Tala o Tusitusiga Paia

Ae Tatou te Le‘i O Mai i le Lalolagi

E mafai ona e faitau i lenei tala atoa i le Aperaamo 3:22–27. Saili se itulau valivali i le itulau 48.

Ae tatou te le‘i fananau mai, sa tatou ola i se aiga faatasi ma lo tatou Tama Faalelagi. Sa Ia aoaoina i tatou e uiga i Lana fuafuaga o le fiafia.

Na fetalai mai le Tama Faalelagi o le a tatou o mai i le lalolagi ia maua ni tino. O le a tatou aoao ma faia filifiliga. O nisi taimi tatou te faia ai ni mea sese. O le a tatou manaomia se Faaola.

O le a faaali mai e le Faaola ia i tatou le ala e ola ai. Ma a tatou faia se filifiliga sese, o le a mafai ona tatou salamo.

Sa faapea mai Iesu, “O a‘u lenei, auina atu a‘u.” Na filifilia o Ia e le Tama Faalelagi e avea ma o tatou Faaola. Na folafola mai e Iesu o le a afio mai i le lalolagi e laveai i tatou.

E mafai ona ou mulimuli ia Iesu. E i ai se aso e mafai ai ona ou toe foi atu ma nonofo faatasi ma le Tama Faalelagi.

Ata na tusia e Apryl Stott