ម៉ាថាយ ១១:២៧; យ៉ូហាន ៥:១៩; ៣០; យ៉ូហាន ៨:១៨–២៨

« ព្រះរាជបុត្រាសព្វព្រះហឫទ័យបើកឲ្យស្គាល់ទ្រង់ »

Christ is sitting down on the ground in the temple teaching a group of people. Outtakes included some more of Jesus teaching, the other outtakes with this image are from a different title: “Jesus Christ. Light of the World” showing Christ after the event of the Woman taken in Adultery and the Jews questioning his authority.

ព្រះអង្គសង្គ្រោះបានថ្លែងទីបន្ទាល់ថា យើងអាចស្គាល់ព្រះវរបិតាសួគ៌បានកាន់តែច្បាស់តាមរយៈការសិក្សាពីគំរូនៃព្រះរាជបុត្រារបស់ទ្រង់ ។ អ្វីៗទាំងអស់ដែលព្រះយេស៊ូវគ្រីស្ទបានមានព្រះបន្ទូល និងធ្វើ គឺធ្វើតាមគំរូរបស់ព្រះវរបិតាទ្រង់ ហើយមានព្រះរាជបំណងនាំយើងឲ្យមករកព្រះវរបិតាយ៉ាងប្រាកដ ។ មេរៀននេះអាចជួយអ្នកឲ្យយល់កាន់តែច្បាស់អំពីព្រះវរបិតាសួគ៌ និងរបៀបដែលទ្រង់ព្រះតម្រិះអំពីអ្នក ។

ការជួយសិស្សឲ្យរៀនសូត្រ ។ សិស្សត្រូវបានបំភ្លឺ នៅពេលដែលពួកគេស្វែងរកការយល់ដឹងនៅក្នុងព្រះគម្ពីរ និងស្វែងយល់ពីសេចក្ដីពិតនៃដំណឹងល្អសម្រាប់ខ្លួនរបស់ពួកគេ ។ ពួកគេគួរតែត្រូវបានផ្តល់ឱកាសឲ្យដើម្បីពន្យល់ពីដំណឹងល្អ ជាពាក្យពេចន៍របស់គេ និងដើម្បីចែករំលែក និងធ្វើទីបន្ទាល់ពីអ្វីដែលពួកគេដឹង និងទទួលអារម្មណ៍ ។ ការណ៍នេះជួយនាំដំណឹងល្អចេញពីក្បាលរបស់ពួកគេឲ្យចូលក្នុងដួងចិត្តរបស់ពួកគេ ។

ការរៀបចំរបស់សិស្ស ៖ សូមអញ្ជើញសិស្សឲ្យគិតអំពីទំនាក់ទំនងរបស់ពួកគេជាមួយព្រះវរបិតាសួគ៌ និងពីរបៀបដែលពួកគេអាចពង្រឹងទំនាក់ទំនងនោះ ។

សកម្មភាពរៀនសូត្រដែលអាចមាន

មេរៀននេះលើកឡើងអំពីខ្លឹមសារដែលនឹងត្រូវនិយាយនៅក្នុង ចូរមកតាមខ្ញុំ នៅពេលបុគ្គល និងក្រុមគ្រួសារសិក្សា ម៉ាថាយ ១៤ ; ម៉ាកុស ៦ ; យ៉ូហាន ៥–៦ ក៏ដូចជាពេលដែលពួកគេនឹងសិក្សា យ៉ូហាន ៧–១០ ផងដែរ ។ មេរៀននេះមាននៅទីនេះដើម្បីទុកកន្លែងសម្រាប់មេរៀនផ្សេងៗក្នុងអំឡុងសប្តាហ៍ក្រោយនេះ ។ មេរៀននេះអាចត្រូវបានបង្រៀនក្នុងអំឡុងពេលសប្តាហ៍នេះ ឬផ្លាស់ប្តូរទៅបង្រៀនថ្ងៃណាមួយនៃសប្តាហ៍ក្រោយៗនេះ ។

