A Girl/Young Woman lying on a bed reading scriptures.
Ang mga banal na kasulatan ay nagbibigay ng maraming pagkakataon na matutuhan ang mahahalagang aral mula sa mga taong nabuhay noon. Itinuturo din ng mga ito sa atin ang mga ipinropesiyang pangyayari na magaganap sa hinaharap. Sa Apocalipsis 8–11, isinulat ni Juan ang mga propesiya tungkol sa mahahalaga at nakababagabag na pangyayari na magaganap bago ang Ikalawang Pagparito ni Jesucristo. Layunin ng lesson na ito na tulungan kang madama ang kapangyarihan ng Panginoon at ang Kanyang kakayahan na protektahan tayo mula sa mga kalamidad at kasamaan sa mga huling araw.
Pag-iwas sa mga haka-haka. Bagama’t binigyan tayo ng Panginoon ng mahahalagang propesiya tungkol sa Kanyang Ikalawang Pagparito, maraming detalye ang hindi Niya inihayag. Iwasang magbigay ng haka-haka tungkol sa mga detalyeng hindi alam.
Paghahanda ng estudyante: Maaari mong ibahagi ang pahayag ni Pangulong Russell M. Nelson mula sa simula ng lesson na ito at anyayahan ang mga estudyante na pag-aralan ang tungkol sa ilan sa mga pinakadakilang gawain na gagawin ng Panginoon bago ang Kanyang Ikalawang Pagparito. Ang entry na “ Huling Araw, Mga ” sa Gabay sa mga Banal na Kasulatan (matatagpuan sa scriptures.ChurchofJesusChrist.org) ay maaaring maging kapaki-pakinabang na resource para rito.
Mga Posibleng Aktibidad sa Pag-aaral
Mga mahimalang pangyayari sa mga huling araw
Maaari mong anyayahan ang mga estudyante na magbahagi ng mga sagot sa sumusunod na tanong bago basahin ang pahayag ni Pangulong Russell M. Nelson.
Ano ang ilan sa mga pinakadakilang gawain na ginawa ng Panginoon noon, para sa iba o para sa sarili mong buhay?
Nagbahagi si Pangulong Russell M. Nelson ng mahalagang kaalaman tungkol sa mga pangyayaring magaganap bago ang Ikalawang Pagparito ng Tagapagligtas:
Larawan
Official portrait of President Russell M. Nelson taken January 2018
Ang ating Tagapagligtas at Manunubos, na si Jesucristo, ay gagawa ng ilan sa kanyang mga pinakadakilang gawain ngayon at hanggang sa Kanyang muling pagparito. Makakakita tayo ng mahihimalang mga palatandaan na ang Diyos Ama at Kanyang Pinakamamahal na Anak ay mamumuno sa daigdig na ito sa karingalan at kaluwalhatian.
(Russell M. Nelson, “Paghahayag para sa Simbahan, Paghahayag para sa Ating Buhay,” Liahona, Mayo 2018, 96)
Ano ang mga naisip o nadama mo habang binabasa mo ang pahayag na ito?
Ano ang ilan sa mga pinakadakilang gawain na alam mong gagawin ng Panginoon bago ang Kanyang Ikalawang Pagparito?
Mula sa pahayag ni Pangulong Nelson, nalaman natin na isasagawa ng Panginoon ang ilan sa Kanyang mga pinakadakilang gawain bago Siya muling pumarito. Pag-aaralan mo sa lesson na ito ang ilan sa mga pinakadakilang gawaing ito. Bigyang-pansin ang matututuhan mo tungkol sa Diyos, sa Kanyang kapangyarihan, at sa pagmamahal Niya sa atin habang nag-aaral ka.
