Blind man gains sight. Outtakes include Jesus anointing his eyes, and going to the pool of Siloam.
Gitudlo ni Jesukristo nga Siya ug ang atong Langitnong Amahan adunay gugma ug pagpakabana para sa tanan. Tinguha niini nga leksiyon nga tabangan ka nga mobati nga maloloy-on ang Langitnong Amahan ug si Jesukristo ug nagtinguha sa pagluwas sa kada nahisalaag nga kalag.
Pagpokus sa mga kinaiya ug pamatasan sa Manluluwas. Gamita ang mga kasulatan dili lamang aron itudlo ang gibuhat ni Jesukristo pero aron hatagan usab og gibug-aton ang Iyang balaang mga kinaiya ug pamatasan. Magdapit kini sa Espiritu Santo aron magsaksi Kaniya, nga magtabang sa mga estudyante nga mas makasabot kon kinsa Siya ug magtinguha nga mahimong sama Kaniya.
Pag-andam sa estudyante: Dapita ang mga estudyante nga motambong sa klase nga andam nga magpaambit og mga asoy sa kasulatan nga nagpakita sa gugma sa Dios para sa mga tawo nga nahisalaag sa espirituhanong paagi.
Posible nga mga Kalihokan sa Pagkat-on
Ang kinaiyahan sa Langitnong Amahan ug ni Jesukristo
Aron tabangan ang mga estudyante nga mobati nga komportable sa pagtubag sa mosunod nga pangutana sa matinud-anong paagi, ikonsiderar ang pagdapit kanila nga isulat sa gamay nga papel ang numero sa tubag nga ilang gipili (nga dili isulat ang ilang ngalan). Ikonsiderar ang pagkolekta sa mga papel ug pagpaambit sa mga resulta nganha sa klase.
Unsa kaha sa mosunod nga mga pamahayag ang pinakamaayong naghulagway kon unsa ang gibati sa Langitnong Amahan ug ni Jesukristo sa mga tawo nga nakasala?
Makahigawad Kanila ang pagpasaylo sa mga makasasala, pero buhaton Nila kini kon sinsero kitang maghinulsol.
Mas gusto Nila nga maghinulsol kita aron Sila makapasaylo kanato, pero malipay Sila kon unsay atong pilion.
Mobati Sila og hilabihan nga kalipay sa pagpasaylo sa mga makasasala nga maghinulsol.
Sa unsang paagi kaha nga ang pagsabot sa usa ka tawo sa kinaiyahan sa Langitnong Amahan ug ni Jesukristo makaimpluwensya sa ilang mga pagpili?
Samtang nagtuon ka niini nga leksiyon, ikonsiderar kon unsa ang imong nakat-onan mahitungod sa kinaiyahan sa Langitnong Amahan ug ni Jesukristo ug unsa ang epekto niini nga kahibalo sa imong kinabuhi.Pagkahuman sa pagtudlo sa Iyang mga disipulo kon unsa ka dakong sala ang pagpasilo o pagdaot sa mga anak sa Dios, gipadayag sa Manluluwas ang Iyang maloloy-ong tinguha sa pagluwas “niana nga nawala, ug sa pagtawag sa mga makasasala ngadto sa paghinulsol” ( Hubad ni Joseph Smith, Mateo 18:11 [sa Mateo 18:11, footnote c]).
Basaha ang Mateo 18:11–14 , ug pangitaa kon unsa ang gibati sa Langitnong Amahan ug ni Jesukristo sa mga tawo nga nahisalaag sa espirituhanong paagi.
Unsa nga mga pulong o mga hugpong sa mga pulong gikan niini nga mga bersikulo ang nakatabang kanimo nga mas masabtan ang kinaiyahan sa Langitnong Amahan ug ni Jesukristo?
Unsa ang lain-laing mga paagi nga ang mga tawo mahimong mahisalaag sa esprituhanong paagi?
Ang usa sa mga kamatuoran nga makat-onan nato gikan niini nga mga bersikulo mao nga maloloy-on ang Langitnong Amahan ug si Jesukristo ug nagtinguha sa pagluwas niadtong mga nahisalaag sa espirituhanong paagi.
Si Presidente Dieter F. Uchtdorf, kanhi sakop sa Unang Kapangulohan, mipasabot:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Sa dugay nang panahon, kini nga sambingay [sa nawala nga karnero] naandan na nga gisabot isip usa ka sugo ngari kanato sa pagdala og balik sa nawala nga mga karnero ug pagtabang niadtong mga nahisalaag. Samtang sa pagkatinuod kini tukma ug maayo, naghuna-huna ko kon aduna bay mas labaw pa niini.
Mahimo ba nga ang katuyoan ni Jesus, una ug labaw sa tanan, mao ang pagtudlo mahitungod sa buhat sa Maayong Magbalantay?
