Sa panahon sa Iyang pagpangalagad, gitudlo sa Manluluwas ang mas taas nga balaod sa ebanghelyo ug giayo ang mga masakiton. Samtang nagkadaghan ang oposisyon batok sa Manluluwas ug sa Iyang mga pagtulon-an, gisaway Niya ang daotan ug misaad og kapahulayan sa tanang moduol Kaniya. Kini nga leksiyon makadugang sa imong pagsalig nga tabangan ka sa Ginoo sa imong mga hagit ug mga palas-anon.
Pag-andam sa estudyante: Dapita ang mga estudyante nga mangutana sa sakop sa pamilya o higala mahitungod sa kon giunsa paghatag kanila sa Manluluwas og kalinaw o kahupayan.
Posible nga mga Kalihokan sa Pagkat-on
Imong mga palas-anon ug mga hagit
Mahimong buhaton ang mosunod nga kalihokan diha sa pisara isip usa ka klase, o mahimong dapiton ang mga estudyante nga magbuhat og ilang kaugalingong mga drowing.
Pagdrowing og stick figure nga nagrepresenta og usa ka tin-edyer. Pagdrowing og backpack sa likod sa stick figure aron irepresenta ang mga palas-anon ug mga stress nga giatubang sa mga tinedyer karon. Pagsulat og dili mominos sa lima niadto nga mga palas-anon o mga stress sa sulod, sa ibabaw, o sa palibot sa backpack.
Dapita ang mga estudyante sa pagpaambit kon unsay ilang gidrowing.
Imahe
Stick man carrying a backpack.
Dapita ang mga estudyante nga ipiyong ang ilang mga mata ug hunahunaon ang ilang tubag sa mosunod nga pangutana.
Sa sukdanan nga usa hangtod sa lima, nga ang lima hilabihan kamaayo ug ang usa dili gayod maayo, sa imong pamati, unsa kamaayo nimo gisulbad ang imong mga palas-anon ug ang maka-stress nga mga panghitabo?
Kon wala pa nimo kini nabuhat, ikonsiderar ang pagtagana og panahon karon aron dapiton ang Langitnong Amahan nga tabangan ka sa pagpangita sa mga baroganan nga makatabang kanimo sa partikular nga mga palas-anon nga kasamtangan nimong gipas-an.Basaha ang Mateo 11:28–30 , nga mangita sa mga kamatuoran nga gitudlo sa Manluluwas nga lagmit nga makatabang sa usa ka tawo nga naglisod sa mga palas-anon.
Mateo 11:28–30 usa ka tudling sa doktrinal nga kahanas. Ikonsiderar ang pagmarka sa mga tudling sa doktrinal nga kahanas sa lahi nga paagi aron mas dali ra nimo kining makit-an.
Ikonsiderar ang pagsulat diha sa pisara sa mga tubag sa estudyante sa mosunod nga mga pangutana duol sa stick figure.
Unsa nga mga kamtuoran ang imong nakit-an?
Sa unsang paagi kaha makatabang kini nga mga kamatuoran sa usa ka tawo nga adunay problema?
Bisan pa kon ang mga estudyante mahimong mogamit og lain-laing mga pulong, siguroha nga nasabtan nila nga kon moduol kita kang Jesukristo, hupayon Niya ang atong mga palas-anon ug papahulayon kita. Pangutan-a ang mga estudyante kon aduna ba silay bisan unsang mga pangutana mahitungod sa ilang nakat-onan.
Tan-awa ang seksiyon nga “Dugang nga mga Kalihokan sa Pagkat-on” para sa alternatibong paagi aron tabangan ang mga estudyante nga makakat-on mahitungod sa mga hugpong sa mga pulong sa Mateo 11:28–30.
“Isangon ninyo ang akong yugo”
Usahay lisod masabtan ang mga pulong o mga hugpong sa mga pulong sa mga kasulatan. Ang pagkat-on sa kahulogan sa mga pulong ug mga hugpong sa mga pulong mahimong makatabang kanato nga makakat-on kon unsa ang gusto sa Manluluwas nga atong mahibaloan. Pagpraktis niini gamit ang hugpong sa mga pulong nga “Isangon ninyo ang akong yugo” ( Mateo 11:29).
Dasiga ang mga estudyante nga ipaambit ang unsay nahibaloan na nila mahitungod niini nga hugpong sa mga pulong pinaagi sa pagsukna sa mga mosunod nga pangutana: Unsa ang yugo? Unsa ang yugo ni Jesukristo? Unsaon nato pagsangon ang yugo ni Jesukristo dinhi kanato?
Gamita ang bisan unsa o ang tanang mosunod nga impormasyon aron dugangan ang panabot sa mga estudyante.
Ipakita ang mosunod nga hulagway.
Imahe
Harvest time, Gujarat, India
Ang yugo “usa ka himan nga gibutang palibut sa liog sa mga hayop o mga tawo aron pagsangon kanila og dungan.” (Giya ngadyo sa mga Kasulatan, “ Yugo ,” scriptures.ChurchofJesusChrist.org). Ang mga hayop niini nga hulagway adunay nakabutang nga yugo.
