ម៉ាថាយ ៦:១

ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៣ )

មាតិកា
ទំព័រចំណងជើង
សេចក្តីផ្តើម ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨, ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–ទី២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុសទី ១–២
យ៉ូហាន ទី១–ទី៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២
ឧបសម្ព័ន្ធ

ម៉ាថាយ ៦:១–១៨

ព្រះអង្គសង្គ្រោះបង្រៀនពួកសិស្សរបស់ទ្រង់ឲ្យធ្វើកិច្ចការសុចរិត

ព្រះយេស៊ូវគ្រីស្ទកំពុងបង្រៀនដល់មនុស្សមួយក្រុម ។ ព្រះគ្រីស្ទគង់នៅលើថ្មជើងភ្នំ ។ ទ្រង់គ្រងរ៉ូបពណ៌ក្រហមខៀវ ។ ទ្រង់លើកព្រះហស្ដម្ខាងឡើង ។ តួអង្គផ្សេងទៀតទះដៃដោយភក្ដីភាព ។

ព្រះយេស៊ូវបានបន្ដបទបង្រៀនរបស់ទ្រង់នៅលើភ្នំ ដោយបង្រៀនថា យើងគួរតែធ្វើអំពើល្អ ដើម្បីផ្គាប់ព្រះហឫទ័យនៃព្រះវរបិតាសួគ៌របស់យើង ហើយមិនមែនដើម្បីឲ្យអ្នកដទៃចាប់អារម្មណ៍លើយើងឡើយ ។ នៅក្នុងមេរៀននេះ អ្នកនឹងមានឱកាសវាយតម្លៃពីបំណងរបស់អ្នកក្នុងការធ្វើអំពើល្អ ហើយសម្រេចថាតើអ្នកចង់កែលម្អវាយ៉ាងដូចម្តេច ។

ការស្គាល់ និងការយល់ពីគោលលទ្ធិនៃព្រះគ្រីស្ទ ។ សូមជួយសិស្សឲ្យ « ស្គាល់ និងយល់ » ពីគោលលទ្ធិនៃព្រះគ្រីស្ទ ។ ការដឹង និងការយល់ « គឺជាចំណេះដឹងដល់គំនិត និងដួងចិត្ត » ។ នៅពេលព្រះវិញ្ញាណធ្វើជាសាក្សីនៃភាពពិតពេញលេញនៃគោលការណ៍ដំណឹងល្អ នោះសិស្សនឹងកាន់តែ « ទទួលអារម្មណ៍ពីសេចក្ដីពិតនៃគោលការណ៍នោះ ហើយចាប់ផ្ដើមឃើញកាន់តែច្បាស់ មានបំណងប្រាថ្នាកាន់តែស៊ីជម្រៅ ហើយដូច្នេះ ពួកគេអាចយល់នៅក្នុងចិត្តរបស់ពួកគេពីកិច្ចការនៃគោលការណ៍នោះកាន់តែពេញលេញនៅក្នុងជីវិតរបស់ពួកគេ » ។ ( គីម ប៊ី ក្លាក « Deep Learning and Joy in the Lord » [ សុន្ទរកថាថ្លែងនៅឯការចាក់ផ្សាយការបំពាក់បំប៉នប្រចាំឆ្នាំនៅថ្នាក់សិក្ខាសាលា និងវិទ្យាស្ថាននៃសាសនា ថ្ងៃទី ១៣ ខែ មិថុនា ឆ្នាំ ២០១៧ ] )

ការរៀបចំសិស្ស ៖ សូមអញ្ជើញសិស្សឲ្យគិតអំពីការជំរុញចិត្តរបស់ពួកគេ ចំពោះសកម្មភាពរបស់ពួកគេក្នុងអំឡុងពេល ២៤ ម៉ោងមុនចូលដល់ថ្នាក់រៀន ។

សកម្មភាពរៀនសូត្រដែលអាចមាន

ចំណាំ ៖ ការអធិស្ឋានរបស់ព្រះអម្ចាស់ និងវគ្គបទគម្ពីរដែលទាក់ទង ( ម៉ាថាយ ៦:៩–១៥ ) នឹងត្រូវបង្រៀននៅក្នុងមេរៀនក្រោយ ដែលផ្តោតលើ លូកា ១១ ។

