Christ is sitting down on the ground in the temple teaching a group of people. Outtakes included some more of Jesus teaching, the other outtakes with this image are from a different title: “Jesus Christ. Light of the World” showing Christ after the event of the Woman taken in Adultery and the Jews questioning his authority.
Gipamatud-an sa Manluluwas nga mas makaila kita sa Langitnong Amahan pinaagi sa pagtuon sa ehemplo sa Iyang Anak. Ang tanang gisulti ug gibuhat ni Jesukristo nagsunod sa ehemplo sa Iyang Amahan ug tinguha niini nga mas hingpit kitang dalhon ngadto sa Amahan. Makatabang kanimo kini nga leksiyon nga mas masabtan kon unsa ang Langitnong Amahan ug kon unsa ang Iyang gibati mahitungod kanimo.
Pagtabang sa mga estudyante nga makakat-on. Malig-on ang mga estudyante kon mangita sila sa mga kasulatan para sa pagsabot ug pagdiskobre sa mga kamatuoran sa ebanghelyo para sa ilang mga kaugalingon. Kinahanglan nga sila mahatagan og mga oportunidad sa pagpasabot sa ebanghelyo sa ilang kaugalingon nga mga pulong ug sa pagpaambit ug sa pagpamatuod sa unsay ilang nahibaloan ug gibati. Kini magtabang nga sila molambo gikan sa intelektuwal nga kahibalo mahitungod sa ebanghelyo ngadto sa pagbati nga kini tinuod.
Pag-andam sa estudyante: Awhaga ang mga estudyante nga hunahunaon ang ilang relasyon sa Langitnong Amahan ug sa unsang paagi nila mapalig-on kini.
Mga Posible nga Kalihokan sa Pagkat-on
Gituki niini nga leksiyon ang sulod nga tukion sa Dali, Sunod Kanako kung tun-an sa mga indibidwal ug mga pamilya ang Mateo 14 ; Marcos 6 ; Juan 5–6 , ug ingon man usab kon ilang tun-an ang Juan 7–10 . Ania dinhi kini nga leksiyon aron magtagana og espasyo para sa uban pang mga leksiyon atol niini nga ulahi nga mga semana. Mahimo kining itudlo sa kasamtangang semana o ibalhin sa usa niini nga ulahi nga mga semana.
Pag-ila sa Langitnong Amahan
Ikonsiderar ang mosunod nga sitwasyon:
Sa bag-ohay nga pakigpulong sa panagtigom sa sakramento, nadungog ni Claudio ang usa ka miyembro sa iyang ward nga nagdeklara nga, “Nakahibalo ako nga ang Langitnong Amahan nakaila ug nahigugma kanako. Nakahibalo Siya sa akong mga panginahanglan ug nagtinguha nga tabangan ako.” Nakurat si Claudio ug naghunahuna kung giunsa niya pagkahibalo kining tanan mahitungod sa Langitnong Amahan. Samtang namalandong siya sa iyang nahibaloan mahitungod sa Langitnong Amahan sa personal, gibati niya nga dili kini daghan kaayo. Misulay pa gani siya sa pagpangita diha sa mga kasulatan ug wala usab siya nagmalamposon didto.
Sa unsang mga paagi kaha kita usahay mobati nga sama ni Claudio?
Sa unsang paagi kaha mahagiton para kanato ang pamati nga wala kita nakaila sa Langitnong Amahan o wala gani kita nakahibalo mahitungod Kaniya?
Hatagi ang mga estudyante og paagi aron susihon ang kaugalingon kon unsa ang ilang nahibaloan ug nasabtan mahitungod sa Langitnong Amahan. Ang mosunod nga kalihokan usa ka paagi aron mabuhat kini.
Adunay dugang pang ideya sa seksyon nga “Dugang nga mga Kalihokan sa Pagkat-on”.
Ikonsiderar kon unsa ang imong nakat-onan mahitungod sa Langitnong Amahan ug kon unsa ang impluwensya kanimo niana nga kahibalo. Sa usa ka papel o diha sa imong journal sa pagtuon, isulat ang mga pulong nga “Langitnong Amahan” sa tunga. Sa palibot niini nga mga pulong, isulat ang imong nahibaloan mahitungod sa Langitnong Amahan.
Unsa ang impluwensya sa kinabuhi sa usa ka tawo sa mas hingpit nga pagkaila sa Langitnong Amahan?