ការដឹងអំពីព្រះវរបិតាសួគ៌

សូមពិចារណាអំពីសាច់រឿងខាងក្រោម ៖

នៅក្នុងសុន្ទរកថាការប្រជុំសាក្រាម៉ង់នាពេលថ្មីៗនេះ ក្លូឌីអូ បានឮសមាជិកម្នាក់នៅក្នុងវួដរបស់គាត់ប្រកាសថា « ខ្ញុំដឹងថាព្រះវរបិតាសួគ៌ស្គាល់ ហើយស្រឡាញ់ខ្ញុំ ។ ទ្រង់ដឹងពីតម្រូវការរបស់ខ្ញុំ ហើយមានព្រះរាជបំណងចង់ជួយខ្ញុំ » ។ ក្លូឌីអូ មានការភ្ញាក់ផ្អើល និងងឿងឆ្ងល់ពីរបៀបដែលនាងដឹងរឿងទាំងអស់នេះអំពីព្រះវរបិតាសួគ៌ ។ នៅពេលគាត់សញ្ជឹងគិតអំពីអ្វីដែលគាត់ដឹងអំពីព្រះវរបិតាសួគ៌ នោះគាត់មានអារម្មណ៍ថា គាត់ពុំសូវដឹងច្រើននោះទេ ។ គាត់ថែមទាំងព្យាយាមរកមើលក្នុងព្រះគម្ពីរ ហើយក៏មិនទទួលបានជោគជ័យអ្វីច្រើនដែរ ។

• តើយើងអាចមានអារម្មណ៍ដូច ក្លូឌីអូ តាមរបៀបណាខ្លះ ?

• តើអារម្មណ៍ដូចដែលយើងមិនស្គាល់ព្រះវរបិតាសួគ៌ ឬសូម្បីតែដឹងអំពីទ្រង់គឺជាការលំបាកសម្រាប់យើងយ៉ាងដូចម្តេច ?

សូមផ្តល់ឲ្យសិស្សនូវវិធីមួយដើម្បីវាយតម្លៃខ្លួនឯងនូវអ្វីដែលពួកគេដឹង និងយល់អំពីព្រះវរបិតាសួគ៌ ។ សកម្មភាពខាងក្រោមគឺជាវិធីមួយដើម្បីធ្វើរឿងនេះ ។

គំនិតបន្ថែមដែលមាននៅក្នុងផ្នែក « សកម្មភាពរៀនសូត្របន្ថែម » ។

សូមពិចារណានូវអ្វីដែលអ្នកបានរៀនអំពីព្រះវរបិតាសួគ៌ និងរបៀបដែលចំណេះដឹងនោះមានឥទ្ធិពលលើរូបអ្នក ។ នៅលើក្រដាសមួយសន្លឹក ឬនៅក្នុងសៀវភៅកំណត់ហេតុការសិក្សារបស់អ្នក សូមសរសេរពាក្យ « ព្រះវរបិតាសួគ៌ » នៅចំកណ្តាល ។ នៅជុំវិញពាក្យទាំងនេះ សូមសរសេរនូវអ្វីដែលអ្នកដឹងអំពីព្រះវរបិតាសួគ៌ ។

• តើការដឹងកាន់តែច្បាស់អំពីព្រះវរបិតាសួគ៌ មានឥទ្ធិពលយ៉ាងណាលើជីវិតរបស់នរណាម្នាក់ ?

នៅពេលអ្នកសិក្សាមេរៀននេះ សូមរកមើលសេចក្តីពិតអំពីព្រះវរបិតាសួគ៌ និងព្រះរាជបុត្រារបស់ទ្រង់ ដែលអាចជួយអ្នកឲ្យយល់កាន់តែច្បាស់ថា តើទ្រង់ទាំងទ្វេមានលក្ខណៈបែបណា ហើយថាតើទ្រង់ទាំងទ្វេមានព្រះទ័យបែបណាចំពោះអ្នក ។ សូមពិចារណាបន្ថែមនូវអ្វីដែលអ្នកបានរៀនអំពីព្រះវរបិតាសួគ៌នៅលើក្រដាស ។ព្រះយេស៊ូវគ្រីស្ទបានមានព្រះបន្ទូលជាប្រចាំពីព្រះវរបិតារបស់ទ្រង់ និងបានធ្វើដូច្នោះដោយមានគោលបំណងសំខាន់មួយ ។ សូមអានវគ្គបទគម្ពីរខាងក្រោម ដោយរកមើលអ្វីដែលព្រះយេស៊ូវមានព្រះទ័យចង់ឲ្យអ្នកដើរតាមទ្រង់បានដឹងអំពីព្រះអង្គទ្រង់ និងព្រះវរបិតាសួគ៌ ៖

