Langitnong Amahan, si Jesukristo, ug ang Espiritu Santo
Imahe
Joseph Smith in the Sacred Grove looking up at the personages of God the Father and Jesus Christ, who have appeared to him.
Ang Langitnong Amahan, si Jesukristo, ug ang Espiritu Santo tanan sila didto sa bunyag ni Jesukristo. Makatabang kanimo kini nga leksiyon sa pagpalambo sa imong pagsabot sa kada sakop sa Dios nga Kapangulohan, nga makaapekto sa imong mga desisyon sa kinabuhi.
Pag-ila sa kasamtangang pagsabot sa estudyante. Ang kada estudyante adunay talagsaon nga mga kasinatian, kahibalo, pagsabot, ug panglantaw sa klase. Tinguhaa nga madiskobre ang kasamtangang pagsabot sa mga estudyante sa gihatag nga doktrina, baroganan, o konsepto, ug pangita og mga paagi aron giyahan sila diha sa proseso sa pagkat-on.
Pag-andam sa estudyante: Dapita ang mga estudyante sa pag-anha sa klase nga andam sa pagpaambit sa ilang nahibaloan mahitungod sa Dios nga Kapangulohan, giunsa nila pagkahibalo niini, ug unsang mga pangutana ang lagmit nga aduna sila.
Posible nga mga Kalihokan sa Pagkat-on
Unsa ang nakatabang sa kabatan-onan nga mga Santos sa Ulahing mga Adlaw nga maayo ang pagdumala sa mga kalisdanan?
Ikonsiderar ang pagpakita sa mosunod nga pamahayag samtang gihisgotan sa mga estudyante ang mosunod nga mga pangutana.
Basaha ang mosunod nga pamahayag gikan ni Presidente Dallin H. Oaks sa Unang Kapangulohan:
Imahe
Official Portrait of President Dallin H. Oaks taken March 2018.
Usa ka artikulo [sa balita] giulohan og “Mormon teens cope best: Study finds top peers at handling adolescence.” Sa katapusan niining artikulo nag-ingon nga “Ang mga Mormon ang labing maayo sa paglikay sa risgo nga pamatasan, maayo diha sa eskwela ug adunay positibo nga kinaiya mahitungod sa umaab[o]t.” Usa sa mga tigpanukiduki (researcher) diha sa pagtuon, nga nakighinabi sa kadaghanan sa atong kabatan-onan, nag-ingon, “Hapit tanang kategoriya nga among gitan-aw, adunay klaro nga sumbanan: Nag-una ang mga Mormon.”
(Dallin H. Oaks, “Mga Ginikanan ug mga Bata,” Liahona, Nob. 2018, 62)
Sa imong hunahuna, ngano kaha nga daghang kabatan-onang mga Santos sa Ulahing mga Adlaw nga maayong modumala sa mga kalisdanan sa kinabuhi?
Hunahunaa ang imong kaugalingong kasinatian sa kinabuhi.
Ikonsiderar ang pagdapit sa mga estudyante nga hilom nga sukdon ang ilang mga kaugalingon sa sukdanan nga sama sa mosunod:
Sa imong hunahuna, unsa ka maayong pagkahulagway ang imong kaugalingon sa gihulagway nga mga kinaiya sa mga kabatan-onan nga giinterbiyo?
Naghulagway gayod kini kanako.
Medyo naghulagway kini kanako.
Wala gayod kini maghulagway kanako.
Nagpadayon si Presidente Oaks sa pag-ingon nga ang usa ka rason nga gibati niya nga andam kaayo ang kabatan-onan sa Ang Simbahan ni Jesukristo sa mga Santos sa Ulahing mga Adlaw sa pag-atubang sa mga pagsulay mao ang ilang pagsabot sa plano sa kaluwasan ug sa ilang kahibalo sa ilang relasyon sa Dios (tan-awa sa “Mga Ginikanan ug mga Bata,” 62). Sa laing sitwasyon, siya nagtudlo:
Imahe
Official Portrait of President Dallin H. Oaks taken March 2018.
Tungod kay anaa kanato ang kamatuoran mahitungod sa Dios nga Kapangulohan ug sa atong relasyon Kanila, sa katuyoan sa kinabuhi, ug sa kinaiyahan sa mahangturon natong padulngan, kita adunay pinakatalagsaong giya ug kasiguroan alang sa atong panaw sa mortalidad.
(Dallin H. Oaks, “Ang Dios nga Kapangulohan ug ang Plano sa Kaluwasan,” Liahona, Mayo 2017, 103)
Sa imong hunahuna ngano nga ang pagsabot niini nga mga kamatuoran makatabang man sa mga tinedyer nga mga Santos sa Ulahing mga Adlaw sa paglikay sa mga risgo nga pamatasan, maayo sa eskwela, ug adunay positibo nga kinaiya mahitungod sa umaabot?
