លូកា ២:១–១៤
« នៅថ្ងៃនេះ មានព្រះអង្គសង្គ្រោះ១អង្គ ប្រសូតដល់អ្នករាល់គ្នា … »
យ៉ូសែប និងម៉ារាបានធ្វើដំណើរទៅកាន់ភូមិបេថ្លេហិម ជាកន្លែងដែលព្រះយេស៊ូវបានប្រសូត ។ ទេវតាមួយអង្គបានប្រកាសពីការប្រសូតរបស់ព្រះអង្គសង្គ្រោះដល់ពួកអ្នកគង្វាលនៅជិតភូមិបេថ្លេហិម ( សូមមើល លូកា ២:៩–១២ ) « ហើយ … នោះស្រាប់តែមានពួកពលបរិវារកកកុញពីស្ថានសួគ៌ មកនៅជាមួយនឹងទេវតានោះ ក៏ពោលសរសើរដល់ព្រះថា សួស្តីដល់ព្រះនៅស្ថានដ៏ខ្ពស់បំផុត ហើយសេចក្តីសុខសាន្តនៅផែនដី នៅកណ្តាលមនុស្ស ដែលជាទីគាប់ព្រះហឫទ័យដល់ទ្រង់ » ( លូកា ២:១៣–១៤ ) ។ មេរៀននេះមានគោលបំណងជួយអ្នកឲ្យពិនិត្យមើលព្រឹត្តិការណ៍នៃការប្រសូតរបស់ព្រះអង្គសង្រ្គោះ ហើយណែនាំអ្នកអំពីគោលលទ្ធិដែលបានបង្រៀននៅក្នុងវគ្គបទគម្ពីរចំណេះចំណានខាងគោលលទ្ធិ លូកា ២:១០–១២ ។ អ្នកនឹងសិក្សាពីតួនាទីរបស់ព្រះយេស៊ូវគ្រីស្ទជាព្រះអង្គសង្រ្គោះរបស់អ្នក ហើយរៀនពីអ្វីដែលទ្រង់បានជួយសង្រ្គោះអ្នក ដើម្បីអ្នកក៏អាចបានតម្កើងឡើង និងសរសើរដល់ព្រះចំពោះអំណោយទាននៃព្រះរាជបុត្រារបស់ទ្រង់ ដូចជាពួកទេវតាបានធ្វើដែរ ។
ការបង្រៀនចំណេះចំណានខាងគោលលទ្ធិ ។ មេរៀនពីរទាក់ទងនឹងវគ្គបទគម្ពីរចំណេះចំណានខាងគោលលទ្ធិនីមួយៗ ៖ មេរៀនមួយមានខ្លឹមសារសំខាន់ ដែលណែនាំទាក់ទងនឹងបរិបទនៃវគ្គបទគម្ពីរ ហើយមេរៀនមួយទៀតលើកទឹកចិត្តសិស្សឲ្យពន្យល់ពីគោលលទ្ធិ ទន្ទេញឃ្លាបទគម្ពីរសំខាន់ៗ និងសេចក្ដីយោង និងអនុវត្តប្រើគោលការណ៍ទទួលបានចំណេះដឹងខាងវិញ្ញាណ ។ នេះជាមេរៀនដែលមានខ្លឹមសារសំខាន់ ។
ការរៀបចំរបស់សិស្ស ៖ បើអាចធ្វើបាន សូមអញ្ជើញសិស្សឲ្យមើលវីដេអូ « Why We Need a Savior—A Christmas Message about Our Savior Jesus Christ » ( ២:១៥ ) ដែលមាននៅលើគេហទំព័រ ChurchofJesusChrist.org ។ សូមអញ្ជើញពួកគេឲ្យគិតអំពីមូលហេតុដែល ពួកគេ ត្រូវការព្រះអង្គសង្រ្គោះ នៅពេលពួកគេមើលវីដេអូនេះ ។
សកម្មភាពរៀនសូត្រដែលអាចមាន
ប្រសូតិកម្ម
សូមយកតុក្កតានៃប្រសូតិកម្មតូចមួយឈុតមក ឬបង្ហាញរូបភាពនៃប្រសូតិកម្ម ។
-
តើព័ត៌មានលម្អិតអ្វីខ្លះដែលអ្នកចូលចិត្តអំពីប្រសូតិកម្ម ?
-
ហេតុអ្វីបានជាព័ត៌មានលម្អិតទាំងនេះសំខាន់ចំពោះអ្នក ?