Posible ba nga nagpamatuod Siya sa gugma sa Dios alang sa Iyang masupilon nga mga anak? …
Dili igsapayan kon sa unsang paagi ikaw nawala—tungod ba sa imong sayop nga mga pagpili o mga kahimtang nga dili nimo makontrolar. …
Tungod kay nahigugma Siya kanimo, pangitaon ka Niya. Malipayon Siyang mopas-an kanimo sa Iyang abaga. Ug kon dad-on ka Niya pauli, moingon Siya sa tanan, “Pangalipay kamo uban kanako; kay nakaplagan ko ang akong karnero nga nawala” [ Lucas 15:6 ].
Ngano kaha nga gusto ni Jesukristo nga mahibaloan nato kon unsa ka maloloy-on Siya ug ang atong Langitnong Amahan?
Sa unsang paagi nga ang pagsabot sa ilang maloloy-ong kinaiya makatabang kanimo sa mga sitwasyon sa imong kinabuhi sa pagkakaron?
Ebidensya sa maloloy-ong kinaiyahan sa Langitnong Amahan ug ni Jesukristo
Adunay daghang mga paagi sa pagtabang sa mga estudyante nga makita ang ebidensya kon unsa ka maloloy-on ug ka mapasayloon ang Dios. Pilia ang mga pamaagi nga pinakaangay para sa mga estudyante. Ang mosunod mao ang pipila ka ideya nga lagmit nga makatabang.
Ang usa ka paagi nga mapalig-on nato ang atong pagpamatuod sa mga baroganan sa ebanghelyo mao ang pagpangita og mga ehemplo sa tinuod nga kinabuhi nga nagpakita sa ilang pagkamatinud-anon. Sa higayon nga makita nimo ang ebidensya sa mga baroganan sa ebanghelyo sa mga kinabuhi sa ubang tawo, matabangan ka sa Espiritu Santo nga mobati og paglaom ug pagsalig nga makapanalangin usab sa imong kinabuhi kadto nga mga baroganan. Ang mosunod nga mga sugyot makatabang kanimo nga makita ang mga ehemplo sa tinuod nga kinabuhi bahin sa kamatuoran nga maloloy-on ang Langitnong Amahan ug si Jesukristo ug nagtinguha sila sa pagluwas sa mga tawo nga nahisalaag sa espirituhanong paagi.
Para sa mosunod, ikonsiderar ang pagdapit sa mga estudyante nga magtrabaho diha sa gagmay nga mga grupo. Human magsiksik ang mga estudyante sa mga kasulatan, ang usa ka estudyante gikan sa kada grupo mahimong mosulat sa pisara og mga pananglitan nga ilang nakita. Kon misalmot ang mga estudyante sa kalihokan sa pag-andam sa estudyante, mahimo silang dapiton nga gamiton ang pipila sa mga kasulatan nga nakita nila isip bahin niini nga kalihokan.
Pangita sa mga kasulatan og mga asoy nga nagpakita kon unsa ka mapasayloon ug maloloy-on ang Langitnong Amahan ug si Jesukristo. Kon manginahanglan ka og tabang, ikonsiderar ang pagtuon sa usa o duha sa mosunod nga asoy sa kasulatan: Juan 8:1–11 ; Alma 36:6–21 .
Pagpili og pipila ka pananglitan nga gisulat sa mga estudyante sa pisara, ug hisgoti kini isip usa ka klase. Tabangi ang mga estudyante nga makakita nga ingon nga ang Dios mipakita og kalooy sa mga tawo kaniadto, mopakita usab Siya og kaluoy kanato.
Sa imong pamati unsay gusto sa Ginoo nga imong makat-onan gikan niini nga mga pananglitan nga imong gipili?
Sa unsang mga paagi nga imong namatikdan nga nagpakita ang Manluluwas og kaluoy ug nangita niadtong mga nahisalaag?
Ang pagpangita sa mga ehemplo sa mga baroganan sa ebanghelyo sa imong kaugalingong kinabuhi ug sa mga kinabuhi sa mga tawo nga imong nailhan lagmit nga espesyal nga maayong paagi aron matabangan kang mobati nga tinuod kini.
Kon gidapit ang mga estudyante nga ipaambit ang mosunod sa kusog nga pagkasulti, awhaga sila nga dili mohisgot og mga ngalan o mga detalye nga personal kaayo.
Samtang dili magpaambit og personal nga mga detalye o mga ngalan, paghulagway og tawo nga imong nailhan nga ang kinabuhi usa ka ebidensya nga ang Langitnong Amahan ug si Jesukristo maloloy-on ug nangita niadtong mga nahisalaag sa atong panahon karon.Pamalandongi kon sa unsang paagi makatabang kini nga mga ehemplo sa pagpalig-on sa imong pagpamatuod bahin sa maloloy-ong kinaiyahan sa Langitnong Amahan ug ni Jesukristo. Hunahunaa kon nganong importante para kanimo nga kini mahibaloan ang mahitungod Kanila.
Komentaryo ug Background nga Impormasyon
Kinsa ang girepresentar sa karnero nga nahisalaag sa Mateo 18:12–13 ?
