.
(Russell M. Nelson, “Paminaw Kaniya,” Liahona, Mayo 2020, 89)
Ikonsiderar ang paghimo og lista base sa mga tubag sa mga estudyante sa mosunod nga mga pangutana. Ang Doktrina ug mga Pakigsaad 1:38 ug Doktrina ug mga Pakigsaad 18:31–32, 34–36 mahimong gamiton sa pag-ila nga ang tingog sa Ginoo moabot pinaagi sa Iyang mga propeta, mga kasulatan, ug sa Espiritu Santo.
Unsa ang mga paagi aron madungog ang tingog sa Maayong Magbalantay?
Ikonsiderar ang pagpakita og usa o mas daghan pa sa mosunod nga mga video sa mga lider sa Simbahan nga nagpaambit kon giunsa nila sa pagpamati ang tingog sa Manluluwas.
Kon mahimo, tan-awa ang video nga “Giunsa Nako sa Pagpaminaw Kaniya: Elder David A. Bednar” (1:15) ug “Giunsa nako sa Pagpaminaw Kaniya: Sister Joy D. Jones” (2:45) aron makadungog og mga pananglitan kon giunsa sa mga lider sa Simbahan sa pagpamati sa tingog sa Manluluwas. Kini nga video, kauban ang dugang nga mga pananglitan, anaa makita sa ChurchofJesusChrist.org.
Sa imong hunahuna, sa unsang paagi ang pagpamati sa tingog ni Jesukristo makatabang nimo sa imong mga panginahanglan?
Unsay imong nakat-onan o gibati mahitungod kang Jesukristo gikan sa pagkat-on mahitungod sa Iyang tahas isip ang Maayong Magbalantay?
Komentaryo ug Background nga Impormasyon
Juan 10:7 . Nganong si Jesus miingon, “Ako ang pultahan sa mga karnero”?
Ang mga magbalantay sa karnero sa Israel magbarog sa may ganghaan sa toril ug moinspeksiyon sa matag karnero samtang mosulod kini, motambal sa mga angol kon gikinahanglan. Human mapundok ang mga karnero diha sa toril alang sa kagabhion, ang magbalantay sa karnero mohigda aron matulog diha sa ganghaan, mag-ali sa agianan aron ang mga mananakmit o mga kawatan dili makahilabot sa mga karnero. Ang pamahayag sa Manluluwas nga, “Ako ang pultahan,” nagklaro nga andam Siya sa “pagpakamatay alang sa [Iyang] mga karnero” ( Juan 10:7, 15) ug nga Siya sa kataposan mohukom kinsa ang makasulod sa gingharian sa langit. Gamit ang imahe nga susama sa pultahan, ang propeta sa Basahon ni Mormon nga si Jacob namahayag nga “ang magbalantay sa ganghaan mao ang Usa nga Balaan sa Israel” ug “wala siya mogamit og sulugoon didto” ( 2 Nephi 9:41).
Unsa ang kalainan tali sa Maayong Magbalantay ug sa sinuholan?
Si Presidente Ezra Taft Benson (1899–1994) mitudlo:
Imahe
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
Usahay, hinoon, ang ihalas nga hayop tungod sa kagutom molayat tabok sa mga toril ngadto sa mga karnero, mohadlok kanila. Ang ingon niana nga sitwasyon mopalahi sa tinuod nga magbalantay—sa tawo nga nahigugma sa iyang karnero—ngadto sa sinuholan—sa tawo nga nagtrabaho lang tungod kay gisweldohan ug tungod sa katungdanan.
Ang tinuod nga magbalantay andam nga motugyan sa iyang kinabuhi alang sa karnero. Moadto siya taliwala sa mga karnero ug makig-away alang sa ilang kaayohan. Ang sinuholan, sa laing bahin, mopalabi sa kaugalingon niyang kasiguroan kay sa karnero ug sa kasagaran mopalayo gikan sa peligro.
