A young man being baptized in a baptismal font in a church building in Madagascar.
Ang pagtugyan sa atong kaugalingon ngadto sa Dios dili sayon. Apan si Jesukristo misaad nga samtang bag-uhon nato, ang daang makasasala nga kinaiya, Siya maghatag kanato og bag-ong kinabuhi, nga magbag-o sa atong kinaiya aron mahimong mas sama Kaniya. Si Pablo nagtudlo nga pinaagi sa ordinansa sa pagbunyag, kita makadawat sa makapausab nga gahom sa Manluluwas nga motabang kanato nga “magkinabuhi sa bag-ong kinabuhi” ( Mga Taga-Roma 6:4). Kini nga leksiyon makatabang nimo nga magtinguha og pagbag-o pinaagi kang Jesukristo ug mas makaila sa dihang mahitabo ang maong mga pagbag-o.
Pagsabot sa lisod nga mga pulong ug mga hugpong sa mga pulong. Samtang nagtuon ang mga estudyante sa mga kasulatan, mahimong makasugat sila og mga pulong nga dili pamilyar o lisod masabtan. Tudloi ang mga estudyante nga ang mga diksyonaryo, mga manwal sa estudyante, mga footnote, ug ang mga tabang sa pagtuon sa kasulatan mahimong makatabang kanila nga makasabot sa mahagitong mga pulong ug ang unod sa mga kasulatan.
Pagpangandam sa estudyante: Dapita ang mga estudyante sa paghinumdom sa mga detalye mahitungod sa ilang bunyag ug tingali magdala og usa ka hulagway kon aduna sila niini. Ang pipila ka mga estudyante o ilang mga ginikanan lagmit nakasulat og entry sa journal niadtong ang mga estudyante gibunyagan. Mahimong makapaikag sa mga estudyante ang pagbasa niana nga entry sa journal o ang pakigsulti sa ilang mga ginikanan mahitungod sa mga detalye sa ilang bunyag, lakip na ang kadtong mga lagmit nalimtan sa mga estudyante.
Posible nga mga Kalihokan sa Pagkat-on
Ikonsiderar ang pagpaambit og mga detalye ug mga hulagway sa imong bunyag ug dapita ang mga estudyante nga mopaambit usab.
Unsa ang inyong nahinumdoman mahitungod sa inyong bunyag?
Giunsa nimo pagbag-o sa espirituhanon sukad sa imong pagbunyag?
Paggahin og gamay nga panahon sa pagpamalandong sa imong espirituhanong pag-uswag. Lagmit imong mapangutana ang imong kaugalingon og mga pangutana sama sa “Nag-uswag ba ang akong pagtuo ug relasyon sa Langitnong Amahan ug kang Jesukristo?” o “Sa unsang paagi nakaapekto ang akong nakat-onan mahitungod sa Manluluwas sa akong kinaiya ug mga buhat?” Sa imong pagtuon sa Mga Taga-Roma6 , pamalandong kon ikaw nahimo bang mas susama sa Manluluwas ug unsaon Niya pagtabang nimo aron makapadayon sa paglambo ug mas mahimong sama Kaniya.
Ang pagbunyag pinaagi sa pagpaunlod nagsimbolo og kamatayon ug pagkabanhaw
Ang pagkat-on unsaon pag-ila ug pagsabot sa mga simbolo sa mga kasulatan usa ka mahinungdanong kahanas. Si Pablo migamit sa simbolismo sa pagbunyag pinaagi sa pagpaunlod aron tabangan ang mga Santos sa Roma nga makasabot nga kinahanglan natong biyaan ang atong daan, makasasala nga kinabuhi aron nga si Jesukristo makabag-o kanato ug hatagan kita og bag-ong kinabuhi pinaagi sa Iyang Pag-ula.
Basaha ang Mga Taga-Roma 6:3–8 , nga mangita sa mga simbolo nga mas makatudlo kanimo mahitungod sa Manluluwas.
