Pinadayag 15–22

Kinatibuk-ang Pagpasabot

Si Juan nga Tigpadayag naghulagway og tin-aw nga panghitabo sa kalaglagan ug kadautan nga mopuno unya sa kalibotan panahon sa gitagna nga kataposang mga adlaw. Sa kataposang mga talan-awon sa iyang halangdong pagpadayag, iyang nakita ang “usa ka bag-ong langit ug usa ka bag-ong yuta” ug ang balaang siyudad nga nanaog gikan sa langit (tan-awa sa Pinadayag 21:1–2). Siya mipamatuod nga ang Dios “magapuyo ipon” sa mga tawo niini nga siyudad, “ug sila mahimong iyang katawhan” ( Pinadayag 21:3).

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit kinahanglang andamon daan para sa kada leksiyon.

Pinadayag 15–19

Katuyoan sa leksiyon: Kini nga leksiyon gituyo aron sa pagtabang sa mga estudyante nga mag mas masaligon kang Jesukristo samtang sila nag-atubang sa mga hagit sa kataposang mga adlaw.

Pagpangandam sa estudyante: Dapita ang mga estudyante sa pagpamalandong kon unsay ilang nahibaloan mahitungod sa mga pagsulay sa kataposang mga adlaw ug sa mga rason nga makasalig sila ni Jesukristo.

Mga Handout: “Mga anghel ug mga katalagman,” “Pagkadautan ug ang gahom sa Manluluwas,” ug “Kaminyoon sa Kordero”

Sugyot sa pagtudlo pinaagi sa videoconference: Bahina ang mga estudyante ngadto sa mga breakout room alang sa mga opsiyon sa kalihokan A, B, ug C. Mahimong tugotan ang mga estudyante sa pagpili sa ilang opsiyon, o mahimo silang igrupo sa sinulagma nga paagi [randomly]. Bisitaha ang matag breakout room matag karon ug unya aron maobserbahan kon unsa ang gihisgotan sa mga estudyante ug aron matabangan kon gikinahanglan. Kon mahuman na ang mga breakout room, mahimong makatabang ang pagpaambit ngadto sa tibuok klase sa pipila ka mga ideya nga gihisgotan sa matag grupo.

Pinadayag 20:11–15

Katuyoan sa leksiyon: Kini nga leksiyon gituyo aron matabangan ang mga estudyante nga mas makasabot sa Kataposang Paghukom ug makapangandam nga makaangkon og talagsaong kasinatian nga magbarog atubangan ni Jesukristo nianang adlawa.

Pagpangandam sa estudyante: Dapita ang mga estudyante sa pagbasa sa Pinadayag 20:12 ug motambong sa klase nga andam sa ilang mga pangutana mahitungod sa Kataposang Paghukom.

Hulagway nga ipakita: Ang hulagway sa Kataposang Paghukom nga anaa makita sa ibabaw sa leksiyon

Mga Materyal alang sa mga estudyante: Mga kopya sa mga pamahayag diha sa “Komentaryo ug Background nga Impormasyon” nga bahin nga mahimong makatabang

Sugyot sa pagtudlo pinaagi sa videoconference: Dasiga ang mga estudyante sa paggamit sa chat feature sa pagpaambit sa ilang mga pangutana mahitungod sa Kataposang Paghukom. Makatugot kini sa ubang mga estudyante nga makakita ngadto sa mga pangutana sa ilang mga klasmeyt samtang namalandong sila kon unsa nga mga pangutana ang gusto nilang dugang pa nga pagasiksikon.

Doktrinal nga Kahanas: Pinadayag 20:12

Katuyoan sa leksiyon: Kini nga leksiyon makatabang sa mga estudyante nga makamemorya sa pakisayran sa doktrinal nga kahanas ug sa mahinungdanong hugpong sa mga pulong sa kasulatan alang sa Pinadayag 20:12 , makapasabot sa doktrina, ug makagamit sa mga baroganan sa pag-angkon og espirituhanong kahibalo.