Bisan sa kabatan-onan nga mga Santos sa Ulahing mga Adlaw, unsa ang pipila ka babag sa pag-ila sa Langitnong Amahan ug kang Jesukristo pinaagi sa gahom sa Espiritu Santo?
Pagtagana og panahon aron maghunahuna mahitungod sa kon unsa ang imong nahibaloan ug nasabtan mahitungod sa mga tahas sa Dios nga Kapangulohan ug sa gugma nga aduna ang Langitnong Amahan ug si Jesukristo para kanimo. Niini nga leksiyon, makabaton ka og oportunidad nga makahibalo pa og dugang mahitungod sa Langitnong Amahan, ni Jesukristo, ug sa Espiritu Santo ug makapamalandong kon sa unsang paagi nga makatabang kanimo sa imong kinabuhi ang pagkat-on mahitungod Kanila.
Nagtudlo ang mga kasulatan mahitungod sa Dios nga Kapangulohan
Ikonsiderar ang pagdapit sa mga estudyante nga ipaambit kon unsa ang ilang giandam para sa klase pinaagi sa pagpasulat kanila sa ilang nahibaloan mahitungod sa Dios nga Kapangulohan ug giunsa nila pagkahibalo niini.
Bahina ang usa ka papel sa tulo ka kolum ug butangi og label ang ibabaw sa unang kolum nga “Langitnong Amahan,”ang ikaduhang kolum “Jesukristo,”ug ang ikatulong kolum “Ang Espiritu Santo.”Sa sulod sa kada partikular nga kolum, pagsulat og usa o duha ka butang nga imong nahibaloan mahitungod niini nga miyembro sa Dios nga Kapangulohan. Paglakip og mubo nga pagpasabot sa kon giunsa nimo pagkahibalo ang kada kamatuoran o nganong mituo ka niini. Sa kinatibuk-an sa leksiyon, gamita ang oportunidad sa pagdugang niini nga mga kolum sa imong nakat-onan mahitungod sa kada sakop sa Dios nga Kapangulohan.
Mahimo usab buhaton kini nga kalihokan isip usa ka klase pinaagi sa pagbuhat og tulo ka kolum diha sa pisara. Mahimong dapiton ang mga estudyante nga moadto sa pisara aron magdugang og lain-laing mga ideya sa kinatibuk-an sa leksiyon.
Ang usa ka bahin sa kasulatan diin makahibalo kita og dugang mahitungod sa Dios nga Kapangulohan mao kadtong higayon nga gibunyagan si Jesukristo ni Juan nga Magbubunyag.
Pagpakita og hulagway sa bunyag ni Jesukristo.
Imahe
John the Bapist baptizing Jesus Christ in the River Jordan. A landscape of trees and mountains is in the background.
Basaha ang mahitungod sa bunyag ni Jesukristo sa usa o labaw pa sa mosunod nga mga asoy sa Ebanghelyo, ug pangitaa kon unsa ang imong makat-onan mahitungod sa kada sakop sa Dios nga Kapangulohan:
Mahimong ilhon sa mga estudyante ang mga kamatuoran nga susama sa mosunod: ang Dios nga Kapangulohan tulo ka managbulag ug managlahi nga binuhat, si Jesukristo monunot sa kabubut-on sa Amahan, gituman ni Jesukristo ang tanang pagkamatarong, ang Langitnong Amahan ug ang Espiritu Santo nagpamatuod kang Jesukristo, ang Espiritu Santo nagkompirmar sa mga ordinansa, malipay ang Langitnong Amahan kon sundon Siya.
Unsa ang imong nakat-onan mahitungod sa kada sakop sa Dios nga Kapangulohan?
Paminaw pag-ayo samtang nagpaambit ang mga estudyante, unya gamita ang pipila o ang tanang mosunod nga impormasyon aron makatabang kanila nga mas masabtan ang Dios nga Kapangulohan.
Makatabang kanato kini nga mga bersikulo sa pagsabot nga ang kada sakop sa Dios nga Kapangulohan usa ka managbulag nga binuhat ug aduna kini importanteng tahas sa atong mga kinabuhi. Pananglitan, ang Manluluwas naghatag kanato og ehemplo sa pagtuman sa kabubut-on sa Amahan. Sa dihang nalipay ang Dios kang Jesukristo sa Iyang bunyag, gipakita Niya nga Siya usa ka mahigugmaong Langitnong Amahan nga malipay kon mosunod kita Kaniya.
