Fakahā 15–22

Vakai Fakalūkufuá

Naʻe fakamatalaʻi ʻe Sione Fakahā ha fakatātā mahino ʻo e fakaʻauha mo e faiangahala te ne fakafonu ʻa e māmaní lolotonga e ngaahi ʻaho fakaʻosi kuo kikiteʻí. ʻI he ngaahi ʻata fakaʻosi ʻo ʻene fakahā maʻongoʻongá, naʻá ne mamata ai “ki [ha] langi foʻou mo [ha] fonua foʻou” pea mo ha kolo māʻoniʻoni ʻoku ʻalu hifo mei he langí (vakai, Fakahā 21:1–2). Naʻá ne fakamoʻoniʻi “ʻe nofo” ʻa e ʻOtuá mo e kakai ʻo e koló ni, “pea te nau hoko ko hono kakai” ( Fakahā 21:3).

Fakahā 15–19

Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoniʻi e kau akó ke nau falala lahi ange kia Sīsū Kalaisi ʻi heʻenau fehangahangai mo e ngaahi faingataʻa ʻo e ngaahi ʻaho fakaʻosí.

Teuteu ʻa e tokotaha akó: Fakaafeʻi e kau akó ke fakalaulauloto ki he meʻa ʻoku nau ʻilo fekauʻaki mo e ngaahi ʻahiʻahi ʻo e ngaahi ʻaho fakaʻosí mo e ngaahi ʻuhinga te nau lava ai ʻo falala kia Sīsū Kalaisí.

Fakahā 20:11–15

Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoni ke mahino lelei ange ki he kau akó ʻa e Fakamaau Fakaʻosí pea teuteu ke maʻu ha aʻusia fakaʻofoʻofa ʻi he ʻao ʻo Sīsū Kalaisí ʻi he ʻaho ko iá.

Teuteu ʻa e tokotaha akó: Fakaafeʻi e kau akó ke nau lau ʻa e Fakahā 20:12 pea omi mateuteu ki he kalasí mo ha ngaahi fehuʻi ʻoku nau maʻu fekauʻaki mo e Fakamaau Fakaʻosí.

Naunau maʻá e kau akó: ʻE ala ʻaonga ha ngaahi tatau ʻo e ngaahi fakamatala ʻi he konga “Fakamatala Fakamahinó mo e Puipuituʻá”

Fakataukei Fakatokāteliné: Fakahā 20:12

Taumuʻa ʻo e lēsoní: ʻE tokoni ʻa e lēsoni ko ʻení ke ako maʻuloto ʻe he kau akó ʻa e potufolofola fakataukei fakatokāteliné mo e kupuʻi lea folofola mahuʻinga ki he Fakahā 20:12 , fakamatalaʻi ʻa e tokāteliné, pea fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié.

Teuteu ʻa e tokotaha akó: Fakaafeʻi e kau akó ke nau toe vakaiʻi e Fakahā 20:12 pea teuteu ke vahevahe mo e kalasí e meʻa kuo nau ako fekauʻaki mo e Fakamaau Fakaʻosí mo e founga te tau lava ai ʻo teuteu ki aí.

Fakahā 21–22

Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoni ke mahino ki he kau akó ko e faingamālie ko ia ke nofo mo e Tamai Hēvaní mo Sīsū Kalaisi ʻi he puleʻanga fakasilesitialé ʻoku taau ia mo ʻenau ngaahi ngāue kotoa pē.

Teuteu ʻa e tokotaha akó: Fakaafeʻi e kau akó ke fakalaulauloto ki he tuʻunga ʻo e puleʻanga fakasilesitialé mo e ʻuhinga te nau fiemaʻu ai ke maʻu iá.

Siviʻi Hono 12 Hoʻo Akó

Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoniʻi e kau akó ke vakaiʻi ʻa e ngaahi taumuʻa kuo nau fokotuʻú pea mo e tupulaki kuo nau aʻusia ʻi heʻenau ako e Fuakava Foʻoú.

Teuteu ʻa e tokotaha akó: ʻI hono fakakakato ʻe he kau akó ʻenau ako ʻo e Fuakava Foʻoú, fakaafeʻi ke nau faʻu ha lisi ʻo e ngaahi potufolofola ʻe tolu ki he nima ne ʻaonga taha ʻa ia kuo nau ako he taʻu ní.