សិស្សអាចអានខគម្ពីរខាងក្រោមជាលក្ខណៈបុគ្គល ជាគូៗ ឬជាក្រុមតូចៗ ឬពួកគេអាចផ្ទៀងតាម នៅពេលអ្នកអានម្នាក់ចាប់អាន ។
សូមអាន លូកា ២:១–១៤ ដោយស្វែងរកព័ត៌មានលម្អិតទាំងនោះដែលសំខាន់ចំពោះអ្នក ឬព័ត៌មានលម្អិតថ្មីៗដែលអ្នកប្រហែលជាមិនបានកត់សម្គាល់ពីមុនមកនៅក្នុងប្រសូតិកម្ម ។
-
តើមានព័ត៌មានលម្អិតអ្វីខ្លះនៅក្នុងប្រសូតិកម្ម ដែលអ្នកបានកត់សម្គាល់ឃើញថាមានសារៈសំខាន់ចំពោះអ្នក ?
ប្រសិនបើសិស្សសង្កេតមើលការបង្ហាញ ឬរូបភាពអំពីប្រសូតិកម្ម នោះវាអាចមានប្រយោជន៍ដើម្បីអញ្ជើញពួកគេឲ្យពន្យល់ពីអ្វីដែលមាននៅក្នុងការបង្ហាញនោះ ដែលមិនមែនជាផ្នែកនៃរឿងរ៉ាវនៅក្នុង លូកា ២:១–១៤ ។ ជាពិសេស វាអាចមានអត្ថប្រយោជន៍ដើម្បីពន្យល់ថា ទាំងដំណើររឿងអំពីផ្កាយ និងពួកហោរាមិនត្រូវបានសរសេរនៅក្នុងដំណើររឿងរបស់ លូកា អំពីប្រសូតិកម្មនោះទេ ពីព្រោះព្រឹត្តិការណ៍ទាំងនេះបានកើតឡើងពីរបីឆ្នាំបន្ទាប់ពីការប្រសូតរបស់ព្រះអង្គសង្គ្រោះ ( សូមមើល ម៉ាថាយ ២:១–១២ ) ។
សូមអាន លូកា ២:១០–១២ ម្ដងទៀត ដោយរកមើលពីរបៀបដែលទេវតាបានប្រកាសពីការប្រសូតរបស់ព្រះយេស៊ូវ ។
លូកា ២:១០–១២ គឺជាវគ្គបទគម្ពីរចំណេះចំណានខាងគោលលទ្ធិ ។ មេរៀននេះនឹងជួយសិស្សឲ្យសិក្សាវគ្គបទគម្ពីរចំណេះចំណានខាងគោលលទ្ធិនៅក្នុងបរិបទរបស់វា ។ មេរៀនបន្ទាប់នឹងផ្តល់ឱកាសឲ្យសិស្សពន្យល់ពីគោលលទ្ធិដែលបានបង្រៀននៅក្នុងវគ្គបទគម្ពីរនេះ ទន្ទេញឃ្លាបទគម្ពីរសំខាន់ៗ និងសេចក្ដីយោង ហើយអនុវត្តដោយប្រើគោលការណ៍នៃការទទួលបានចំណេះដឹងខាងវិញ្ញាណ ។
-
តើព្រះបរមងារទីមួយ ដែលទេវតាបានប្រើសម្រាប់ព្រះយេស៊ូវគ្រីស្ទ ពេលដែលទេវតាប្រកាសពីការប្រសូតរបស់ព្រះយេស៊ូវដល់ពួកអ្នកគង្វាលគឺជាអ្វី ?
-
ហេតុអ្វីបានជាវាសំខាន់ថា ក្នុងចំណោមព្រះបរមងារទាំងអស់ដែលព្រះយេស៊ូវគ្រីស្ទមាន នេះគឺជាព្រះបរមងារដែលទេវតាបានប្រើដើម្បីប្រកាសពីការប្រសូតរបស់ទ្រង់ ?
