Fakahā 15–19

“ʻE Ikuna ʻe he Lamí”

“He Comes Again to Rule and Reign” by Mary R. Sauer. Jesus Christ is descending to Earth at his Second Coming. There are men, women, and children surrounding him. He is wearing a red robe and is looking down at those who are gathering.

Ko e hā ‘oku haʻu ki ho ‘atamaí ‘i he taimi ‘okú ke fakakaukau ai ki he ngaahi ʻaho fakaʻosi kuo kikiteʻí? Naʻe fakamatalaʻi ʻe Sione Fakahā ha fakatātā mahino ʻo e fakaʻauha mo e faiangahala te ne fakafonu ʻa e māmaní. Ka he ʻikai tolonga ʻa e ngaahi tūkunga ko ʻení. ʻE “ikuna ʻʻa [Sīsū Kalaisi] … he ko e ʻEiki ia ʻo e ngaahi ʻeikí, ko e Tuʻi ʻo e ngaahi tuʻí” (Fakahā 17:14). ʻE lava ke tokoniʻi koe ʻe he lēsoni ko ʻení ke ke falala lahi ange kia Sīsū Kalaisi ʻi hoʻo fehangahangai mo e ngaahi faingataʻa ʻo e ngaahi ʻaho fakaʻosí.

Fakatefito ʻi he Tamai Hēvaní mo Sīsū Kalaisi. He ʻikai ha meʻa te ne tāpuekina lahi ange ʻa e kau akó ʻi heʻenau ʻiloʻi mo ʻofa ʻi he Tamai Hēvaní mo Sīsū Kalaisí. Lolotonga hono teuteu mo akoʻi ʻo e ngaahi lēsoní, hokohoko atu hoʻo fekumi ki ha ueʻi fakalaumālie ki ha ngaahi founga ke tokoniʻi ai kinautolu ke nau fai ʻení.

Teuteu ʻa e tokotaha akó: Fakaafeʻi e kau akó ke fakalaulauloto ki he meʻa ʻoku nau ʻilo fekauʻaki mo e ngaahi ʻahiʻahi ʻo e ngaahi ʻaho fakaʻosí mo e ngaahi ʻuhinga te nau lava ai ʻo falala kia Sīsū Kalaisí.

Fakamatala Fakamahinó mo e Puipuituʻá

Ngaahi ʻEkitivitī Fakalahi ki he Akó

Fakangatangata e ivi tākiekina ʻo Papilone ʻiate kitautolú

Kapau ʻe ʻaonga ki he kau akó ha fakamamafa lahi ange ki hono ikunaʻi ʻo Papiloné, fakakaukau ke fakaʻaongaʻi e lea ʻa ʻEletā Tēvita R. Sitouni ʻo e Kau Fitungofulú, “Ko Saione ʻi he Lotolotonga ʻo Papiloné,” Ensign pe Liahona, Mē 2006, 90–93. ʻE lava ke fakaʻaongaʻi ʻene talanoa fakatātā ʻo e temipale Meniheitení ke tokoni ki he kau akó ke nau fakatokangaʻi ʻa e mahuʻinga ʻo hono fakalahi honau taimi mo e Fakamoʻuí lolotonga hono fakangatangata e ivi tākiekina ʻo Papiloné ʻiate kinautolú. ʻE ala ʻaonga foki ki he kau akó ʻenau ako mo aleaʻi e ngaahi tuʻunga moʻui ʻa e ʻEikí maʻanautolu ʻi he Ki Hono Fakamālohia ʻo e Toʻu Tupú (tohitufa, 2011).

Fakahā 19:10 . “Ko e fakamoʻoni kia Sīsuú, ko e laumālie ia ʻo e kikité”

Mahalo ʻe ʻaonga ki he kau akó ha mahino ki he mālohi ʻo ha fakamoʻoni kia Sīsū Kalaisi. Fakaafeʻi e kau akó ke lau ʻa e Fakahā 19:10 ki ha fakaʻuhinga ʻo e “fakamoʻoni kia Sīsuú.” Fakamatalaʻi ange ʻoku ʻuhinga e “laumālie ʻo e kikité” ( veesi 10) ki he meʻafoaki ʻo e fakahaá mo e ueʻi fakalaumālie mei he ʻOtuá, ʻa ia ʻoku lava ai ke tau maʻu mo lea ʻaki ʻEne folofolá (vakai, Fakahinohino ki he Ngaahi Folofolá, “ Kikité, Kikiteʻí ,” scriptures.ChurchofJesusChrist.org). Fakaafeʻi e kau akó ke nau fakakaukau ki he founga te nau lava ai ʻo tāpuekina e niʻihi kehé mo teuteuʻi e māmaní ki he Hāʻele ʻAnga Ua Mai ʻa Sīsū Kalaisí ʻo fakafou ʻi heʻenau fakamoʻoni kia Sīsū Kalaisí.

Fakaʻaliʻali ha fakatātā ʻo Sīsū Kalaisi ʻi Heʻene Hāʻele ʻAnga Ua Maí

Ke tokoni ki he kau akó ke nau ako fekauʻaki mo e Hāʻele ʻAnga Ua Mai ʻa Sīsū Kalaisí, fakakaukau ke fakaʻaliʻali e fakatātā ko ʻení pea fakaafeʻi e kau akó ke nau lau ʻa e Fakahā 19:11–16 . Fakaafeʻi ke nau vahevahe e ngaahi fakataipe naʻa nau maʻú.

Book of Revelation Transparencies

ʻE lava ke tokoni e ngaahi tokoni ki he akó mo e ngaahi folofola kehé ke fakahaaʻi ʻa e ʻuhinga ʻo e ngaahi fakataipé. Hangē ko ʻení, ke mahino lelei ange ʻa e ʻuhinga ʻoku haʻu ai ha heletā mei he ngutu ʻo Sīsū Kalaisí pe ko e ʻuhinga ʻokú Ne “puleʻi … ʻaki ʻa e vaʻa ukamea” ( Fakahā 19:15), lau ʻa e Tokāteline mo e Ngaahi Fuakava 11:2 mo e 1 Nīfai 11:25 .