ម៉ាថាយ ៧:១

ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៣ )

មាតិកា
ទំព័រចំណងជើង
សេចក្តីផ្តើម ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨, ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–ទី២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុសទី ១–២
យ៉ូហាន ទី១–ទី៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២
ឧបសម្ព័ន្ធ

ម៉ាថាយ ៧:១–៥

ព្រះអង្គសង្គ្រោះបានបង្រៀនសិស្សរបស់ទ្រង់ឲ្យថ្កោលទោសដោយសុចរិតភាព

ព្រះយេស៊ូវគ្រីស្ទគង់លើថ្មនៅមាត់សមុទ្រកាលីឡេ ។ មនុស្សជាច្រើនបានមកជុំគ្នានៅជុំវិញទ្រង់ ។ មនុស្សកំពុងស្តាប់ការអធិប្បាយរបស់ព្រះគ្រីស្ទ ។ ( ម៉ាកុស ៤:១ ) ( លូកា ៥:១ )

អំឡុងបទបង្រៀនរបស់ទ្រង់នៅលើភ្នំ ព្រះយេស៊ូវគ្រីស្ទបានបង្រៀនពួកសិស្សរបស់ទ្រង់ឲ្យថ្កោលទោសដោយសុចរិតភាព ។ នៅក្នុងមេរៀននេះ អ្នកនឹងមានឱកាសដើម្បីរៀនអំពីការធ្វើការដោយសុចរិតភាព ។

ការរៀបចំសិស្ស ៖ សូមអញ្ជើញសិស្សឲ្យសញ្ជឹងគិតពីអ្វីដែលពួកគេដឹង អំពីការថ្កោលទោសដែលពួកគេគួរតែធ្វើ និងអ្វីដែលពួកគេគួរតែប្រយ័ត្នកុំធ្វើ ។ សូមលើកទឹកចិត្តឲ្យពួកគេគិតអំពីសំណួរ ដែលពួកគេមានអំពីការថ្កោលទោស ។

សកម្មភាពរៀនសូត្រដែលអាចមាន

យើងគួរតែថ្កោលទោសដោយសុចរិត ។

សូមអានស្ថានភាពខាងក្រោមនេះជាថ្នាក់ ហើយសូមអញ្ជើញសិស្សឲ្យគិតអំពីប្រភេទនៃការថ្កោលទោស ដែលនរណាម្នាក់អាចធ្វើនៅក្នុងស្ថានភាពនីមួយៗ ។ សូមពិចារណាផ្លាស់ប្តូរស្ថានភាពនានា ដើម្បីឲ្យវាកាន់តែពាក់ព័ន្ធនឹងស្ថានភាពរបស់សិស្ស ។

មានបុគ្គលម្នាក់អញ្ជើញអ្នកឲ្យទៅពិធីជប់លៀងមួយ ដែលមានក្មេងជំទង់ជាច្រើនប្រើសារធាតុខុសនឹងពាក្យសម្ដីនៃប្រាជ្ញាវាងវៃ ។
បុគ្គលម្នាក់ដែលរស់នៅតាមបទដ្ឋានខុសពីអ្នក ចង់ធ្វើជាមិត្ដជិតស្និទ្ធរបស់អ្នក ។
សមាជិកម្នាក់ក្នុងវួដរបស់អ្នកធ្វើសកម្មភាពនៅថ្ងៃឈប់សម្រាក ខុសពីអ្វីដែលគ្រួសាររបស់អ្នកធ្វើ ។
អ្នករកឃើញថា មិត្តម្នាក់មានទម្លាប់មើលការណ៍អាសគ្រាម ។

ពេញមួយមេរៀននេះ អ្នកនឹងរៀនអំពីការថ្កោលទោសដោយសុចរិតភាព ។ អ្នកនឹងមានឱកាសពិនិត្យមើលយោបល់របស់អ្នកអំពីស្ថានភាពទាំងនេះម្ដងទៀត ហើយអនុវត្តអ្វីដែលអ្នកបានរៀន ។

តើអ្នកមានសំណួរអ្វីខ្លះអំពីថ្កោលទោស ?