វាអាចមានអត្ថប្រយោជន៍ក្នុងការដឹងថា នៅក្នុងការបកប្រែពីភាសាព្រះគម្ពីរប៊ីបដើមជាភាសាក្រិក ពាក្យដែលត្រូវបានប្រើសម្រាប់ ព្រះអង្គសង្រ្គោះ ក៏មានន័យផងដែរថាជា អ្នករំដោះ ឬ អ្នកសង្គ្រោះ ។
សេចក្តីពិតមួយដែលវគ្គបទគម្ពីរនេះបង្រៀនគឺថា ព្រះយេស៊ូវគ្រីស្ទគឺជាព្រះអង្គសង្គ្រោះនៃពិភពលោកនេះ ។
យើងត្រូវការព្រះអង្គសង្រ្គោះ
អែលឌើរ ឌី ថត គ្រីស្តូហ្វឺសិន នៃកូរ៉ុមនៃពួកសាវកដប់ពីរនាក់ បានចែករំលែកបទពិសោធន៍ដូចខាងក្រោមនេះ ៖
ជាច្រើនឆ្នំាកន្លងទៅ មានមនុស្សម្នាក់ដែលជាសមាជិកនៃសាសនាចក្រជាច្រើនឆ្នាំមកហើយនោះបានសួរខ្ញុំថា « ហេតុអ្វីខ្ញុំត្រូវការព្រះយេស៊ូវគ្រីស្ទ ? ខ្ញុំកាន់តាមព្រះបញ្ញត្តិ ហើយខ្ញុំគឺជាមនុស្សល្អ ។ ហេតុអ្វីខ្ញុំត្រូវការព្រះអង្គសង្គ្រោះ ? » ខ្ញុំអាចនិយាយបានថា ការដែលសមាជិករូបនេះខកខានមិនយល់ពីផ្នែកដ៏សំខាន់បំផុតនៃគោលលទ្ធិរបស់យើង ដែលជាធាតុផ្សំនៃមូលដ្ឋានគ្រឹះនៃផែនការនៃសេចក្តីសង្គ្រោះ បានធ្វើឲ្យខ្ញុំមានការភ្ញាក់ផ្អើលយ៉ាងខ្លាំង ។
( ឌី ថត គ្រីស្តូហ្វឺសិន « Why We Need Jesus Christ » Ensign ខែ ធ្នូ ឆ្នាំ ២០២០ ទំព័រ ១៩–២០ )
សូមចំណាយពេលបន្តិចដើម្បីពិចារណាពីរបៀបដែលអ្នកនឹងឆ្លើយតប ដោយផ្អែកលើគំនិត និងអារម្មណ៍ផ្ទាល់ខ្លួនរបស់អ្នក ប្រសិនបើអ្នកជាអែលឌើរ គ្រីស្តូហ្វឺសិននោះ ។
យើងអាចរៀនអំពីតម្រូវការរបស់យើងដើម្បីមានព្រះអង្គសង្រ្គោះ តាមរយៈការសិក្សាបទគម្ពីរ និងពាក្យសម្ដីរបស់ពួកព្យាការី ( សូមមើល យ៉ាកុប ៧:១១ ) ។
ការជួយសិស្សឲ្យរៀនពីរបៀបយោងខគម្ពីរឆ្លង អាចជួយពួកគេឲ្យសិក្សាកាន់តែជ្រៅជ្រះ រកឃើញទំនាក់ទំនងខាងគោលលទ្ធិចេញពីវគ្គបទគម្ពីរខុសៗគ្នា ហើយបង្កើនចំណេះដឹងខាងបទគម្ពីររបស់ពួកគេ ។ សូមពិចារណាសួរសិស្សអំពីរបៀបដែលពួកគេបានប្រើខគម្ពីរយោងឆ្លង នៅក្នុងការសិក្សារបស់ពួកគេ និងរបៀបដែលការប្រើការយោងខគម្ពីរឆ្លងនោះបានជួយពួកគេ ។
ជំនាញសិក្សាព្រះគម្ពីរដែលអាចជួយបង្កើនការយល់ដឹងរបស់អ្នកអំពីគោលលទ្ធិ និងគោលការណ៍ គឺការបង្កើតសេចក្តីយោងឆ្លងខគម្ពីរនៅក្នុងព្រះគម្ពីររបស់អ្នក ។ ដើម្បីធ្វើសេចក្ដីយោងខគម្ពីរឆ្លង សូមបង្កើតតំណមួយនៅក្នុងកម្មវិធីបណ្ណាល័យដំណឹងល្អ ឬភ្ជាប់ខគម្ពីរដែលទាក់ទងគ្នានោះ តាមរយៈការកត់ត្រាសេចក្តីយោងបទគម្ពីរមួយនៅជិតនឹងវគ្គបទគម្ពីរមួយទៀត ។
