Seminare
Roma 1

Roma 1

“Ou Te Le Ma i Le Talalelei Ia Keriso”

Alii talavou o loo fai lana matatioata, ma nofonofo i fafo ma faitau tusitusiga paia. (horiz)

E i ai le taimi po o le fea lava, o le a manaomia ai ona tatou tutu uma atu mo mea ua tatou talitonu i ai. I le saunoa atu i le Au Paia sa nonofo i Roma, sa tautino atu ai e Paulo o ia e “le ma i le talalelei ia Keriso” ( Roma 1:16). O lona naunau e faasoa atu le savali o le talalelei o se faamaoniga lea o lena mea. O lenei lesona e mafai ona fesoasoani ia oe e aua le ma e faailoa atu o oe o se soo o Iesu Keriso.

O le faasoaina atu o tala ma faamaumauga moni. Ina ia fesoasoani e faatupu le fiafia o tagata aoga i se lesona, mafaufau e faasoa atu ni tala patino moni mai soifuaga o perofeta, talafaasolopito o le Ekalesia, lauga o konafesi aoao, po o mekasini a le Ekalesia.

Sauniuniga a le tagata aoga: Valaaulia tagata aoga e o mai saunia e talanoaina pe aisea e ono mumusu ai tagata ia iloa o i latou o ni soo o Keriso pe faasoa atu le talalelei i isi.

Gaoioiga e ono Mafai Ona Aoao Ai

O le suega puupuu lenei e mafai ona faaaoga e aoao atu ai e uiga i Tusi i le Feagaiga Fou. O tali o le (1) i; (2) e; (3) i; (4) a.

O nisi faamatalaga e uiga i nei tusi e mafai ona maua i le “ Tusi a Paulo i le Taiala i Tusitusiga Paia (scriptures.ChurchofJesusChrist.org) po o le Sau, Mulimuli Mai ia te Au—Mo Tagata Taitoatasi ma Aiga.

O a mea ua e iloa?

Vaai faalemafaufau e faapea ua e ta’u atu i se tasi o au uo mai se isi lotu Kerisiano o loo e aoaoina le Feagaiga Fou i le seminare. Ua ia ta’u atu ia te oe e fiafia tele o ia i le Feagaiga Fou ae o nisi taimi e faigata ona ia malamalama i Tusi. Ua ia fesili atu ia te oe pe o a mea ua e iloa e uiga ia i latou. Fai le suega puupuu lenei e iloa ai po o le a le lelei o le a mafai ona e tali atu ai ia te ia.

  1. O a mea e ta’u o Tusi?

    1. Faasilasilaga aloaia a le Ekalesia na faia e le perofeta

    2. O lauga na fofogaina mai e taitai o le Ekalesia sa tuufaatasia i le tele o tausaga

    3. O tusi eseese na tusiina atu e taitai o le Ekalesia i le Au Paia

  2. O ai o loo ta’ua mo le tusia o le 14 o tusi e 21 o loo aofia ai i le Feagaiga Fou?

    1. Peteru

    2. Paulo

    3. Luka

  3. Na faapefea ona faatulagaina Tusi muamua e 13?

    1. Faasologa o taimi (i le taimi na tusia ai)

    2. E ala i le taua

    3. E ala i le umi

  4. O ai nisi o tusitala o Tusi?

    1. Iakopo, Peteru, Ioane, ma Iuta

    2. Iakopo, Peteru, Ioane, ma Setefano

    3. Iakopo, Peteru, Ioane, ma Timoteo

O Le Tusi [i le au paia] i Roma

O le tusi a Roma o se tusi na tusia e Paulo i le Au Paia i Roma i le lata ai i le faaiuga o ana malaga faafaifeautalai. O Roma—le laumua o le Malo o Roma—sa faatumulia i filosofia faalelalolagi ma o se nofoaga e faigata ona talai ma ola ai i le talalelei a Iesu Keriso. Na tusi atu Paulo i le Au Paia i Roma ia faamalosia lo latou faatuatua, e saunia ai i latou mo lona taunuu atu, e faamanino ma finauina ana aoaoga, ma faatupulaia le lotogatasi i le va o tagata Iutaia ma tagata Nuu Ese o le Ekalesia.

A o e suesueina le Roma 1, vaavaai mo upumoni e mafai ona faamalosiauina ai oe a o e taumafai e avea ma se soo o Iesu Keriso.

Ou te le ma

Maimoa i le “Preparation of Joseph F. Smith: True Blue, Through and Through” (1:31) o loo maua i le ChurchofJesusChrist.org. E mafai foi ona maua lenei tala i le Aoaoga a Peresitene o le Ekalesia: Iosefa F. Samita [1998], 104.

2:3

Faitau le Roma 1:15–17, ma vaavaai mo mea na tutusa ai Peresitene Iosefa F. Samita ma Paulo. Mafaufau e faailoga upu po o fasifuaitau i nei fuaiupu ua e iloa e anoa.