សូមសរសេរសេចក្ដីយោងទាំងនេះនៅលើក្ដារខៀន ។ សូមពិចារណាអញ្ជើញសិស្សឲ្យសិក្សាខគម្ពីរទាំងនេះរៀងៗខ្លួន ។ បន្ទាប់មក ពួកគេអាចចែករំលែកអ្វីដែលពួកគេរកឃើញនៅក្នុងក្រុមតូចៗ ឬជាមួយនឹងថ្នាក់ទាំងមូល ។

ម៉ាថាយ ១១:២៧ ( រួមទាំងការផ្លាស់ប្តូរនៅក្នុងការបកប្រែដោយ យ៉ូសែប ស្ម៊ីធផងដែរថា ពួកអ្នកដែលព្រះរាជបុត្រានឹងបង្ហាញព្រះកាយព្រះអង្គទ្រង់នឹងបានឃើញព្រះវរបិតាផងដែរ) ។

• យ៉ូហាន ៥:១៩, ៣០

• យ៉ូហាន ៨:១៨–១៩, ២៦, ២៨

• តើអ្នកនឹងសង្ខេបអំពីអ្វីដែលព្រះអង្គសង្គ្រោះបានបង្រៀនពីអ្វីដែលអ្នកធ្លាប់បានអានយ៉ាងដូចម្តេច ?

អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានពន្យល់ពីវិធីសំខាន់មួយ ដែលយើងអាចស្គាល់ព្រះវរបិតាសួគ៌ ។អ្នកប្រហែលចង់មើលវីដេអូ « The Grandeur of God » ដែលមាននៅលើគេហទំព័រ ChurchofJesusChrist.org ចាប់ពីលេខកូដម៉ោង ០:០០ ដល់ម៉ោង ១:០៧ ឬអានអត្ថបទខាងក្រោមនេះ ។

Official Portrait of Elder Jeffrey R. Holland. Photographed January 2018.

ក្នុងចំំណោមគោលបំណងសំខាន់ជាច្រើនដែលមាននៅក្នុងព្រះជន្ម និងការងារបម្រើរបស់ព្រះអម្ចាស់ព្រះយេស៊ូវគ្រីស្ទ នោះជារឿយៗ កត្តាដ៏ធំនៃបេសកកម្មនោះពុំត្រូវបានគេយកចិត្តទុកដាក់ប៉ុន្មាននោះទេ ។ ពួកអ្នកដើរតាមរបស់ទ្រង់ពុំយល់រឿងនោះទាំងស្រុងទេនៅគ្រានោះ ហើយមនុស្សជាច្រើននៅក្នុងសម័យពួកអ្នកកាន់សាសនាគ្រិស្តនៅសម័យទំនើបនេះក៏ពុំទាន់យល់ដែរ ប៉ុន្តែព្រះអង្គសង្គ្រោះទ្រង់ផ្ទាល់បានមានព្រះបន្ទូលអំពីរឿងនោះម្តងហើយម្តងទៀត និងយ៉ាងដាច់អហង្ការ ។ វាគឺជាការពិតណាស់ថា នៅគ្រប់អ្វីៗទាំងអស់ដែលព្រះយេស៊ូវបានមានព្រះបន្ទូល និងធ្វើ រួមទាំង និងជាពិសេស នៅក្នុងការរងទុក្ខដ៏ធួន និងការពលិកម្មរបស់ទ្រង់ នោះទ្រង់កំពុងបង្ហាញដល់យើងថា ព្រះជាវរបិតាសួគ៌ដ៏នៅអស់កល្បជានិច្ចរបស់យើងមានលក្ខណៈបែបណា ថាតើទ្រង់មានព្រះទ័យពលិកម្មចំពោះបុត្រាបុត្រីរបស់ទ្រង់នៅគ្រប់វ័យ និងពូជសាសន៍យ៉ាងណា ។ ទាំងជាព្រះបន្ទូល និងទង្វើរបស់ទ្រង់ ព្រះយេស៊ូវគ្រីស្ទបានព្យាយាមបើកសម្ដែង ហើយធ្វើឲ្យយើងដឹងដោយផ្ទាល់អំពីលក្ខណៈពិតរបស់ព្រះបិតារបស់ទ្រង់ ថាជាព្រះវរបិតាដែលគង់នៅស្ថានសួគ៌របស់យើង ។

( ជែហ្វ្រី អ័រ ហូឡិន « The Grandeur of God » Ensign ឬ Liahona ខែ វិច្ឆិកា ឆ្នាំ ២០០៣ ទំព័រ ៧០ )

• តើអ្នកបានរៀនអ្វីខ្លះពីសេចក្ដីថ្លែងការណ៍របស់ អែលឌើរ ហូឡិន ?