សូមសិក្សាវគ្គបទគម្ពីរខាងក្រោម ៣ ទៅ ៤ វគ្គ ដើម្បីជួយឆ្លើយសំណួរ « ហេតុអ្វីបានជាខ្ញុំត្រូវការព្រះអង្គសង្គ្រោះ ? »ហើយ « តើទ្រង់សង្គ្រោះខ្ញុំពីអ្វី ? » សូមពិចារណាធ្វើសេចក្តីយោងឆ្លងខគម្ពីរទាំងនេះ ដោយការភ្ជាប់វាទៅ លូកា ២:១០–១២ នៅក្នុងកម្មវិធីបណ្ណាល័យដំណឹងល្អ ឬដោយការកត់ត្រាសេចក្ដីយោង លូកា ២:១០–១២ នៅក្បែរខគម្ពីរដែលអ្នកសិក្សា ។
សូមពិចារណាសរសេរសំណួរថា « ហេតុអ្វីបានជាខ្ញុំត្រូវការព្រះអង្គសង្គ្រោះ ? » ហើយ « តើទ្រង់សង្គ្រោះខ្ញុំពីអ្វី ? » ដាក់នៅលើក្តារខៀន ។ អ្នកពុំចាំបាច់ត្រូវប្រើ ឬបង្ហាញសេចក្ដីយោងបទគម្ពីរដូចតទៅនេះទាំងអស់នោះទេ ។ ដោយផ្អែកលើសមត្ថភាពរបស់សិស្ស សកម្មភាពស្វែងរកបទគម្ពីរខាងក្រោមនេះអាចធ្វើឡើងដោយសិស្សជាគូៗ ឬជាក្រុមតូចៗដោយមិនមានសេចក្ដីយោងឡើយ ។
នៅពេលសិស្សសរសេរចម្លើយរបស់ពួកគេរួចហើយ សូមឲ្យសិស្សពីរបីនាក់ចែករំលែកនូវអ្វីដែលពួកគេបានសរសេរ ឬអញ្ជើាញដៃគូទាំងឡាយឲ្យចែករំលែកជាមួយដៃគូជិតខាង ។ សូមធានាឲ្យបានថា សិស្សយល់ថា ព្រះយេស៊ូវគ្រីស្ទសង្គ្រោះយើងពីអំពីបាបរបស់យើង ប្រសិនបើយើងប្រែចិត្ត និងពីការស្លាប់ខាងរូបកាយតាមរយៈការរស់ឡើងវិញជាសកល ។ ព្រះអង្គសង្គ្រោះក៏អាចលួងលោមយើង និងគាំទ្រយើង នៅពេលយើងជួបការលំបាកផងដែរ ។
-
តើអ្នកជ្រើសយកបទគម្ពីរអ្វីខ្លះ ?
-
តើបទគម្ពីរទាំងនេះជួយអ្នកឲ្យឆ្លើយសំណួរ « ហេតុអ្វីបានជាខ្ញុំត្រូវការព្រះអង្គសង្គ្រោះ ? »ហើយ « តើទ្រង់សង្គ្រោះខ្ញុំពីអ្វី ? » យ៉ាងដូចម្តេច ?
អាស្រ័យលើពេលវេលាដែលមាន ហើយប្រសិនបើសិស្សត្រូវការជំនួយបន្ថែមដើម្បីយល់ពីមូលហេតុដែលយើងត្រូវការព្រះអង្គសង្រ្គោះ សូមពិចារណាបង្ហាញវីដេអូខាងក្រោម ។ សិស្សមួយចំនួនប្រហែលជាបានមើលវីដេអូនេះរួចហើយ ប្រសិនបើពួកគេបានបញ្ចប់ផ្នែកការរៀបចំរបស់សិស្សនោះ ។ សិស្សក៏អាចចែករំលែកពីរបៀប ដែលពួកគេបានទទួលពរជ័យពីព្រះអង្គសង្គ្រោះផងដែរ ។
សូមមើលវីដេអូ « Why We Need a Savior—A Christmas Message about Our Savior Jesus Christ » ( ២:១៥ ) ដែលមាននៅលើគេហទំព័រ ChurchofJesusChrist.org ។ វីដេអូនេះមាននៅលើគេហទំព័រ ChurchofJesusChrist.org ។