នៅពេលអ្នកសិក្សាមេរៀនថ្ងៃនេះ សូមគិតអំពីអារម្មណ៍របស់អ្នកអំពីកាថ្កោលទោស ហើយស្តាប់តាមការបំផុសគំនិតនៃព្រះវិញ្ញាណបរិសុទ្ធ ។ សូមកត់ត្រាចំណាប់អារម្មណ៍ ដែលបង្កើនការយល់ដឹងរបស់អ្នកអំពីការបង្រៀនរបស់ព្រះអង្គសង្គ្រោះទាក់ទងនឹងការថ្កោលទោស ។ សូមអាន ម៉ាថាយ ៧:១ ។ ខគម្ពីរនេះត្រូវបានគេយល់ច្រលំជាញឹកញាប់ទៅជាមានន័យថា ព្រះអង្គសង្រ្គោះបានបង្រៀនថា យើងមិនគួរថ្កោលទោសឡើយ ។ ឥឡូវនេះ សូមអានការបកប្រែដោយ យ៉ូសែប ស៊្មីធ អំពីខគម្ពីរនេះ ( នៅក្នុង ម៉ាថាយ ៧:១ លេខយោងក) ។

តើការបកប្រែដោយ យ៉ូសែប ស៊្មីធ បង្កើនការយល់ដឹងរបស់អ្នកអំពីអ្វីដែលព្រះអង្គសង្គ្រោះបានបង្រៀនអំពីការថ្កោលទោសយ៉ាងដូចម្តេច ?
តើអ្នកគិតថា ការថ្កោលទោសដោយសុចរិតមានន័យដូចម្ដេច ?

សូមអានសេចក្តីថ្លែងការណ៍ខាងក្រោមនេះ ៖

សូមពិចារណាបង្ហាញសេចក្តីថ្លែងការណ៍ខាងក្រោម ដើម្បីឲ្យសិស្សអាចផ្ទៀងតាមបាន នៅពេលដែលនរណាម្នាក់អានសេចក្តីថ្លែងការណ៍នេះឮៗ ។

ការកាត់សេចក្ដីគឺជាការប្រើប្រាស់សិទ្ធិជ្រើសរើសរបស់យើងយ៉ាងសំខាន់ ហើយវាតម្រូវឲ្យមានការយកចិត្តទុកដាក់យ៉ាងខ្លាំង ជាពិសេសពេលអ្នកធ្វើការថ្កោលទោសមនុស្សដទៃទៀត ។ ការថ្កោលទោសទាំងអស់របស់អ្នកត្រូវតែដឹកនាំដោយបទដ្ឋានសុចរិត ។ មានតែព្រះទេដែលស្គាល់ចិត្តរបស់មនុស្សម្នាក់ៗ ទើបអាចធ្វើការថ្កោលទោសចុងក្រោយដល់បុគ្គលម្នាក់បាន ។

ពេលខ្លះមនុស្សមានអារម្មណ៍ថា វាខុសក្នុងការកាត់សេចក្ដីអ្នកដទៃ ទោះជាតាមវិធីណាក៏ដោយ ។ ខណៈដែលវាជាការត្រឹមត្រូវដែលថា អ្នកមិនគួរថ្កោលទោសអ្នកដទៃ ឬវិនិច្ឆ័យពួកគេដោយមិនសុចរិតនោះ យើងនឹងត្រូវធ្វើការថ្កោលទោសពីគំនិត ពីស្ថានភាព និងពីមនុស្ស នៅពេញមួយឆាកជីវិតរបស់យើង ។ …

… ដោយធ្វើឲ្យអស់ពីសមត្ថភាពរបស់យើង យើងគួរថ្កោលទោសពីស្ថានភាពរបស់មនុស្សជាជាងថ្កោលទោសលើបុគ្គលនោះផ្ទាល់ ។ នៅពេលណាដែលអាចធ្វើទៅបាន យើងគួរតែចៀសវាងពីការធ្វើថ្កោលទោស រហូតទាល់តែយើងបានដឹងការពិតគ្រប់គ្រាន់ជាមុនសិន ។ ហើយយើងគួរស្ដាប់តាមព្រះវិញ្ញាណបរិសុទ្ធជានិច្ច ជាអង្គដែលអាចដឹកនាំការសម្រេចចិត្តរបស់យើង ។

( Gospel Topics « Judging Others » នៅលើគេហទំព័រ topics.ChurchofJesusChrist.org )

តើពាក្យ ឬឃ្លាអ្វីខ្លះនៅក្នុងសេចក្តីថ្លែងការណ៍នេះជួយអ្នកឲ្យយល់ពីការថ្កោលទោសសុចរិត ?