Kanus-a nimo gibati nga nalipay ang Langitnong Amahan kanimo para sa butang nga imong gibuhat? Unsa ang epekto kanimo sa pagkahibalo nga nalipay Siya?
Tingali ang unang mahunahunaan sa pipila ka estudyante nga wala pa gayod silay nabuhat nga butang nga nakapalipay sa Langitnong Amahan. Mahimong makatabang kon hangyoon sila nga pamalandongan pag-ayo kini nga mga pangutana ug hatagan og pagtagad ang ilang mga hunahuna ug mga gibati. Ang pag-ila sa mga panahon nga mibati sila og gugma, kalipay, kalinaw, o kamaayo (mga pagbati nga naggikan sa Espiritu Santo) makatabang sa mga estudyante nga makita ang mga higayon nga nalipay ang Langitnong Amahan sa ilang mga binuhatan (tan-awa sa Mga Taga-Galacia 5:22).
Si Propeta Joseph Smith (1805–44) mipasabot nga ang Espiritu Santo wala mopakita isip usa ka salampati. Hinuon, ang salampati nagtimaan nga anaa ang Espiritu Santo. Si Joseph Smith nagtudlo, “Ang Espiritu Santo dili mausab ngadto sa usa ka salampati; pero ang timailhan sa usa ka salampati gihatag ngadto ni Juan aron sa pagmatuod sa kamatuoran sa gibuhat” (Mga Pagtulun-an sa mga Presidente sa Simbahan: Joseph Smith [2007], 95-96).
Kanus-a nagpamatuod og kamatuoran kanimo ang Espiritu Santo?
Unsang mga pangutana ang aduna ka mahitungod sa Dios nga Kapangulohan?
Gamita kini o ang uban pang mga magamit nga opsiyon nga labing makatubag sa mga panginahanglan sa mga estudyante. Imbis nga hangyoon ang mga estudyante nga mopili og opsiyon, mahimong makatabang usab kon magtuon nga magkauban isip usa ka klase o magdungan sa pagtan-aw sa usa sa mga video.
Pagpili og usa o labaw pa sa mosunod nga mga opsiyon aron tabangan kang makita ang mga tubag sa imong mga pangutana mahitungod sa Dios nga Kapangulohan. Samtang nagtuon ka, pangita usab og mga paagi nga ang pagsabot sa Dios nga Kapangulohan makapanalangin kanimo sa personal nga paagi.
Pangita og dugang pang mga ideya diha sa mga kasulatan. Mahimo kang motan-aw sa ubos sa “ Dios, Dios nga Kapangulohan ” sa Giya ngadto sa mga Kasulatan.
Tun-i ang mga pagtulon-an gikan sa mga propeta ug mga apostoles mahitungod sa Dios nga Kapangulohan. Pananglitan, mahimo nimong basahon ang gisulti ni Dallin H. Oaks “Ang Dios nga Kapangulohan ug ang Plano sa Kaluwasan,” (Liahona, Mayo 2017, 100–103) o ang pakigpulong ni Jeffrey R. Holland “Ang Pagkaila sa Dios nga Kapangulohan” (Liahona, Ene. 2016, 32–39).
Imahe
John the Bapist baptizing Jesus Christ in the River Jordan. A landscape of trees and mountains is in the background.
Imahe
John the Bapist baptizing Jesus Christ in the River Jordan. A landscape of trees and mountains is in the background.
Unsang mga kasulatan o mga pagtulon-an ang nakatabang kanimo nga makahibalo pa og dugang mahitungod sa Dios nga Kapangulohan? Unsay imong nakat-onan?
Sa unsang paagi nga makapanalangin sa imong relasyon Kanila kini nga kahibalo?
Hunahunaa nga gihangyo ka nga interbiyohon para sa usa ka artikulo nga nag-follow up sa gihisgotan sa sinugdanan sa klase. Daghang mga tawo ang nagsulat ngadto sa editor ug gustong makahibalo sa mga rason kon nganong pinakamaayong makasulbad sa problema sa pagkakabatan-on ang kabatan-onan nga mga Santos sa Ulahing mga Adlaw. Aduna kay oportunidad nga maghatag og ideya kon sa unsang paagi nga ang kada miyembro sa Dios nga Kapangulohan nakatabang kanimo sa Ilang indibidwal pero adunay kalambigitan nga mga tahas. Pananglitan, tingali aduna kay mga kasinatian nga gitubag sa Langitnong Amahan ang imong mga pag-ampo, nag-antos si Jesukristo para sa imong mga sala, o ang Espiritu Santo ang nagkompirmar sa kamatuoran nganha kanimo. Planoha ang imong tubag pinaagi sa pagtubag sa mosunod nga mga pangutana.
