Mateo 5; Lucas 6

Kinatibuk-ang Pagpasabot

Aron sugdan ang Wali sa Bukid, gitudlo sa Manluluwas kon sa unsang paagi nga mahimong malipayon ang mga tawo. Gitudlo Niya nga makapanalangin sa ubang tawo ang atong matarong nga mga ehemplo. Gimandoan Niya ang Iyang mga disipulo nga mahimong ehemplo sa ubang tawo pinaagi sa pagsunod Kaniya. Gitudlo Niya kon sa unsang paagi Niya gituman ang balaod ni Moises, ug gipadayag Niya ang mas taas nga balaod sa ebanghelyo. Gidapit Niya ang tanan nga mahimong hingpit tungod kay hingpit ang Langitnong Amahan.

Mateo 5:1–12

Katuyoan sa leksiyon: Kini nga leksiyon motabang sa mga estudyante sa pag-ila sa mga hiyas nga sama ni Kristo ug magbuhat og plano aron palamboon kini samtang nagtinguha sila og kalipay ug kahingpitan.

Pag-andam sa estudyante: Dapita ang mga estudyante nga magpili og usa sa mga hiyas sa Mateo 5:1–12 nga gusto nilang mahibaloan pa og dugang. Hangyoa sila nga tun-an kon unsa ang buot ipasabot niini ug hunahunaon kon sa unsang paagi nga kana nga hiyas mosangpot ngadto sa kalipay.

Handout: “Mga Tawong Bulahan”

Sugyot sa pagtudlo pinaagi sa videoconference: Ang pipila ka videoconference software adunay whiteboard function nga magamit sa mga estudyante sa pag-type o pagsulat. Kon available kana nga function, ikonsiderar ang pag-awhag sa mga estudyante nga pangitaon ang Mga Tawong Bulahan sa Mateo 5:1–12 ug isulat ang ilang makita diha sa whiteboard. Unya mahimo silang magdugang og mga kahulogan sa mga pulong sa higayon nga makita nila kini.

Mateo 5:13–16

Katuyoan sa leksiyon: Makatabang kini nga leksiyon sa mga estudyante sa pagsusi sa ilang mga aksiyon ug pamatasan aron mas modan-ag ang kahayag ni Jesukristo.

Pag-andam sa estudyante: Dapita ang mga estudyante nga ikonsiderar ang mosunod nga mga pangutana: Kinsa sa imong kinabuhi ang ehemplo sa pagkinabuhi sa pulong ug aksiyon nga sama ni Kristo? Unsa ang ilang gibuhat aron modan-ag ang kahayag ug gugma sa Dios? Unsa ang epekto sa ilang mga aksiyon nganha kanimo ug sa ubang tawo?

Mga butang: Asin ug pipila ka pagkaon nga butangan og asin; samin ug dry erase marker

Doktrinal nga Kahanas: Mateo 5:14–16

Katuyoan sa leksiyon: Kini nga leksiyon makatabang sa mga estudyante sa paggamit sa mga baroganan sa pag-angkon og espirituhanong kahibalo aron mahimong ehemplo sa ubang tawo ug mas mahiduol ngadto sa Manluluwas.

Pag-andam sa estudyante: Dapita ang mga estudyante nga maghunahuna og usa ka tawo sa ilang mga kinabuhi nga maayong ehemplo nganha kanila. Unya awhaga sila nga ikonsiderar ang pagtawag niining tawhana o pagsulat sa tawo aron ipahayag ang ilang pagpasalamat.

Mga butang: Mga suplay aron makahimo ang mga estudyante og ilustrasyon (papel, mga colored pencil, krayola, ug uban pa)

Sugyot sa pagtudlo pinaagi sa videoconference: Pag-andam sa pagpakita og mga butang nga kinahanglang tan-awon pagbalik sa mga estudyante, sama sa tulo ka baroganan sa pag-angkon og espirituhanong kahibalo ug sitwasyon. Gamita ang function sa pag-share sa screen, o ipakita kini nga mga aytem diha sa chat.

Mateo 5:17–47

Katuyoan sa leksiyon: Makatabang kini nga leksiyon sa mga estudyante nga magpakabuhi sa mas taas nga balaod ni Kristo aron mahimo silang mas mahisama sa Langitnong Amahan.

Pag-andam sa estudyante: Dapita ang mga estudyante nga mag-ampo nga tudloan sila sa Espiritu diha sa seminary. Mahimo usab nga dapiton ang mga estudyante nga mag-ampo para sa ilang mga magtutudlo ug mga klasmeyt.

Butang: Usa ka hulagway sa aytem nga gi-upgrade—telepono, appliance, artikulo bahin sa sinina, ug uban pa

Sugyot sa pagtudlo pinaagi sa videoconference: Kon hilom ang mga estudyante o morag nakuyawan mahitungod sa pagtubag sa mga pangutana o pagpakigbahin sa mga ideya, ikonsiderar ang pagdapit kanila nga motubag gamit ang chat function.

Mateo 5:48

Katuyoan sa leksiyon: Makatabang kini nga leksiyon sa mga estudyante nga masabtan ang sugo sa Manluluwas nga “magmahingpit … ingon nga hingpit ang [atong] Amahan nga atua sa langit” ( Mateo 5:48).

Pag-andam sa estudyante:Dapita ang mga estudyante nga magdala sa klase og mga hulagway sa ilang kaugalingon niadtong gagmay pa sila. Lagmit nga mas epektibo kon buhaton kini daan sa dili mominos sa usa ka semana uban sa tabang sa mga ginikanan.

Sulod [content] nga ipakita:Ang mga pamahayag gikan ni Presidente Russell M. Nelson, Elder Jeffrey R. Holland, ug Elder Gerrit W. Gong aron tun-an sa mga estudyante diha sa gagmay nga mga grupo

Sugyot sa pagtudlo pinaagi sa videoconference: Ikonsiderar ang pagdapit sa mga estudyante nga magbuhat sa mga breakout room aron hisgotan ang propetikanhon nga pamahayag nga gilakip diha sa leksiyon. Siguroha nga magsangon og lider sa grupo ug maghatag og klarong mga instruksiyon sa dili pa kini buhaton aron masugdan dayon sa mga estudyante ang ilang panaghisgot.