យើងមិនគួរផ្តោតលើកំហុសរបស់អ្នកដទៃទេ

ធ្នឹមដើមឈើអូកចាស់ ឬចុះផ្សាយរូបថតទល់នឹងផ្ទៃខាងក្រោយពណ៌ស ។ ( ត្រង់ )

សូមអាន ម៉ាថាយ ៧:២–៥ ដោយរកមើលការបង្រៀនផ្សេងទៀតអំពីថ្កោលទោស ។ នៅក្នុង ខទី ៣ ព្រះអង្គសង្គ្រោះបានសំដៅទៅលើកំណាត់ឈើជា កម្ទេច ហើយបំណែកឈើធំមួយជា ធ្នឹម ។

សូមពិចារណាបង្ហាញសិស្សនូវរូបភាពដែលមានទាំងកម្ទេច និងធ្នឹម ។

ម៉្យាងវិញទៀត សូមយកកម្ទេចឈើ ( ឬវត្ថុតូចមួយផ្សេងទៀត ) និងឈើមួយដុំធំ ( ឬវត្ថុធំមួយផ្សេងទៀត ) ។ សូមអញ្ជើញសិស្សពីរនាក់ឲ្យបង្ហាញអំពីរឿងប្រៀបប្រដូចនេះ ដោយឲ្យសិស្សម្នាក់ៗកាន់វត្ថុទាំងនេះមួយដោយប្រុងប្រយ័ត្ននៅពីមុខភ្នែករបស់ពួកគេ ។

ហេតុអ្វីវាពិបាកសម្រាប់អ្នកដែលមានធ្នឹមនៅក្នុងភ្នែករបស់ពួកគេ ដើម្បីយកម្ទេចចេញពីភ្នែករបស់អ្នកដទៃ ?
តើអ្នកគិតថា ព្រះអង្គសង្គ្រោះកំពុងតែបង្រៀនអំពីអ្វី តាមរយៈការប្រៀបធៀបធ្នឹម និងកម្ទេចនេះ ?

សិស្សអាចរកឃើញគោលការណ៍មួយចំនួនដូចខាងក្រោម ៖

របៀបដែលយើងថ្កោលទោសអ្នកដទៃ មានឥទ្ធិពលលើរបៀបដែលយើងនឹងត្រូវបានថ្កោលទោសដោយព្រះអង្គសង្គ្រោះ ។

ប្រសិនបើយើងផ្តោតលើការមើលឃើញ និងការប្រែចិត្តពីអំពើបាប និងភាពទន់ខ្សោយរបស់យើង នោះយើងនឹងមិនងាយកាត់សេចក្ដីអ្នកដទៃដោយមិនសុចរិតនោះទេ ។

បន្ទាប់ពីយើងប្រែចិត្តពីអំពើបាបរបស់យើងផ្ទាល់ នោះយើងអាចជួយអ្នកដទៃបានកាន់តែប្រសើរ ។

នៅពេលសិស្សនិយាយពីគោលការណ៍ទាំងនេះ ឬគោលការណ៍ផ្សេងទៀត សូមសរសេរវានៅលើក្ដារខៀនដោយប្រើពាក្យរបស់សិស្ស ។

ហេតុអ្វីការបង្រៀនទាំងនេះសំខាន់ដែលយើងត្រូវចងចាំ ?
តើអ្នកអាចរៀនអ្វីខ្លះអំពីព្រះយេស៊ូវគ្រីស្ទ ចេញពីការបង្រៀនទាំងនេះ ?