Gisaysay ni Elder Edward Dube sa Seventy ang mosunod nga kasinatian:
Imahe
Official Portrait of Elder Edward Dube. Photographed March 2017.
Niadtong Disyembre 2015 sa Madziva, Zimbabwe, si Naume [akong asawa] ug ako nakakita og lalaki nga nagdaro sa iyang umahan gamit ang duha ka baka. Napangangha ako sa pagkakita nga ang usa ka hayop usa ka dako nga baka ug ang lain usa ka gamay nga toro nga baka. Naglibog ko. Miingon ko og kusog, “Ngano kaha nga ang usa ka mag-uuma magdaro gamit ang duha ka dili pareho og gidak-on nga hayop sa yugo?”
Ang inahan ni Naume, nga nagtindog sa duol, mitudlo sa yugo. Mitan-aw ako pag-ayo ug nakita ang mga hikot [mga pisi o kadena] nga nagkonekta sa yugo ngadto sa toro nga baka. Gibira sa dakong baka ang tanang gibug-aton, ug nabira ang gamay nga toro nga baka, nga nagtuon kon unsaon pagdaro.
(Edward Dube, “Learn of Me,” Liahona, Okt. 2020, Africa Southeast Local Pages, ChurchofJesusChrist.org)
Sa unsang paagi kaha nasusama sa dakong baka ug sa gamay nga toro nga baka ang atong relasyon sa Manluluwas?
Sa unsang paagi nga ang pagkahibalo sa kahulogan sa yugo makapalawom sa imong pagsabot sa unsay gibati ni Kristo kanimo?
Si Elder David A. Bednar sa Korum sa Napulog Duha ka Apostoles miingon:
Imahe
Official Portrait of Elder Edward Dube. Photographed March 2017.
Ang paghimo ug paghupot og sagradong mga pakigsaad nagyugo kanato ngadto ug uban ni Ginoong Jesukristo.
(David A. Bednar, “Makadaug sa Ilang mga Alantuson uban sa Kasayon,” Liahona, Mayo 2014, 88)
Sa imong hunahuna sa unsang paagi kaha nga ang paghimo ug pagtuman sa mga pakigsaad magyugo kanato ngadto ug uban sa Manluluwas?
Si Elder Dube mipasabot:
Imahe
Official Portrait of Elder Edward Dube. Photographed March 2017.
Kon nakayugo kita kang Jesukristo, Siya ang magpas-an sa palas-anon, ug makigbahin kita sa kalipay sa buluhaton. Ang pag-awhag sa Ginoo sa kada usa kanato nga magkat-on Kaniya mao ang bugtong nga siguradong tinubdan nga magdala og kalinaw, kalipay ug maghatag og mga tubag sa problemadong hunahuna.
(Edward Dube, “Learn of Me,” Liahona, Okt. 2020, Africa Southeast Local Pages, ChurchofJesusChrist.org)
Sa unsang paagi nga ang pagkat-on kang Jesukristo karong tuiga nakatabang kanimo sa pagpas-an sa imong palas-anon ug naghatag kanimo og kalinaw ug kalipay?
Ipakita ang mga ulohan sa mosunod nga mga kalihokan diha sa pisara. Ikonsiderar ang pagpangutana kon hain sa mosunod nga mga pamahayag ang gustong tun-an sa mga estudyante isip usa ka klase. O dapita ang mga estudyante nga mopili og kalihokan ug magtuon nga nag-inusara, kauban ang usa ka klasmeyt, o diha sa gamay nga grupo. Ipakita ang mga instruksiyon para sa mga kalihokan aron mahimo kining tan-awon sa mga estudyante samtang nagtuon sila.
Pagduol kang Kristo ug pagdawat sa Iyang kapahulayan
Kalihokan A: “Duol kamo kanako” ( Mateo 11:28). Sa unsang paagi ako makaduol kang Kristo?
Aron madawat ang tabang sa Manluluwas ug ang kapahulayan nga Iyang gitanyag, kinahanglan kitang moduol Kaniya.
Kon adunay tawo nga mangutana kanimo kon unsa ang buot ipasabot sa pagduol kang Kristo, unsa ang imong isulti?
Si Elder Richard G. Scott (1928–2015) sa Korum sa Napulog Duha ka Apostoles nagtuki og pipila ka paagi nga makaduol kita kang Kristo.
Imahe
Official Portrait of Elder Edward Dube. Photographed March 2017.
Kon padayon kitang mag-ampo sa buntag ug gabii, magtuon sa kasulatan matag adlaw, mag-family home evening matag semana, ug motambong sa templo pirmi, aktibo kitang mitubag sa Iyang pagdapit nga “moduol ngadto Kaniya.”
(Richard G. Scott, “Himoa ang Paggamit sa Pagtuo nga Inyong Unang Prayoridad,” Liahona, Nob. 2014, 94)
Imahe
Harvest time, Gujarat, India
Unsa ang pipila ka butang nga imong gibuhat aron mas mahiduol kang Jesukristo? (Kini mahimong maglakip sa mga pakigsaad nga imong gihimo ug gituman.)
