Roma 1–6

Vaaiga Aoao

I le talanoa atu ai i le Au Paia sa nonofo i Roma, sa tautino atu ai e Paulo o ia e “le ma i le talalelei ia Keriso” (Roma 1:16). Sa manaomia e tagata Iutaia ma tagata Nuu Ese liliu mai se fesoasoani e malamalama ai i lo latou faalagolago ia Iesu Keriso ma le ala e talia ai faamanuiaga o Lana Togiola i o latou olaga. Sa taumafai Paulo e fesoasoani i le Au Paia i Roma ia malamalama i le alofa tunoa o Keriso e ala i le aoao atu e uiga i lona sootaga i le faatuatua ma galuega. Sa ia aoao atu e faapea tatou te maua le avanoa e faaaoga ai le mana o le Faaola a o tatou osia ma tausia feagaiga ma Ia, “[savavali] i le ola toefuataiina” (Roma 6:4).

Sauni e Aoao Atu

O nei faamatalaga e tuuina atu ai mo faiaoga ni manatu mo ni mea e tatau ona muai saunia mamao mo lesona taitasi.

Roma 1

Faamoemoega o le lesona: O le a fesoasoani lenei lesona i tamaiti aoga ina ia aua nei mama e tau i latou o ni soo o Iesu Keriso.

Sauniuniga a le tamaitiiti aoga: Valaaulia tamaiti aoga e o mai saunia e talanoaina pe aisea e ono mumusu ai tagata ia iloa o i latou o ni soo o Keriso pe e faasoa atu le talalelei i isi.

Vitio: “Preparation of Joseph F. Smith: True Blue, Through and Through” (1:31); “Abinadi Testifies of Jesus Christ” (25:38; matamata mai le faailotaimi 14:39 seia oo i le 18:39); “Same Jersey” (5:01)

Fautuaga faafaiaoga i fesootaiga i vitio: Mafaufau e tuuina atu le suega puupuu e ala i le faaali atu i tamaiti aoga ma tuu atu ia i latou e faailoga tali latou te manatu e sa’o pe tusi ia mataitusi o a latou tali filifilia i le talanoaga tusitusi [chat]. Ona mafai lea ona talanoaina tali taitasi a o faia le suega puupuu po o i le taimi e aliae ai autu i le faagasologa o le lesona.

Roma 2–3

Faamoemoega o le lesona: O lenei lesona o le a fesoasoani i tamaiti aoga ia malamalama atili ai i le manaoga ua ia i tatou uma ina ia faamagaloina ia tatou agasala ma tauamiotonuina e ala ia Iesu Keriso.

Sauniuniga a le tamaitiiti aoga: Valaaulia tamaiti aoga e faitau i faauigaga o i le Sau, Mulimuli Mai ia te A’u—Mo Tagata Taitoatasi ma Aiga mai le lesona i le Roma 1–6 ma ia saunia e faasoa atu i a latou lava upu ia faauigaga mo upu e pei o le tauamiotonuina, faatuatua, ma le alofa tunoa.

Anotusi e faaali atu: O faauigaga o le tauamiotonuina, faatuatua, o le tulafono, ma le alofa tunoa

Fautuaga faafaiaoga i fesootaiga i vitio: Valaaulia se tamaitiiti aoga e faaaoga le laupapa paepae ma faaali mai ai le ata fautuaina mo le vasega atoa.

Roma 4–5

Faamoemoega o le lesona: O lenei lesona o le a fesoasoani i tamaiti aoga e faatupulaia ai lo latou malamalama ma le talisapaia o le alofa tunoa o Iesu Keriso.

Sauniuniga a le tamaitiiti aoga: Valaaulia tamaiti aoga e faitau le vaega o le “Alofa Tunoa” i le Bible Dictionary po o le Taiala i Tusitusiga Paia , ona faailoa mai lea o se tasi o auala ua latou maua ai le alofa tunoa o le Atua i o latou lava olaga.

Anotusi e faaali atu: O le ata o le tagata fasilaau i le toafa ma le faamatalaga o loo avatu faatasi ai

Fonotaga faafaiaoga o fesootaiga i vitio: E mafai ona faatulaga tamaiti aoga i potu e taape i ai e talanoa ai i le ata. Ia mautinoa e tuuina atu ni faatonuga manino ina ia iloa ai e tamaiti aoga mea o loo latou saili e faataunuu. Atonu e aoga le faaali atu o fesili e tolu o faatalanoaga mo tamaiti aoga e talanoaina i potu e taape i ai.

Roma 6

Faamoemoega o le lesona: O lenei lesona o le a fesoasoani i tamaiti aoga e saili ai le suiga e ala ia Iesu Keriso ma iloa lelei ai pe a oo ina tutupu na suiga.

Sauniuniga a le tamaitiiti aoga: Valaaulia tamaiti aoga e toe mafaufau e uiga i o latou papatisoga ma atonu e mafai ona aumai se ata pe afai o i ai. Atonu na tusia e nisi o tamaiti aoga po o o latou matua se tusiga i api talaaga ina ua papatisoina i latou. Atonu e manaia mo tamaiti aoga le faitau o lena tusiga i totonu o api talaaga pe talanoa ma o latou matua e uiga i ni tala o o latou papatisoga, e aofia ai ma mea atonu ua galo i tamaiti aoga.

Anotusi e faaali atu: O se ata o le taimi na e papatiso ai

Fautuaga faafaiaoga o fesootaiga i vitio: Mafaufau e faaaoga ni potu e taape i ai pe se ono mo le fautuaga a faiaoga o loo avatu faatasi i le Roma 6:9–14 . Vaevae le vasega i ni vaega ma atofa i vaega taitasi se fuaiupu se tasi pe sili atu mai le Roma 6:9–14 e talanoaina faatasi, a maea ona latou faasoa mai lea o mea sa latou aoaoina i le vasega. Asiasi mo sina taimi puupuu i vaega taitasi e tuuina atu se fesoasoani patino ma tali fesili e pei ona manaomia. Ia mautinoa ua saunia tamaiti aoga e faasoa atu i isi tagata o le vasega a o lei maea le taimi i potu e taape i ai.

Iloiloga 17 o le Atamai i Aoaoga Faavae

Faamoemoega o le lesona: O lenei lesona o le a fesoasoani i tamaiti aoga e faalautele atili ai lo latou malamalama ma faamatala atu upumoni e uiga i se tasi pe sili atu o fuaitau o le atamai i aoaoga faavae mai le Feagaiga Fou.

Sauniuniga a le tamaitiiti aoga: Valaaulia tamaiti aoga e vaai totoa i soo se fuaiupu, fasifuaitau, po o upu faalemanino i le isi a latou suesuega faaletagata lava ia pe faaleaiga o tusitusiga paia ma ia o mai saunia i le vasega e faasoa mai.

Fautuaga faafaiaoga o fesootaiga i vitio: Mafaufau e faaaoga potu e taape i ai mo tamaiti aoga e talanoaina ai pe na faapefea ona latou faaaogaina tomai eseese mo le suesueina o tusitusiga paia e faateleina ai lo latou malamalama i fuaitau o mau mo le atamai i aoaoga faavae.