ការជំរុញចិត្តរបស់យើង

សូមគិតអំពីសេចក្តីថ្លែងការណ៍ដូចតទៅនេះ ៖ ហ្គូស្តាវ៉ូ បានជួសជុលរបងផ្ទះអ្នកជិតខាងរបស់គាត់ ។

សូមពិចារណាគូររូបមនុស្សកាន់ញញួរនៅលើក្តារខៀន ។ សូមសរសេរសេចក្តីថ្លែងការណ៍នេះនៅលើក្តារខៀននៅជិតរូបមនុស្សនោះ ។

តើអ្នកគិតយ៉ាងណាអំពី ហ្គូស្តាវ៉ូ ?

សូមលុបសញ្ញាខណ្ឌនៅចុងបញ្ចប់នៃឃ្លា « ហ្គូស្តាវ៉ូ បានជួសជុលរបងផ្ទះអ្នកជិតខាងរបស់គាត់ » ហើយសរសេរពាក្យ ពីព្រោះ … នៅចុងបញ្ចប់នៃសេចក្តីថ្លែងការណ៍នោះវិញ ។ សូមឲ្យសិស្សបំពេញសេចក្តីថ្លែងការណ៍នេះ ដោយមានហេតុផលផ្សេងៗនៃមូលហេតុដែលហ្គូស្តាវ៉ូ ទៅជួសជុលរបងផ្ទះនោះ ។ ចម្លើយអាចរួមមានឃ្លាដូចជា « គាត់ជាមនុស្សដែលមានចិត្តល្អ » « គាត់បានចូលរួមក្នុងគម្រោងបម្រើមួយ ដែលម៉ាក់គាត់ឲ្យគាត់ចូលរួម » « គាត់ចង់ធ្វើឲ្យកូនស្រីអ្នកជិតខាងនោះចាប់អារម្មណ៍គាត់ » « គាត់មិនចង់ឲ្យឆ្កែរបស់អ្នកជិតខាងគាត់ចូលមកទីធ្លាផ្ទះរបស់គាត់ » និង « គាត់បានបំបាក់របងនោះដោយកំហឹង ហើយឪពុករបស់គាត់បានឲ្យគាត់ជួសជុលវាវិញ » ។

ហេតុអ្វីការជំរុញចិត្តរបស់យើងសំខាន់ ?

យើងអាននៅក្នុង ម៉ាថាយ ៦ ថា ព្រះអង្គសង្គ្រោះបានបន្តបទបង្រៀនរបស់ទ្រង់នៅលើភ្នំ ហើយបានបង្រៀនអំពីការជំរុញចិត្តក្នុងការធ្វើអំពើល្អ ។ ដើម្បីជួយអ្នកឲ្យគិតអំពីមូលហេតុ ដែលអ្នកធ្វើកិច្ចការល្អដូចជាការងារបម្រើ ការបម្រើអ្នកដទៃ ការអធិស្ឋាន និងការចូលរួមក្នុងថ្នាក់សិក្ខាសាលា នោះសូមធ្វើសកម្មភាពដូចខាងក្រោម ។

សូមបង្កើតតារាងជួរឈរបីក្នុងសៀវភៅកំណត់ហេតុការសិក្សារបស់អ្នក ។ សូមបំពេញផ្នែកខាងលើនៃតារាងដូចខាងក្រោមនេះ ៖

សូមបង្ហាញតារាងខាងក្រោមនៅលើក្ដារខៀន ។ សូមអញ្ជើញសិស្សឲ្យសរសេរចម្លើយរបស់ពួកគេនៅក្នុងតារាងរបស់ពួកគេចំពោះសំណួរដែលមាននៅខាងលើតារាងនោះ ។

តើអ្វីជាអំពើល្អចំនួនបី ដែលអ្នកបានធ្វើក្នុងសប្តាហ៍មុននេះ ? ( សូមសរសេរអំពើល្អមួយក្នុងជួរនីមួយៗ ) ។	តើអ្នកមានហេតុផលអ្វីខ្លះដើម្បីធ្វើវា ?	តើអ្នកមានអារម្មណ៍យ៉ាងណា បន្ទាប់ពីអ្នកបានធ្វើអំពើល្អទាំងនេះ ?