Sa imong pamati unsa ang mabuhat nimo aron mas hingpit nga mahiduol kang Kristo ug makagamit sa Iyang balaanong tabang?
Kalihokan B: “Papahulayon ko kamo” ( Mateo 11:28). Sa unsang paagi kaha pas-anon ni Kristo ang akong mga palas-anon?
Ang pinakamaayong pananglitan sa paghupay sa Manluluwas sa mga palas-anon nakarekord sa Basahon ni Mormon. Nabihag si Alma ug ang iyang mga tawo, gipugos sa pagtrabaho, ug gilutos pag-ayo.
Unsa ang imong nakat-onan mahitungod sa mga paagi nga matabangan ka sa Manluluwas sa pagpas-an sa imong mga palas-anon?
Unsa ang gibuhat sa mga tawo ni Alma aron makagamit sa tabang sa Manluluwas?
Sa unsang paagi kaha nga ang pagsabot sa atong tahas sa pagdangop sa Manluluwas makatabang sa usa ka tawo nga nag-atubang og mga hagit?
Hunahunaa ang imong kaugalingong mga kasinatian o ang mga kasinatian sa mga tawo nga imong nailhan, ug irekord ang usa ka higayon nga gipas-an sa Manluluwas ang palas-anon. Seguroha nga ilakip kon unsa ang gibuhat nimo o sa usa ka tawo nga imong nailhan aron modangop sa Manluluwas ug giunsa Niya pagtabang.
Pagkahuman sa pagkompleto sa mga estudyante sa ilang gipili nga kalihokan, dapita sila nga ipaambit kon unsa ang gusto nilang mahinumdoman. Ikonsiderar ang pagpaambit og personal nga pagpamatuod o pagdapit sa mga estudyante nga ipaambit ang ilang mga pagpamatuod sa kon giunsa sila pagtabang sa Manluluwas sa mga panahon sa panginahanglan.
Komentaryo ug Background nga Impormasyon
Unsaon kita pagtabang ni Jesukristo kon moduol kita Kaniya?
Si Elder John A. McCune sa Seventy mipasabot og pipila ka panalangin nga moabot kon moduol kita kang Jesukristo.
Imahe
Official portrait of John A. McCune. Sustained April 6, 2019 as a General Authority Seventy.
Samtang atong dawaton ang pagdapit sa Manluluwas nga “duol ngari kanako,”Siya mohatag sa suporta, kahupayan, ug kalinaw nga gikinahanglan. … Bisan sa atong pinakabug-at nga mga pagsulay, atong mabati ang mainiton nga paghangop sa Iyang gugma samtang kita mosalig Kaniya ug modawat sa Iyang kabubut-on.
(John A. McCune, “Duol ngadto kang Kristo—Magpakabuhi isip mga Santos sa Ulahing mga Adlaw,” Liahona, Mayo 2020, 36)
Dugang nga mga Kalihokan sa Pagkat-on
Alternatibong kalihokan sa pagkat-on
Mahimong buhaton kini nga kalihokan sa sinugdanan sa klase. Pagdala sa klase og walay sulod nga kahon o backpack ug bug-at nga mga butang nga isulod sa kahon o backpack, sama sa dagkong mga bato o mga libro. Dapita ang usa ka estudyante sa pagduol sa atubangan sa klasehanan, ug hangyoa siya sa paggunit sa walay sulod nga kahon o sa pagsul-ob sa backpack sa likod. Hangyoa ang klase sa pagtubag sa mga pangutana nga anaa sa sinugdanan sa leksiyon. Mahimong ilista diha sa pisara sa laing estudyante ang mga tubag sa mga estudyante. Human sa matag tubag, isulod ang bug-at nga butang diha sa kahon o backpack hangtod nga mapuno kini.
Mahimong basahon sa mga estudyante ang Mateo 11:28–30 , nga mangita ug magmarka sa mubo nga mga hugpong sa mga pulong nga nakadani kanila. Lakip sa mga pananglitan ang “Duol kamo kanako,” “Papahulayon ko kamo,” “Makakaplag kamog pahulay alang sa inyong mga kalag,” “Pagtuon kamo gikan kanako,” ug “Maaghop ug mapaubsanon sa kasingkasing.”
Dapita ang mga estudyante nga magpili og usa ka hugpong sa mga pulong ug isulat kini sa ilang kaugalingong mga pulong. Dapita sila nga mangita og cross-reference nga makatabang kanila nga masabtan kon unsa ang buot ipasabot sa hugpong sa mga pulong. Pananglitan, mahimo nilang pangitaon ang mga pulong nga duol, kapahulayan, pagkat-on, o maaghop sa Giya ngadto sa mga Kasulatan. Dapita ang mga estudyante nga ipaambit ang ilang nakita ug sa unsang paagi kini makatabang sa usa ka tawo nga naglisod sa problema.
