Mateo 11–12; Lucas 11

Kinatibuk-ang Pagpasabot

Nagpamatuod ang Manluluwas nga mas makaila kita sa Langitnong Amahan pinaagi sa pagtuon sa ehemplo sa Iyang Anak. Sa panahon sa Iyang pagpangalagad, nagtudlo Siya og mas taas nga balaod ug giayo ang mga masakiton diha sa publiko. Gitudlo Niya nga kon moduol kita Kaniya, Iyang himoong sayon ang atong mga palas-anon ug papahulayon kita. Nagtanyag siya og maayong mga pagtulon-an mahitungod sa Adlawng Igpapahulay ug mahitungod sa pag-ampo.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglanon aron sayo nga makaandam para sa kada leksiyon.

Mateo 11:27; Juan 5:19, 30; Juan 8:18–28

Katuyoan sa leksiyon: Makatabang kini nga leksiyon sa mga estudyante nga mas masabtan kon pareho sa unsa ang Langitnong Amahan ug kon unsa ang Iyang gibati mahitungod kanila.

Pag-andam sa estudyante: Dapita ang mga estudyante nga hunahunaon ang ilang relasyon sa Langitnong Amahan ug sa unsang paagi nila mapalig-on kini.

Mga materyales para sa mga estudyante: Mga journal sa pagtuon o usa ka papel para sa kada estudyante

Sugyot sa pagtudlo pinaagi sa videoconference: Sa kataposan sa leksiyon, dapita ang mga estudyante nga gamiton ang chat feature aron ipaambit ang ilang gisulat mahitungod sa Langitnong Amahan. Pagpili og estudyante nga nag-post sa chat nga magpaambit og dugang mahitungod sa ilang komento. Pagkahuman sa pagpaambit niini nga estudyante, dapita sila nga magpili og komento sa laing klasmeyt ug ipaambit kini niana nga estudyante.

Mateo 11:28–30

Katuyoan sa leksiyon: Kini nga leksiyon makadugang sa pagsalig sa mga estudyante nga tabangan sila sa Ginoo sa ilang mga pagsulay ug mga palas-anon.

Pag-andam sa estudyante: Dapita ang mga estudyante nga mangutana sa sakop sa pamilya o higala mahitungod sa kon giunsa paghatag kanila sa Manluluwas og kalinaw o kahupayan.

Sulod [content] nga ipakita: Usa ka hulagway sa mga mananap nga migamit og yugo

Sugyot sa pagtudlo pinaagi sa videoconference: Ikonsiderar ang pagpakita og hulagway sa stick figure ug paggamit og galamiton sa pakigtambayayong, sama sa galamiton nga whiteboard, aron tugotan ang mga estudyante nga magsulat og mga pulong o magdrowing og mga hulagway sa palibot sa stick figure aron irepresenta ang mga palas-anon ug mga pagsulay nga ilang giatubang.

Doktrinal nga Kahanas: Mateo 11:28–30

Katuyoan sa leksiyon: Hatagan niini nga leksiyon ang mga estudyante og oportunidad nga ipasabot ang ilang nasabtan sa doktrina pinaagi sa paggamit sa mga baroganan sa pag-angkon og espirituhanong kahibalo sa sitwasyon nga pareho sa mga kasinatian nga lagmit nga aduna sila sa ilang kaugalingong kinabuhi.

Pag-andam sa estudyante: Dapita ang mga estudyante nga ipraktis ang pagmemorya sa pakisayran sa doktrinal nga kahanas ug importante nga hugpong sa mga pulong sa kasulatan para sa Mateo 11:28–30 (o ang tibuok nga tudling kon kaya kini sa mga estudyante). Hangyoa sila nga maghunahuna mahitungod sa kon sa unsang paagi nila magamit ang ilang nakat-onan mahitungod sa abilidad ni Jesukristo nga pas-anon ang ilang mga palas-anon kon moduol sila Kaniya.

Sulod [content] nga ipakita: Ang mubo nga kalihokan sa pagtukma
Mga materyales para sa mga estudyante: Mga papel nga masulatan sa mga estudyante ug makigbaylo sa laing estudyante

Sugyot sa pagtudlo pinaagi sa videoconference: Ikonsiderar ang paggamit sa function sa pagpaambit sa screen aron ipakita ang app sa Doktrinal nga Kahanas ug ipakita sa mga estudyante kon unsaon pag-acces ang app. Pagbuhat og kalihokan sa pagmemorya isip usa ka klase.

Marcos 2:23–3:6

Katuyoan sa leksiyon: Makatabang kini nga leksiyon sa mga estudyante nga mas masabtan ang katuyoan sa Adlawng Igpapahulay ug unsaon nga mas hingpit nga madapit ang mga panalangin sa Ginoo sa ilang kinabuhi.

Pag-andam sa estudyante: Dapita ang mga estudyante nga maghunahuna og paboritong paagi nga mas mahiduol sila sa Manluluwas, sa tagsa-tagsa o kauban ang ilang mga pamilya, sa Adlawng Igpapahulay.

Handout: “Ang Adlawng Igpapahulay”

Sugyot sa pagtudlo pinaagi sa videoconference: Ikonsiderar ang paggamit sa chat function aron tugotan ang mga estudyante nga magsukna og mga pangutana nga lagmit nga aduna sila mahitungod sa Adlawng Igpapahulay. Ang pagtan-aw sa mga pangutana sa usag usa lagmit nga makadasig kanila nga motubag sa usag usa ug magsukna og dugang pang mga pangutana.

Lucas 11:1–13

Katuyoan sa leksiyon: Makatabang kini nga leksiyon sa mga estudyante nga mahimong mas makahuloganon ang ilang mga pag-ampo.

Pag-andam sa estudyante: Dapita ang mga estudyante nga pamalandongan ang ilang gibuhat aron mahimong mas makahuloganon ang ilang mga pag-ampo.

Sulod [content] nga ipakita: Usa ka pahigda nga linya nga gidrowing sa pisara, nga adunay hugpong sa pulong nga Sayon ang pag-ampo sa usa ka tumoy ug ang hugpong sa pulong nga Lisod ang pag-ampo sa laing tumoy

Sugyot sa pagtudlo pinaagi sa videoconference: Isip bahin sa kalihokan sa sinugdanan sa klase, ikonsiderar ang pagbuhat og poll aron mangutana sa mga estudyante kon sa ilang hunahuna sayon o lisod ba ang pag-ampo.