Sumala sa Mga Taga-Roma 6:3–8 , unsa ang girepresentar kanato sa pagkanaog, pagkalubong sa ilawom, ug paghaw-as gikan sa tubig sa bunyag?
Si Presidente Russell M. Nelson mitudlo:
Imahe
Official portrait of President Russell M. Nelson taken January 2018
Ang mahinungdanon nga mga ordinansa sa ebanghelyo nagsimbolo sa Pag-ula. Ang bunyag pinaagi sa pagpaunlod usa ka simbolo sa kamatayon, paglubong, ug Pagkabanhaw sa Manluluwas.
(Russell M. Nelson, “Ang Pag-ula sa Sala,” Ensign, Nob. 1996, 35)
Unsaon nimo pagpamubo sa Mga Taga-Roma 6:4 isip usa ka pamahayag sa kamatuoran?
Ang mosunod mao ang usa ka paagi sa pagpamubo sa Mga Taga-Roma 6:4 : Pinaagi ni Jesukristo, kita mausab ug “magkinabuhi og bag-ong kinabuhi.”
Unsa kaha ang gipasabot sa “magkinabuhi og bag-ong kinabuhi”? ( Mga Taga-Roma 6:4).
Kanus-a ka nakabati nga tungod sa Manluluwas ikaw nahimong naglakaw sa bag-ong sa kinabuhi?
Ngano kaha nga ang Langitnong Amahan ug si Jesukristo gusto nga kita maglakaw sa bag-ong kinabuhi?
Ikonsiderar ang pagpaambit og usa ka personal nga kasinatian sa mga estudyante. Mahimo usab nga makatabang ang pagpahinumdom sa mga estudyante nga dili ipaambit ang nangaging mga sala.
Sigon sa narekord sa mga bersikulo 5–6 , si Pablo nagtudlo nga pinaagi sa pakigsaad ug ordinansa sa bunyag, “ang atong karaan nga tawo” o “makasasala nga lawas” “gilansang sa krus uban kang [Jesukristo]” ug “gilaglag, aron sukad karon dili na kita maulipon sa sala.”
Tan-awa ang “Dugang nga mga Kalihokan sa Pagkat-on” nga bahin niini nga leksiyon alang sa usa ka posibleng ideya sa pagtudlo mahitungod sa pagdawat sa gahom gikan sa Dios pinaagi sa paghimo ug pagtuman sa mga pakigsaad. Tan-awa kon makaayo ba kini nga buhaton kauban ang mga estudyante.
Paggahin og gamay nga panahon sa pagpamalandong sa mga sala o mga kahuyang nga imong gipaningkamotang mawala gikan sa imong kinabuhi. Imo ning hinumdoman unya dinhi niini nga leksiyon.
Unsa nga mga kabag-ohan ang akong mahimo?
Unsang klaseha sa mga kabag-ohan ang sa imong hunahuna sayon himoon? Unsa ang kadtong mga lisod?
Si Pablo migamit sa panig-ingnan sa Manluluwas sa pagbuntog sa kamatayon ug sala aron sa pagtudlo nga kita usab makabuntog sa atong mga sala pinaagi Kaniya.Basaha ang Mga Taga-Roma 6:9–14 , pangitaa kon giunsa ni Pablo pagkonektar ang kamatayon ug Pagkabanhaw ni Kristo ngadto sa unsaon nato pagbuntog sa sala.
Ang mga sinulat ni Pablo mahimong lisod sabton, ilabi na kon daghang mga bersikulo ang sunod-sunod nga gibasa nga walay paghunong aron sa pagsabot sa iyang mensahe. Kon adunay igong mga estudyante, mahimong i-assign ang matag bersikulo ngadto sa duha o tulo ka mga estudyante aron basahon, hisgotan, ug i-summarize sa ilang kaugalingong mga pulong. Dasiga sila nga mogamit sa mga tabang sa pagtuon sa kasulatan o pangitaon ang mga kahulogan sa bisan unsang malisod nga mga pulong o mga hugpong sa mga pulong. Dayon ipatudlo sa matag grupo ang ilang bersikulo ngadto sa klase. Ang mosunod nga mga pangutana lagmit makatabang sa pipila ka mga bersikulo.