សូមអាន ម៉ាថាយ ៦:១–៦, ១៦–១៨ ដោយរកមើលអ្វីដែលព្រះអង្គសង្គ្រោះបានបង្រៀន អំពីការជំរុញចិត្តរបស់យើងក្នុងការធ្វើអំពើសុចរិត ។ ពាក្យ ធ្វើទាន គឺសំដៅទៅលើ « សកម្មភាពស្មោះស្ម័គ្រខាងសាសនា » ( ខទី ១ ) ដូចជាការចែកទានដល់ជនក្រីក្រ ។ ពាក្យ ពួកមានពុត សំដៅទៅលើអ្នកទាំងឡាយណាដែលធ្វើពុតជាធ្វើទាន ( ខទី ២ ) ។

តើអ្នកអាចសង្ខេបអ្វីដែលព្រះអង្គសង្គ្រោះបានបង្រៀនដោយរបៀបណា ?

សូមអញ្ជើញសិស្សឲ្យសង្ខេបអ្វីដែលពួកគេបានអាន និងសួរសំណួរណាមួយដែលពួកគេអាចមាន ។ នៅពេលសិស្សសង្ខេប ពួកគេអាចថ្លែងគោលការណ៍ស្រដៀងនឹងគោលការណ៍ដូចតទៅនេះ ៖ ប្រសិនបើយើងធ្វើអំពើសុចរិតដើម្បីផ្គាប់ព្រះហឫទ័យព្រះវរបិតាសួគ៌ នោះទ្រង់នឹងប្រទានរង្វាន់ដល់យើងនៅទីប្រចក្សច្បាស់ ។ ប្រសិនបើយើងធ្វើអំពើល្អដើម្បីឲ្យអ្នកដទៃឃើញ នោះយើងនឹងមិនទទួលបានពរជ័យពីស្ថានសួគ៌សម្រាប់ការខិតខំរបស់យើងឡើយ ។សូមអញ្ជើញសិស្សស្ម័គ្រចិត្តឲ្យសរសេរនៅលើក្តារខៀននូវគោលការណ៍ទាំងឡាយដែលពួកគេបានរកឃើញ ។

វាជាការសំខាន់ដែលត្រូវយល់ថា ការអធិស្ឋានជាសាធារណៈមិនខុសទេ ពីព្រោះវាមិនបានធ្វើឡើង « នៅទីលាក់កំបាំង » ទេ ( ម៉ាថាយ ៦:៦ ) ។ ការអធិស្ឋាន និងការអនុវត្តតាមផ្នែកសាសនាផ្សេងៗទៀត អាចត្រូវបានធ្វើឡើងជាសាធារណៈ ប្រសិនបើការអធិស្ឋាន និងការអនុវត្តទាំងនោះត្រូវបានអនុវត្តដោយភាពស្មោះត្រង់ ភក្ដីភាព និងបំណងប្រាថ្នាដើម្បីលើកតម្កើងព្រះ ។ ការណ៍នេះក៏ពិតផងដែរ ទាក់ទងនឹងការតមអាហារ ។ ឃ្លាដែលថា « ទឹកមុខក្រៀម » និង « គេក្លែងទឹកមុខស្រងូត » នៅក្នុង ម៉ាថាយ ៦:១៦ សំដៅទៅលើមនុស្សនាសម័យព្រះយេស៊ូវ ដែលបានសម្តែងពីការតមអាហាររបស់ពួកគេចេញមកខាងក្រៅ ដើម្បីឲ្យមនុស្សចាប់អារម្មណ៍លើពួកគេ ។

ហេតុអ្វីអ្នកគិតថា ព្រះអម្ចាស់ខ្វល់ព្រះទ័យយ៉ាងខ្លាំងអំពីការជំរុញចិត្តរបស់យើង សូម្បីតែពេលយើងកំពុងធ្វើអំពើសុចរិតក៏ដោយ ?