Atonu na e faailogaina upu Ou te le ma i le talalelei ia Keriso” i le Roma 1:16 .

  • Mai mea sa e aoaoina e uiga ia Paulo i le tusi o Galuega, na faapefea ona ia faaalia e lei ma e faailoa o ia o se Kerisiano?

  • O a ni tulaga e ono feagai ma le autalavou i aso nei e ono manaomia ai ona latou tutu atu ma aua nei maasiasi i le talalelei a Keriso?

Sa iloa e Paulo o Roma o se nofoaga faigata ona ola ma talai atu ai le talalelei. Sa feagai foi o ia ma le tetee mai ia i latou o e sa le malamalama pe sa teena ana aoaoga. Ae ui i lea, sa naunau lava Paulo e alu i Roma ma talai atu iina ina ia aumai nisi ia Keriso (tagai i le Roma 1:15).

Mafaufau i aafiaga ia, e pei o Paulo, sa e maua ai se avanoa e tu atu ai mo pe faasoa atu lou faatuatua ia Iesu Keriso. Fai se lisi puupuu i lau api talaaga. Ia aofia ai ou mafaufauga ma lagona i le tele o lou manao e faasoa atu lou faatuatua i na tulaga.

Atonu e fesoasoani le faamanatu atu i tagata aoga e tele auala itiiti ma faatauvaa e mafai ona latou faaalia ai e latou te le lagona le maasiasi i le talalelei a Keriso. Mafaufau e valaaulia ni nai volenitia e faasoa mai a latou lava faataitaiga. E mafai foi e tagata aoga ona faasoa mai a latou sauniuniga mo lenei lesona e ala i le talanoaina pe aisea e ono le mautonu ai tagata e faasoa atu le talalelei.

  • Aisea e ono lagona ai e se tagata talavou le maasiasi e faailoa atu o ia o se Kerisiano? O a ni mea e mafai ona latou faia pe afai e i ai ni o latou mafaufauga po o lagona faapena?

Faataitaiga mai tusitusiga paia ma onaponei

Toefaamanatu se lua o nei faataitaiga o tagata o e sa lei lagona le maasiasi e faailoa atu lo latou faatuatua i le Alii. Mafaufau i tulaga sa latou i ai, ma vaavaai mo mea e tutusa ai o latou olaga ma oe.

Tagai i le vaega o “Gaoioiga Faaopoopo e Aoao ai” mo faataitaiga faaopoopo ma se manatu i le auala e mafai ona faaaoga ai le tekinolosi mo lenei gaoioiga.

25:30

  • Pe a e faasoa atu le talalelei: Teren Bingham ma Brandon McEuen (“Same Jersey” [5:01], ChurchofJesusChrist.org)

5:1

  • O a ni mea ua faagaeetia ai oe mai nei faataitaiga?

  • Na faapefea ona faaalia e nei tagata latou te le maasiasi i le talalelei a Keriso?

  • O ai o loo avea ma se faataitaiga i lou olaga o le le maasiasi i le talalelei a Iesu Keriso? Na faapefea ona latou faaalia lo latou faatuatua?

O loo tau mai e le Roma 1:15–17 ia i tatou o le naunautaiga o Paulo mo le talalelei a Keriso na oo mai i se vaega mai lona malamalamaga e faapea “[o le talalelei] o le mana lea o le Atua mo le faaolataga” mo fanau uma a le Atua. I se isi faaupuga, ona sa iloa e Paulo e leai se tasi e mafai ona faasaoina e aunoa ma le talalelei a Iesu Keriso, o lea sa ia manao ai e faasoa atu i tagata uma.

O tali a tagata aoga i fesili nei atonu e matuai eseese lava o le tasi mai le isi. A o talanoaina nei fesili, fesoasoani i tagata aoga ia malamalama o le faaaogaina o lenei mataupu faavae e patino ia i latou lava ma e le tatau ona latou faamasinoina isi e faavae i le ala latou te faaalia ai lo latou foi faatuatua.

  • E mafai faapefea e le manatuaina o mea na faia e le Faaola mo oe ona fesoasoani ia aua ai nei e maasiasi ia te Ia ma Lana talalelei?

  • E ui atonu e i ai taimi e valaauina ai i tatou e puipuia lo tatou faatuatua i ni auala tetele pe maoae, ae o le tele lava o taimi e sili ona faaalia lo tatou faatuatua i auala itiiti ma faigofie (tagai i le Alema 37:6–7). E faapeī foliga, leo, po o lagona o le “le ma i le talalelei ia Keriso”, i lou olaga i aso taitasi?

  • Faauma le fuaiupu lenei: Ou te le ma i le talalelei a Iesu Keriso, aua …

Mafaufau e molimau atu i le fiafia ma le filemu lea e mafai ona oo mai ona o le faamaoni i ou talitonuga maumaututu ma feagaiga.

