Pinadayag 21–22

“Ang Magamadaugon Makapanag-iya Niining Maong Panulundon”

Mahanduraw ba nimo kon unsa kaha ang magpuyo uban sa Dios sa celestial nga gingharian? Sa kataposang mga talan-awon sa iyang talagsaong pagpadayag, si Juan nakakita sa “usa ka bag-ong langit ug usa ka bag-ong yuta” ug usa ka balaan nga siyudad nga mikunsad gikan sa langit (tan-awa sa Pinadayag 21:1–2). Siya mipamatuod nga ang Dios “magapuyo ipon kanila, ug sila mahimong iyang mga katawhan” (Pinadayag 21:3). Kini nga leksiyon gituyo aron sa pagtabang kanimo nga makasabot nga ang oportunidad sa pagpuyo uban sa Langitnong Amahan ug ni Jesukristo sa celestial nga gingharian takos sa tanan nimong mga paningkamot.

Pagtabang sa mga estudyante nga makaila sa gahom, kaluoy, ug impluwensiya sa Ginoo. Tabangi ang mga estudyante nga makita ang kamot sa Ginoo sa pagpanalangin sa mga tawo diha sa mga kasulatan. Samtang makita nila kini, mas mabati nila ang gugma, gahom, ug kaluoy sa Ginoo sa ilang personal nga mga kahimtang.

Pagpangandam sa estudyante: Dapita ang mga estudyante sa pagpamalandong unsa kaha ang celestial nga gingharian ug nganong gustong nilang mapanunod kini.

Posible nga mga Kalihokan sa Pagkat-on

Ang kataposan nga sangpotanan

The next would be the team celebrating the goal.

Handurawa nga ikaw usa ka miyembro sa usa ka sports team ug nahibaloan nimong daan nga ang imong team mao ang modaog sa titulo sa kampeonato sa kataposan sa season. Bisan pa, wala ka mahibalo kon unsa kadugay molungtad ang season, ug ang coach naglaom nga ang tanan nga mga magdudula maghatag sa ilang labing maayo nga paningkamot aron magpabilin sa team.

Sa unsang paagi nga kini nga kahibalo makaimpluwensiya kon giunsa nimo pag-andam ug pagpaningkamot sa matag dula? Ngano man?
Unsay imong reaksiyon kon ang imong team mapildi sa pipila ka sunod-sunod nga mga duwa? Unsaon nimo pagdasig ang imong mga kauban sa team pagkahuman niini nga mga kapildihan?

Karon paggahin og panahon sa paghunahuna mahitungod sa kataposang mga adlaw ug sa Ikaduhang Pag-anhi.

Hatagi ang mga estudyante og panahon nga makapamalandong sa mosunod nga mga pangutana. Sunda ang mga pag-aghat sa Espiritu aron sa pagtino kon makatabang ba ang paghisgot sa mga pangutana sa paagi sa pag-istorya.

Unsa ka kamasaligon nga ang pagkamatarong sa katapusan modaug batok sa dautan? Unsay makatabang nimo nga madugangan ang imong pagsalig?
Gibati ba nimo nga ang pagsunod sa Manluluwas takos sa imong makanunayon nga labing maayo nga mga paningkamot? Ngano o nganong dili?

Ang kataposang resulta sa gubat tali sa maayo ug daotan gipadayag sa Dios pinaagi sa Iyang mga propeta: ang dapig sa Ginoo maoy magmadaogon. Atol sa Milenyum, si Satanas gapuson ug si Jesukristo magmando sa yuta sa kalinaw sulod sa usa ka libo ka tuig (tan-awa ang Pinadayag 20:1–4). Human niining liboan ka tuig, si Satanas “[itambog] ngadto sa linaw nga kalayo ug asupri” hangtod sa kahangtoran, ug ang Kataposang Paghukom mahitabo (tan-awa ang Pinadayag 20:7–15). Human sa Kataposang Paghukom, ang mga matarong ug matinud-anon makapanunod sa kinabuhing dayon sa celestial nga gingharian.

Samtang magtuon ka sa Pinadayag 21–22, pangitaa ang tabang sa Langitnong Amahan aron madugangan ang imong tinguha sa paghatag sa imong pinakamaayong paningkamot sa pagpaningkamot alang sa kinabuhing dayon ug celestial nga himaya.

Ang sinugdanan ug ang kataposan

Usa sa importante nga mga panghitabo nga nakita ni Juan sa iyang panan-awon mao ang kadaugan ni Jesukristo batok kang Satanas sa kataposan sa kalibotan. Sa Pinadayag 21–22, gihulagway ni Juan ang gitakdang padulngan niadtong nakig-away uban sa Manluluwas sa pagpildi sa kadautan.

Basaha ang Pinadayag 21:1–7 , nga mangita alang sa mga panalangin nga ihatag sa Dios ngadto sa matinud-anon. Mahimo nimong markahan ang mga pulong nga makahuluganon alang kanimo.