គោលការណ៍មួយដែលយើងអាចរៀនគឺថា ព្រះបន្ទូល និងសកម្មភាពរបស់ព្រះយេស៊ូវគ្រីស្ទបង្ហាញយើងពីបុគ្គលិកលក្ខណៈរបស់ព្រះវរបិតាសួគ៌ ។

សូមពិចារណាសរសេរសេចក្តីពិតនេះនៅលើក្តារខៀន ។

• តើអ្នកឃើញសេចក្តីពិតនេះត្រូវបានបង្រៀនយ៉ាងដូចម្តេចនៅក្នុងព្រះបន្ទូលរបស់ព្រះអង្គសង្គ្រោះដែលអ្នកទើបតែបានអាននេះ ?

អែលឌើរ ហូឡិន បានពន្យល់បន្ថែមអំពីការពិតនេះ ។ អ្នកប្រហែលចង់មើល « The Grandeur of God » ចាប់ពីលេខកូដម៉ោង ១១:២៥ ដល់ម៉ោង ១២:៤៩ ឬអានសេចក្តីថ្លែងការណ៍ខាងក្រោមនេះ ។

Official Portrait of Elder Jeffrey R. Holland. Photographed January 2018.

ដូច្នេះ ការឲ្យអាហារដល់អ្នកស្រេកឃ្លាន ការព្យាបាលអ្នកឈឺ ការវាយផ្ចាលដល់មនុស្សលាក់ពុត ការទូលអង្វរសុំសេចក្ដីជំនឿ—គឺជារបៀបដែលព្រះគ្រីស្ទបានបង្ហាញយើងពីមាគ៌ានៃព្រះបិតាទ្រង់គឺ « ប្រកបដោយក្ដីមេត្តាករុណា និងព្រះគុណ កម្រនឹងព្រះពិរោធ អត់ធ្មត់ និងពោរពេញដោយសេចក្ដីល្អ » ។ នៅក្នុងជីវិតរបស់ទ្រង់ និងជាពិសេសនៅក្នុងការសុគតរបស់ទ្រង់ នោះព្រះគ្រីស្ទកំពុងប្រកាសថា « នេះគឺជាសេចក្តីមេត្តាករុណា របស់ព្រះ ដែលយើងកំពុងបង្ហាញដល់អ្នក ព្រមទាំងវាក៏ជាសេចក្តីមេត្តាករុណារបស់យើងផ្ទាល់ផងដែរ » ។ នៅក្នុងការបង្ហាញដ៏ល្អឥតខ្ចោះរបស់ព្រះរាជបុត្រាអំពីការខ្វល់ខ្វាយដ៏ខ្លាំងក្លារបស់ព្រះវរបិតា នៅក្នុងការរងទុក្ខ និងទុក្ខព្រួយរួមគ្នារបស់ទ្រង់ទ្វេចំពោះអំពើបាប និងការខូចចិត្តរបស់ពួកយើងទាំងអស់គ្នា នោះយើងឃើញពីអត្ថន័យដ៏ធំធេងបំផុតនៅក្នុងការប្រកាសដូចនេះ ៖ « ដ្បិតព្រះទ្រង់ស្រឡាញ់មនុស្សលោកដល់ម្ល៉េះ បានជាទ្រង់ប្រទានព្រះរាជបុត្រាទ្រង់តែមួយ ដើម្បីឲ្យអ្នកណាដែលជឿដល់ព្រះរាជបុត្រានោះមិនត្រូវវិនាសឡើយ គឺឲ្យមានជីវិតដ៏នៅអស់កល្បជានិច្ចវិញ ។ ពីព្រោះព្រះទ្រង់មិនបានចាត់ព្រះរាជបុត្រាទ្រង់ឲ្យមកក្នុងលោកិយដើម្បីនឹងជំនុំជម្រះលោកិយនោះទេ គឺឲ្យលោកិយបានសង្គ្រោះដោយសារទ្រង់វិញ » [ យ៉ូហាន ៣:១៦–១៧ ] ។