Manatu ma Talaaga o Faamatalaga

E mafai faapefea ona ou faasoa atu la’u molimau i auala masani?

Na aoao mai Elder Dieter F. Uchtdorf o le Korama a Aposetolo e Toasefululua:

O le ata aloaia o Elder Dieter F. Uchtdorf o le Korama o Aposetolo e Toasefululua, 2006. Valaauina e avea ma Fesoasoani Lua i le Au Peresitene Sili, 3 Fepuari 2008. Na faia se ata aloaia i le 2008 e sui ai le ata na pueina i le 2004.

Ou te iloa o nisi o i tatou e sili atu ona fiafia e fegalegaleai nai lo o isi. E le afaina. Ua faia e le Alii ia mafai e i tatou taitoatasi, i o tatou lava ala, ona valaaulia isi e o mai e vaai ma o mai e fesoasoani. Ona faia lea e le Atua o Lana galuega laveai, ma o le a latou o mai ma nonofomau.

Sei ou fautuaina atu ni mea se lima e mafai e soo se tasi ona fai e auai ai i le poloaiga sili a le Faaola e fesoasoani e faapotopoto Isaraelu.

1. Faalatalata atu i le Atua. …

2. Faatumu lou loto i le alofa mo isi. …

3. Tauivi e savali i le ala o le avea ma soo. …

4. Faasoa atu mea o loo i lou loto. …

5. Talitonu i le Alii e faia ana vavega.

(Dieter F. Uchtdorf, “O le Faasoaina Atu o le Talalelei i Auala Masani ma Faalenatura,” ChurchofJesusChrist.org)

Ina ia aoao atili e uiga i nei fautuaga, faitau le tusiga puupuu a Elder Uchtdorf “O Le Faasoaina Atu o le Talalelei i Auala Masani ma Faalenatura” ChurchofJesusChrist.org.

Gaoioiga Faaopoopo e Aoao Ai

O le faaaogaina o le tekinolosi e maua ai tusitusiga ma vitio

E ono fesoasoani le fatuina o numera lilo QR po o URL ua faapuupuuina mo tusitusiga ma vitio o loo maua i le ChurchofJesusChrist.org. O nei numera lilo po o URL e mafai ona faaali faataamilo i le potu ina ia mafai ai e tagata aoga ona maua punaoa i luga o a latou masini taitasi.

O isi faataitaiga o le faatuatua

O nei faataitaiga o tagata e lei lagona le maasiasi e faailoa atu lo latou faatuatua i le Alii e mafai ona faaaogaina i le vaega o “Faataitaiga i tusitusiga paia ma i ona po nei” o le lesona.

2:3
5:38

  • Ricky McWhorter: “I Am Not Ashamed of the Gospel of Christ,” New Era, Iuni 1988, 34–35

  • O se uo a Elder Joni L. Koch o le Fitugafulu: “Aua Ou te le Ma i le Talalelei a Keriso,” Liahona, Ian. 2019, Itulau o le Lotoifale i Aferika Sautesasae, ChurchofJesusChrist.org

  • Elder Larry Echo Hawk o le Fitugafulu:, “O Mai ia te Au, Le Aiga e o Isaraelu, Ensign po o le Liahona, Nov. 2012, 32

10:32

O le amioleaga ma agasala e taatele i aso o Paulo ma i o tatou aso

I le Roma 1:18–32, sa lisi ai e Paulo le tele o agasala sa taatele i lona taimi ma i aso nei. E ui o le toatele o tagata e mafai ona taliaina nei amioga, talanoa pe aisea e taotaomia ai i tatou e nei mea mai le fiafia i le fuafuaga o le faaolataga a le Tama Faalelagi.

Ta’u i ai e mai le Roma 1:18–32, ua tatou aoao ai e faapea, ua aoao mai i tatou e perofeta ma aposetolo e uiga i amioga ma uiga e faatausuai ai i le Atua.

O le gagana e faaaoga e faamatala ai nei amioga atonu e faigata mo tagata aoga ona malamalama i ai. Faamalamalama atu o le fuaiupu 23 e faasino i le ifo i tupua, po o le tapuai i faatusa e faia e tagata soifua nai lo le tapuai i le Atua. O fuaiupu 28 e oo i le 32 o loo ta’ua ai isi agasala e faaleagaina ai a tatou mafutaga o le tasi ma le isi faapea ma le Atua, e pei o le lotoleaga, sauaga, le faamaoni, ma le faamaualuga.

Atonu e i ai ni fesili a tagata aoga e uiga i mau faasino i le tosina atu i le itupa tutusa i fuaiupu 26 ma le 27 . Mo nisi faamatalaga pe ina ia fesoasoani ai foi i tagata aoga ia malamalama i le tulaga o le Ekalesia i amioga o le tosina atu i le itupa e tasi, tagai i le 38.6.15 i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai (ChurchofJesusChrist.org).