“Na Faalagolago Iosefa i le Atua,” Tala o le Feagaiga Tuai mo Tamaiti Faitau, 2018

“Na Faalagolago Iosefa i le Atua”

Tala o le Feagaiga Tuai mo Tamaiti Faitau

Na Faalagolago Iosefa i le Atua

saunia e Kim Webb Reid

Ata na tusia e Apryl Stott

Ata

O Iosefa ma lona tama

E toa 11 uso o Iosefa. Na tuuina atu e lona tama ia te ia se ofutalaloa manaia, felanulanuai. Sa ta’u atu e le Atua ia Iosefa o le a ia taita’ia ona uso.

Ata

Faatauina atu e uso o Iosefa o ia

Sa feitai uso matutua o Iosefa. Sa latou le mananao e avea Iosefa ma o latou taitai. Sa latou faatauina atu o ia i tagata na o atu i Aikupito, ma sa avea ai o ia ma pologa.

Ata

Iosefa i le falepuipui

Sa galue malosi Iosefa. Sa ia faia filifiliga lelei, tusa lava pe na talapepelo tagata e uiga ia te ia ma tuu ai o ia i le falepuipui.

Ata

Iosefa ma farao

E oo lava foi i taimi faigata, sa faatuatuaina lava e Iosefa le Atua. Ma na faatasi le Atua ma Iosefa. Na oo ina avea Iosefa o se taitai i Aikupito! Ina ua oo ina matua o ia, sa ia fesoasoani e taitai lona aiga, e faapei lava ona fetalai atu ai le Atua o le a ia faia.

Ata

tamaiti o loo uuina se faamalu

E mafai ona ou faatuatuaina le Atua e faapei ona sa faia e Iosefa. E mafai ona ou filifilia le mea sa’o. O le a faatasi le Atua ma a’u tusa lava po o le a.

Maimoa i Tala o le Feagaiga Tuai i le lds.org/children/scripture-stories.