ដើម្បីមើលការបង្ហាញមួយទៀតអំពីសេចក្ដីពិតដែលព្រះអង្គសង្គ្រោះបានបង្រៀន សូមមើលវីដេអូ « Looking through Windows » ( ២:១៩ ) មាននៅលើគេហទំព័រ ChurchofJesusChrist.org ។

ហេតុអ្វីពេលខ្លះវាអាចពិបាកក្នុងការរស់នៅតាមការបង្រៀនរបស់ព្រះគ្រីស្ទអំពីការថ្កោលទោស ?
តើអ្នកអាចអញ្ជើញឲ្យមានជំនួយពីព្រះវរបិតារបស់អ្នកដែលគង់នៅស្ថានសួគ៌ តាមរយៈព្រះយេស៊ូវគ្រីស្ទ ដើម្បីជួយអ្នកឲ្យអនុវត្តតាមគោលការណ៍ទាំងនេះនៅក្នុងជីវិតរបស់អ្នកយ៉ាងដូចម្តេច ?

អនុវត្តតាមគោលការណ៍នៃការថ្កោលទោសដោយសុចរិត

សូមជ្រើសរើសស្ថានភាពមួយក្នុងចំណោមស្ថានភាពទាំងឡាយនៅដើមមេរៀន ឬគិតអំពីស្ថានភាពមួយដែលស្រដៀងគ្នា ។

សូមពិចារណាចែកសិស្សជាដៃគូ ឬក្រុមតូចៗសម្រាប់សកម្មភាពនេះ ។ សូមដើរមើលក្រុមនីមួយៗត្រួសៗ ដោយចូលរួមក្នុងការពិភាក្សារបស់ពួកគេតាមការគួរ ។

តើអ្នកជ្រើសរើសយកស្ថានភាពមួយណា ?
តើអ្នកគួរធ្វើការថ្កោលទោសសុចរិតអ្វីខ្លះអំពីស្ថានភាពនេះ ?
តើអ្នកគួរប្រយ័ត្នប្រយែងអ្វីខ្លះអំពីការថ្កោលទោស ?
ដោយធ្វើតាមការបង្រៀនរបស់ព្រះអង្គសង្គ្រោះ តើអ្នកអាចថ្កោលទោសដោយយុត្តិធម៌ និងដោយមេត្តាករុណាបានយ៉ាងដូចម្តេច ?
តើការចងចាំអំពីអំពើបាប និងភាពទន់ខ្សោយរបស់អ្នកផ្ទាល់អាចជួយក្នុងស្ថានភាពបែបនេះបានយ៉ាងដូចម្តេច ?

សូមអញ្ជើញអ្នកស្ម័គ្រចិត្តឲ្យចែកចាយយោបល់របស់ពួកគេ ។ សូមស្តាប់ដោយយកចិត្តទុកដាក់នូវចម្លើយរបស់សិស្ស ដើម្បីវាយតម្លៃថា តើពួកគេបានរៀនច្រើនប៉ុនណាហើយ ។

ពេលខ្លះមនុស្សសន្មតថា ការបង្រៀនរបស់ព្រះអង្គសង្គ្រោះនៅក្នុង ម៉ាថាយ ៧:១–៥ មានន័យថា យើងមិនគួរធ្វើការថ្កោលទោសទេ ។ ប្រធាន ដាល្លិន អេក អូក ក្នុងគណៈប្រធានទីមួយបានបញ្ជាក់ថា មានការថ្កោលទោសមួយចំនួនដែលយើងត្រូវបានលើកទឹកចិត្តឲ្យធ្វើ ៖

ការថ្កោលទោសមានពីរប្រភេទ ៖ ការជំនុំជម្រះចុងក្រោយបំផុត ដែលយើងត្រូវបានហាមឃាត់មិនឲ្យធ្វើ និងការថ្កោលទោសកម្រិតមធ្យម ដែលយើងត្រូវបានណែនាំឲ្យធ្វើ ប៉ុន្តែដោយផ្អែកលើគោលការណ៍ដ៏សុចរិត ។ …

… ចូរយើងពិចារណាអំពីគោលការណ៍ ឬគ្រឿងផ្សំមួយចំនួនដែលនាំទៅរក « ថ្កោលទោសសេចក្ដីសុចរិត » ។