Sama nga si Jesukristo “[namatay] nga nagwagtang sa sala makausa” ( bersikulo10), kita gibunyagan sa makausa lamang alang sa kapasayloan sa atong mga sala. Bisan pa niini, matag semana makabag-o kita sa atong pasalig nga “magkinabuhi og bag-ong kinabuhi” ( bersikulo4) pinaagi sa pag-ambit sa sakramento. Giunsa niining sinemanang ordinansa pagtabang kanimo nga mapakita ang imong gugma alang sa Langitnong Amahan ug kang Jesukristo?
Unsa sa imong hunahuna ang gipasabot ni Pablo sa “[isipa usab ang] inyong kaugalingon nga mga patay na ngadto sa sala, apan diha kang [Jesukristo] mga buhi kamo”? ( bersikulo11).
Nganong lagmit ang usa ka batan-ong tawo mipili nga mosunod sa tambag ni Pablo nga natala sa bersikulo12 ? Unsa nga mga panalangin ang moabot gikan sa pagkinabuhi niini nga paagi?
Ang pulong nga mga bahin sa bersikulo13 nagpasabot sa atong mga parte sa lawas. Unsaon nimo paggamit ang imong mga kamot, tiil, ulo, ug kasingkasing “[isip] galamiton sa pagkamatarong ngadto [sa Dios]”? ( bersikulo13).
Sa unsang paagi nga ang pagsunod sa mga pagtulun-an nga natala sa mga bersikulo 11–13 makahimo sa saad nga gihatag sa bersikulo14 nga makab-ot?
Hatagi ang mga estudyante og pipila ka oras aron mamalandong sa hilom unsa nga mga sala ang gusto nilang biyaan. Tungod sa kasensitibo niini nga pagpamalandong, ang mga estudyante kinahanglang dili hangyoon nga maghisgot sa ilang hunahuna sa klase.
Giunsa ni Pablo paghulagway ang mga panalangin sa pagpakabuhi sa bag-ong kinabuhi?
Diha sa imong pagpaningkamot aron mabuntog ang sala pinaagi ni Kristo, unsa sa imong hunahuna ang panagway og pamati sa magkinabuhi sa bag-ong kinabuhi diha ni Jesukristo?
Unsa ang imong mabuhat aron magkinabuhi sa bag-ong kinabuhi sugod karong adlawa?
Pagpamatuod sa tinguha ug gahom sa Manluluwas nga makapausab sa atong mga kasingkasing samtang kita naningkamot nga magkinabuhi sa bag-ong kinabuhi.
Komentaryo ug Background nga Impormasyon
Unsa ang pipila sa mga paagi nga ako mabag-o?
Si Sister Becky Craven, Ikaduhang Magtatambag sa Kinatibuk-ang Kapangulohan sa Young Women, nagtudlo:
Imahe
Sister Rebecca L. Craven, second counselor, Young Women general presidency. Official Portrait as of October 2018.
Agig balos sa Iyang bililhon nga bayad alang sa matag usa kanato, ang Ginoo nangayo kanato og kausaban sa kasingkasing. Ang kausaban nga Iyang gihangyo kanato dili alang sa Iyang kaayohan apan alang kanato. …
Human madungog ang mga pulong nga gipamulong ni Hari Benjamin, ang iyang mga katawhan misinggit, nagpahayag nga ang ilang mga kasingkasing nausab nag-ingon, “Tungod kay ang Espiritu sa Ginoong Makagagahom, nga nakahimo og dako nga kausaban dinhi kanamo, … kami wala nay hilig sa pagbuhat og dautan, apan sa pagbuhat og maayo sa kanunay” [Mosiah 5:2]. Ang mga kasulatan wala mag-ingon nga sila diha dayon nahimo nga hingpit, hinoon, ang ilang tinguha sa pag-usab mipugos kanila sa paglihok. Ang ilang kausaban sa kasingkasing nagpasabot sa pagsalikway sa kinaiyanhon nga pagkalalaki o pagkababaye ug motahan ngadto sa Espiritu samtang naningkamot nga mahimong mas mahisama ni Jesukristo.