សូមក្រឡេកមើលតារាងរបស់អ្នក ហើយប្រៀបធៀបហេតុផលនៃការធ្វើអំពើល្អរបស់អ្នក ទៅនឹងអ្វីដែលព្រះអង្គសង្គ្រោះបានបង្រៀនដូចដែលបានកត់ត្រានៅក្នុង ម៉ាថាយ ៦ ។

ហេតុអ្វីអ្នកគិតថា អ្នកគួរតែ « ខិតខំបម្រើដោយសារហេតុផលដែលខ្ពង់ខ្ពស់បំផុត និងល្អបំផុត » ? ( ដាល្លិន អេក អូក « Why Do We Serve? » Ensign ខែ វិច្ឆិកា ឆ្នាំ ១៩៨៤ ទំព័រ ១៣ ) ។
ប្រសិនបើមាននរណាម្នាក់កំពុងព្យាយាមធ្វើសកម្មភាពដោយហេតុផលត្រឹមត្រូវ តើអ្នកនឹងណែនាំពួកគេឲ្យធ្វើអ្វី ?

ប្រធាន ឌៀថើរ អេហ្វ អុជដូហ្វ ដែលកាលនោះនៅក្នុងគណៈប្រធានទីមួយ បានបង្រៀនអំពីព្រះទ័យរបស់ព្រះអង្គសង្គ្រោះក្នុងការបំពេញកិច្ចការរបស់ទ្រង់ ។ សូមមើលវីដេអូ « On Being Genuine » ចាប់ពីនាទីទី ១៥:៣៤ ដល់នាទីទី ១៦:២៩ ឬអានអត្ថបទខាងក្រោមនេះ ។

17:51

បុរសដែលអស្ចារ្យបំផុត មានសមត្ថភាពបំផុត និងមានជោគជ័យបំផុត ដែលធ្លាប់ដើរនៅលើផែនដី ក៏ជាបុរសដែលរាបសាបំផុតដែរ ។ ទ្រង់បានសម្ដែងការបម្រើដ៏ធំបំផុតក្នុងឱកាសកំបាំង មានអ្នកសង្កេតតែពីរបីនាក់ ដែលទ្រង់ហាមមិនឲ្យ « ប្រាប់អ្នកណាដឹង » ពីការដែលទ្រង់បានធ្វើនោះឡើយ [ សូមមើល លូកា ៨:៥៦ ] ។ នៅពេលមាននរណាម្នាក់ហៅថាទ្រង់ « ល្អ » ទ្រង់បានបង្វែរការសរសើរថា មានតែព្រះប៉ុណ្ណោះដែលល្អពិត [ សូមមើល ម៉ាកុស ១០:១៧–១៨ ] ។ ពិតណាស់ ការសរសើររបស់លោកិយគ្មានន័យចំពោះទ្រង់ទេ ព្រះទ័យតែមួយគត់របស់ទ្រង់ គឺដើម្បីបម្រើដល់ព្រះវរបិតាទ្រង់ ហើយ « ធ្វើការដែលគាប់ដល់ព្រះហឫទ័យទ្រង់ជាដរាប » [ យ៉ូហាន ៨:២៩ ] ។ យើងនឹងធ្វើល្អក្នុងការធ្វើតាមគំរូលោកគ្រូរបស់យើង ។

( ឌៀថើរ អេហ្វ អុជដូហ្វ « On Being Genuine » Ensign ឬ Liahona ខែ ឧសភា ឆ្នាំ ២០១៥ ទំព័រ ៨៣ )

សូមគិតពីគំរូដែលបង្ហាញពីព្រះទ័យរបស់ព្រះអង្គសង្គ្រោះសម្រាប់ការធ្វើកិច្ចការរបស់ទ្រង់ ។

តើអ្នកចាប់អារម្មណ៍លើអ្វីខ្លះអំពីគំរូទាំងនេះ ?
តើគំរូទាំងនេះបង្កើនការយល់ដឹងរបស់អ្នក អំពីសេចក្ដីស្រឡាញ់របស់ព្រះអង្គសង្គ្រោះយ៉ាងដូចម្តេច ហើយហេតុអ្វីទ្រង់ធ្វើដង្វាយធួនសម្រាប់អំពើបាបរបស់យើង ?