Samtang magtuon ka niini nga leksiyon, pangitaa ang mga kamatuoran mahitungod sa Langitnong Amahan ug sa Iyang Anak nga makatabang kanimo nga mas makasabot kon sama Sila sa unsa ug kon unsa ang Ilang gibati mahitungod kanimo. Ikonsiderar ang pagdugang sa imong nakat-onan sa papel mahitungod sa Langitnong Amahan.Regular nga nakig-istorya si Jesukristo sa Iyang Amahan ug gibuhat kini nga adunay importanteng katuyoan. Basaha ang mga mosunod nga tudling, pangitaa kon unsa ang gusto ni Jesus nga mahibaloan sa Iyang mga sumusunod mahitungod sa Iyang Kaugalingon ug sa Langitnong Amahan:
Isulat kini nga mga pakisayran sa pisara. Ikonsiderar ang pag-awhag sa mga estudyante nga tun-an kini nga mga bersikulo sa tagsa-tagsa. Dayon mahimo nilang ipaambit kon unsa ang ilang nakit-an diha sa gagmay nga grupo o kauban ang tibuok klase.
Mateo 11:27 (lakip ang kabag-ohan sa Hubad ni Joseph Smith sa footnote c)
Unsaon nimo sa pagsumada ang gitudlo sa Manluluwas gikan sa imong gibasa?
Si Elder Jeffrey R. Holland sa Korum sa Napulog Duha ka Apostoles nagpasabot og usa ka importanteng paagi aron mailhan ang Langitnong Amahan.Mahimo nimong basahon ang mosunod nga teksto sa “Ang Kahalangdon sa Dios”.
Imahe
Official Portrait of Elder Jeffrey R. Holland. Photographed January 2018.
Sa kadaghan sa maanindot nga mga katuyoan nga nahatag sa kinabuhi ug pagpangalagad ni Ginoong Jesukristo, usa sa dakong aspeto niana nga misyon kadaghanan nga milabay nga wala mamatikdi. Ang Iyang mga sumusunod wala makasabot niini sa hingpit nianang higayona, ug daghan sa modernong Kristiyanismo ang wala makasabot niini karon, apan ang Manluluwas Mismo ang mibalik-balik og sulti niini ug sa klaro nga paagi. Kini mao ang mahinungdanong kamatuoran nga sa tanan nga gisulti ug gibuhat ni Jesus, lakip na ug ilabina sa Iyang matubsanong pag-antos ug sakripisyo, Siya nagpakita kanato kon kinsa ug unsa gay[o]d ang Dios ang atong Mahangturong Amahan, unsa ka hingpit ang Iyang pagkamaunongon ngadto sa Iyang mga anak sa tanang dispensasyon ug nas[o]d. Sa pulong ug sa buhat si Jesus naninguha sa pagpadayag ug sa paghimong personal ngari kanato sa tinuod nga kinaiya sa Iyang Amahan, ang atong Amahan sa Langit.
(Jeffrey R. Holland, “Ang Kahalangdon sa Dios,” Liahona, Nob. 2003, 70)
Unsa ang imong nakat-onan gikan sa pamahayag ni Elder Holland?
Ang usa ka baroganan nga atong makat-onan mao nga ang mga pulong ug mga aksyon ni Jesukristo nagpakita kanato sa kinaiya sa Langitnong Amahan.
Ikonsiderar ang pagsulat sa pisara niini nga kamatuoran.
Unsa ang imong tan-aw niini nga kamatuoran nga gitudlo sa mga pulong sa Manluluwas nga bag-ohay lamang nimong nabasa?
Dugang nga nagpasabot si Elder Holland mahitungod niini nga kamatuoran. Mahimo nimong tan-awon ang “The Grandeur of God” gikan sa code sa oras nga 11:25 hangtod sa 12:49 o basaha ang mosunod nga pamahayag.
Imahe
Official Portrait of Elder Jeffrey R. Holland. Photographed January 2018.
Busa ang pagpakaon sa gigutom, pag-ayo sa masakiton, pagpanton sa pagkahipokrito, pagpangamuyo alang sa hugot nga pagtuo—kini mao ang Kristo nga nagpakita kanato sa agianan ngadto sa Amahan, Siya kinsa “maloloy-on ug mapuangoron, dili dali masuko, mainantuson ug puno sa kaayo.” Sa Iyang kinabuhi ug ilabina sa Iyang kamatayon, si Kristo mipahayag, “Kini ang kalooy sa Dios nga akong gipakita kaninyo, ingon man sa akong kaugalingon.” Diha sa pagpakita sa hingpit nga Anak sa pag-amuma sa hingpit nga Amahan, sa pag-antos ug giambitang kagul-anan Nilang duha alang sa mga sala ug mga kasakit natong tanan, atong makita ang pinakamahinungdanong kahulugan sa iyang gipamahayag: “Kay gihigugma gay[o]d sa Dios ang kalib[o]tan, nga tungod niana gihatag niya ang iyang bugtong Anak, aron ang tanan nga mosalig kaniya dili malaglag, kon dili may kinabuhing dayon. Kay gipadala sa Dios ang iyang Anak nganhi sa kalib[o]tan, dili aron ang kalib[o]tan pagahukman sa silot; kon dili aron ang kalib[o]tan maluwas pinaagi kaniya” [ Juan 3:16–17 ].