អែលឌើរ គ្រីស្តូហ្វឺសិន បានថ្លែងទីបន្ទាល់អំពីពរជ័យមួយចំនួនដែលយើងទទួលបានតាមរយៈព្រះយេស៊ូវគ្រីស្ទ ៖
ដោយសារតែដង្វាយធួនរបស់ព្រះយេស៊ូវគ្រីស្ទ នោះយើងអាចបានជាសះស្បើយពីការជ្រើសរើសមិនល្អ ។ ដោយសារតែដង្វាយធួនរបស់ព្រះយេស៊ូវគ្រីស្ទ នោះឥទ្ធិពលនៃអំពើបាប និងកំហុសរបស់អ្នកដទៃមកលើយើង ព្រមទាំងរាល់សេចក្តីយុត្តិធម៌ទាំងឡាយនឹងត្រូវកែតម្រូវឡើងវិញ ។ យើងត្រូវការព្រះអង្គសង្គ្រោះដើម្បីបានជាសះស្បើយទាំងស្រុង និងបានក្លាយជាបរិសុទ្ធទាំងស្រុង ។
( ឌី ថត គ្រីស្តូហ្វឺសិន « Why We Need Jesus Christ » Ensign ខែ ធ្នូ ឆ្នាំ ២០២០ ទំព័រ ២២ )
នៅក្នុង លូកា ២:១០ ទេវតាបានប្រកាសថា « ខ្ញុំមកប្រាប់ដំណឹងល្អដល់អ្នករាល់គ្នាពីសេចក្តីអំណរយ៉ាងអស្ចារ្យ » ។
Answer at least one of the following questions:
-
តើអ្នកបានរកឃើញ « សេចក្តីអំណរយ៉ាងអស្ចារ្យ » នៅក្នុងព្រះអង្គសង្គ្រោះរបស់អ្នក ដែលជាព្រះយេស៊ូវគ្រីស្ទដោយរបៀបណា ?
-
តើយើងអាចធ្វើអ្វីខ្លះដើម្បីបង្កើនសេចក្តីអំណររបស់យើងនៅក្នុងព្រះអង្គសង្គ្រោះ ?
សូមអញ្ជើញសិស្សដែលស្ម័គ្រចិត្តឲ្យថ្លែងទីបន្ទាល់អំពីសេចក្តីអំណរនៃការប្រោសលោះ ដែលពួកគេមានដោយសារព្រះអង្គសង្គ្រោះព្រះយេស៊ូវគ្រីស្ទ ។ សូមពិចារណាថ្លែងទីបន្ទាល់ផងដែរ ។
វិចារណកថា និង ព័ត៌មានសាច់រឿង
ហេតុអ្វីម៉ារា និងយ៉ូសែប ទៅភូមិបេថ្លេហិមដើម្បីបង់ពន្ធ ?
សេសារ-អូគូស្ទ គឺជាមេដឹកនាំរ៉ូម៉ាំងដែលមានសមត្ថភាព និងស្វាហាប់ដែលបានសោយរាជ្យ—ពីឆ្នាំ ៣១ មុន គ.ស. ដល់ ឆ្នាំ ១៤ នៃ គ.ស. —ត្រូវបានចារទុកដោយការមានសណ្តាប់ធ្នាប់ និងការអនុវត្តច្បាប់ ។ « បញ្ជី » ដែលបានលើកឡើងនៅក្នុង លូកា ២:២ តាមពិតគឺជាការចុះឈ្មោះ [ ឬជំរឿន ] មនុស្សសម្រាប់គោលបំណងបង់ពន្ធនាពេលអនាគត ជាការចុះឈ្មោះដែលតម្រូវឲ្យអ្នកជាប់ពន្ធចុះនូវព័ត៌មានចាំបាច់ ។ ដោយសារទាំងយ៉ូសែប និងម៉ារាជាកូនចៅរបស់ស្តេចដាវីឌ នោះពួកលោកត្រូវធ្វើដំណើរទៅភូមិបេថ្លេហិមដែលជាស្រុកកំណើតរបស់ស្តេចដាវីឌ ។ … ព្យាការីទាំងឡាយពីបុរាណបានថ្លែងទីបន្ទាល់ថា ព្រះមែស៊ីនឹងប្រសូតនៅភូមិបេថ្លេហិមនៅដែនដីយេរូសាឡិម ( សូមមើល មីកា ៥:២ ; អាលម៉ា ៧:១០ ) ។ភូមិបេថ្លេហិមមានចម្ងាយប្រហែល ៨៥–៩០ ម៉ៃល៍ ( ១៣៧–១៤៥ គីឡូម៉ែត្រ ) នៅភាគខាងត្បូងក្រុងណាសារ៉ែត ដែលដើរយ៉ាងហោចណាស់បួនទៅប្រាំថ្ងៃ ហើយសម្រាប់ស្ថានភាពរបស់ ម៉ារា ប្រហែលជាត្រូវចំណាយពេលយូរជាងនេះ ។