Nakita ni Juan ang pagbubukas ng ikapitong tatak
Maaaring natatandaan mo na sa kanyang pangitain na nakatala sa aklat ng Apocalipsis, nakita ni Juan ang isang aklat na may pitong tatak. Ang bawat tatak ay kumakatawan sa 1,000 taon sa mundo (tingnan sa Apocalipsis 5 ; Doktrina at mga Tipan 77:6–7). Ang sumusunod na larawan ay makatutulong sa iyo na mailarawan sa isipan ang pagbibigay-diin ni Juan sa bawat isa sa mga panahong ito.
Maaari mong bigyan ang mga estudyante ng kopya ng sumusunod na larawan o ipakita ito sa klase.
Larawan
A diagram of John’s vision of the 7 seals in the book of revelation including scripture verse reference
Bakit maaaring makatulong para sa iyo na malaman na itinuon ni Juan ang karamihan ng kanyang mga isinulat sa mga pangyayaring may kaugnayan sa Ikalawang Pagparito ng Tagapagligtas, sa halip na sa mga pangyayaring may kaugnayan sa mga naunang tatak?
Sa Apocalipsis 11 , nakita ni Juan ang panahon kung saan ang isang makapangyarihang hukbo na binubuo ng maraming “mga bayan at mga angkan at mga wika at mga bansa” ( Apocalipsis 11:9) ay magtatangkang wasakin ang Jerusalem (tingnan din sa Ezekiel 38:4–6, 14–16 ; Joel 2:1–9 ; Apocalipsis 9:16–17 ; 11:2). Ngunit nakasaad sa mga sulat ni Juan na may dalawang saksing isinugo mula sa Diyos na hahadlang sa hukbong ito sa pagsasakatuparan ng layunin nito sa loob ng 42 buwan (tingnan sa Apocalipsis 11:2–3).
Ano ang natutuhan mo tungkol sa dalawang saksing ito?
Anong katibayan ang nakikita mo na mapapasakanila ang kapangyarihan ng Diyos?
Basahin ang Apocalipsis 11:7–10 , at alamin ang ipinropesiya ni Juan na mangyayari sa dalawang propetang ito pagkatapos nilang magministeryo sa mga Judio.
Ano ang ipinahihiwatig ng mga talatang ito tungkol sa espirituwal na kalagayan ng marami na mabubuhay sa mundo sa panahong iyon?
Nakasaad sa mga banal na kasulatan na sa loob ng “tatlong araw at kalahati” ( Apocalipsis 11:9) kapag ang mga propetang ito ay papatayin at hahandusay sa lansangan, muling pagtutuunan ng makapangyarihang hukbo ang pagsakop sa Jerusalem (tingnan sa Zacarias 14:2).
Magpakita ng larawan ng Bundok ng mga Olibo, o ipahanap sa mga estudyante ang larawan 11 na, “ Bundok ng mga Olibo ,” sa Mga Mapa at mga Larawan sa scriptures.ChurchofJesusChrist.org.
Larawan
Photo of the Mount of Olives
Ito ay larawan ng Bundok ng mga Olibo sa Jerusalem. Sa bundok na ito, nagdusa ang Tagapagligtas sa Halamanan ng Getsemani bilang bahagi ng Kanyang Pagbabayad-sala (tingnan sa Lucas 22:39–44). Ang Bundok ng mga Olibo ay ang lugar din kung saan ang Tagapagligtas ay “lalabas … at makikipaglaban sa mga bansang iyon” ( Zacarias 14:3–4) na naghahangad na wasakin ang mga Judio bago Siya magpakita sa buong mundo.
Maaari mong hatiin ang klase sa maliliit na grupo. Magagawa ng bawat grupo na pag-aralan ang isa sa mga sumusunod na scripture passage at ibuod ang natutuhan nila para sa klase.
Basahin ang mga sumusunod na scripture passage, at alamin ang mga detalye tungkol sa mga pinakadakilang gawain na gagawin ng Panginoon sa Jerusalem at sa Bundok ng mga Olibo bago ang Kanyang Ikalawang Pagparito.