Kung gusto nimo nga mahibaloan ang dugang pa bahin sa Bag-ong Jerusalem nga gihisgotan sa bersikulo 2 , mahimong tan-awon kini diha sa Giya ngadto sa mga Kasulatan .

Timan-i nga sa bersikulo 2 , ang pamanhonon mao ang usa ka simbolo sa Manluluwas, ug ang pangasaw-onon mao ang usa ka simbolo sa Simbahan, o kadtong mga matinud-anongg nagsunod Kaniya.

Sa bersikulo 7 , ang anak nga lalaki o babaye ni Kristo usa ka tawo kinsa mituman sa ilang mga pakigsaad uban Kaniya.

Ikonsiderar ang pagpakita sa mosunod nga mga pangutana diha sa pisara. Dapita ang andam nga mga estudyante nga mopakigbahin sa ilang mga panabot diha sa klase.

Unsang mga panalangin ang ihatag sa Dios ngadto sa matinud-anon ang labing makahuluganon alang kanimo? Ngano man?
Unsa ang imong nakat-onan mahitungod sa Langitnong Amahan ug ni Jesukristo gikan niini nga mga bersikulo? Nganong importante alang kanimo nga masabtan kining mga butanga mahitungod Kanila?

Sa pagtubag sa mga estudyante, ikonsiderar ang pagpangutana sama sa mosunod: Sa unsang mga paagi nga ang Manluluwas “[mobag-o sa] … tanang mga butang”? ( Pinadayag 21:5). Sa unsang paagi nga Siya “ang sinugdanan ug ang kataposan”? ( Pinadayag 21:6). Unsa ang buot ipasabot nga pinaagi ni Jesukristo, kita makabuntog ug “[makapanunod sa tanang butang]”? ( Pinadayag 21:7).

Magapanunod sa celestial nga gingharian

Dapita ang mga estudyante sa pagpaambit sa mga kamatuoran mahitungod sa celestial nga gingharian nga ilang nakaplagan diha sa Pinadayag 21:1–7 . Ang mga estudyante mahimong moila og pipila ka mga baroganan. Ikonsiderar ang pagsulat diha sa pisara sa mga kamatuoran nga ilang gipaambit. Ayaw pagduhaduha sa paggahin og panahon sa paghisgot sa usa o sa daghan pa niini nga mga kamatuoran.

Pipila sa daghang mga kamatuoran nga gitudlo niini nga mga bersikulo naglakip sa mosunod: Sa celestial nga gingharian, ang Dios mohupay ug mopuyo uban sa Iyang mga katawhan, ug sila dili na makasinati og kamatayon, kasubo, o kasakit; ug kadtong matinud-anong makabuntog sa mga pagsulay sa mortal nga kinabuhi makapanunod sa mahangturong mga panalangin sa celestial nga gingharian.

Handurawa nga usa sa imong mga higala wala naghunahuna nga ang pagpaningkamot alang sa celestial nga gingharian takos sa tanang gikinahanglan niini.

Pag-andam og usa ka mubo nga tubag nga imong mapaambit sa imong higala nga makatabang kaniya aron makasabot nga ang celestial nga gingharian takos sa bisan unsang mga paningkamot nga gikinahanglan aron mapuy-an ang ebanghelyo. Lagmit gusto nimong gamiton ang pipila sa mosunod nga mga kapanguhaan ug tubaga ang mosunod nga mga pangutana aron matabangan ka sa pag-andam sa imong tubag:

Si Elder L. Tom Perry (1922–2015) sa Korum sa Napulog Duha ka mga Apostoles mitudlo:

Ako nagtuo nga kon atong mabutang sa atong mga hunahuna ang klaro ug tinuod nga litrato sa kinabuhing dayon, kita magsugod sa pag-usab sa kinaiya. Dili na kinahanglan nga kita awhagon pa sa pagbuhat og daghang mga butang nga naglakip sa paglahutay hangtod sa kataposan, sama sa [pagpangalagad], pagtambong sa atong mga miting, pag-adto sa templo, pagpuyo og moral nga mga kinabuhi, pag-ampo, o pagbasa sa mga kasulatan. Kita gusto nga mobuhat niining tanang mga butang ug mas labaw pa tungod kay kita nakahibalo nga kini makaandam nato sa pag-adto sa atong gustong adtoan.

(L. Tom Perry, “Ang Ebanghelyo ni Jesukristo,” Liahona, Mayo 2008, 44)

Pinadayag 7:13–17

Pinadayag 21:22–27

Mosiah 2:41

Doktrina ug mga Pakigsaad 76:51–52, 59–60, 69–70

Doktrina ug mga Pakigsaad 130:2

Pipila sa mosunod nga mga pangutana makatabang sa paggiya sa imong hunahuna diha sa imong pagkonsiderar sa imong tubag:

Unsa ang makapahinam kanimo kon maghunahuna ka bahin sa pagpuyo sa celestiyal nga gingharian?
Unsa ang imong nakat-onan mahitungod sa Manluluwas nga nakapadasig kanimo sa pagsunod Kaniya ug sa pagpaningkamot nga makab-ot ang celestial nga ginghanarian?
Unsa ang imong mga kasinatian sa Langitnong Amahan ug ni Jesukristo nga nakapalambo sa imong tinguha sa pagpuyo uban Kanila pag-usab?
Sa unsang paagi nga ang Ilang gugma alang kanimo nakatabang nimo aron mobati nga ang celestiyal nga gingharian mahimong makab-ot?

