Lluka 2:40–52

Jezusi “Rritej dhe Forcohej në Frymë”

Jesus teaching in the temple as a young boy.

Kur ishte i ri, Shpëtimtari e dha mësim ungjillin në mënyrë kaq të fuqishme saqë edhe mësuesit në tempull “habiteshin nga zgjuarsia e tij dhe nga përgjigjet e tij” (Lluka 2:47). Ky mësim ka për qëllim të forcojë dëshirën tënde për të qenë si Jezu Krishti duke kërkuar të zhvillohesh nga ana intelektuale, fizike, shpirtërore dhe shoqërore. Gjithashtu do të kesh mundësinë t’i vlerësosh synimet e tua aktuale te Zhvillimi Vetjak: Libër Udhëzues për Rininë (2019) ose për të krijuar të reja.

Përqendrimi në përvojën e nxënësve. Nxënësit mësojnë kur janë aktivë në procesin e të mësuarit dhe e vënë në jetë ungjillin. Ndërsa u jepni mësim, përqendrohuni tek ajo që një nxënës duhet të përjetojë dhe bëjë për të ftuar zbulesën vetjake dhe për ta thelluar kthimin në besim. Ndërsa nxënësit i rritin njohuritë e tyre dhe jetojnë në përputhje me to, ata do të bëhen më të kthyer në besim te Shpëtimtari dhe ungjilli i Tij.

Përgatitja e nxënësve: Ftojini nxënësit të shqyrtojnë synimet që kanë vënë si pjesë e programit Fëmijët dhe Rinia. Kërkojuni atyre të mendojnë se si po i ndihmojnë këto synime të bëhen më shumë si Jezu Krishti. Nëse është e mundur, thuajuni të sjellin në klasë një kopje të materialit Zhvillimi Vetjak: Libër Udhëzues për Rininë.

Veprimtari të Mundshme të të Mësuarit

Jezusi u rrit dhe u zhvillua në rininë e Tij

Paraqitini figurat e mëposhtme dhe jepuni nxënësve një ose dy minuta për t’i studiuar. Nëse këto figura nuk janë në dispozicion, kërkojuni nxënësve të përfytyrojnë Jezusin teksa rritej.

Studioji këto figura të Shpëtimtarit në rininë e Tij. Mendo se çfarë sugjerojnë për Jezusin hollësitë në secilën prej këtyre figurave.

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.

Christ as a youth learning carpentry skills in a carpenter’s shop. Joseph, the husband of Mary, is watching him.

Jesus Christ depicted as a child with his mother Mary. Christ is kneeling beside Mary and resting His clasped hands on Mary’s lap. Mary has her head bowed as she and the young Christ pray. There is an oil lamp burning on a table next to the mother and son.

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Nxitini nxënësit të ruajnë nderimin për Shpëtimtarin ndërsa i përgjigjen pyetjes së mëposhtme. Një pyetje tjetër mund të ishte: “Çfarë do të dëshiroje të dije për Shpëtimtarin në rininë e Tij?”

• Në ç’mënyrë njohuria se si ishte Jezusi në rininë e Tij, mund të të ndihmojë si një i ri apo e re?

Ne kemi pak hollësi rreth rinisë së Jezusit, por ato që janë shënuar mund të jenë një bekim dhe udhërrëfim i madh për ty teksa kërkon të zhvillohesh dhe të përparosh. Ndërsa mëson për rininë e Shpëtimtarit, kërko të vërteta që mund të të ndihmojnë të dish se në cilat fusha duhet të përqendrohesh ndërsa përpiqesh të bëhesh më shumë si Ati ynë Qiellor dhe Jezu Krishti.

Lexo te Lluka 2:40–52 dhe Përkthimi prej Joseph Smith-it, Mateu 3:24–26 (në shtojcën Përkthimi i Joseph Smith-it), duke kërkuar hollësi se si ishte Shpëtimtari kur ishte i ri. Shenjoje atë që gjen nëse dëshiron.

Vini re se fraza “forcohej në frymë” ( Lluka 2:40 ; shih edhe Përkthimi prej Joseph Smith-it, Mateu 3:24 [në shtojcën Përkthimi i Joseph Smith-it) do të thotë që Jezusi u rrit ose u zhvillua me forcë shpirtërore. Mund të jetë e dobishme të dini se sipas Përkthimit prej Joseph Smith-it të Lluka 2:46 (në shtojcën Përkthimi i Joseph Smith-it), Jezusi fëmijë nuk po i dëgjonte mjekët apo skribët, dhe po u bënte pyetje, por “ata po e dëgjonin dhe po i bënin pyetje”.

• Çfarë të mëson ky rrëfim rreth faktit se si ishte Jezusi kur ishte i ri?

• Çfarë të mëson vargu 52 për mënyrën se si Jezusi u rrit dhe u zhvillua në rininë e Tij?

Nga Lluka 2:52 ne mësojmë se e ndjekim shembullin e Jezu Krishtit ndërsa përmirësohemi nga ana intelektuale, fizike, shpirtërore dhe shoqërore.

Shkruajini në tabelë ose paraqitini fjalët e mëposhtme: Intelektuale, Fizike, Shpirtërore dhe Shoqërore. Pastaj bëni pyetjet e mëposhtme:

• Cilët janë disa shembuj nga shkrimet e shenjta në të cilat Jezu Krishti i demonstroi aftësitë e Tij në këto katër fusha?