សូមដាក់បង្ហាញសំណួរខាងក្រោមនេះ ហើយអញ្ជើញសិស្សឲ្យឆ្លើយសំណួរទាំងនេះនៅក្នុងសៀវភៅកំណត់ហេតុការសិក្សារបស់ពួកគេ ៖

តើអ្នកមានអារម្មណ៍យ៉ាងណាដែរទាក់ទងនឹងការជំរុញចិត្តក្នុងការធ្វើអំពើល្អរបស់អ្នក ?
តើការជំរុញចិត្តរបស់អ្នកក្នុងការធ្វើអំពើល្អ អាចជះឥទ្ធិពលដល់ទំនាក់ទំនងរបស់អ្នកជាមួយព្រះវរបិតាសួគ៌តាមរបៀបណាខ្លះ ?
តើអ្វីទៅជារឿងមួយដែលអ្នកអាចធ្វើបាន ដើម្បីធ្វើតាមគំរូរបស់ព្រះអង្គសង្គ្រោះក្នុងការធ្វើអំពើល្អ ?

សូមអញ្ជើញសិស្សស្ម័គ្រចិត្តពីរបីនាក់ឲ្យឡើងចែកចាយអ្វីដែលពួកគេបានសរសេរ ឬទទួលអារម្មណ៍ ។ សូមប្រាប់សិស្សថា នៅក្នុងមេរៀនបន្ទាប់ ពួកគេនឹងមានឱកាសវាយតម្លៃថា តើបំណងរបស់ពួកគេក្នុងការធ្វើអំពើល្អបានផ្លាស់ប្តូរយ៉ាងណាដែរ តាំងពីពួកគេបានសិក្សាមេរៀននេះ ។ សូមពិចារណាថ្លែងទីបន្ទាល់អំពីគោលការណ៍ដែលបានបង្រៀននៅក្នុងមេរៀននេះ ។

វិចារណកថា និង ព័ត៌មានសាច់រឿង

តើអ្វីជាហេតុផលត្រឹមត្រូវសម្រាប់យើងដើម្បីបម្រើ ?

ប្រធាន ដាល្លិន អេក អូក ក្នុងគណៈប្រធានទីមួយបានបង្រៀនអំពីហេតុផលត្រឹមត្រូវដើម្បីបម្រើ ៖

ព្យាការីមរ៉ូណៃបានបង្រៀនថា ប្រសិនបើកិច្ចការរបស់យើងត្រូវបានគេផ្តល់កិត្តិយសសម្រាប់ការល្អនោះ ដូច្នេះគេត្រូវតែធ្វើវាដោយហេតុផលត្រឹមត្រូវ ។ ប្រសិនបើបុរសម្នាក់ « ថ្វាយដង្វាយ ឬអធិស្ឋានដល់ព្រះ លើកលែងតែគេធ្វើដោយស្មោះអស់ពីចិត្ត ការណ៍នោះនឹងពុំនាំផលប្រយោជន៍អ្វីដល់អ្នកនោះឡើយ ។

« ដ្បិតមើលចុះ គឺនឹងពុំត្រូវបានចាត់ទុកថា ជាសេចក្ដីសុចរិតដល់អ្នកនោះឡើយ » ( ម៉ូ. ៧:៦–៧ ) ។…

… ការបម្រើរបស់យើងគួរតែសម្រាប់សេចក្ដីស្រឡាញ់របស់ព្រះ និងសេចក្តីស្រឡាញ់របស់មនុស្ស ជាជាងសម្រាប់អត្ថប្រយោជន៍ផ្ទាល់ខ្លួន ឬការជំរុញចិត្តផ្សេងទៀតដែលមិនសូវមានតម្លៃ ។

( ដាល្លិន អេក អូក « Why Do We Serve? » Ensign ខែ វិច្ឆិកា ឆ្នាំ ១៩៨៤ ទំព័រ ១២, ១៤ )

តើទីបន្ទាល់អំពីព្រះយេស៊ូវគ្រីស្ទ និងដំណឹងល្អរបស់ទ្រង់ជំរុញចិត្តយើងឲ្យធ្វើការល្អដោយរបៀបណា ?

អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់បានបង្រៀនអំពី « កម្លាំងជំរុញចិត្តដ៏មានអានុភាពបំផុតនៅក្នុងជីវិតរបស់យើង » ៖

ការជំរុញចិត្ត និងគំនិតរបស់យើងជះឥទ្ធិពលយ៉ាងខ្លាំងលើសកម្មភាពរបស់យើង ។ ទីបន្ទាល់នៃសេចក្ដីពិតដ៏ពេញលេញនៃដំណឹងល្អរបស់ព្រះយេស៊ូវគ្រីស្ទដែលបានស្ដារឡើងវិញ គឺជាកម្លាំងជំរុញចិត្តដ៏មានអានុភាពបំផុតនៅក្នុងជីវិតរបស់យើង ។ ព្រះយេស៊ូវបានគូសបញ្ជាក់ម្ដងហើយម្ដងទៀតអំពីអំណាចនៃគំនិតល្អ និងការជំរុញចិត្តត្រឹមត្រូវ ៖ « ចូរមើលមកឯយើងដោយនូវគ្រប់ទាំងគំនិត ចូរកុំសង្ស័យ កុំខ្លាចឡើយ » ( គ&ស ៦:៣៦ ) ។

… ទីបន្ទាល់របស់យើងជំរុញចិត្តយើងឲ្យរស់នៅដោយសុចរិត ហើយការរស់នៅសុចរិតនឹងធ្វើឲ្យទីបន្ទាល់របស់យើងកាន់តែរឹងមាំឡើង ។ …

… ទីបន្ទាល់ជំរុញចិត្តយើងឲ្យជ្រើសរើសអ្វីដែលត្រូវនៅគ្រប់ពេល និងគ្រប់កាលៈទេសៈទាំងអស់ ។ វាជំរុញចិត្តយើងឲ្យខិតកាន់តែជិតព្រះ ដោយអនុញ្ញាតឲ្យទ្រង់ចូលមកកាន់តែជិតយើង ( សូមមើល យ៉ាកុប ៤:៨ ) ។

( ឌៀថើរ អេហ្វ អុជដូហ្វ « The Power of a Personal Testimony » Ensign ឬ Liahona ខែ វិច្ឆិកា ឆ្នាំ ២០០៦ ទំព័រ ៣៧, ៣៩ )

សកម្មភាពរៀនសូត្របន្ថែម

ការចាប់ផ្តើមមេរៀនតាមជម្រើសផ្សេង

មុនពេលសិស្សចូលក្នុងថ្នាក់រៀន សូមពិចារណាសរសេរសំណួរនេះនៅលើក្តារខៀន ៖ « តើមានហេតុផលអ្វីខ្លះដែលមនុស្សបម្រើដល់អ្នកដទៃ ? » សូមអញ្ជើញសិស្សឲ្យសរសេរចម្លើយរបស់ពួកគេនៅលើក្តារខៀន ។ បន្ទាប់មក សូមឲ្យពួកគេចាត់ចំណាត់ថ្នាក់លើហេតុផលរបស់ពួកគេសម្រាប់ការបម្រើអ្នកដទៃ ពីល្អបំផុតទៅអាក្រក់បំផុត ។ សូមពិចារណាសួរពួកគេនូវសំណួរទាំងនេះ ៖ « តើកិច្ចការអ្វីទៅដែលអ្នកបានធ្វើនៅពេលថ្មីៗនេះ ដែលជាអំពើល្អ ? តើអ្នកមានការជំរុញចិត្តអ្វីក្នុងការធ្វើដូច្នេះ ? »

ការបន្ថែមទៅនឹងបញ្ជីលក្ខណៈដ៏ទេវភាព

នៅក្នុងមេរៀនមុន សិស្សប្រហែលជាបានចាប់ផ្តើមសរសេរសៀវភៅកំណត់ហេតុ ដែលចាប់ផ្តើមដោយ « ម៉ាថាយ ៥–៧ ៖ ខ្ញុំអាចកាន់តែក្លាយដូចជាព្រះវរបិតាសួគ៌ និងព្រះយេស៊ូវគ្រីស្ទ តាមរយៈ … » សូមពិចារណាអញ្ជើញពួកគេឲ្យបន្ថែមទៅលើការសរសេរសៀវភៅកំណត់ហេតុនោះ នូវរាល់ការយល់ដឹងដែលពួកគេបានទទួលពីមេរៀននៅថ្ងៃនេះ ។