New Testament Seminary Teacher Manaul - 2023

Sa upat ngadto sa lima ka kapahayag [sentence], isulat unsay imong isulti sa imong higala.

Tugoti ang mga estudyante nga mopaambit diha sa gamay nga grupo o diha sa klase sa unsay ilang gisulat. Mahimong makatabang ang pagpangutana og follow-up nga mga pangutana sama sa “Ngano nga kana nga panalangin importante kanimo?” “Ngano sa imong hunahuna nga makadasig man kana sa imong higala sa pagpaningkamot alang sa celestial nga gingharian?” ug “Unsay imong nadunggan gikan sa usa ka klasmeyt nga makahuluganon kanimo?”

Pamalandongi sulod sa pipila ka minuto ang gugma sa Langitnong Amahan ug ni Jesukristo ug sa Ilang tinguha alang kanimo nga makadawat og kinabuhing dayon. Hunahunaa kon unsaon nimo pagpakita ang imong pasalamat sa Ilang kaluoy ug grasya.

Kung itugot sa panahon, dapita ang mga estudyante sa pagpaambit sa ilang mga hunahuna. Ikonsiderar ang pagpaambit og personal nga pagsaksi sa mga kamatuoran nga gitudlo niini nga leksiyon.

Komentaryo ug Background nga Impormasyon

Ang Langitnong Amahan ba gayod mihimo nga posible alang kanako nga makaabot sa celestial nga gingharian?

Ang mubo ug tinuod nga tubag mao ang klaro nga oo! Apan kon gusto nimong makat-on pa og dugang, ikonsiderar ang pagbasa sa “Makahimo Kamo Niini!” ni Eric B. Murdock sa Hulyo 2021 nga isyu sa Alang sa Kalig-on sa mga Kabatan-onan nga magasin (mga pahina 24–26).

Unsaon nako pagkat-on og dugang pa mahitungod sa unsa ang celestial nga gingharian?

Mahimo nimong pangitaon ang artikulo (topics.ChurchofJesusChrist.org). Mahimo usab nimong basahon ang “Sa unsa kaha nahisama ang celestial nga gingharian?” sa Hulyo 2021 nga isyu sa Alang sa Kalig-on sa mga Kabatan-onan nga magasin (pahina 31).

Pinadayag 21:6 . Unsa ang gipasabot niini sa dihang si Jesus mitawag sa Iyang kaugalingon nga “Alpha ug ang Omega”?

Alpha mao ang unang letra sa Gresyanhong alpabeto. Alpha nagpasabot nga “ang una” o “ang sinugdanan.” Omega nagpasabot nga “ang kaulahian sa bisan unsang serye,” o “ang kataposan.” Kon imong ibutang ang duha ka pulong, Alpha ug Omega, nga magkauban, sila magkahulogan nga “gikan sa sinugdanan hangtod sa kataposan,” o “gikan sa una hangtod sa ulahi.” Sa dihang si Jesus gihisgotan isip ang Alpha ug Omega, kini nagpasabot nga siya gikan sa sinugdanan ug maanaa sa kataposan sa tanan nga mga butang; siya walay kataposan.

(Dorothy Leon, “By These Names,” Liahona, Abr. 1996)

Usa sa mga paagi nga atong makita si Jesukristo isip ang Alpha ug Omega mao nga Siya miyembro sa Dios nga Kapangulohan ug milalang sa kalibotan (tan-awa ang Mosiah 3:8 ; Moises 1:33 ; 2:1). Misugot usab siya nga mahimong atong Manluluwas sa premortal nga kalibotan (tan-awa ang Moises 4:2). Pinaagi ni Jesukristo, kita mabanhaw (tan-awa ang 1 Mga Taga-Corinto 15:20–22 ; Alma 11:42–44), ug Siya ang mahimo natong Maghuhukom ug atong Manlalaban atubangan sa Amahan (tan-awa ang Mga Taga-Roma 14:10–12 ; Alma 33:22 ; 3 Nephi 27:14–16 ; Doktrina ug mga Pakigsaad 45:3–5).

Kini bang Pinadayag 22:18–19 nagpasabot nga wala nay dugang nga kasulatan gawas sa Biblia?

Ang ubang mga tawo mikutlo sa Pinadayag 22:18–19 isip usa ka rason sa pagsalikway sa Basahon ni Mormon ug ubang mga kasulatan sa ulahing mga adlaw. Si Elder Jeffrey R. Holland sa Korum sa Napulog Duha ka Apostoles mipasabot nganong kini nga pangatarongan dili sakto sa iyang mensahe “Ang Akong mga Pulong … Dili Gayod Mohunong” ( Liahona, Mayo 2008, 91–94).