• Për çfarë arsyesh do të doje ta ndiqje shembullin e Shpëtimtarit në këto katër fusha të jetës?

Kjo pjesë e mësimit është hartuar për t’i ndihmuar nxënësit të përdorin materialin Zhvillimi Vetjak: Libër Udhëzues për Rininë për të vendosur synime. Jini të ndjeshëm ndaj nevojave të nxënësve që nuk janë të interesuar apo nuk e njohin këtë libër udhëzues. Nxënësit të cilët tashmë janë duke punuar me synimet e tyre për zhvillim, mund të jenë një burim i mirë në diskutim.

Merreni parasysh t’u dërgoni një mesazh prindërve dhe udhëheqësve të Kishës për t’i informuar se nxënësit i diskutuan këto synime në seminar. Kjo do t’i ndihmojë prindërit dhe udhëheqësit të ndjekin ecurinë e të rinjve dhe të rejave.

Profetët i kanë sfiduar të rinjtë dhe të rejat e Kishës që të ndjekin shembullin e Shpëtimtarit të demonstruar te Lluka 2:52 dhe udhëheqësit e Kishës kanë paraqitur materialin Zhvillimi Vetjak: Libër Udhëzues për Rininë për të të ndihmuar.

Në varësi të madhësisë së klasës, nxënësit mund të ndahen në katër grupe për të diskutuar një nga katër aspektet e zhvillimit. Nxitini nxënësit të japin ide për mënyrat e ndryshme se si mund të rriten dhe zhvillohen në këto fusha dhe synime të ndryshme që mund të vendosin. Në fund të diskutimit, ftoni një anëtar të secilit grup të japë idetë e tyre.

Objektivi i materialit Zhvillimi Vetjak: Libër Udhëzues për Rininë është “të forc[ohet] besimi [juaj] në Jezu Krisht dhe … t’ju ndihm[ojë] ju dhe familjen tuaj që të përparoni përgjatë shtegut të besëlidhjeve ndërsa përballeni me sfidat e jetës” (“Çfarë është nisma Fëmijët dhe Rinia?” ChurchofJesusChrist.org). Përveç variantit të shtypur të këtij libri udhëzues, është në dispozicion edhe varianti digjital. Mund ta gjesh variantin digjital te programet Gospel Library [Biblioteka e Ungjillit] dhe Gospel Living [Të Jetuarit e Ungjillit].

Duke ndjekur shembullin e Shpëtimtarit, edhe ti mund të rritesh në mënyrë të baraspeshuar në këto katër fusha të jetës sate: shpirtërore, shoqërore, fizike dhe intelektuale. Kërkoje frymëzimin e Frymës së Shenjtë ndërsa vendos synime. Dëgjoji nxitjet që mund të të ndihmojnë të kuptosh se ku Zoti dëshiron të të ndihmojë ta përqendrosh zhvillimin tënd për t’u bërë si Ai. Disa ide mund t’i gjesh në faqet e mëposhtme të internetit:

Faqja “Për Rininë” e këndit të internetit “Fëmijët dhe Rinia”

Lista e njoftimeve “Frymëzim” e programit Gospel Living [Të Jetuarit e Ungjillit]

Në kopjen tënde të materialit Zhvillimi Vetjak: Libër Udhëzues për Rininë, merr parasysh të vendosësh synime në këto katër fusha të jetës sate. Nëse ke filluar të punosh me synimet e tua, vlerëso se si po ecën dhe bëj rishikime sipas nevojës. Diskutoji rregullisht synimet e tua me prindërit e tu dhe udhëheqësit e Kishës. Gjithashtu mund t’i shpërndash synimet e tua dhe çdo përvojë duke përdorur etiketimin #StrivetoBe.

Jezu Krishti do të të ndihmojë ndërsa vendos synime dhe përpiqesh të bëhesh si Ai. Ai ka premtuar se ndërsa vjen tek Ai dhe ushtron besim me përulësi, Ai do të “bëj[ë] që gjërat e dobëta, të bëhen të forta” ( Ethëri 12:27).

Ftojini nxënësit që kanë pasur përvoja pozitive në punën me synimet e tyre që të japin përvojat e tyre. Nxitini nxënësit të japin përvojat e tyre duke përdorur etiketimin #StrivetoBe.Nëse asnjë nga nxënësit nuk po merr pjesë aktualisht në këtë program, merrni parasysh të ftoni një udhëheqës/e të të rinjve dhe të rejave në klasë që të japë udhërrëfim dhe drejtim.Përzgjidhni disa ose të gjitha pyetjet e mëposhtme që nxënësit t’u japin përgjigje në ditarët e tyre të studimit dhe, nëse koha lejon, të diskutojnë si klasë.

• Çfarë do të dëshiroje të përmirësoje në këtë fushë të jetës sate? Përse?

• Në çfarë mënyrash do të të ndihmojë zhvillimi në këtë fushë të bëhesh më shumë si Shpëtimtari?

• Çfarë pengesash mund të hasësh?

• Si do ta kërkosh ndihmën dhe udhërrëfimin e Atit Qiellor?

Komente dhe Informacion për Rrethanat