Juan 7–10

Kinatibuk-ang Pagpasabot

Samtang anaa sa Jerusalem atol sa Kapistahan sa mga Tabernakulo, si Jesus mitudlo sa katawhan nga kon gusto sila nga mahibalo kon ang doktrina nga Iyang gitudlo iya ba sa Ginoo, kinahanglan nga sila magsunod niini. Iyang gitabangan ang usa ka babaye nga nasakpan nga nanapaw. Si Jesus mipamatuod nga Siya mao ang Kahayag sa Kalibotan ug miayo sa lalaki nga natawo nga buta. Si Jesus mitudlo nga Siya ang Maayong Magbalantay.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglanon aron makaandam daan para sa matag leksiyon.

Juan 7

Tumong sa leksiyon: Kini nga leksiyon makatabang sa mga estudyante sa pagdiskobre unsa ang ilang mabuhat aron mahibalo sa kamatuoran bahin sa pagtulon-an sa Langitnong Amahan ug ni Jesukristo.

Pagpangandam sa estudyante: Awhaga ang mga estudyante sa paghunahuna mahitungod sa kon si kinsa o unsa ang labing impluwensyal sa paghulma sa ilang kasamtangan nga pagsabot og mga gituohan mahitungod kang Jesukristo ug sa Iyang mga pagtulon-an. Dapita sila sa pagsulat sa ilang mga hunahuna ngadto sa usa ka papel og dad-on ang papel ngadto sa klase.

Content nga ipakita: Ang pamahayag ni Presidente Bonnie L. Oscarson
Mga materyal para sa mga estudyante: Akses sa Alang sa Kalig-on sa mga Kabatan-onan (booklet, 2011), sa digital o printa nga porma

Videoconference alang sa mga sugyot sa pagtudlo: Ang mga kasulatan nga anaa sa tsart mahimong mabahin tali sa mga estudyante ngadto sa breakout nga mga grupo. Ang kada estudyante mahimong mag-andam aron makapaambit kon unsa nga opinyon ni Jesukristo ang ilang nabasa.

Doktrinal nga Kahanas: Juan 7:17

Katuyoan sa leksiyon: Kini nga leksiyon makatabang sa mga estudyante sa pagmemorya niini nga pakisayran sa doktrinal nga kahanas ug mga mahinungdanong hugpong sa mga pulong sa kasulatan, pagpasabot sa doktrina, ug paggamit sa mga baroganan sa pagbaton ug espirituhanong kahibalo sa tinuod nga kahimtang sa kinabuhi.

Pagpangandam sa estudyante: Dapita ang mga estudyante sa paghunahuna mahitungod sa nagkalainlain nga mga sugo, mga pagtulon-an, o doktrina sa Manluluwas nga kinahanglang paningkamotan sa mga batan-on aron makabaton niana nga pagmatuod.

Sugyot sa pagtudlo pinaagi sa Videoconference: Ikonsiderar nga ipasundayag ang mga sulod sa Juan 7:17 sa Doktrinal nga Kahanas nga mobile app. (Sa pag-akses niini nga content, i-klik ang Memoryahon nga button, ug dayon ang Juan 7:17.) Ang mga estudyante mahimong mogamit sa app alang sa dungan nga pagmemorya sa mahinungdanong hugpong sa mga pulong sa kasulatan.

Juan 8

Katuyoan sa leksiyon: Kini nga leksiyon makatabang sa mga estudyante sa pag-angkon og ideya ngadto sa kinaiya ni Jesukristo ug matabangan sila nga mobati sa gahom sa Iyang kalooy.

Pagpangandam sa estudyante: Awhaga ang mga estudyante sa paghunahuna og panahon dihang sila nakahatag og kalooy sa uban o dihang sila nanginahanglan o naghandom og kalooy.

Juan 9

Tumong sa leksiyon: Kini nga leksiyon makatabang sa mga estudyante sa pagsabot unsaon sa pagpabilin nga matinud-anon sa unsay ilang nahibaloan mahitungod sa Manluluwas nga bisan sa kalisdanan makapalig-on sa ilang pagpamatuod Kaniya.

Pagpangandam sa estudyante: Dapita ang mga estudyante sa paghunahuna mahitungod sa mga panahon dihang sila nagpabilin nga matinud-anon sa ilang nahibaloan ug gituohan mahitungod ni Jesukristo samtang nakigharong sa oposisyon.

Juan 10

Tumong sa leksiyon: Kini nga leksiyon makatabang sa mga estudyante nga mobati og dugang nga pagsalig kang Jesukristo nga ilang Magbalantay ug makapalambo sa ilang tinguha nga makadungog sa Iyang tingog ug mosunod Kaniya.

Pagpangandam sa estudyante Dapita ang mga estudyante sa pagbasa sa mga sulod sa “ Maayong Magbalantay ” nga anaa sa Ang Giya ngadto sa mga Kasulatan. Hangyoa sila sa pag-andam og tubag sa pangutana nga “Ngano nga ang titulo nga ‘Maayong Manbalantay’ usa ka maayong paghulagway kang Jesukristo?”

Content nga ipasundayag: Hulagway sa Maayong Magbalantay

Sugyot sa pagtudlo pinaagi sa videoconference: Gamita ang whiteboard nga feature aron makadugang pa og lista diha sa listahan kon unsa ang mga nakat-onan sa mga estudyante mahitungod kang Kristo isip Maayong Magbalantay atol sa kinatibuk-an sa leksiyon.