( សៀវភៅសិក្សាព្រះគម្ពីរសញ្ញាថ្មីសម្រាប់សិស្ស [ ឆ្នាំ ២០១៤ ] ទំព័រ ១៤៣ )
សកម្មភាពរៀនសូត្របន្ថែម
« ព្រះអង្គសង្គ្រោះ ១ អង្គប្រសូត »
សូមពិចារណាបង្ហាញវីដេអូ « A Savior Is Born—Christmas Video » ( ២:០០ ) ដែលមាននៅលើគេហទំព័រ ChurchofJesusChrist.org ។ សូមអញ្ជើញសិស្សឲ្យស្តាប់នូវអ្វីដែលការប្រកាសអំពីការប្រសូតរបស់ព្រះអង្គសង្គ្រោះមានអត្ថន័យសម្រាប់ជីវិតរបស់យើងម្នាក់ៗ ហើយបន្ទាប់មក សូមអញ្ជើញពួកគេឲ្យចែកចាយនូវអ្វីដែលពួកគេបានរៀន និងមានអារម្មណ៍ ។
A Savior Is Born—Christmas Video
ការរកឃើញសេចក្តីអំណរក្នុងព្រះអង្គសង្រ្គោះ
សូមបង្ហាញខ្សែភាពយន្ដខ្លីដែលមានចំណងជើងថា The Christ Child: A Nativity Story ( ១៧:៥៧ ) ដែលមាននៅលើគេហទំព័រ ChurchofJesusChrist.org ។ សូមពិចារណាបង្ហាញវគ្គដូចខាងក្រោម ។ សូមទុកពេលឲ្យសិស្សបន្ទាប់ពីវគ្គនីមួយៗ ដើម្បីពិភាក្សាពីរបៀបដែលបុគ្គលម្នាក់ៗបានបង្ហាញសេចក្តីអំណររបស់ពួកគេចំពោះការប្រសូតរបស់ព្រះអង្គសង្រ្គោះ ។
ម៉ារា និងយ៉ូសែប ៖ លេខកូដពេលវេលា ០:០០ ដល់ ៨:៥៦
អ្នកគង្វាល និងពួកទេវតា ៖ លេខកូដពេលវេលា ៨:៥៦ ដល់ ១១:៣០
ពួកហោរា ៖ លេខកូដពេលវេលា ១១:៣០ ដល់ ១២:៤២ និង ១៣:៤៤ ដល់ ១៧:១៥
« អំណរដល់លោក »
សូមពិចារណាច្រៀងទំនុកតម្កើងបទ « អំណរដល់លោក » ( ទំនុកតម្កើង ល.រ. ១២៤ ) ។ សិស្សក៏អាចទទួលបានអត្ថប្រយោជន៍ពីការពិភាក្សាអំពីគោលការណ៍ដូចតទៅនេះផងដែរ ៖ ដោយសារតែព្រះយេស៊ូវគ្រីស្ទជាព្រះអង្គសង្គ្រោះរបស់ខ្ញុំ នោះខ្ញុំអាចដកពិសោធន៍នូវសេចក្ដីអំណរបាន ។ សិស្សអាចនិយាយអំពីរបៀបដែលព្រះយេស៊ូវគ្រីស្ទគឺជាប្រភពនៃសេចក្តីអំណរ និងរបៀបដែលពួកគេបានដកពិសោធន៍នូវសេចក្ដីអំណរ ពីព្រោះទ្រង់ជាព្រះអង្គសង្គ្រោះរបស់ពួកគេ ។
។; « ដំណឹងល្អដល់អ្នករាល់គ្នាពីសេចក្តីអំណរយ៉ាងអស្ចារ្យ »
នៅក្នុង លូកា ២:១០ ទេវតាបានប្រកាសថា « ខ្ញុំមកប្រាប់ដំណឹងល្អដល់អ្នករាល់គ្នាពីសេចក្តីអំណរយ៉ាងអស្ចារ្យ » ។ សូមពិចារណាធ្វើសេចក្តីយោងឆ្លងខគម្ពីរនេះ ជាមួយការប្រកាសរបស់ទេវតាអំពីព្រះអង្គសង្គ្រោះដល់ស្តេចបេនយ៉ាមីនដែលបានកត់ត្រានៅក្នុង ម៉ូសាយ ៣:៣–៥ ។