( ជែហ្វ្រី អ័រ ហូឡិន « The Grandeur of God » Ensign ឬ Liahona ខែ វិច្ឆិកា ឆ្នាំ ២០០៣ ទំព័រ ៧២ )

សូមជួយសិស្សឲ្យអនុវត្តការប្រើប្រាស់គោលការណ៍នេះ ( ដោយរកមើលព្រះបន្ទូល និងសកម្មភាពរបស់ព្រះអង្គសង្គ្រោះ ) ដើម្បីស្វែងយល់បន្ថែមទៀតអំពីព្រះវរបិតាសួគ៌ ។ ឧទាហរណ៍មួយអំពីរបៀបធ្វើការណ៍នេះត្រូវបានរួមបញ្ចូលនៅខាងក្រោមនេះ ។

សូមជ្រើសរើសដំណើររឿងដែលអ្នកចូលចិត្តអំពីព្រះយេស៊ូវគ្រីស្ទនៅក្នុងព្រះគម្ពីរ ។ សូមសរសេរសេចក្តីយោងបទគម្ពីរ ហើយសង្ខេបវគ្គបទគម្ពីរនោះ ។ បន្ទាប់មក សូមឆ្លើយសំណួរខាងក្រោមទាំងនេះ ៖

• តើអ្នករៀនអ្វីខ្លះអំពីព្រះវរបិតាសួគ៌ ហើយតើទ្រង់មានព្រះទ័យយ៉ាងណាចំពោះអ្នក ចេញពីអ្វីដែលព្រះយេស៊ូវគ្រីស្ទបានមានព្រះបន្ទូល ឬធ្វើនៅក្នុងដំណើររឿងនេះ ?

• តើការដឹងរឿងនេះអំពីព្រះវរបិតាសួគ៌មានឥទ្ធិពលយ៉ាងណាចំពោះទំនាក់ទំនងរបស់អ្នកជាមួយទ្រង់ ?

• តើការមានទំនាក់ទំនងល្អប្រសើរជាមួយព្រះវរបិតាសួគ៌ជួយអ្នកយ៉ាងដូចម្តេច ?

សូមពិចារណាសរសេរពាក្យ « ព្រះវរបិតាសួគ៌ » នៅចំកណ្តាលក្តារខៀន ។ សូមឲ្យសិស្សចែករំលែកនូវអ្វីដែលពួកគេបានរៀន ។ អាស្រ័យទៅលើទំហំថ្នាក់រៀន និងចំនួនពេលវេលាដែលមាន នោះសិស្សម្នាក់ៗអាចអាន ឬធ្វើការសង្ខេបដំណើររឿងរបស់ពួកគេ ។ ពួកគេអាចសរសេរអ្វីដែលពួកគេបានរៀនអំពីព្រះវរបិតាសួគ៌នៅជុំវិញព្រះនាមរបស់ទ្រង់នៅលើក្ដារខៀន ។ ម៉្យាងវិញទៀត សិស្សអាចចែករំលែកវីដេអូអំពីព្រះគម្ពីរប៊ីប ឬព្រះគម្ពីរមរមនពីដំណើររឿងនេះបាន ប្រសិនបើមាន ។

សូមស្វែងរកការបំផុសគំនិតពីព្រះវិញ្ញាណបរិសុទ្ធ នៅពេលអ្នកបង្កើតផែនការសង្ខេបអំពីរបៀបដែលអ្នកអាចពង្រឹងទំនាក់ទំនងរបស់អ្នកជាមួយព្រះវរបិតាសួគ៌ ហើយសរសេរវានៅក្នុងសៀវភៅកំណត់ហេតុការសិក្សារបស់អ្នក ។

វិចារណកថា និង ព័ត៌មានសាច់រឿង

តើការស្គាល់ព្រះវរបិតាសួគ៌មានឥទ្ធិពលមកលើខ្ញុំយ៉ាងដូចម្តេច ?

ព្យាការី យ៉ូសែប ស៊្មីធ ( ឆ្នាំ ១៨០៥–៤៤ ) បានបង្រៀន ៖

Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.