Pagpangandam sa estudyante: Dapita ang mga estudyante sa pagrebyo sa Pinadayag 20:12 ug sa pagpangandam nga mopaambit sa klase kon unsa ang ilang nakat-onan mahitungod sa Kataposang Paghukom ug sa unsang paagi kita makapangandam alang niini.

Content nga ipakita: Ang lima ka mga pangutana nga mahimong makatabang sa mga estudyante sa pagpasabot sa doktrina
Pagpangandam sa estudyante: Ikonsiderar ang paghangyo sa tulo ka mga estudyante sa dili pa ang klase nga ang matag usa moribyo og usa sa mga baroganan sa pag-angkon og espirituhanong kahibalo ug sa pag-andam sa pagpaambit og mubo nga summary niana nga baroganan isip kabahin sa leksiyon.

Sugyot sa pagtudlo pinaagi sa videoconference: Ikonsiderar ang paggamit og feature sa whiteboard aron ang mga estudyante maka-type sa mga butang nga ilang nakat-onan mahitungod sa Kataposang Paghukom. Dayon hangyoa ang pipila ka mga estudyante sa paghisgot ngadto sa klase sa unsay ilang gisulat.

Pinadayag 21–22

Katuyoan sa leksiyon: Kini nga leksiyon gituyo aron matabangan ang mga estudyante nga makasabot nga ang oportunidad sa pagpuyo uban sa Langitnong Amahan ug ni Jesukristo sa celestiyal nga gingharian takos sa tanan nilang mga paningkamot.

Pagpangandam sa estudyante: Dapita ang mga estudyante sa pagpamalandong kon unsa kaha ang celestial nga gingharian ug nganong gusto nila nga mapanunod kini.

Handout: “Nganong ang pagpaningkamot alang sa celestial nga gingharian takos man sa atong labing maayo nga mga paningkamot”

Sugyot sa pagtudlo pinaagi sa videoconference: Ikonsiderar ang pag-share sa imong screen aron mapakita ang handout nga “Nganong ang pagpaningkamot alang sa celestial nga gingharian takos sa atong labing maayo nga mga paningkamot” aron ang mga estudyante makatuon sa nalakip nga mga kapanguhaan sa ilang kaugalingon. Tudloi ang mga estudyante sa pag-type sa ilang mga tubag sa senaryo diha sa chat apan dili una kini isumiter. Dapita ang usa ka andam nga estudyante sa pagsumiter sa iyang tubag, ug hangyoa ang ubang mga estudyante sa pagrebyo ug paghisgot sa tubag. Mahimo kining sublion usa o duha pa ka higayon. Sa laing paagi, ang tanan nga mga estudyante mahimong mosumiter sa ilang mga tubag sa samang oras, ug ang mga estudyante mahimong mopili sa ilang gusto ug mopaambit kon ngano.

Sukda ang Imong Nakat-onan 12

Katuyoan sa leksiyon: Kini nga leksiyon gituyo aron matabangan ang mga estudyante nga matimbang-timbang ang mga tumong nga ilang gitakda ug ang personal nga paglambo nga ilang nasinati atol sa ilang pagtuon sa Bag-ong Tugon.

Pagpangandam sa estudyante: Samtang nagkompleto ang mga estudyante sa ilang pagtuon sa Bag-ong Tugon, dapita sila sa paghimo og lista sa tulo ngadto sa lima ka labing epektibo nga mga tudling sa kasulatan nga ilang gitun-an karong tuiga.

Content nga ipakita: Ang mga instruksiyon alang sa mga kalihokan A ug B
Hulagway nga ipakita: Ang hulagway ni Pablo nga nagpamatuod atubangan ni Hari Agripa

Sugyot sa pagtudlo pinaagi sa videoconference: Diha nga ang mga estudyante magsugod na sa pagsulat og mga epistola, mahimong maalamon ang pagdapit kanila sa pag-abli [on] sa ilang mga kamera. Makahimo kini nga posible nga maobserbahan ang ilang pamatasan ug mamatikdan kon hapit na nila mahuman ang buluhaton.