Mipasabot si Isaias, “Kitang tanan sama sa mga karnero nahisalaag; ang tagsa-tagsa kanato misimang sa iyang kaugalingon nga dalan” ( Isaias 53:6 ; emphasis gidugang). Busa, ang nahisalaag nga karnero nga nanginahanglan og pagluwas sa Maayong Magbalantay nagrepresentar sa kada usa kanato.
Unsa ang gibati sa Langitnong Amahan sa mga tawo nga naningkamot sa pagsunod Kaniya pero balik-balik nga napakyas?
Si Presidente Dieter F. Uchtdorf, kanhi sakop sa Unang Kapangulohan, mitabang sa pagtubag niini nga pangutana. Mahimo nimong tan-awon ang video nga “Upat ka Tawag,” nga anaa sa ChurchofJesusChrist.org, gikan sa code sa oras nga 3:07 hangtod sa 4:49.
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Nakakita kita sa usa ka bata nga nagkat-on og lakaw. Molakang siya og ginagmay ug mobarag. Siya matumba. Kasab-an ba nato tungod niana? Siyempre dili. Unsang klaseha sa amahan ang mosilot sa bata tungod kay natumba? Kita modasig, mopakpak, ug modayeg, kay sa ginagmay nga lakang, ang bata mas mahisama sa iyang ginikanan.
Karon, mga kaigsoonan, kon itandi sa pagkahingpit sa Dios, kitang mortal morag susama ra sa bakikaw, katumbahon nga mga bata. Apan ang Langitnong Amahan gusto nga kita mahisama Niya, ug, mga kaigsoonan, kana mao usab unta ang atong mahangturong tumong. Ang Dios nakasabot nga makaabot kita didto dili diha-diha dayon pero pinaagi sa usa ka lakang sa matag higayon.
Dili ko motuo sa usa ka Dios nga mohatag og mga lagda ug kasugoan nga maghulat lang nga mapakyas kita aron Iya kitang masilotan. Nagtuo ko sa Langitnong Amahan nga mapinanggaon ug malipay sa atong paningkamot nga makabarog ug makalakaw padulong Niya. Bisan mapandol kita, nag-awhag Siya nato nga dili mawad-an og kadasig—dili gay[o]d mohunong o molikay sa atong responsibilidad—pero magmaisugon, magmatuohon, ug magpadayon.
(Dieter F. Uchtdorf, “Upat ka Tawag,” Liahona, Mayo 2013, 58)
Tungod kay mapinanggaon ang Dios, kinahanglan ba gayod kita nga maningkamot sa pagsunod sa Iyang mga sugo aron maluwas?
Si Presidente Dallin H. Oaks sa Unang Kapangulohan mitudlo:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Ang uban mora og mohatag og bili sa gugma sa Dios tungod sa ilang pagla[o]m nga ang Iyang gugma talagsaon kaayo ug walay kinutoban nga kini maloloy-on nga mopalingkawas kanila gikan sa pagtuman sa Iyang mga balaod. …
Kon ang usa ka tawo makasabot sa mga pagtulon-an ni Jesus, siya dili makatarunganon nga mohukom nga ang atong mapinanggaon nga Langitnong Amahan o ang Iyang balaan nga Anak motuo nga ang Ilang gugma molabaw sa Ilang mga kasugoan. …
Si Jesus nagtudlo, “Dili ang tanang magaingon kanako, Ginoo, Ginoo, makasulod sa gingharian sa langit; kondili ang nagatuman sa kabubut-on sa akong Amahan nga anaa sa langit” ( Mateo 7:21).
(Dallin H. Oaks, “Gugma ug Balaod,” Liahona, Nob. 2009, 26, 28)
Dugang nga Kalihokan sa Pagkat-on
Mateo 18:1 . “Kinsa man ang labing dako sa gingharian sa langit?”
Isulat ang pangutana sa ibabaw sa pisara, ug dapita ang mga estudyante nga maghunahuna og lain-laing mga paagi nga matubagan kini nga pangutana. Unya dapita sila nga handurawon kon unsa ang gibuhat sa Manluluwas sa Mateo 18:2 sa wala pa Siya molitok og tubag sa pangutana. Pangutan-a ang mga estudyante kon unsa ang ilang makat-onan pinaagi sa walay gilitok nga tubag sa Manluluwas ngadto sa pangutana.
Dapita ang mga estudyante nga basahon ang Mateo 18:3–4 ug hisgotan ang mga kinaiyahan nga sama ni Kristo nga aduna ang mga bata. Unsa ang kasagaran natong makita sa mga bata nga makapahinumdom kanato kang Jesukristo? Sa unsang paagi nga ang pagkasama sa usa ka bata makatabang kanato nga mas maandam sa pagsulod sa gingharian sa langit? Ikonsiderar ang pagdapit sa mga estudyante sa paghimo og koneksyon sa Mateo 18:1–4 ngadto sa Mosiah 3:19 ug hisgotan unsa ang nadugang niini nga bersikulo sa ilang pagsabot.
Dapita sila nga mainampoong magtinguha nga makabaton og kinaiyahan nga sama ni Kristo nga nakita nila pinaagi sa ehemplo sa mga bata.