ទីមួយ តាមនិយមន័យ ការថ្កោលទោសដ៏សុចរិតមួយត្រូវតែនៅកម្រិតមធ្យម ។ វានឹងរារាំងពីការប្រកាសថា បុគ្គលម្នាក់ត្រូវបានធានាឲ្យបានភាពតម្កើងឡើង ឬវារារាំងពីការបណ្ដេញបុគ្គលម្នាក់ចេញ ដោយថាគេត្រូវធ្លាក់នរកជារៀងរហូត ។ …

ទីពីរ ការថ្កោលទោសដ៏សុចរិតមួយនឹងត្រូវដឹកនាំដោយព្រះវិញ្ញាណរបស់ព្រះអម្ចាស់ មិនមែនដោយកំហឹង ការសងសឹក ការច្រណែនឈ្នានីស ឬការគិតតែប្រយោជន៍ផ្ទាល់ខ្លួនឡើយ ។ …

ទីបី ដើម្បីមានសុចរិតភាព ការថ្កោលទោសកម្រិតមធ្យមត្រូវស្ថិតនៅក្នុងការត្រួតត្រារបស់យើង ។ យើងមិនគួរសន្មតឲ្យអនុវត្ត និងធ្វើការថ្កោលទោសដែលនៅក្រៅទំនួលខុសត្រូវផ្ទាល់ខ្លួនរបស់យើងឡើយ ។ …

ទីបួន ប្រសិនបើអាច យើងគួរតែ ចៀសវាងពីការថ្កោលទោស រហូតដល់យើងបានដឹងគ្រប់គ្រាន់អំពីអង្គហេតុសិន ។ …

គោលការណ៍ ទីប្រាំ នៃការថ្កោលទោសកម្រិតមធ្យមដ៏សុចរិតគឺថា នៅពេលណាដែលអាចធ្វើទៅរួច យើងនឹងចៀសវាងពីការថ្កោលទោសមនុស្ស ហើយគ្រាន់តែថ្កោលទោសស្ថានភាពប៉ុណ្ណោះ ។

( ដាល្លិន អេក អូក « Judge Not › and Judging » Ensign ខែ សីហា ឆ្នាំ ១៩៩៩ ទំព័រ ៧, ៩–១១ )

សូមអញ្ជើញសិស្សឲ្យសញ្ជឹងគិតពីចម្លើយរបស់ពួកគេចំពោះសំណួរដំបូង ។ សំណួរផ្សេងទៀតដែលមានបន្ដទៀត អាចត្រូវបានពិភាក្សាជាថ្នាក់ ឬសិស្សអាចឆ្លើយតបនឹងសំណួរទាំងនេះនៅក្នុងសៀវភៅកំណត់ហេតុការសិក្សា ។

តើខ្ញុំគួរធ្វើការថ្កោលទោសបែបណា ហើយតើខ្ញុំគួរប្រយ័ត្នមិនធ្វើការថ្កោលទោសមួយណា ?

តើអ្នកបានរៀនអ្វីខ្លះនៅក្នុងមេរៀននេះអំពីការថ្កោលទោសសុចរិត ? តើអ្វីដែលអ្នកបានរៀន អាចជួយអ្នកឲ្យមើលឃើញអ្នកដទៃ និងខ្លួនអ្នកកាន់តែខ្លាំងឡើង ដូចជាព្រះអង្គសង្គ្រោះទតមើលមកពួកយើងយ៉ាងដូចម្តេច ?
តើសំណួររបស់អ្នកអំពីការថ្កោលទោសត្រូវបានឆ្លើយតបយ៉ាងដូចម្តេច ? ប្រសិនបើអ្នកមានសំណួរដែលមិនទាន់មានចម្លើយ សូមតាំងចិត្តបន្តការសិក្សារបស់អ្នក ហើយស្វែងរកចម្លើយពីព្រះវិញ្ញាណបរិសុទ្ធ ។
តើអ្វីទៅដែលអាចជួយអ្នកឲ្យថ្កោលទោសអ្នកដទៃនៅក្នុងជីវិតរបស់អ្នកកាន់តែតិច ?

សូមពិចារណាថ្លែងទីបន្ទាល់អំពីការថ្កោលទោសដោយសុចរិត ។

វិចារណកថា និង ព័ត៌មានសាច់រឿង

តើព្រះទតមើលឃើញបុត្រាបុត្រីរបស់ទ្រង់ដោយរបៀបណា ?