Si Jesus migamit niining komon nga paghulagway sa [I]yang panahon sa pagpahayag nga Siya mao ang Maayong Magbalantay, ang Tinuod nga Magbalantay. Tungod sa Iyang gugma sa Iyang mga kaigsoonan, andam Siya ug boluntaryo nga mitugyan sa Iyang kinabuhi alang kanila. (Tan-awa sa Juan 10:17–18 .)
(Ezra Taft Benson, “Ang Tawag sa Pagkapari: ‘Pakan-a ang akong mga Karnero,’” Ensign, Mayo 1983, 43)
Juan 10:30 . Unsa ang gipasabot ni Jesus sa Iyang pag-ingon, “Ako ug ang akong Amahan usa ra”?
Si Elder Jeffrey R. Holland sa Korum sa Napulog Duha ka Apostoles mitudlo:
Imahe
Official Portrait of Elder Jeffrey R. Holland. Photographed January 2018.
Ang atong una ug pinakaimportante nga artikulo sa hugot nga pagtuo sa Ang Simbahan ni Jesukristo sa mga Santos sa Ulahing mga Adlaw mao nga “Kita nagtuo sa Dios, ang Amahan sa Kahangt[o]ran, ug sa Iyang Anak, si Jesukristo, ug sa Espiritu Santo” [ Mga Artikulo sa Hugot nga Pagtuo 1:1 ]. Kita nagtuo nga kining tulo ka balaanong mga tawo nga naglangkob sa usa ka Dios nga Kapangulohan nagkahiusa sa katuyoan, sa pamaagi, sa pagpamatuod, sa misyon. Kita nagtuo Kanila nga puno sa samang diosnong pagbati sa kaluoy ug gugma, kaangayan ug grasya, pailob, pagpasaylo, ug katubsanan. Sa akong hunahuna tukma kini sa pag-ingon nga kita nagtuo nga Sila usa sa mahinungdanon ug mahangt[o]rong kinaiya nga mahunahuna gawas nga kita wala magtuo Kanila nga tulo ka mga tawo nga giusa ra diha sa usa ka lawas, usa ka Trinitarian nga ideya nga dili gay[o]d pinasikad diha sa mga kasulatan tungod kay dili kini tinuod.
Sa unsang paagi mabati nimo ang tingog sa Maayong Magbalantay?
Ikonsiderar ang mosunod nga kalihokan isip usa ka opsiyon sa pagsugod sa seksiyon nga adunay susama nga ulohan sa leksiyon.
Taptapi ang usa ka estudyante o ipapiyong ang iyang mga mata. Kon mas dako ang klase, mas daghang estudyante ang mahimong taptapan. Dayon pagpili sa hilom ug pipila sa nahibilin nga mga estudyante ug dapita sila, tinagsa sa usa ka higayon, sa pagbasa og kusog sa Juan 10:27 . Tan-awa kon ang nataptapan nga mga estudyante makaila ba sa mga tingog sa mga estudyante nga nagbasa sa bersikulo.
Ikonsiderar ang pagpangutana “Unsa ang gikinahanglan aron mailhan og maayo ang tingog sa usa ka tawo gikan sa uban nga tingog?”
Uban pa nga Karnero
Sa Juan 10:16 , ang Manluluwas mitudlo sa mga Judeo sa Jerusalem nga Siya moduaw sa mga anak sa Dios nga anaa sa ubang mga yuta, motudlo kanila sa Iyang ebanghelyo, ug modala kanila ngadto sa Iyang panon (Iyang Simbahan). Ang Basahon ni Mormon naghatag og katin-awan niini nga bersikulo.
Mahimong basahon sa mga estudyante ang 3 Nephi 15:13–17, 21 ; 16:1–3 , nga mangita sa usa ka paagi sa pagkatuman niini nga panagna. Ikonsiderar ang pagsugyot nga i-cross reference sa mga estudyante kini nga mga bersikulo ngadto sa Juan 10:16 . Ang mga estudyante mahimong dapiton sa paghisgot kon unsay gitudto niini nga mga ideya ngari kanato mahitungod sa kinaiya ug misyon ni Jesukristo.