Kon adunay usa ka bag-ong nakabig sa inyong klase, ward, o branch, dapita sila nga mopaambit sa klase sa ilang kasinatian sa pagkakabig ug mga hunahuna mahitungod sa ilang bunyag. Seguroha nga makakuha og pagtugot gikan sa lokal nga lider sa pagkapari ug sa area o sa rehiyon nga direktor o koordinitor sa dili pa itunol ang maong imbitasyon.
Mahimo ba akong magpakasala karon, maghinulsol lang unya sa sunod?
Si Pablo mitudlo nga, “sanglit nakasala man ang tanan, ug nakabsan sa himaya sa Dios” ( Mga Taga-Roma 3:23). Siya usab nagpamatuod nga tungod sa Pag-ula ni Jesukristo, “diin gani midagsang ang pagpakasala, ang grasya milabi pa hinoon usab pagdagaya” ( Mga Taga-Roma 5:20). Siya dayon sa mahinuklugong [rhetorically] nangutana, “Magpadayon ba kita sa pagpakasala, aron ang grasya modagaya?” ( Mga Taga-Roma 6:1). Si Pablo mitubag sa iyang kaugalingong pangutana sama sa natala sa Mga Taga-Roma 6:2 .
Dapita ang mga estudyante sa paghisgot diha sa ginagmayng mga grupo sa problema sa pagpadayon sa pagpakasala samtang nagplano nga maghinulsol sa ulahi. Isip kabahin niini nga panaghisgot, sila mahimong motubag sa pipila o tanang mosunod nga mga pangutana:
Unsa ang mahimo sa pagpadayon sa pagpakasala ngadto sa relasyon sa usa ka tawo sa Langitnong Amahan ug kang Jesukristo?
Unsa ang pipila sa mga paagi nga ang usa ka batan-on lagmit mosulay pag-justify sa pagpakasala karon samtang nagplano nga maghinulsol sa ulahi?
Unsa ang mga peligro sa pagpakasala karon, sa pagkahibalo nga ikaw nagplano nga maghinulsol sa ulahi?
Sa unsang paagi nga ang insaktong pagsabot sa plano sa kaluwasan o sa atong diosnong kinaiya ug tumong makatabang kanato sa pagbuntog sa tintasyon sa tinuyo nga pagpakasala karon og dayon unya maghinulsol?
Sa unsang paagi nga ang paghimo ug pagtuman sa mga pakigsaad sa Dios nakatabang kanako nga makadawat sa “bag-ong kinabuhi”?
Ang mga pagtulun-an ni Hari Benjamin sa Basahon ni Mormon naghulagway og mga paagi nga kita makaila sa “bag-ong kinabuhi” nga gitudlo ni Pablo diha sa Mga Taga-Roma 6:4 . Human si Hari Benjamin nagtudlo sa iyang katawhan mahitungod sa pagtubos gikan sa sala ug kamatayon pinaagi ni Jesukristo, siya nangutana kon sila mituo ba sa iyang mga pulong.
Dapita ang mga estudyante sa pagbasa sa Mosiah 5:2, 5–8 , pangitaa ang tubag sa mga tawo ug kon unsa ang gitudlo ni Hari Benjamin kanila mahitungod sa mga panalangin nga atong nadawat gikan sa Dios pinaagi sa paghimo ug pagtuman sa atong mga pakigsaad.
Unsa ang epekto sa hugot nga pagtuo sa mga tawo sa makatubos nga sakripisyo ni Kristo ngadto kanila?
Unsa ang gitudlo ni Hari Benjamin mahitungod sa giunsa sa mga pakigsaad pagtabang kanato aron makadawat sa “bag-ong kinabuhi”? ( Mga Taga-Roma 6:4).
Si Jesukristo makahatag kanato og bag-ong kinabuhi ug makaluwas kanato gikan sa sala