ប្រធាន រ័សុល អិម ណិលសុន បានបង្រៀនថា យើងទាំងអស់គ្នាមានសិទ្ធិស្មើគ្នាចំពោះព្រះនេត្រនៃព្រះវរបិតាសួគ៌របស់យើង ៖

យើងម្នាក់ៗមានសក្តានុពលដ៏ទេវភាព ពីព្រោះយើងម្នាក់ៗគឺជាបុត្ររបស់ព្រះ ។ យើងម្នាក់ៗមានសិទ្ធិស្មើគ្នានៅក្នុងព្រះនេត្រទ្រង់ ។ ការបញ្ចូលសេចក្តីពិតនេះគឺមានអត្ថន័យជ្រាលជ្រៅណាស់ ។ បងប្អូនប្រុសស្រី សូមស្តាប់ដោយយកចិត្តទុកដាក់នូវអ្វីដែលខ្ញុំនឹងថ្លែងនៅពេលបន្តិចទៀតនេះ ។ ព្រះពុំបានសព្វព្រះទ័យពូជសាសន៍មួយ ជាងពូជសាសន៍មួយទៀតនោះទេ ។ គោលលទ្ធិរបស់ទ្រង់អំពីបញ្ហានេះគឺច្បាស់លាស់ណាស់ ។ ទ្រង់អញ្ជើញមនុស្ស ទាំងអស់ ឲ្យមករកទ្រង់ « ទាំងខ្មៅ និងស ទាំងបាវគេ និងសេរី ទាំងប្រុស និងស្រី » [ នីហ្វៃទី២ ២៦:៣៣ ] ។

( រ័សុល អិម ណិលសុន « Let God Prevail » Ensign ឬ Liahona ខែ វិច្ឆិកា ឆ្នាំ ២០២០ ទំព័រ ៩៤ )

តើការអភិវឌ្ឍគុណលក្ខណៈដូចជាព្រះគ្រីស្ទជះឥទ្ធិពលលើរបៀបដែលអ្នកថ្កោលទោសដោយរបៀបណា ?

អែលឌើរ ឌេល ជី រេនឡាន់ ក្នុងកូរ៉ុមនៃពួកសាវកដប់ពីរនាក់ បានបង្រៀនអំពីការធ្វើដូចជាព្រះគ្រីស្ទ ដែលអាចជួយយើងឲ្យថ្កោលទោសដោយសុចរិត ។

ដើម្បីក្លាយដូចជាព្រះគ្រីស្ទ មនុស្សម្នាក់ត្រូវស្រឡាញ់សេចក្តីមេត្តាករុណា ។ មនុស្សដែលស្រឡាញ់សេចក្តីមេត្តាករុណាគឺពុំគិតថ្កោលទោសអ្នកដទៃទេ ពួកគេបង្ហាញការអាណិតអាសូរចំពោះអ្នកដទៃ ជាពិសេសចំពោះអ្នកទាំងឡាយដែលមានភ័ព្វវាសនាទន់ទាប ពួកគេមានចិត្តល្អ សប្បុរស និងថ្លៃថ្នូរ ។ បុគ្គលទាំងនេះប្រព្រឹត្តចំពោះអ្នកគ្រប់គ្នាដោយក្តីស្រឡាញ់ និងការយល់ដឹង ដោយមិនគិតពីលក្ខណៈផ្សេងៗដូចជា ពូជសាសន៍ ភេទ សម្ព័ន្ធសាសនា និន្នាការផ្លូវភេទ ស្ថានភាពសេដ្ឋកិច្ចសង្គម និងកុលសម្ព័ន្ធ បក្សសម្ព័ន្ធ ឬជាតិសាសន៍ខុសគ្នានោះទេ ។ អ្វីៗទាំងនេះត្រូវបានជំនួសដោយសេចក្ដីស្រឡាញ់ដូចជាព្រះគ្រីស្ទ ។

( ឌេល ជី រេនឡាន់ « Do Justly, Love Mercy, and Walk Humbly with God » Ensign ឬ Liahona ខែ វិច្ឆិកា ឆ្នាំ ២០២០ ទំព័រ ១១១ )