« ប្រសិនបើ [ មនុស្ស ] ម្នាក់មិនចេះអ្វីក្រៅតែពីបរិភោគ ផឹក និងដេក ហើយមិនយល់ពីការបង្កើតឡើងណាមួយរបស់ព្រះ នោះគឺប្រៀបបាននឹងសត្វដូច្នោះដែរ ។ សត្វវាស៊ី ផឹក ដេក ហើយមិនដឹងពីអ្វីទាំងអស់អំពីព្រះ តែវាដឹងច្រើនដូចយើងដែរ លើកលែងតែយើងអាចយល់តាមរយៈការបំផុសគំនិតពីព្រះដ៏មានព្រះចេស្ដាប៉ុណ្ណោះ ។ ប្រសិនបើ [ មនុស្ស ] មិនយល់ពីបុគ្គលិកលក្ខណៈរបស់ព្រះទេ នោះពួកគេក៏មិនយល់ពីខ្លួនឯងដែរ ។

( Teachings of Presidents of the Church: Joseph Smith [ឆ្នាំ ២០០៧ ] ទំព័រ ៤០ )

សូមពិចារណាមើល « Relationship with God—Patrick » ( ០:៥៩ ) និង « Relationship with God—Anipha » ( ០:៥៥ ) ដើម្បីមើលឧទាហរណ៍អំពីរបៀបដែលការស្គាល់ព្រះវរបិតាសួគ៌អាចមានឥទ្ធិពលលើជីវិតរបស់នរណាម្នាក់យ៉ាងដូចម្ដេច ។

សកម្មភាពរៀនសូត្របន្ថែម

សកម្មភាពជំនួសសម្រាប់ការចាប់ផ្តើមមេរៀន

សូមពិចារណាចែកចាយបទពិសោធន៍ផ្ទាល់ខ្លួននៃការស្វែងយល់ពីឪពុកម្តាយ ជីដូនជីតារបស់អ្នក ឬអាណាព្យាបាលផ្សេងទៀតឲ្យកាន់តែច្បាស់ ហើយថា តើការធ្វើដូច្នេះមានឥទ្ធិពលយ៉ាងដូចម្តេច ។ សូមអញ្ជើញសិស្សឲ្យគិតពិចារណាអំពីរឿងនេះ ហើយចែករំលែកបទពិសោធផងដែរ ។សូមពិចារណាមើល « Courage: I Think I Get It from Him » ( ១:៣៨ ) ដែលអាចរកឃើញនៅលើគេហទំព័រ ChurchofJesusChrist.org ដើម្បីមើលពីរបៀបដែលយុវនារីម្នាក់បានអភិវឌ្ឍភាពក្លាហាន តាមរយៈការរៀនសូត្រអំពីជីដូនជីតារបស់នាង ។ សូមអញ្ជើញសិស្សឲ្យពិចារណាអំពីអ្វីដែលពួកគេដឹង និងកំពុងតែរៀនអំពីព្រះវរបិតាសួគ៌របស់ពួកគេ ។

ការវាយតម្លៃលើខ្លួនឯងដែលអាចធ្វើបាន

សូមជួយសិស្សឲ្យវាយតម្លៃកិច្ចខិតខំប្រឹងប្រែងបច្ចុប្បន្នរបស់ពួកគេ ដើម្បីដឹងបន្ថែមទៀតអំពីព្រះវរបិតាសួគ៌ តាមរយៈការស្នើសុំឲ្យពួកគេបំពេញការស្ទង់មតិដូចខាងក្រោមនេះ ៖

(ក) យល់ស្របទាំងស្រុង (ខ) យល់ស្រប (គ) ស្របក៏មិនស្រប ហើយមិនយល់ស្របក៏មិនយល់ស្រប (ឃ) មិនយល់ស្រប (ង) មិនយល់ស្របសោះតែម្តង

១. ខ្ញុំកំពុងស្វែងយល់បន្ថែមអំពីព្រះវរបិតាសួគ៌របស់ខ្ញុំ ។២. ខ្ញុំមានអារម្មណ៍ដូចជាខ្ញុំកំពុងខិតទៅជិតទ្រង់ ។៣. ទំនាក់ទំនងរបស់ខ្ញុំជាមួយព្រះវរបិតាសួគ៌មានភាពរឹងមាំដូចដែលខ្ញុំចង់បាន ។៤. ខ្ញុំដឹងពីរបៀបពង្រឹងទំនាក់ទំនងរបស់ខ្ញុំជាមួយព្រះវរបិតាសួគ៌ ។