Ano ang magiging epekto ng mga pangyayaring nakatala sa mga scripture passage na ito sa mga taong nakararanas ng mga ito?
Ano ang ipinauunawa o ipinadarama sa iyo ng mga ipinropesiyang pangyayaring ito tungkol sa Tagapagligtas?
Bakit mahalagang maunawaan at madama mo ang mga bagay na ito tungkol sa Tagapagligtas ngayon mismo sa iyong buhay?
Proteksyon para sa mga Banal ng Diyos
Bagama’t ang kasamaan, digmaan, at pagkawasak ay magaganap bago ang Ikalawang Pagparito, mahalaga ring alalahanin na nangako ang Panginoon ng tulong at espirituwal na proteksyon sa mga taong pinipiling sumunod sa Kanya (tingnan sa Apocalipsis 17:14 ; 1 Nephi 22:16–17). Ang isang lugar ng kapayapaan, kanlungan, at kaligtasan ay ang Sion, ang Bagong Jerusalem, na matatagpuan sa kontinente ng Amerika (tingnan sa Doktrina at mga Tipan 45:66 ; Mga Saligan ng Pananampalataya 1:10). Hindi pa naghahayag ang Panginoon ng maraming detalye hinggil sa lungsod na ito sa hinaharap, ngunit itinuro Niya ang tungkol sa proteksyong makukuha roon.
Kung may mga karagdagang tanong ang mga estudyante tungkol sa Sion, maaari mong gamitin ang “Ano ang Sion?” sa bahaging “Komentaryo at Pinagmulang Impormasyon” ng lesson na ito.
Anong mga salita o parirala ang naging makabuluhan para sa iyo mula sa mga talatang ito?
Saan magmumula ang mabubuting tao ng Sion?
Ano ang ginagawa ngayon ng Panginoon upang ihanda tayo para sa panahong ito sa hinaharap at protektahan tayo laban sa mga kasamaan at panganib sa ating panahon?
Pag-isipan ang natutuhan mo
Sumangguni sa pahayag ni Pangulong Nelson sa simula ng lesson, at isipin kung ano ang napag-aralan mo ngayon tungkol sa mga pinakadakilang gawaing gagawin ng Panginoon.
Maaari mong ipakita ang mga sumusunod na pahayag bilang mga heading sa iba’t ibang bahagi ng pisara at anyayahan ang mga estudyante na pumili ng isang pahayag na kukumpletuhin. Pagkatapos ay maaaring ipabahagi sa mga estudyante kung bakit iyon ang isinulat nila.
Ang ilang bagay na pinakamahalaga para sa akin mula sa pag-aaral ko ngayon ay …
Ngayon ay natutuhan o nadama ko na ang Panginoon ay …
Dahil sa natutuhan o nadama ko ngayon, gusto kong …
Komentaryo at Pinagmulang Impormasyon
Ano ang alam natin tungkol sa dalawang propeta na nasa Jerusalem sa hinaharap?
Ibinigay ni Elder Bruce R. McConkie (1915–85) ng Korum ng Labindalawang Apostol ang mga sumusunod na kaalaman:
Larawan
Head and shoulders portrait of Elder Bruce R. McConkie.
Sino ang mga saksing ito? Hindi natin alam, maliban sa mga tagasunod sila ni Joseph Smith; tataglayin nila ang banal na Melchizedek Priesthood; sila ay mga miyembro ng Ang Simbahan ni Jesucristo ng mga Banal sa mga Huling Araw. Makatwirang ipalagay natin, nalalaman kung paano laging nakikipag-ugnayan ang Panginoon sa kanyang mga tao sa lahat ng panahon, na sila ay dalawang miyembro ng Kapulungan ng Labindalawa o ng Unang Panguluhan ng Simbahan.
(Bruce R. McConkie, The Millennial Messiah: The Second Coming of the Son of Man [1982], 390)
Ano kaya ang mangyayari kapag muling pumarito si Jesucristo?