(Jeffrey R. Holland, “Ang Kahalangdon sa Dios,” Liahona, Nob. 2003, 72)
Tabangi ang mga estudyante sa pagpraktis sa paggamit niini nga baroganan (nga nagtan-aw sa mga pulong ug mga aksyon sa Manluluwas) aron makahibalo og dugang mahitungod sa Langitnong Amahan. Gilakip sa ubos ang usa ka pananglitan kung unsaon kini sa pagbuhat.
Pilia ang imong paboritong asoy mahitungod kang Jesukristo sa mga kasulatan. Isulat ang pakisayran sa kasulatan ug isumada ang tudling. Dayon tubaga ang mosunod nga mga pangutana:
Unsa ang imong nakat-onan mahitungod sa Langitnong Amahan ug kon unsa ang Iyang gibati mahitungod kanimo gikan sa unsay gisulti o gibuhat ni Jesukristo niini nga asoy?
Unsa ang epekto sa pagkahibalo niini mahitungod sa Langitnong Amahan sa imong relasyon Kaniya?
Sa unsang paagi makatabang kanimo ang pagbaton og mas maayong relasyon sa Langitnong Amahan?
Ikonsiderar ang pagsulat sa mga pulong nga “Langitnong Amahan” sa tunga sa pisara. Dapita ang mga estudyante sa pagpaambit kon unsay ilang nakat-onan. Depende sa gidak-on sa klase ug sa gitas-on sa magamit nga oras, mahimong basahon o sumadahon sa matag estudyante ang ilang asoy. Mahimo nilang isulat ang ilang nakat-onan mahitungod sa Langitnong Amahan sa palibot sa Iyang ngalan sa pisara. Isip alternatibo, mahimong magpaambit ang mga estudyante og video sa Biblia o Basahon ni Mormon sa asoy, kon aduna.
Pagtinguha og inspirasyon gikan sa Espiritu Santo samtang maghimo ka og mubong plano sa kon sa unsang paagi nimo mapalig-on ang imong relasyon sa Langitnong Amahan, ug isulat kini sa imong journal sa pagtuon.
Komentaryo ug Background nga Impormasyon
Unsa ang impluwensya kanako sa pag-ila sa Langitnong Amahan?
Si Propeta Joseph Smith (1805–44) mitudlo:
Imahe
Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.
Kon ang usa ka [tawo] walay makat-unan gawas sa pagkaon, pag-inom ug pagkatulog, ug wala makasabot sa bisan unsa nga mga plano sa Dios, ang mananap nakasabot sa samang mga butang. Kini mokaon, moinom, matulog, ug walay nahibal[o]an mahitungod sa Dios; pero nakahibalo kini sama kanato, gawas kon kita nakasabot pinaagi sa inspirasyon sa Labaw nga Makagagahum nga Dios. Kon ang [mga tawo] dili makasabot sa kinaiya sa Dios, sila wala makasabot sa ilang mga kaugalingon.
Alternatibong kalihokan alang sa pagsugod sa leksiyon
Hunahunaa ang pagpaambit og personal nga kasinatian sa mas maayong pag-ila sa imong mga ginikanan, mga lolo/lola, o laing giila nga ginikanan ug sa unsang paagi nga nakaimpluwensya ang pagbuhat niini. Awhaga ang mga estudyante sa paghunahuna niini ug magpaambit usab og usa. Awhaga ang mga estudyante sa paghunahuna kon unsa ang ilang nahibaloan ug nakat-onan mahitungod sa ilang Langitnong Amahan.
Usa ka posibleng pagsusi sa kaugalingon
Tabangi ang mga estudyante sa pagsusi sa ilang mga kasamtangang paningkamot nga mas makahibalo mahitungod sa Langitnong Amahan pinaagi sa pag-awhag kanila nga kumpletohon ang mosunod nga survey:
(A) Hingpit nga miuyon (B) Miuyon (C) Wala miuyon dili usab supak (D) Wala miuyon (E) Hingpit nga wala miuyon
1. Mas nakahibalo ako mahitungod sa akong Langitnong Amahan.2. Gibati nako nga mas nahiduol ako Kaniya.3. Ang akong relasyon sa Langitnong Amahan sama kalig-on sa akong gusto.4. Nakahibalo ako kon unsaon pagpalig-on ang akong relasyon sa Langitnong Amahan.