Sa unsang paagi nakatabang kanimo ang kada miyembro sa Dios nga Kapangulohan sa pagdumala sa mga kalisdanan sa kinabuhi sa tinedyer?
Unsa nga mga kasinatian ang nakatabang kanimo sa pagsabot ug pag-ila sa lain-laing mga miyembro sa Dios nga Kapangulohan?
Unsa ang imong marekomendar nga buhaton sa ubang tawo aron madawat ang mga panalangin nga naggikan sa Langitnong Amahan, ni Jesukristo, ug sa Espiritu Santo?
Dapita ang pipila ka mga estudyante sa pagpakigbahin sa ilang tubag sa usa sa mga pangutana. Pagpaambit og imong kaugalingong pagpamatuod sa kon sa unsang paagi nga ang pagsabot ug pagkahibalo sa Dios nga Kapangulohan nakatabang kanimo sa imong kinabuhi .
Komentaryo ug Background nga Impormasyon
Nganong nag-ingon man sa mga kasulatan nga ang Amahan, ang Anak, ug ang Espiritu Santo “usa lamang” kon managbulag ug managlahi sila nga mga binuhat?
Si Elder Jeffrey R. Holland sa Korum sa Napulog Duha ka Apostoles mipasabot:
Imahe
Official Portrait of Elder Jeffrey R. Holland. Photographed January 2018.
Kita nagtuo nga kining tulo ka balaanong mga tawo nga naglangkob sa usa ka Dios nga Kapangulohan nagkahiusa sa katuyoan, sa pamaagi, sa pagpamatuod, sa misyon. Kita nagtuo Kanila nga puno sa samang diosnong pagbati sa kaluoy ug gugma, kaangayan ug grasya, pailob, pagpasaylo, ug katubsanan. Sa akong hunahuna tukma lamang nga moingon nga kita nagtuo nga Sila usa ra sa mahinungdanon ug mahangturon nga kinaiya nga mahunahuna gawas nga kita wala magtuo Kanila nga tulo ka mga tawo nga giusa ra diha sa usa ka lawas, usa ka Trinitarian nga ideya nga dili gay[o]d pinasikad diha sa mga kasulatan tungod kay dili kini tinuod. …
Kita mamahayag nga kini klaro gikan sa mga kasulatan nga ang Amahan, ang Anak, ug ang Espiritu Santo managlahi nga mga tawo, ug motawag sa pagtagad sa dili masaypan ug klaro nga mga ehemplo niini nga kamatuoran sama sa mahinungdanon nga Mapangaliyupoong Pag-ampo sa Manluluwas [tan-awa sa Juan 17 ] … , ang Iyang bunyag sa mga kamot ni Juan [tan-awa sa Mateo 3:13–17 ; Marcos 1:9–11 ; Lucas 3:21–22 ], ang kasinatian sa Bukid sa Transpigurasyon [tan-awa sa Marcos 9:7 ; Lucas 9:35 ], ug ang pagkamatay ni Esteban [tan-awa sa Mga Buhat 7:55–56 ]—sa paghingalan og upat lamang.
(Jeffrey R. Holland, “Sa Bugtong Tinuod nga Dios ug kang Jesukristo nga Iyang Pinadala,” Liahona, Nob. 2007, 40–41)
Mateo 3:16 . Ang Espiritu Santo ba mipakita isip usa ka salampati?
Si Propeta Joseph Smith (1805–1844) mipasabot:
Imahe
Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.
Ang timailhan sa salampati gipasiugdahan sa wala pa malalang ang kalibotan, usa ka saksi sa Espiritu Santo, ug ang yawa dili moabot pinaagi sa timailhan sa salampati. Ang Espiritu Santo usa ka personahe, ug anaa sa porma sa usa ka personahe. Dili kini limitado sa porma sa salampati, pero sa timailhan sa salampati. Ang Espiritu Santo dili mausab ngadto sa usa ka salampati; pero ang timailhan sa usa ka salampati gihatag ngadto ni Juan aron sa pagmatuod sa kamaturoan sa gibuhat, ingon nga ang salampati usa ka timailhan o timaan sa kamatuoran ug pagkainosente.
Dapita ang mga estudyante nga maghunahuna og usa ka ehemplo sa kon sa unsang paagi nga ang Langitnong Amahan, si Jesukristo, ug ang Espiritu Santo magkahiusa sa katuyoan pero adunay lain-laing mga tahas. (Pananglitan, mag-ampo kita sa Langitnong Amahan sa ngalan ni Jesukristo, ug motabang kanato ang Espiritu Santo sa pag-ila sa mga tubag sa atong mga pag-ampo.)