Itinuro ni Pangulong Russell M. Nelson:
Larawan
Official portrait of President Russell M. Nelson taken January 2018
Babalik [si Jesucristo] sa Banal na Lunsod (tingnan sa Doktrina at mga Tipan 133:46–48). Doon at sa ibang lugar, “ang kaluwalhatian ng Panginoon ay mahahayag, at makikitang magkakasama ng lahat na tao” ( Isaias 40:5 ; tingnan din sa Doktrina at mga Tipan 101:23). Ang Kanyang “pangalan ay tatawaging Kamanghamangha, Tagapayo, Makapangyarihang Dios, Walang hanggang Ama, Pangulo ng Kapayapaan” ( Isaias 9:6). …
Sa araw na iyon tataglayin Niya ang mga bagong katawagan at paliligiran Siya ng natatanging mga Banal. Kikilalanin Siya bilang “Panginoon ng mga panginoon, at Hari ng mga hari; at [ang mga makakasama] niya [ay ang mga taong] tinawag at mga pili at mga tapat” ( Apocalipsis 17:14) sa ipinagkatiwala sa kanila dito sa mortalidad. Pagkatapos, Siya’y “maghahari magpakailan kailan man at walang katapusan” ( Apocalipsis 11:15).
(Russell M. Nelson, “Ang Kinabukasan ng Simbahan: Paghahanda sa Mundo para sa Ikalawang Pagparito ng Tagapagligtas,” Liahona, Abr. 2020, 16–17)
Ano ang Sion?
Ang salitang Sion ay ginagamit sa mga banal na kasulatan nang may iba’t ibang kahulugan. Kung minsan tumutukoy ang salita sa mga tao ng Sion at inilalarawan sila bilang “ang may dalisay na puso” ( Doktrina at mga Tipan 97:21). Maaari din tumukoy ang Sion sa buong Simbahan at sa lahat ng stake nito sa buong mundo (tingnan sa Doktrina at mga Tipan 82:14). Ang salitang Sion ay maaari ding tumukoy sa partikular na heograpikong lokasyon, tulad ng lunsod ni Enoc (tingnan sa Moises 7:18–21), sinaunang Jerusalem (tingnan sa 2 Samuel 5:7 ; 1 Mga Hari 8:1), at ang Bagong Jerusalem sa mga huling araw (tingnan sa Doktrina at mga Tipan 45:66–67 ; 57:1–3 ; Mga Saligan ng Pananampalataya 1:10). Para sa karagdagang impormasyon, tingnan sa Mga Paksa ng Ebanghelyo, “Sion,” https://www.churchofjesuschrist.org/study/manual/gospel-topics/zion?lang=tgl).
Paano ako makadarama ng kapayapaan sa gitna ng mga kalamidad sa mga huling araw?
Maaari mong isulat sa pisara ang mga salitang Matamis at Mapait at pagkatapos ay sabihin sa mga estudyante na mag-isip at magbahagi ng ilang karanasan sa buhay na maituturing na parehong matamis at mapait.
Sabihin sa mga estudyante na basahin ang Apocalipsis 10:1–3, 8–11 at Doktrina at mga Tipan 77:14 , at alamin kung ano ang ibinigay kay Juan, ano ang ginawa niya rito, at ano ang isinasagisag ng gawaing ito. Ipaliwanag na pinagpala si Juan na hindi siya mamamatay upang makapaghatid siya ng mga tao sa Tagapagligtas (tingnan sa Doktrina at mga Tipan 7:1–4).
Paano mailalarawan ang mga pangyayari sa mga huling araw na ipinropesiya ni Juan bilang parehong matamis at mapait?
Anong mga responsibilidad ang maaaring ibigay sa atin ng Panginoon na maaaring humantong sa parehong matatamis at mapapait na karanasan?
Sa iyong palagay, bakit tayo tinutulutan ng Panginoon na maranasan ang dalawang ito?